Müəlliflər:
Əli Şükürov,
Təhsil Nazirliyi Respublika Ekoloji
Tərbiyə və Təcrübəçilik Mərkəzi
nin direktoru
Lalə Dadaşova,
biologiya üzrə fəlsəfə doktoru
Azər Qarayev,
ENPİFLEG proqramının ölkə
əlaqə lən diricisi
Redaktor:
Fəxriyyə Musayeva
Kompyuter tərtibatı: Rüstəm Zamanov
Tərcümə:
Fidan Hüseynli
Rəsmlər:
Yeganə Nəcəfova
Vəsait orta ümumtəhsil məktəblərinin şagirdləri, məktəbdənkənar təhsil müəssisə
lərinin dərnək üzvləri, gənc meşəçilər dəstələrinin üzvləri üçün nəzərdə tutulmuşdur.
Autors:
Ali Shukurov,
director of the Republican
Center of Ecological Training and
Experience Ministry of Education
Lala Dadashova,
PhD in Biology
Azer Garayev,
ENPI FLEG Country Program
Coordinator for Azerbaijan
Editor:
Fakhriyya Musayeva
Computer design:
Rustam Zamanov
Translation:
Fidan Huseynli
Pictures provided by: Yegana Najafova
The book is intended as a tutorial for the young foresters groups and school
students.
5
Giriş
Meşə təbiətin insanlara bəxş etdiyi heyrətamiz gözəlliyə malik
və ibtidaidən aliyə qədər saysızhesabsız canlının yaşayış məskəni
olan təbii sərvətdir. Meşələr planetimizin həyat mənbəyidir. Yer
üzərində oksigenlə zəngin atmosfer havasının əmələ gəlməsində,
su və maddələr dövranında, iqlim şəraitinin tənzimlənməsində
meşələrin rolu əvəzsizdir.
Yəqin ki, hər biriniz meşədə olarkən bitki və heyvanat aləminin
zənginliyinə diqqət yetirmisiniz. Meşənin flora və faunasına
daxil olan canlılar arasındakı mürəkkəb,
bəzən gözəgörünməz
qarşılıqlı əlaqələr təbiətin ahəngdar qanunauyğunluğunu nümayiş
etdirir. Nəhəng qocaman ağaclarla yanaşı yaşıl pöhrələr və hətta
çürüməkdə olan ağac kötükləri bir çox canlıların qida və yaşayış
mühitidir. Meşə döşənəyindəki qurumuş yarpaqların arxasında
mikroorqanizmlərin canlı “laboratoriyası” gecəgündüz tələf olmuş
bitki və heyvan qalıqlarını torpağın məhsuldar münbit qatına
çevirir. Meşənin nizamlanmış “çoxmərtəbəli” sahəsində bitkilər və
heyvanlar özünəməxsus yer tutaraq birbirinin inkişafına mane
olmur. Əksinə, canlılar arasında zəncirvari qida əlaqələri onların
inkişafına kömək edir. Qida zəncirinin halqalarını təşkil edən bitki
və yaxud heyvan növləri birlikdə milyon illər ərzində formalaşmış
meşə ekosistemini əmələ gətirir. Zəncirin hansısa bir halqasının
itirilməsi bütün ekoloji sistemə təsir göstərərək qida əlaqələrinin
pozulmasına səbəb olur.
Milyon illər ərzində meşələr təbii yolla inkişaf edir və bərpa
olunur. Təbiət sanki mahir bir dirijor kimi meşə sakinlərinin
harmonik əlaqələrini nizamlayaraq unikal “meşə simfoniyası”nın
əbədi səslənməsinə şərait yaradır.
Lakin müasir dövrdə insanların
düşünülməmiş müdaxiləsi
nəticəsində meşələrin bütövlüyü və mövcudluğu təhlükə altındadır.
