Kemaleddin yeni 60-90. indd
Sədərəyin Seyidlər ocağı
Yüklə 6,85 Mb. Pdf görüntüsü
|
- Bu səhifədəki naviqasiya:
- Sədərəyin Seyidlər ocağı
- Hacı Mirfazil
- “Din möminlər üçün alınmaz qala, möhkəm zireh, hifzedici bir sipərdir. Hər vaxt bağlı qapını çox döysən
- “Ən fəzilətli ibadət duadır. Yer üzündə Allah üçün təqdim olunan ən sevimli əməl duadır. Dua xoşagəlməz hadisələri, bəlanı
- “Biz onun duasını qəbul etdik və onu qəmdən qurtardıq. Biz imam əhlinə
- “İzzət istəyirsənsə onu Allaha ibadətdə axtar”.
- Sədərəyin Seyidlər ocağı 29 . Hacı Mirfazil
Sədərəyin Seyidlər ocağı 25 Evə çatanda Mirbağır ağa qardaşı Mir- kazım ağanı soruşur. Anası: “Ay oğul, ağa oğlu Mirbaba ilə məscidə, namaz qılmağa getdi” – deyir. Mirbağır ağa da öz ətrafı ilə məscidə gedir və Mirkazım ağanın məscidin həyətində uca bir yerə çıxıb, əllərini göyə açaraq dua etdiyini görür. Mirkazım ağa: “Camaat, siz şahid olun ki, Allahın hüzurunda mən özümü və bax bu oğlumu bu kəndin camaatına qurban deyirəm. Qoy Allah-təala bizim duamızı qəbul etsin və kənddən bu bəlanı uzaq eləsin” – deyib, oğlu ilə məscidin içərisinə daxil olurlar. İki rükət hacət namazı qılırlar... Bir azdan Mirbağır ağa və məscidin həyətindəki adamlar məscidə daxil olurlar. Ata və oğulun elə bir yerdə, səcdədə öz dünyalarını dəyişdiklərini, haqqın dərgahına qovuşduqlarını görürlər. Mirbağır ağa o ağsaqqalın duasını xatırlayır... Mirkazım ağanın və övladının uğruna qurban getdikləri bəla kənddə neçə günlərdi insan ölümlərinə yol açan vəba xəstəliyi idi. Demək olar ki, hər gün 15-20 adam bu xəstəlikdən dünyasını dəyişirmiş. Kəndin 3 qəbiristanlığında mollalar ölüləri dəfn-kəfn edib çatdıra bilmirmişlər. Ölü sahibləri də ölüləri özləri yuyub qəbiristanlığa gətirirmişlər. Demək olar mollalar qəbiristanlıqdan evə gələ bilmirmişlər. Mirkazım ağanın və övladının ölümüylə Hacı Mirfazil 26 kənddə bu xəstəliyə son qoyulur və bu xəstə- likdən ölən olmur. Camaat yığılıb Mirkazım ağanı və oğlu Mirbabanı elə məscidin hə- yətindəcə dəfn edirlər. O gündən ta bügünəcən Sədərək məscidinin həyətində dəfn olunmuş ağaların qəbirləri əsl ziyarət yerinə çevrilib. El-oba yolunda, camaat uğrunda özlərini qurban verən bu övliyaların kəndin Qurbanlı məscidində qəbirləri üzərində o müqəddəs seyid ocağının layiqli varisləri – xüsusən də onların kötücəsi sayılan Mircalal ağanın oğlu Hacı Fazil tərəfindən möhtəşəm bir abidə – kompleks ucalıb, öz möhtəşəmliyi ilə göz oxşayır. Böyük tarixi bir abidəyə çevrilib. İmam Əli (ə.s.) buyurur: “Din möminlər üçün alınmaz qala, möhkəm zireh, hifzedici bir sipərdir. Hər vaxt bağlı qapını çox döysən, onu yəqin bil ki, axır bir gün qapı sənin üzünə açılacaq” (Üsuli Kafi, 2-ci cild, səh-214). Necə ki, Peyğəmbəri Əkrəm belə bu- yurmuşdur: “Ən fəzilətli ibadət duadır. Yer üzündə Allah üçün təqdim olunan ən sevimli əməl duadır. Dua xoşagəlməz hadisələri, bəlanı dəf edir, hər bir dərdin dərmanıdır”. Belə bir bəlalı gündə Mirkazım ağanın duası da məhz Peyğəmbər əfəndimizin vurğuladığı dualardan idi. Ağanın ən yad- daqalan, unudulmayan, sevə-sevə xatırlanan bu kəraməti