qayıtmaq istəyənə 10,5 min marka, hər uşağa görə 1,5 min marka verməyə,
habelə sosial sığorta fonduna ödənilmiş haqları geri qaytannağa başladı.
Bir çox hallarda immiqrantlarm ölkədən kütləvi halda məcburi
köçürülməsi tətbiq olunurdu. Belçika ictimai əmin-amanlığa və milli
təhlükəsizliyə təhlükə yarada bilən şəxslərin ölkədən çıxarılması barədə qanun
qəbul etdi. 1980-1990-cı illərdə başqa Qərbi Avropa dövlətləri də işçilərin
məcburi qaydada köçürülməsi barədə qanunlar qəbul etdi.
Böyük Britaniya da ölkəyə daxilolmada məhdudiyyətlər tətbiq etdi. Onun
yeni qanunları ərlə arvadı, valideynləri uşaqlardan ayırırdı. 1980-1990-cı illərdə
İngiltərəyə gəlmək icazəsi gözləyənlərin 90%-i ailəsinin ölkədə yaşayanlarla
birləşdirilməsini tələb edən arvadlardan, ərlərdən və valideynlərdən ibarət idi.
Ancaq verilən icazələrin sayı getdikcə azalırdı; 1980-ci illərdə ölkəyə gəlmək
üçün verilən ərizələrin 36%-i, 1990-cı illərdə 34%-i rədd edilmişdi. İngiltərədə
yaşayan və işləyən ərlərinin yanına gəlməsinə icazə verilməyən arvadları ifadə
edən «immiqrasiyanm dul qadınları» ifadəsi meydana çıxdı. Vizalar yalnız
yüksək ixtisaslı yaxud böyük təcrübəsi olan işçilərə verilirdi.
Qərbi Avropada başlayan uzunmüddətli iqtisadi canlanma dövrü
dövlətlərin viza təcrübəsinə nəzərəçarpan dəyişikliklər gətirdi. 1985-ci ildə
Lüksemburqun Şengen kəndində 5 təşəbbüskar ölkə: Belçika, Niderland,
Lüksemburq, Fransa və AFR bu qrupa daxil olan ölkələr arasındakı sərhədlərin
insanların hərəkəti üçün maneə olmadığı, yəni həmin ölkələrdən birində verilən
vizanın başqalarında da tanınması barədə saziş imzaladı. 1990-cı illərin
əvvəlində Şengen sazişini daha 4 ölkə: İtaliya, Yunanıstan, İspaniya və
Portuqaliya imzaladı. Bu saziş 1995-ci ildən qüvvəyə mindi.
1990-cı illərdə Qərbi Avropanın bir sıra ölkələri öz immiqrasiya
qanunvericiliyini sərtləşdirdi. Belə ki, 1993-cü ilin yeni qanununa əsasən
işəgötürən inkişaf etməkdə olan ölkə vətəndaşının müvafiq peşə üzrə nə
Fransada, nə də Aİ-nin başqa ölkələrində münasib iş tapa bilməməsi səbəbindən
dəvət olunduğunu sübuta yetimıəli idi. Yalnız Fransada 2 il yaşadıqdan sonra
miqrant öz arvadını yanma çağınuaq hüququ əldə edirdi, tələbələrin isə ailələri
ilə birləşmək hüququ, ümumiyyətlə, yox idi.
Avropa İttifaqında miqrantlar haqqında Dublin Sazişi qüvvədədir və
problemə ümumi yanaşmalar ona əsasən müəyyən olunmuşdur. Bununla belə,
miqrantların qəbulu haqqında qərarı İttifaqın ölkələri müstəqil olaraq qəbul edir.
Avropa ölkələrində immiqrantlarm sayının artması qaçılmazdır və
336
ekspertlərin hesablamalarına görə, 2020-ci ilədək Qərbi Avropa 30 milyon adamı
qəbul edəcək. Mütəxəssislərin və Avropanın siyasi xadimlərinin fikrincə, Aİ-nin
bu sahədəki siyasəti təzahürün miqyasına müvafiq deyil, Aİ ölkələrinin
ərazisində yaşayan üçüncü ölkə vətəndaşlarının sosial-iqtisadi uyğunlaşması
məsələləri, miqrant axınları üzərində nəzarət üçün inzibati tədbirlərin görülməsi
isə təxirəsalınmazdır. İndi Avropa hökumətlərində və Brüsseldə immiqrasiya
kvotaları haqqında məsələ fəal müzakirə olunur, amma aydındır ki, Aİ öz
sərhədlərini qapamağı (Rusiyanın 2002-ci ildə etdiyi kimi) planlaşdırmır. İqtisadi
artım və Avropa ölkələrinin rəqabət qabiliyyətinin güclənməsi, miqrasiya
proseslərinin idarə olunmasına və immiqrantlarm Avropa cəmij^ətlərinə
uyğunlaşdırılmasına iri məbləğdə investisiya qoyuluşlarını nəzərdə tutan düzgün
planlaşdırılmış immiqrasiya siyasəti olmadan mümkün deyil. Bəzi təhlilçilər
olimpiya obyektlərini Beynəlxalq Olimpiya Komitəsinin müəyyən etdiyi
müddətlərdə təhvil vermək üçün Yunanıstanın keçmiş Makedoniyadan 40 min
inşaatçını qəbul etməsini pozitiv nümunə kimi göstərirlər.
2004-cü ildə Aİ-nin Siyasi Qaçqınlar haqqında Saziş qəbul etməsi bu
mürəkkəb məsələnin hüquqi baxımdan tənzimlənməsi istiqamətində ciddi
irəliləyiş hesab olunur. Saziş 2005-ci ildə qüvvəyə minmişdir. Aİ-nin bir çox
dövləti «sərhəd məkanı»nm yaradılmasının vahid qaydalarını tətbiq etmək
qərarına gəldi və bu məqsədlə Maastrix Müqaviləsində işçi qüvvəsinin Avropa
İttifaqı daxilində sərbəst hərəkətinə dair bənd də nəzərdə tutulmuşdu. 1994-cü
ildən Aİ ölkələri vahid nümunəli kağızları verməyə başlasalar da, işçilərin
hərəkətinə qoyulan məhdudiyyətlər aradan tam qaldırılmamışdı.
1990-cı, xüsusilə də XXI əsrin ilk illərində sənaye ölkələrinə imtiyazlı
qaçqın statusu əldə etməyə iddialı olan adamların axını xeyli artmışdı. Bu statusu
alan qaçqınlar müəyyən sosial imtiyazlardan yararlandığına görə işlə bağlı
məsələləri daha asan həll edirdilər.
Qərbin əmək miqrasiyasına münasibətdə yeni yanaşmaları bunlardan
ibarətdir: birincisi, resipiyent-ölkələr yüksək ixtisaslı kadrlar üçün müəyyən
istisnaları saxlayaraq, əcnəbilərin ölkəyə gəlməsinin qarşısını kəskin
məhdudlaşdırdı. İkincisi, onlar əcnəbi işçilərin ölkədən getməsini maddi cəhətdən
həvəsləndirirdilər (bəzi hallarda məcburən köçürürdülər). Üçüncüsü, bəzi Qərbi
Avropa ölkələrində immiqrantlarm vətənə qayıtdıqdan sonra oradakı iş şəraitinə
alışdırılması üzrə kurslar təşkil olunmuşdu. Nəticədə əcnəbi işçilərin sayının
artması tempi kəskin aşağı düşdü. İşçi qüvvəsinin Şərq
337