17
tələblərinə cavab verdi. Sənədlərin müxtəlif əlamətlər (müəllif, başlıq,
predmet rubrikası, təsnifat indeksi və s.) üzrə axtarışına imkan verən
kataloq sistemi işlənib hazırlandı.
Elektron kataloqlar, yaranması və formalaĢması. Kataloqun
yeni forması olan elektron kataloqun yaradılmasına 1950-ci illərin sonun-
da ilk kompüterlərin meydana çıxması ilə start verildi. Kataloqun bu
formasının inkişafı digər formalardan fərqli olaraq bir neçə mərhələdən
keçdi. Yalnız zəruri iqtisadi və texniki imkanların təşəkkül tapdığı dövr-
də elektron kataloq kitabxana kataloqunun başlıca formasına çevrildi. Bu,
1990-cı illərin ortalarında baş verdi. Elektron kataloqun formalaşması
mərhələlərini nəzərdən keçirək:
I nəsil elektron kataloqlar. Kitabxanalarda 1960-cı illərin
ortalarında peyda olan biblioqrafik yazının strukturu, onun məzmunu və
axtarış elementlərinin yığımı sahəsinə aid ilk elektron kataloqlar kartoçka
kataloqu modeli üzrə formalaşmışdır. Axtarış texnikası və axtarış
interfeysləri avtomatlaşdırılmış axtarış sistemlərinin imkanları ilə
müəyyənləşdirilirdi. Axtarış sahəsində iki müxtəlif yanaşma tətbiq
olunurdu: axtarışın kartoçka modeli və məntiqi operatorlardan istifadə
etməklə axtarış modeli. Bu modellərdə axtarış parametrləri biblioqrafik
təsvirin əsas elementləri ilə məhdudlaşdırılmışdı - müəllif, sərlövhə və
yazının nəzarət nömrəsi üzrə axtarış mövcud idi. İlk elektron kataloqlar
yalnız ayrı-ayrı sözlərdən istifadə yolu ilə axtarışa imkan verirdi,
çoxsözlü axtarış isə sözlərin kombinasiyasının dəqiq təyini üçün yalnız
məntiqi operatorların dəqiq müəyyənləşməsi şərti ilə aparılırdı. Axtarışın
nəticəsi biblioqrafik yazıların qısa siyahısı formasında təqdim olunurdu.
Bütünlükdə 1960-cı illərin elektron kataloqları axtarış imkanları üzrə bir
çox hallarda kartoçka kataloqlarından irəli keçə bilmirdilər.
II nəsil elektron kataloqlar. İkinci nəsil elektron kataloqların
meydana gəlməsi 1980-ci illərin əvvəlinə təsadüf edir. Bu dövrdə
elektron kataloqların malik olduğu axtarış imkanları kartoçka kataloq-
larının imkanları ilə müqayisə olunurdu. I nəsil elektron kataloqların iki
axtarış modeli II nəsil elektron kataloqlarda birləşdirilmişdi. Yeni
modeldə axtarış nöqtələrinin sayı artırılmış, axtarış və informasiyanın
daxil edilməsi imkanları genişləndirilmişdi. Axtarışı yalnız biblioqrafik
təsvirlərin əsas və fakultativ elementləri üzrə deyil, nəşr dili, nəşr tipi
kimi parametrlərlə axtarış imkanları da meydana gəlmişdi. Açar sözlər,
sözləri kombinasiya etmək imkanı ilə ayrı-ayrı frazalar üzrə axtarış da
mümkün olmüşdü.
II nəsil elektron kataloqların vacib müsbət xüsusiyyəti axtarışın
nəticələrinə detallı baxmaq funksiyasının meydana gəlməsi idi. Yeni və
təcrübəli istifadəçilərin kompüter və informasiya bacarıqları səviyyəsinə
18
istiqamətlənmiş interfeyslər peyda olmuşdu. Məhz II nəsil sistemlər on-
line public access (on-line card catalogue-dən fərqli olaraq) kimi
məşhurlaşdı və kütləvi istifadəçilərin ümumi çıxış imkanına istiqamət-
ləndi.
III nəsil elektron kataloqlar. Elektron kataloqların üçüncü inkişaf
mərhələsi (1990-cı illərin sonu) üçün və avtomatlaşdırılmış axtarış üçün
istifadəçilərə yardımçı vasitələrin meydana gəlməsi xarakterikdir. Bu
vasitələr axtarış, baxış, seçim və nəticələrin daxil edilməsi imkanlarını
əlçatan formada açır.
IV nəsil elektron kataloqlar. Müasir dövr elektron kataloqların
şəbəkə mühitində təqdim olunması ilə səciyyələnir. İlk elektron
kataloqların formalaşması dövründən indiyədək istər biblioqrafik
yazıların təqdimatı planında, istərsə də axtarışın təşkili sahəsində kartoç-
ka kataloqları ilə elektron kataloqlar müqayisə olunur. Bu nöqteyi-
nəzərdən kartoçka kataloqu ilə elektron kataloqun nəyi əks etdirdiyini
ümumi səviyyədə müəyyənləşdirməyə çalışaq:
Kartoçka kataloqu-əlifba üzrə ad başlıqlarının, sərlövhələrin (əlifba
kataloqu), predmet rubrikalarının (pretmet kataloqu) və ya təsnifat
indekslərinin (sistemli kataloq) yazılarının nizamlı ardıcıllığıdır.
Sənədlərin müxtəlif kriteriyalar (ad, sərlövhə, predmet rubrikaları, təsni-
fat indeksləri) üzrə axtarışının təmin olunması üçün bir sənəd bir neçə
kartoçkada tərtib olunur. Onlardan biri əlifba kataloqunda «əsas təsvir»i
əks etdirir. Əsas təsvir iki funksiyanı yerinə yetirir. Birincisi, bir-biri ilə
əlaqəli əsərləri (məsələn, bir müəllifin əsərlərini bir ad altında) bir yerdə
toplamağa imkan verir. İkincisi, əsas təsvir sistem daxilində predmet
rubrikalarının və təsnifat indekslərinin göstərilməsi yolu ilə kartoçka
kataloqlarının əlaqəsini təmin edir.
Elektron
kataloq kartoçka kataloqundan fərqli olaraq,
strukturlaşdırılmış biblioqrafik yazıların massivini ifadə edir. Proqram
təminatı sənədlərin biblioqrafik yazıda müəyyənləşdirilmiş istənilən
element üzrə axtarışını təşkil etməyə imkan verir. Axtarışın nəticələri
tapılmış yazıların müəyyən elementlərinin xətti (nizamlı) ardıcıllığı for-
masında, axtarışın şərtlərinə uyğun olaraq çeşidlənmiş və tapılmış
sənədlərin sayının göstərilməsi ilə təqdim oluna bilər. Bu zaman axtarışın
nəticələri düzülərkən hansı axtarış elementinin əsas kimi götürül-
məsindən asılı olaraq ənənəvi kataloqun bəzi növünün analoqu haqqında
danışmaq olar. Məsələn, əgər axtarış sərlövhə üzrə aparılıbsa, biz əlifba
kataloqunun analoqunu, təsnifat indeksi üzrə keçirilibsə, sistemli
kataloqun analoqunu alırıq.
Elektron kataloqun təyinatının çoxsaylı variantları mövcuddur.
Onların hamısı bu və ya digər dərəcədə elektron kataloqun müxtəlif
Dostları ilə paylaş: |