Yaponiya, Böyük Britaniya, Fransa, Çin və İtaliyadır. Dünyada beynəlxalq
turizmə çəkilən ümumi xərclərin yarısından çoxu bu 5 ölkənin payına düşür.
Yaponiyanın payı xüsusilə böyükdür (1970-ci ildəki 1,7%-dən 2006-cı ildə
12%-ə və 2009-cu ildə 11%-dək). 1970-ci ildən 2010-cu ilədək Yaponiya
turistlərinin çəkdiyi xərclərin həcminə görə dünyada 3-cü yeri tuturdu. İxracdan
gəlirlərin və milli gəlirin ümumi həcmində səyahətlərdən əldə olunan vəsaitlərin
əhəmiyyəti həm inkişaf etmiş, həm də inkişaf etməkdə olan ölkələrdə daim
artmaqdadır, amma bu nisbətlər birinci qrupla müqayisədə ikincidə bir qədər
yüksək olmuşdur. 2001-2010-cu illərdə inkişaf etməkdə olan 30 və inkişaf etmiş
10 ölkədə səyahətlərdən daxilolmalar malların ixracının dəyərini 10%
üstələmişdir. Bu ölkələrin çoxunda turizm ən böyük ixrac maddəsinə çevrilmişdir
və yuxarıda qeyd etdiyimiz kimi, bunun əsas axını Qərbi Avropa ölkələrinin
payına düşür. Beynəlxalq turizm Qərbi Avropa dövlətlərinin iqtisadiyyatına
çoxcəhətli təsir göstərir. Ayrıca götürülən ölkə üçün turizm tədiyyə balansının
gəlir hissəsini valyuta mədaxilləri ilə qidalandıran mənbədir. Beynəlxalq turizm
inkişaf etdikcə, özündə mehmanxana təsərrüfatını, nəqli}^atı, qida, ayaqqabı,
tikiş sənayelərini, maşınqayırmanı, ekskursiya xidmətlərini, maddi istehsalın və
xidmətlərin digər sahələrini birləşdirən turizm sənayesi sürətli templərlə
fomıalaşır. İnkişaf edən turizm sənayesinin yeni iş yerləri yaratması, əhalinin
gəlirlərini və məhsul buraxılışını artırması nəticəsində bütövlükdə xalqın rifah
səviyyəsi yüksəlir.
Turistlərin ən böyük sayı Fransanın payına düşür (75,2 milyon nəfər),
onun ardınca İspaniya (49,5 milyon nəfər), ABŞ (45 milyon nəfər), İtaliya (39,5
milyon nəfər). Böyük Britaniya (23 milyon nəfər), Niderland (19,5 milyon nəfər),
Avstriya (18 milyon nəfər), Kipr (18 milyon nəfər), Portuqaliya (12 milyon
nəfər) gəlir. İnkişaf etməkdə olan ölkələrə, xüsusilə də Asiya və Latın
Amerikasına gələn turistlərin artımı müşahidə edilir. İsrail istisna edilməklə
(-4,6%), Aralıq dənizinin Şərq sahillərinə gələn turistlərin sayı Türkiyədə 13,5%,
Kiprdə 5,6% artmışdır. Şimali Avropaya turist səfərlərinin sayı da artmış, ən
yüksək artım Şimali İrlandiya (+4,9%), Finlandiya, Danimarka, Sloveniya, Polşa
və Slovakiyada olmuşdur.
Beynəlxalq idman. Beynəlxalq idman turizmi sənayesi sürətlə inkişaf
edir. Müxtəlif səviyyəli çempionatlar. Olimpiya Oyunlarına uzunmüddətli və
baha başa gələn hazırlıq, ayrı-ayrı ölkələrdə beynəlxalq və regional əhəmiyyətli,
son dərəcə intensiv idman tədbirlərinin keçirilməsi nəhəng maliyyə axınları olan
güclü idman sənayesini formalaşdırmışdır.
274
11.10.
Beynəlxalq səyahətlərə tələbatın formalaşması
Tələbatın amilləri. XX əsrin son 25 ilində beynəlxalq turizmin dinamik
inkişafı və çeşidinin genişlənməsi səyahətlər sənayesinin bütün tərkib hissələrinə
sirayət etmiş çoxsaylı sosial-iqtisadi, demoqrafik, ekoloji, texnoloji institusional
amillərin mürəkkəb qarşılıqlı təsirinin nəticəsidir. Bu amillər rəqabət
qabili}^ətinin əsaslarını dəyişmiş və beynəlxalq səyahətlərə çəkilən xərclərin
strukturuna təsir göstənuişdir. Burada əsas rolu tələbat amilləri oynamışdır.
Beynəlxalq səyahətlərə tələbat müxtəlif məqsədlərlə xaricə yollanan
adamların çoxcəhətli xüsusiyyətlərini əks etdirən səbəblərin təsiri altında
formalaşır. Həm inkişaf etmiş, həm də inkişaf etməkdə olan ölkələrdə ən böyük
qmp asudə vaxtını keçirmək üçün xaricə yollanan adamlardan ibarətdir. Buna
görə də həmin kontingentlə bağlı olan amillər başlıca rol oynayır. Dünya Turizm
Təşkilatının məlumatlarına əsasən, 2002-ci ildə dünyada səyyahların ümumi
sayının 68,1%-i istirahət edənlərdən ibarət idi. İşgüzar və başqa məqsədlərlə, o
cümlədən qohumları və dostlan ilə görüşmək üçün səfər edənlərin sayı bundan az
olsa da, mühüm kateqoriyanı, müvafiq olaraq, 16,5% və 15,1% təşkil edirdi.
Ancaq xaricə gedən adamlar çox vaxt səfər zamanı müxtəlif, məsələn, işgüzar,
əyləncə yaxud müalicə və s. məqsədlərini bir araya sığışdırmaq istədiklərinə
görə, bu kateqoriyalar arasında bəzən aydın seçilən sərhəd qoymaq çətindir.
Sahibkarlıq fəaliyyətinin qloballaşması, gəlirlərin yüksəlməsi, səyahətlərin real
dəyərinin aşağı düşməsi və asudə vaxtın çoxalması ilə əlaqədar olaraq turist
səfərlərinə tələbatın sürətlə artması beynəlxalq turizm axınlarının güclənməsi
üçün stimula çevrilmişdir. Xaricə səfərlər qarşısında məhdudiyyətlərin
zəiflədilməsi, dövlət və özəl təşkilatlar tərəfindən yardım göstərilməsi də
turizmin inkişafı üçün stimuldur. Ucuz kompleks turların geniş yayılması və
başqa səbəblər xarici turist axınını gücləndirmişdir; immiqrasiya və əmək
miqrasiyası, siyasi qalmaqallar, iqtisadi çətinliklər və s. də öz təsirini
göstərmişdir.
Tələbatı müəyyən edən bu amillər arasında ən mühümləri gəlirlərin
səviyyəsi və səyahətlərin qiymətidir. Beynəlxalq turizm istehlak səbətində
firavanlıq predmeti kimi nəzərdən keçirildiyinə görə onun həcmi gəlirlərin
səviyyəsindən asılı olaraq dəyişir. Bu qanunauyğunluq (tam təsdiqlənməsə də,
beynəlxalq turizm getdikcə daha çox adamın asudə vaxtının keçirilməsinin adi
275