15
QANAXMANIN DAYANMASI VƏ DAVAM ETMƏSİNDƏN
ASILI OLARAQ APARILAN
ÜMUMİ DİAQNOSTİK-MÜALİCƏ TƏDBİRLƏRİ
A. Qanaxma dayanıb.
Diaqnoz endoskopik olaraq müəyyən olunub:
►
Əgər qanaxma mədə və ya 12bb-da müəyyən edilibsə, bu zaman
Forrest təsnifatı ilə hemostaz dəyərləndirilir. FEQDS-də
müalicəvi endoskopiyadan istifadə etmək lazımdır (A). Bunun
üçün hemostaz endoskopik sklerozlaşdırma ilə aparılır.
Sklerozlaşdırma adrenalin (1:10 000), 98% etanol-novokain
qarışığı, NaCl-un hipertonik məhlulu, 1-2% etoksisklerolla
aparıla bilər (A). FQDS zamanı hemostatik, antasid, yaxud
proton pompa inhibitorları
təyin olunmaqla mədə
möhtəviyyatının Ph-nı 5,0 səviyyəsində saxlamaq lazımdır (C).
►
Mədənin stress xoraları və ya eroziv-hemorragik qastrit zamanı
böyük dozada antasid dərman preparatları təyin edilməklə yanaşı,
hemostatik və etiologiyaya qarşı (sepsis, yanıq, xora, travma
şoku) müalicə aparılır, selikli qişanı qıcıqlandıran preparatlar
təyinatdan çıxarılır (A).
►
Əgər dayanmış qanaxmanın səbəbi portal hipertenziya, qida
borusunun varikoz genişlənmiş venalarıdırsa, onda varikoz
venalar endoskopik olaraq lateks həlqələrlə bağlanır və ya xəstə
planlı olaraq porto-kaval şuntlama və ya qaraciyər
transplantasiyasına, mümkün olmadıqda isə Patsiora əməliyyatına
hazırlanır (A).
B. Qanaxma dayanıb.
Endoskopiya zamanı qanaxma mənbəyi dəqiqləşdirilməyib:
►
DQK bərpa olunur. Nazoqastral zond mədədə saxlanılır və xəstə
dinamik müşahidəyə götürülür (qanaxma təkrarlana bilər) (C)
►
Qanaxma mənbəyini dəqiqləşdirmək üçün nişanlanmış
eritrositlərlə radioizotop müayinəsi və selektiv angioqrafiya
yerinə yetirilir
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
16
►
Bu manipulyasiya ağır pankreatit və ya qarının travması zamanı
(hemobiliya) mütləq yerinə yetirilməlidir (A)
►
Aorto-femoral şuntlama və ya digər damarların protezləşməsi
əməliyyatı keçirmiş xəstələrdə transplantat və nazik bağırsaq
arasında yarana bilən fistuladan qanaxmaları inkar etmək üçün
laporatomiya məsləhətdir (A)
►
Residiv qanaxma zamanı təkrar endoskopik müayinə və
hemostaz yerinə yetirilir (B)
►
Nazoqastral zond vasitəsi ilə mədə möhtəviyyatı aspirasiya
olunur və bu, vaxtında təkrar qanaxma diaqnozunun qoyulmasına
imkan verir. Vaxtaşırı mədə möhtəviyyatının Ph-ı təyin edilir.
Zonddan mədəyə Ph-ı 5,0-6,0 səviyyəsində saxlamaq üçün
antasidlər, venadaxili H2-blokator (zantak və ya kvamatel 20-40
mq), proton pompa inhibitoru (pantoprazol 30 mq və ya 40 mq)
təyin olunur (C)
►
Qanitirmə bərpa olunduqdan sonra, hemotransfuziya dayandırılır,
lakin infuzion terapiya davam etdirilir. A/T və nəbzin dəyişməsi
(hipotoniya və taxikardiya), aspirasiya olunmuş mədə
möhtəviyyatında qanın olması, bağırsaq peristaltikasının artması
(auskultativ), melena və Ht, Hb-nin aşağı düşməsi – qanaxmanın
residivinə dəlalət edə bilər (B)
►
Qanaxmanın dayanmasına tam əminlik olduqda nazoqastral zond
çıxarılır, antasid dərmanlarla müalicə davam etdirilir. Yataq
rejimi saxlanır. Xəstə azı 72 saat qida qəbul etməməlidir,
sonradan xüsusi pəhriz (Meylenqraxt pəhrizi) təyin olunur (C).
Diaqnozdan asılı olaraq xəstə planlı surətdə əməliyyat oluna
bilər.
C. Qanaxma davam edir.
Əgər endoskopik olaraq qanaxma mənbəyi dəqiqləşibsə,
qanaxma endoskopik diatermokoaqulyasiyanın (mono və ya
bipolyar) endoskopik skleroterapiya ilə kombinasiyası vasitəsilə
dayandırılır (A).
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
17
Qida borusunun varikoz genəlmiş venalarından qanaxma
Bu qanaxmalarda əsas tədbir qanaxmanın endoskopik yolla
dayandırılmasıdır. Endoskopik hemostaz ilk seçimdir (A). Bu mümkün
olmadıqda skleroterapiya edilir. Mədə varikozu da varsa, qida borusu
varikozlarına endoskopik müdaxilə əks-göstəriş sayılır (D).
İlkin tədbirlər və endoskopik müdaxilə nəticəsində iki vəziyyət
yarana bilər:
1-ci vəziyyət: Qanaxma dayanır.
1)
İlkin tədbirlər xəstə stabilləşənə qədər davam etdirilir;
2)
Vikasol vurulur və plazma köçürülür;
3)
Trombositopeniyalarda (<50 x 10q/l ) trombosit kütləsi
köçürülür;
4)
Xroniki Qc xəstəliyi olanlarda əlavə olaraq ensefolopatiyanın
profilaktikası üçün laktulozadan istifadə edilir.
B vit. kompleksi verilir
Antioksidant preparatlarından istifadə olunur
Assitik maye punksiya ilə xaric edilir (ehtiyac olduqda)
Na
+
tərkibli infuziyaları azaltmaqla daha çox kolloid
məhlulların yeridilməsinə üstünlük verilir
Qanaxmanın profilaktikası üçün portal hiprtenziyanın
səbəbinə və Qc-nin vəziyyətinə görə uyğun müalicə aparılır
5)
Qaraciyər sirrozu ilə xəstə transplantasiyaya göndərilir (A).
Texniki imkan yoxdursa, portal təzyiqi azaltmaq üçün
konservativ və ya cərrahi müdaxilə üsullarından biri seçilir.
β-blokator (propranalol 20-40 mq/gün) bütün xəstələrdə
verilir (B)
Endoskopik nəzarət və təkrari hemostaz aparılır
Distal spleno-renal şunt (Child təsnifatına uyğun A və B
qrupları) qoyulur (B)
6)
Anadangəlmə hepatik fibrozda distal spleno-renal anastomozun
qoyulması əməliyyatı aparılır (A);
7)
Baddi-Kiari sindromunda sirroz varsa, qaraciyər
transplantasiyasına göndərilir, sirroz yoxdursa, endoskopik
müalicələr və ya porto-kaval anastomozun qoyulması əməliyyatı
seçilir (A).
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
50>
Dostları ilə paylaş: |