Sədərəyin Seyidlər ocağı
31
Qürur duyurdu, fəxr edirdi ona görə ki, bu cür
övliyaların övladıdır və damarlarında məhz bu
müqəddəs insanların qanı axır. İzzət ağa yaxşı
bilirdi ki, onun atası və babası Allahın həqiqi,
pak varlığına ibadət ediblər və elə buna görə də
onların duaları müstəcəb olub – şəhid olublar.
Necə ki, İmam Hüseyn (ə.s.) həqiqi ibadət barədə
belə buyurur: “Həqiqətən də dünyada bir dəstə
camaat behiştə getmək üçün behişt eşqinə Allah-
təalaya ibadət edirlər. Belə ibadət tacirlərin
ibadətidir. Bir dəstə camaat var ki, cəhənnəm
əzabının qorxusundan Allah-təalaya ibadət
edirlər. Belə ibadətlər də nökərlərin ibadətidir.
Bir dəstə camaat da vardır ki, Allah-təalanın ona
verdiyi saysız-hesabsız nemətlərin qarşısında
şükr etmək üçün və bir də Allahın həqiqi varlığına
görə ibadət edərlər. Bu ibadət azad və mərifətli
insanların ibadətidir. İbadətlərin bəyənilmişi,
gözəli belə ibadətdir”.
Bəli, İzzət ağa ona görə fəxr edirdi, qürur
duyurdu ki, onun atası Mirbaba və babası
Mirkazım ağa məhz cəddimiz İmam Hüseyn
(ə.s.) buyurduğu, işarə etdiyi azad, mərifətli
insanlardan olublar ki, həqq-təala onların
duasını qəbul edib, doğulduqları kəndi, onların
adamlarını böyük bəladan xilas edib. Neçə-
neçə körpələrin, cavanların, qarıların, qocaların
ölümünün qarşısını alıb.
Bu gün o amansız taun xəstəliyinin cay-
Hacı Mirfazil
32
naq larından qurtaran insanlardan doğub-
törəyən, dünyaya gələn Sədərək camaatının o
müqəddəs seyidlərə bir minnətdarlıq, şükranlıq
borcları var. Bu borc o müqəddəslərin ruhuna
böyük ehtirama, sayğıya, sevgiyə, məhəbbətə
dönüb bütün sədərəklilərin arasında. Bütün
sədərəklilər o müqəddəsləri, övliyaları bu
gün də dərin ehtiramla xatırlamaqda, yada
salmaqda və sevib-sevələməkdədirlər.
Peyğəmbər əfən dimiz (ə.s.v.) necə də gö-
zəl buyurub: “Bütün yaxşılıqlardan üstün
bir yaxşılıq vardır. İnsan Allah yolunda
öldürüldükdə, daha bundan da üstün yaxşılıq
yoxdur”.
İzzət ağa da öz ulu babaları kimi çox
mömin, dindar, həm də kəramətli seyidlərdən
olub. Onun bir çox kəramətli əhvalatları var.
Qərbi Azərbaycanın Masis rayonunun
Zəh mətli kənd sakini Cəfər kişi bir gün çox
ağır surətdə xəstələnir. Yeri gəlmişkən, el
arasında ona Qoluyox Cəfər deyirmişlər.
Övladları Cəfər kişini o həkim qalmır
ki, aparmasınlar. Heç yerdən lazımi nəticə
almadıqlarından kişini məcburən evə gətirirlər
ki, öz evində rahatca ölsün barı.
Sonralar Cəfər kişi özü danışırmış ki, ha-
lım günü-gündən pisləşirdi. Özümü getdikcə
pis hiss edirdim. Artıq bütün ümidlərim
kəsilmişdi...
Sədərəyin Seyidlər ocağı
33
Bu gün necə oldu heç özüm də bilmə dim.