doğrudan da heyrət doğuracaq Sədərəyin Seyidlər ocağı 27 bir kəramət idi. Əsrlər keçəcək, Qurbanlı məs- cidindəki qəbirlər, o qəbirlərdə uyuyan öv li- yaların xatirəsi o möhtəşəm abidə insanların qürur yeri, iftixar yeri, iman yeri kimi yaşayacaq. Sədərək Seyidlər ocağının müqəddəsliyini əsrlərdən əsrlərə ötürəcək bu hadisə, bu abidə. İlahi, sən pak və müəzzəmsən. Heç nəyi batil yerə xəlq etməmisən. Mirkazım ağanın və onun övladının bu kəraməti bizim el məclislərimizdə tez-tez xatırlanır. Bir yas məscidində idim. Balaca qardaşım Miryaqub da mənim yanımda oturmuşdu. Məclisin aparıcısı Molla Hacı Xəlil bu möhtəşəm tarixi hadisəni bir daha xatırlatdı. Bizim yaxınlığımızda əyləşən həmkəndlimiz Hacı İslam dedi ki, mənim babam İsmayıl kişi 123 il yaşayıb. Ona kənddə Şatırlının İsmayılı deyirdilər. Babam atam Cəbrayıla o taun xəs- təliyi haqqında danışarmış. Çünki İsmayıl babam bu hadisənin canlı şahidi olmuşdu. Kənd camaatının qəbir qazıb çatdıra bilmədiklərini, cənazəni aparmağa adam çatmadığını xa- tırlayırmış babam İsmayıl. Bu övliyaların doğrudan Allahın əsl dostları olduqlarını vurğulayırmış. Sədərəkdəki Seyidlər ocağının elə buna görə çox müqəddəs bir ocaq olduğu barədə danışarmış Şatırlı İsmayıl. Allah-təala öz müqəddəs kitabı Qurani- Kərimdə belə buyurur: “Biz onun duasını qəbul etdik və onu qəmdən qurtardıq. Biz imam əhlinə Hacı Mirfazil 28 belə nicat verərik”. (Ənbiya surəsi, 88-ci ayə) Bəli, doğrudan da Kərbəlayı Mirkazım ağanın duası o gün Sədərək camaatını böyük bir bəladan qurtardı. O, öz imanı, əqidəsi ilə bir daha sübut etdi ki, o, əsl bir övliya idi. Həzrət Əli (ə.s.) belə buyurur: “İzzət istəyirsənsə onu Allaha ibadətdə axtar”. Mirbabanın iki oğlu olub – Yasin və İzzət ağalar. Yasin Böyük Vətən müharibəsi illərində müharibəyə getmiş və geri qayıtmamışdır. Sədərəyin Seyidlər ocağı 29 . Hacı Mirfazil 30 * * * K K ərbəlayi Mirbaba ağanın böyük oğlu İz zət ağa 1895-ci ildə Sədərəkdə, Se- yid lər ocağında dünyaya gəlib. İzzət ağanın do ğulması babası Mirkazım ağanı və bütün ailəni, qohumları çox sevdirmişdir. Elə onun adını da babası Mirkazım ağa qoymuşdur. İzzət bu gözəl ocaqda, bu mömin ailədə böyüyür. Atasından, babasından ədəb-ərkan, gözəl tərbiyə alır. Dinin incəliklərini öyrənir. İzzət ağa elə yeniyetmə yaşlarından namaz qılmağa başlayır. Oruc tutur, məscidə gedir. Onun həyatı çox keşməkeşli keçib. Ən çətin vaxtları isə Sədərək kəndində baş verən taun xəstəliyi dövrlərində olub. O vaxt İzzət ağanın altı yaşı var imiş. Bu xəstəlik, müsibət, bu bəla bir çox insanların həyatını, qaraltdığı kimi İzzət ağanın da həyatında ağır və kədərli iz buraxmış, ağa hələ uşaq ikən öz əzizlərini – atasını və sevimli babasını itirmişdir. Bu itkilər onunçün nə qədər ağır olsa da, bir kamil insan kimi yetişməsində də az rol oynamamışdır. Ağa böyüdükcə olub- keçənləri, o tarixi hadisələri daha dərindən dərk edir, atası Mirbaba, babası Mirkazım ağayla qürur duyurdu, fəxr edirdi. Çünki onlar bu el-oba, bu insanlar uğrunda öz şirin canlarını fəda etmişdilər, qurban vermişdilər. Yüklə 6,85 Mb. Dostları ilə paylaş:
|