edilməsinin sübutu idi. BMT-nin Nizamnaməsi rəsmi olaraq 24 oktyabr 1945- ci
ildə qüvvəyə mindi və bu tarix onun ad günü hesab olunur.
BMT bəşəriyyətin üzləşdiyi problemlərin həllinin mərkəzi sayılır. BMT-
nin fəaliyyəti onunla bağlı olan və sistemini yaradan 30-dan artıq təşkilatla birgə
həyata keçirilir.
BMT ümumdünya hökuməti deyil və qanunlar qəbul etmir, amma
beynəlxalq münaqişələrin həllinə və bütün bəşəriyyətin mənafelərinə toxunan
məsələlər üzrə siyasətin işlənib hazırlanmasına imkan yaradan vəsaitləri verir.
BMT-də bütün - həm kiçik və böyük, həm də varlı və yoxsul üzv-dövlətlərin
müxtəlif siyasi baxışları və sosial sistemləri var: onlar öz rəyini bildirə və bu
prosesdəki səsvennədə iştirak edə bilər.
Birləşmiş Millətlər Təşkilatında 6 əsas orqan vardır. Bunlardan 5-i - Baş
Məclis, Təhlükəsizlik Şurası, İqtisadi və Sosial Şura, Qəyyumluq Şurası və
Katiblik BMT-nin Nyu-Yorkdakı mərkəzi idarələrində yerləşir. Altıncı orqan -
Beynəlxalq Məhkəmə Haaqadadır (Niderland).
BMT-nin fəaliyyətində ümumdünya siyasi məsələlərin həlli ilə yanaşı,
iqtisadi aspektlər də mühüm yer tutur və bu, onun iqtisadi funksiyalarının
genişlənməsində təzahür olunur. Dünya təsərrüfatının, beynəlxalq iqtisadi
münasibətlərin getdikcə daha çox sahəsi onun öyrənilmə, təhlil, problemlərin həll
yollarının və vasitələrinin axtarılması, müvafiq tövsiyələrin işlənib hazırlanması
predmetinə çevrilir. Ümumdünya iqtisadi münasibətlərində və beynəlxalq əmək
bölgüsündə baş verən proseslər mürəkkəbləşdikcə, dünya iqtisadiyyatının
problemləri dərinləşdikcə, beynəlxalq iqtisadi əməkdaşlıq genişləndikcə,
BMT-nin iqtisadi fəaliyyətinin əhəmiyyəti də artır.
Beynəlxalq, o cümlədən iqtisadi sahədə əməkdaşlığın məqsədləri BMT-
nin Nizamnaməsinin 1-ci maddəsində yığcam şəkildə ifadə olunmuşdur;
«...iqtisadi, sosial xarakterli beynəlxalq problemlərin həlli sahəsində beynəlxalq
əməkdaşlığı həyata keçinnək...». Nizamnamənin IX və X fəsilləri bütövlükdə
iqtisadi və sosial əməkdaşlıq məsələlərinə həsr olunmuşdur. Belə ki, 55-ci
maddədə BMT çərçivəsində iqtisadi əməkdaşlığın konkret məqsədləri göstərilir:
«...sülh və dostluq münasibətlərinin bərqərar olması üçün sabitlik və
əmin-amanlıq şəraiti yaratmaq», «...əhalinin‘həyat səviyyəsini yüksəltmək və
tam məşğulluğuna nail olmaq», «...iqtisadi, sosial tərəqqi və inkişaf şəraitinin
yaradılmasını dəstəkləmək». BMT çərçivəsində beynəlxalq əməkdaşlığın 2-ci
maddədə təsbit olunan ümumi prinsipləri bütövlüklə iqtisadi problemlər
656
sahəsində əməkdaşlığa da şamil olunur.
BMT-nin əsas vəzifələrindən biri daha yüksək həyat standartlarının, tam
məşğulluğun təmin olunmasına yardım göstərilməsi, sosial-iqtisadi tərəqqi və
inkişaf üçün şərait yaradılmasıdır. BMT sisteminin fəaliyyətinin 70%-i məhz bu
məsələlərlə əlaqədardır. Bu fəaliyyətin əsasında, yoxsulluğun aradan
qaldırılmasının və insanların rifahının yüksəldilməsinin bütün dünyada sülhün
bərqərar olunmasına şərait yaradacağına doğru zəruri addım olduğuna inam
durur.
BMT inkişaf məqsədlərinə istiqamətlənmiş hərəkətlərə dair beynəlxalq
konsensusun hazırlanmasında həlledici rol oynayır. 1960-cı ildən başlayaraq. Baş
Assambleya 10 illik beynəlxalq inkişaf strategiyaları seriyası çərçivəsində
prioritetlərin müəyyənləşdirilməsi və məsələlərin qarşıya qoyulmasını
dəstəkləyir. Konkret məsələlərin həllinə yönəlmiş bu proqramlarda sosial-
iqtisadi inkişafın bütün istiqamətlərində tərəqqi əldə olunmasının vacibliyi daim
qeyd edilir. BMT dayanıqlı inkişafın təmin olunması, qadınların vəziyyətinin
yaxşılaşdırılması, insan hüquqlarına riayət olunması, ətraf mühitin mühafizəsi
kimi həlledici sahələrdə yeni vəzifələrin müəyyən olunması və onların həlli
proqramlarının işlənib hazırlanması üzrə işini davam etdirir.
2000-
ci ildə keçirilən Minilliyin Sammitində dünya liderlərinin
təsdiqlədiyi
Minilliyin Bəyannaməsində son dərəcə yoxsulluğun və aclığın
ləğvi; ümumi ibtidai təhsilin təmin edilməsi; cinslər arasında bərabərliyin
dəstəklənməsi və qadınların hüquqlarının və imkanlarının genişləndirilməsi; uşaq
ölümü səviyyəsinin aşağı salınması; analığın qorunması sahəsində vəziyyətin
yaxşılaşdırılması; HİV/QİÇS, malyariya və başqa xəstəliklərlə mübarizənin
gücləndirilməsi, 2015-ci ilədək kəmiyyətcə ifadə oluna bilən bir sıra
göstəricilərin əldə olunması sayəsində ekoloji dayanıqlığın təmin olunması və s.
kimi əsas vəzifələr formalaşdırılmışdır. Məsələn, gündəlik gəliri 1 dollardan
aşağı olanların sayının 2 dəfə azaldılması; ümumi ibtidai təhsilin təmin edilməsi;
təhsilin bütün səviyyələrində cinslər arasında qeyri- bərabərliyin aradan
qaldırılması; analığın qorunması sahəsində vəziyyətin yaxşılaşdırılması yolu ilə
uşaq ölümünün kəskin aşağı salınması nəzərdə tutulmuşdur.
BMT sistemi sosial-iqtisadi məqsədlərə nail olunmasının dəstəklənməsi
sahəsində çoxtərəfli fəaliyyət göstərir. İxtisaslaşmış təşkilatların mandatları
sosial-iqtisadi fəaliyyətin praktiki olaraq, bütün sahələrini əhatə edir. Bu
təşkilatlar dünyanın bütün ölkələrinə texniki və başqa fonualarda praktiki
657