rollardan birini oynadığına görə, çox güman ki, tempini sürətləndirəcəkdir. Belə
ki, artıq 2009-cu ilin ortasından Çinə və Hindistana XBİ axınının genişlənməsi
müşahidə olunur və onlardan XBİ çıxarılmasının sabit dinamikasının regiondan
investisiya çıxarılması göstəricilərini artım trayektoriyasına yönəldəcəyi ehtimalı
yaradır. Bununla belə, yeni sənayeləşmiş 4 ölkədə (Honkonq (Çin), Cənubi
Koreya, Sinqapur və Çinin Tayvan əyaləti) XBİ-nin daxil olması və çıxarılması
səviyyələri, çox güman ki, asta və məhdud miqyasda bərpa olunacaqdır.
Asiyada genişlənən regiondaxili investisiyalar texnologiyaların
yayılmasının, müqayisəli üstünlüklərin «dövrünün yeniləşdirilməsinin» və
rəqabət qabiliyyətinin yüksəldilməsinin alətlərindən biridir. Bu amil inkişafın
müxtəlif dövrlərində olan ölkələrin təsərrüfat sahələrinin mərhələlərlə
modernləşdirilməsində mühüm rol oynayır. Regional inteqrasiya, Çin
iqtisadiyyatının misli görünməmiş inkişafı hazırda bu prosesi sürətləndirir və
Kamboca, Laos Xalq Demokratik Respublikası, Myanma kimi daha geniş
çevrəyə daxil olan ölkələrin inkişafı üçün imkanlar açır. Bundan başqa,
mərhələlərlə modernləşmə prosesi elektronika kimi sahələr çərçivəsindən
çıxaraq, daha yüksək texnologiya məhsullarını əhatə etməyə başlayır.
Beynəlxalq kredit bazarlarında vəziyyətin gərginləşməsi və beynəlxalq
ticarətin ixtisarı XBİ-nin Qərbi Asiyaya axınına ciddi zərbə vuraraq, 2009-cu ildə
24% azalmasına yaxud 68 milyard dollaradək düşməsinə səbəb oldu. Qətər,
Küveyt və Livan istisna olmaqla, regiona XBİ-nin daxil olması xeyli azaldı.
Türkiyə və Birləşmiş Ərəb Əmirlikləri bundan daha çox zərər çəkdi. Türkiyədə
transsərhəd QƏ bazarı çökdü və ixracyönümlü sahələr qlobal böhran nəticəsində
ciddi ziyana düşdü. Region ölkələrindən XBİ çıxarılması (bunun 87%-i Körfəz
Ölkələrinin Əməkdaşlığı Şurasının payına düşür) 39% azalaraq, 23 milyard
dollara düşdü. Səudiyyə Ərəbistanından çıxarılan investisiyaların artımı «Dubai
World»da yaranmış böhranın nəticələrini aradan qaldırmaq üçün kifayət etmədi.
Qərbi Afrikanın bu böhranın sakitləşəcəyinə və beynəlxalq kredit bazarlarında
vəziyyətin sabitləşəcəyinə ümid bəsləyən ölkələri möhtəşəm infrastruktur
planlarında düzəlişlər aparmadı və bu amilin həmin ölkələrə daxil olan XBİ-nin
səviyyəsinin bərpası prosesini saxlayacağı ehtimal olunur. Digər tərəfdən,
qısamüddətli planda investisiyaların ölkədən çıxarılması prosesinin dinamikası
ləngiyəcəkdir. Regionda əsas investor olan dövlət müəssisələri daxili bazara
səmtləşmişlər və «Dubai World»dakı böhranlı
355
vəziyyət Birləşmiş Ərəb Əmirliklərindən XBİ çıxarılmasına təsirini göstərməkdə
davam edəcəkdir.
Qlobal iqtisadi və maliyyə sarsıntıları şəraitində Latın Amerikası və Karib
dənizi hövzəsi ölkələrinə XBİ axınları 2008-ci ilin səviyyəsi ilə müqayisədə 36%
azalaraq, 117 milyard dollara düşmüşdür. Region üzrə ən çox zərər çəkən ölkənin
daxil olan investisiyalarının ixtisarı 42% təşkil edən Braziliya olmasına
baxmayaraq, hələ də ən böyük həcmdə XBİ alandır. Aparılan tədqiqatların
nəticələrinə əsasən, əvvəl olduğu kimi, Braziliya və Meksika investisiya
qoyuluşlarının obyekti kimi dəyərləndirilir və buna görə artım meylinin
ortamüddətli perspektivdə bərpa olunacağı ehtimal edilir.
Braziliyadan XBİ çıxarılması göstəricisinin mənfi 10 milyard dollar
olması ölkə şirkətlərinin xarici filiallarının öz baş müəssisələrinə verdiyi
fırmadaxili kreditlərinin kəskin artması ilə izah olunur. Nəticədə regiondan
investisiya çıxarılması 42% aşağı düşmüşdü. Buna baxmayaraq, regionun
transmilli korporasiyalarının QƏ xətti üzrə əsasən inkişaf etmiş ölkələrdə
transsərhəd satınalmaları göstəricisi 52% artaraq, 3,7 milyard dollara çatmışdır.
Regionun TMK-nm formalaşmasının 2003-cü ildə başlayan prosesi ortamüddətli
planda XBİ çıxarılması üçün zəmin yaradacaqdır. Latın Amerikası və Karib
dənizi hövzəsi ölkələrindən XBİ çıxarılmasının orta illik göstəricisi 1991-2000-ci
illərdəki 15 milyard dollardan 2003-2009-cu illərdə 48 milyard dollaradək
artmışdır. Latın Amerikasının get-gedə daha çox ölkəsinin, əsasən də Braziliya
və Meksikanın şirkətləri region hüdudlarından çıxaraq, öz fəaliyyətlərini başlıca
olaraq inkişaf etmiş ölkələrdə genişləndirir.
2003-2008-ci illərdə regionda əlverişli iqtisadi şəraitdən başqa, fınnalarm
daxili bazarda mövqelərinin möhkəmlənməsinə və fəaliyyətinin xaricdə
genişlənməsinə dövlət siyasəti də imkan yaratmışdır. Hazırda regionun əsas
xarici investorları idxalın əvəz olunması dövründə uğur qazanmış ən iri və yetkin
işgüzar qruplardır. Bundan başqa, Braziliya və Meksika kimi ölkələrdə
özəlləşdirmə siyasətinin həyata keçirilməsi nəticəsində «milli çempionlar»
meydana çıxmışdır. Bir qədər sonra Braziliyada şirkətlərin fəaliyyətinin xarici
bazarlara çıxış ilə müşayiət olunan genişlənmə prosesi hökumət tərəfindən
yaradılan stimullara, o cümlədən ünvanlı kredit xətlərinə istinad edirdi. Ancaq
gələcək genişlənmə ölkədən maliyyələşdirilmənin məhdud olması və beynəlxalq
maliyyə bazarlarında yaranmış gərgin vəziyyət səbəbindən ləngiyə bilər. Bu
TMK-lar üçün onların borcu ilə mənfəəti arasındakı nisbətin aşağı
356