Müasir texnika ilə silahlanmış insanların meşənin təbii sərvətlərini
istismar etməsi nəticəsində meşənin ahəngdar inkişafı pozulur və
təbii ehtiyatlar tükənir. Meşə ehtiyatlarının səmərəsiz istifadəsi
bu əvəzsiz sərvətin gələcək nəsillərə çatdırılmasını şübhə altına
alır. Meşələrin sahəsinin azalması, ümumilikdə, planetin ekoloji
tarazlığına güclü təsir göstərərək qlobal iqlim dəyişikliklərinə, su və
torpaq əmələgəlmə proseslərinin pozulmasına, bioloji müxtəlifliyin
itirilməsinə səbəb olur.
6
Azərbaycan meşələrinin sahəsinin az olmasına baxmayaraq
ətraf mühitin vəziyyətinin tarazlıqda olmasına
müəyyən səviyyədə
təsir göstərir. Qoruyucu meşələr kateqoriyasına aid edilən əvəzsiz
sərvətimiz dövlət tərəfindən qorunur və sənaye məqsədləri üçün
ağacların qırılması qadağandır. Meşəətrafı məntəqələrdə yaşayan
əhali, istirahət məqsədilə təbiətin qoynuna can atan turistlər
meşənin qida və müalicə əhəmiyyətli bitkilərindən istifadə edirlər.
Meşə insanları göbələklə, müxtəlif meyvələr və giləmeyvələrlə,
dərman bitkiləri və meşə balı ilə təmin edir. Ətraf mühitin məişət
və sənaye tullantıları ilə çirklənməsi, insanların ehtiyatsızlığı
səbəbindən baş verən meşə yanğınları, malqaranın otarılması
zamanı
bitki örtüyünün məhv edilməsi, müharibənin dağıdıcı təsiri
altında qədim meşə sahələrinin tükənməsi ölkəmizin meşələri üçün
ən böyük təhlükədir.
Dünyanın bir çox ölkələrində olduğu kimi Azərbaycanda təbii
sərvətlərin, xüsusən də meşələrin təhlükə altında olması barədə
ilk “həyəcan təbili”ni səsləndirən dahi təbiətşünas alim, akademik
Həsən Əiyev olmuşdur. Görkəmli alim təbiətin gözəlliyini və
insanlara verdiyi saysızhesabsız nemətləri göstərməklə yanaşı
XX əsrdə insanları təbiətdən səmərəli istifadə etməyə çağırmış,
ilk dəfə olaraq Azərbaycanda davamlı inkişaf ideyalarını təbliğ
etmişdir. Akademik Həsən Əliyev yazırdı: “...Meşəni
Yer kürəsinin
bu yaşıl kəmərini bircə an təsəvvür etməsək, demək bəşər də
yoxdur. Ölçüsüzbiçisiz yaşıllığa hücum insana qarşı yönəlmiş ən
ağır müharibədir. İnsan ağlı, insan zəhməti bu müharibəni dəf
etməyə qadirdir”.
Dünyanın 44 ölkəsinin nümayəndələrinin iştirakı ilə 2005ci
ildə SanktPeterburq şəhərində keçirilən beynəlxalq konfransda
qəbul edilmiş “Avropa İttifaqının qonşuluq siyasəti şərq ölkələrinin
və Rusiyanın meşə sektorunda hüquq tətbiqi və idarəetmə
sisteminin təkmilləşdirilməsi” proqramı üzrə Azərbaycanda bir sıra
tədbirlər həyata keçirilir. Azərbaycan Respublikası Təhsil Nazirliyi
və Ekologiya və Təbii Sərvətlər Nazirliyinin birgə əməkdaşlığı
şəraitində meşə təhsili üzrə dərslik və dərs vəsaitləri hazırlanır,
meşəətrafı rayonların
orta məktəblərində, ekoloji tərbiyə və
təcrübəçilik mərkəzlərində “Gənc meşəçilər” dəstələri təşkil edilır.
Vaxtı ilə ölkədə fəaliyyət göstərən gənc meşəçilər hərəkatının
bərpa olunması uşaq, yeniyetmə və gənclərin meşələrin qorunması
və bərpası işinə cəlb olunmasında, meşələrə dair ekoloji biliklərin
artırılmasında əhəmiyyətlidir. Hazırda Şamaxı, Quba, İsmayıllı,
Qax, Lənkəran, Şəki və digər rayonlarda fəaliyyət göstərən “gənc