Kimlər xatırlanar görəsən?
Yüklə 0,63 Mb. Pdf görüntüsü
|
17 Zabit müəllim mənən, ruhən çox gözü tox, sözün həqiqi mənasında ağayana bir adam idi.Onun münasibətində, insanlara diqqət və qayğısında hər şey qarşı tərəfi təmin edən bir səviyyədə idi. “Yaşamaq – sadəcə nəfəs almaq deyil, həyatın nəfəsini duymaqdır” fikri yüzdə yüz Zabit müəllim kimi adamlara şamildir. Buludxan Əziz oğlu Xəlilov filologiya elmləri doktoru, professor Zabit müəllim vicdanlı, namuslu, sözü bütöv kişilərdən idi. Çətin məqamlarda təmkinli, qürurlu olmağı bacarırdı. Onda alimliklə müəllimlik qovuşuq vəziyyətdə idi. Adı Azərbaycan dilini yaxşı tədqiq və tədris edən alimlər sırasında çəkilirdi. Əzizxan TANRIVERDİ filologiya elmləri doktoru, professor Tanrı Zabit müəllimə zamanla addımlamaq, uzağı görə bilmək, məqamı dürüst anlamaq, insan-ları olduğu kimi dərk etmək kirdarı vermişdi. Mehribanlıq, səmimiyyət, təbiilik onun ruhunda, canında idi. Son dərəcə humanist, ədalətli, obyektiv, mərd və mər-həmətli insan idi. Haqsızın - haqlıya üstün gəlməsinə dözməzdi və hər vəchlə bunun qarşısını alardı. Himalay Qasımov Azərbaycan Dövlət Pedaqoji Universitetinin “Azərbaycan ədəbiyyatı tarixi” kafedrasının müdiri, filologiya üzrə elmlər doktoru, professor Müdriklərdən biri deyir ki, biz insan deyəndə onun əxlaqını nəzərdə tuturuq. Əxlaqdan kənar insan yoxdur. Zabit müəllim yaxşı ata, yaxşı qohum, yaxşı işçi, tanınmış dilçi alim olmaqdan əvvəl yüksək, əxlaq və fəzilət sahibi idi. Onun bütün hərəkətləri əxlaqi prinsiplərə söykənirdi. Fərrux Rüstəmov Professor Zabit müəllim ünsiyyətin ilk anlarından müsahibinin diqqət mərkəzində olur, qəlbinə, duyğularına, şüuruna asanlıqla nüfuz edə bilirdi. Ondakı ünsiyyət mədəniyyəti sanki fitri qabiliyyət, ilahi vergi səviyyəsində idi. Özü kimi sözü də bütöv olan Zabit müəllim təpədən dırnağa qədər səmimiyyət mücəssiməsi idi. 18 Zabit müəllim sözün həqiqi və dürüst mənasında başqalarına ziyan vurmamaq üçün ziyanı özünə rəva bilən nadir insanlardan idi. Məhərrəm Hüseynov Dosent Filologiya fakültəsinin dekan müavini Zabit müəllim hərənin yaddaşında bir cür qalıb. Mənim yaddaşımda isə o daha çox "sadə", "yetim-yesirə çörək verən", səmimi və qayğıkeş bir insan kimi qalmışdır. Insanlara qayğı ilə yanaşmaq, sadəlik və səmimilik Zabit müəllimdə yüksək səviyyədə idi və onun həyat amalına çevrilmişdi. Zabit müəllimi səciyyələndirən cəhətlərdən biri də məhz onun hər kəslə öz dilində danışmaq bacarığı idi. Fəxrəddin Yusifov, ədəbiyyat və onun tədrisi metodikası kafedrasının dosenti, pedaqogika üzrə fəlsəfə doktoru Onun həyat amalı az danışıb, faydalı iş görmək, insanların yaxşı keyfiyyətlərini düzgün qiymətləndirmək, insanlara həmişə xeyirxaqlıq göstərmək, sözü üzə demək, başqasının dalınça danışmamaq və s.idi. Allahverdi Hacıyev ADPU-nun Azərbaycan dili və onun tədrisi metodikası kafedrasının dosenti Yaşından, vəzifəsindən, cəmiyyətdə tutduğu mövqeyindən asılı olmayaraq onun insanlarla münasibəti səmimi, etibarlı və ələxsus ikiüzlülük və dostluğa xəyanət ona tamam yad idi. Nəsrəddin Musayev Azərbaycan Dövlət Pedaqoji Universtetinin Baş mühasibi Zabit müəllim bir alim, dekan müavini kimi də tam yerində idi. Hafizəsi, oratorluğu, təşkilati işgüzarlığı, tələbələrə doğma münasibəti onun mükəm- məlliyindən xəbər verirdi. Nitq mədəniyyətinə dair tədqiqatı ilə onun nitqi arasında bir təbii və elmi müvazilik var idi. 19 Adil Balıyev Azərbaycan dili və onun tədrisi metodikası kafedrasının baş müəllimi Zabit müəllim insanlıq yükünü cismani ömrünün axırına qədər ləyaqətlə daşıyan insanlardandır. Onun şəxsi keyfiyyətlərini xatırlamaqla əsl insan xarakterinin bütün cizgilərini özündə cəmləşdirdiyini görmək mümkündür. Zabit müəllim dünyada ən böyük nemətə sahib olan xoşbəxt insanlardandır. Nizami Süleymanov Azərbaycan Dövlət İqtisad Universtetisi “Azərbaycan tarixi” kafedrasının dosenti Zabit müəllim mənim qəlbimdə xeyirxah, vətənpərvər və gələcək nəsillərə örnək olan şərəfli ömür yaşamış bir insan, bir ailə başçısı kimi yaşayır. Əyyubov Əlirza Zabit müəllim çox saf, ürəyi təmiz, sadə, eyni zamanda ciddi bir insan idi. Dediyi hər bir sözün üstündə duran, dostlarına qarşı sadiq və mərd olub. Onun gözəl xüsusiyyətlərindən biri də onun təbiiliyi idi. Yəni cəmiyyətdə, kollekticdə necə vardırsa ailədə də eyni xasiyyətə malik idi. Həyat yoldaşı Qeysər xanım Zabit müəllim ziyalı olmaqla bərabər insanlarla münasibətində çox sadə idi. O, öz torpağını sevən, elinə-obasına yüksək qiymət verən şəxs idi. O, harada olurdusa oranın mühitinə şənlik qatırdı. Həyatda yaşamağı və bunu insanlarla bölüşməyi sevirdi. Qaynı Ədalət Süleymanov. Müəllimlik dünyada ən çətin, lakin həm də ən şərəfli gözəl peşədir. Müəllim öz xalqı, vətəni, millətinin gələcəyi üçün qəlbini məşəl kimi yandıran, varını, dövlətini on minlərlə tələbənin yetişməsində görən bu yolda şəxsi məhrumiyyətlərinə dözən fədakar insan olmalıdır. Müəllim zəkalarda, qəlblərdə, müqəddəslik toxumu səpən bir qüvvə olmalıdır. Zabit müəllim məhz belə ziyalılardan idi. Gəlini Mehparə. Yüklə 0,63 Mb. Dostları ilə paylaş:
|