Bilmədim ki, yuxuda idim, yoxsa ayıq idim,
ancaq onu dəqiq bilirəm ki, mənə deyirlər:
“Cəfər, sən cümə günü ayaga qalx və get İrəvana,
orada Qara bazarın arxasında dayanacaqda
gözlə. Avtobusdan bir kişi düşəcək. Onun əlində
bir bağlama olacaq. Sən ona heç nə demə. Onun
ardınca get. O, Mustafa adlı bir kişinin evinə
girəcək, sən də onun ardınca o evə girərsən.
Həmin kişi özü ilə gətirdiyi bağlamanı açacaq.
O, bağlamadan çörək, üzüm və ət qovurması
çıxaracaq. Sən o ağadan icazə al. Əgər icazə
versə o yeməkdən yeyərsən. Elə sənin şəfaətin
o yeməkdədir”. Cəfər kişi ona deyilənləri edir.
O, cümə günü gedib həmin yerdə gözləyir.
Bir də görür ki, avtobusdan bir kişi düşdü,
başında börk, əlində bağlama. O, yəqin bilir ki,
ona deyilən adamdı və onun arxasınca düşür.
Görür ki, o, Mustafagilə gəlir. İcazə alıb içəri
keçir. Görür ki, İzzət ağa bağlamanı açdı və ona
deyilən nemətləri süfrəyə düzdü. Bunu görən
Cəfər kişiyə lap yəqin olur ki, elə mənə deyilən
adam bu imiş. O, İzzət ağadan icazə alır. Ağa da
öz növbəsində ona deyir ki: “Cəfər kişi, bu halal
tikədən ye. Bu sənin qismətindir”. Cəfər kişi çox
təəccüblənir. Axı onu İzzət ağa hardan tanıyırdı?
Bu sual onun fikrini qarışdırır. Bunu görən
İzzət ağa ona deyir ki: “Mənə yuxuda sənin kim
olduğunu deyiblər. Elə ona görə də gəlmişəm.
Hacı Mirfazil
34
Sən əməli-saleh müsəlmansan ki, bu Allahın
lütfü sənə qismət olub. Sənə bizim ocağımızın
kəraməti ilə şəfa verilib”. Bu hadisədən sonra
Cəfər kişi sağalır və hər vaxt Sədərəyə gəlib
İzzət ağanı və onun ocağını ziyarət edərmiş.
Hətta o, öz nəvələrindən birini İzzət ağanın
qucağına qoyub kirvəlik ediblər.
İzzət ağa həqiqi bir mömin kimi yaxşı
bilirdi ki, insanı ibadətdə güclü edən onun
könlündəki ilahi eşqdir. Əgər bir insan Allaha
doğrudan da ibadət etmək arzusunda olsa
və bu yolda müqavimət göstərsə şübhəsiz ki,
müvəffəq olar. Ən əsası odur ki, insan bunu
qəlbən istəsin və bu yolda bütün zəhmətlərə
qatlaşsın. Bu yolda çəkilən zəhmətlər, gözəl və
saleh əməllər nəticəsində, Allaha yaxınlaşaraq
tədricən aradakı hicabları qaldırmaq olar. Və
qaranlıq hicablar götürülər və onun əvəzində
insanın nuraniyyəti artar. Bütün bunların
təməli isə ilahi eşqdir. Əziz Peyğəmbərimiz
(s.ə.v) bu haqda belə buyurub: “İmanın ən
yaxşısı, fəzilətlisi, qiymətlisi odur ki, şəxs
harda olursa olsun, yəqin bilsin ki, Allah-təala
onunladır”.
İzzət ağa yəqin bilirdi ki, insanın Allaha
olan imanını, eşqini, məhəbbətini artırmaq
üçün onun verdiyi sonsuz nemətləri barədə
düşünməlidir. Maddi nemətlərlə yanaşı,
mənəvi nemətləri də xatırlamalıdır. Mərifətli
insanlar üçün mənəvi nemətlər maddi ne-
Dostları ilə paylaş: |