dəyişir. G-20 ölkələri 5 qrupa bölünmüşdür, onlardan hər birindən sədr 5 ildə bir
dəfə seçilir.
G-20-nin əvvəlki, cari və gələcək sədrlərindən ibarət olan «Üçlüyünün»
təsisi barədə qərar 2002-ci ildə qəbul edilmişdir.
«Üçlüyə» iclasların gündəliyinin tərtibi, məruzəçilərin seçilməsi (G-20-
nin üzvləri ilə məsləhətləşmələrdən sonra), iclasların təşkili məsələləri həvalə
edilmişdir. Hazırda «Üçlük» Braziliya, Böyük Britaniya və Koreya
Respublikasından ibarətdir.
G-20-nin Vaşinqton (15 noyabr 2008-ci il) vo London (2 aprel 2009-cu
il) Sammitləri. Qlobal böhranın ən güclü tüğyan etdiyi dövrdə, 15 noyabr
2008-ci ildə ABŞ-ın Prezidenti C.Buş Vaşinqtonda 2 qrupun - G-8 və G-20- nin
sammitini çağırdı və onları dünyada baş verən iqtisadi böhranın aradan
qaldırılması üzrə əlaqə-ləndirilmiş tədbirlərin həyata keçirilməsinin vacibliyinə
inandırmağa çalışdı. Bir çox təhlilçilərin rəyinə görə, dünyanın aparıcı iqtisadi
gücləri gündəliyə daxil edilən məsələlərin heç biri üzrə ümumi rəyə gələ
bilmədi. Amma həyati əhəmiyyət kəsb etdiyinə görə, razılaşma nəyin bahasına
olursa-olsun, əldə olunmalı idi: G-20 ölkələri dünya üzrə istehsal olunan
ümumi məhsulun 90%-ni cəmləşdirirdi və onların qəbul edəcəyi qərar qlobal
böhranın dinamikasını mühüm dərəcədə müəyyənləşdirirdi.
Əslində, G-20-nin tarixində ilk olan bu sammit bütövlükdə beynəlxalq
iqtisadi münasibətlər sistemi üçün mühüm mərhələ olmuşdur. Zahirən
dünyanın aparıcı iqtisadiyyatlarının rəhbərlərinin bu görüşünün praktiki
baxımdan heç bir əhəmiyyətli nəticə verməməsi təəssüratı yaransa da, əslində
belə deyildi. Məsələn, onun Yekun sənədində ən iri maliyyə qurumları üzərində
maliyyə nəzarətçiləri kollegiyalarının və mühasibat hesabatının vahid
ümumdünya standartlarının yaradılması diqqətəlayiqdir. Sammitdə dünya
maliyyəsinin idarə olunması prinsiplərinin dəyişdirilməsinin. Maliyyə Sabitliyi
Forumunun (maliyyə nəzarətinin texniki tərəfini tənzimləyən və mərkəzi
banklardan ibarət olan təşkilat) tərkibinin genişləndirilməsinin, BVF və Dünya
Bankının əsaslı yenidən qurulmasının vacibliyi qeyd olunmuşdu.
Bununla yanaşı, Sammitin ən mühüm nəticələrindən biri qismində, G-20-
nin dünyadakı rolunun dəyişməsini və aparıcı ölkələrin «səkkizlik» kimi
nüfuzlu klubunun təsir gücünün zəifləməsini (bunu əminliklə demək olar)
göstərmək olar.
G-20-nin London Sammiti.
Belə görünürdü ki, «iyinniliyin» London
689
görüşü qlobal xarakterli qərarların qəbulunun yeni mühüm mərkəzinin
formalaşmasının ifadəsidir. Bir sıra mühüm qərarların qəbul olunmasına
aşağıda göstərilən 2 məqam təsirini göstənnişdir.
Birincisi, onların Vaşinqton görüşü dövründə bəzi (bəlkə də əksər)
ölkələr 2009-cu ildə böhranın genişlənməsinin dayanacağını, zəifləyəcəyini,
payızın əvvəlində isə canlanma fazasının başlanacağını ehtimal edirdi. Bir çox
ekspert-təhlilçilər və beynəlxalq təşkilatlar qlobal böhranın məhz bu cür
keçəcəyini təsvir edirdi. Əslində isə, tamamilə əks hal yarandı: böhran daha da
dərinləşdi, investisiyalar ixtisar olundu, işsizlik artdı, sosial və əmək şəraiti
pisləşdi. Bu cür inamsızlıq və qeyri-sabitlik vəziyyətində qlobal iqtisadi
siyasətin bir sıra prinsipal müddəalarına (hərçənd hamısına yox), beynəlxalq
maliyyə-iqtisadi təşkilatlann (BVF, G-8) fəaliyyəti məsələlərinə toxunan
ümumi anti-böhran tədbirləri üzrə razılığın əldə olunması üçün nisbətən
əlverişli siyasi fon yarandı.
Bununla əlaqədar qeyd olunmalıdır: 2009-cu il London sammiti Avropa
qitəsində iqtisadiyyatın tənzimlənməsi modelinin yaradılmasında
böyük uğur
olmuşdur. Sammitin yekun Bəyanatında Almaniya və Fransanın, demək olar
ki, bütün tələbləri nəzərə alınmışdı. «Böyük yeddilik» nəzdindəki Maliyyə
Sabitliyi Forumu (MSF) Maliyyə Sabitliyi Komitəsinə (Financial Stabilility
Board) çevrilmişdir, MSF-nin Beynəlxalq Flesablaşmalar Bankı nəzdində
Bazeldə fəaliyyət göstərən azsaylı Katibliyi isə qlobal maliyyə vəziyyətinə
daha böyük səmərə ilə nəzarət edə biləcək ciddi orqanla əvəz olunmuşdur.
Bütün tərəflər sistem baxımından mühüm olan hecinq fondları üzərində
nəzarətin sərtləşdirilməsinin vacibliyi ilə razılaşdı. Hecinq fondlarının 52%-nin
ofşor zonalarının, qalanlarının 65%-nin ABŞ-ın, 16%-nin Böyük Britaniyanın
və yalnız 15%-nin avrozona ölkələrinin payına düşdüyü nəzərə alınarsa, bu,
son dərəcə mühüm, sıçrayış əhəmiyyəti olan qərar olmuşdu. Beləliklə, maliyyə
sahəsinin cəmi 7%-nə nəzarət edən, amma bunun ciddi tənzimlənməsi
tərəfdarları olan ölkələr qalan iştirakçıların fəaliyyətinə «göz qoymaq» hüququ
qazandı.
Lakin dünyanın inkişaf etməkdə olan ölkələri (Çin, Hindistan, Braziliya,
CAR, Rusiya və başqaları) ümumilikdə öz təkliflərini reallaşdıra bilmədi.
Sammitdən əvvəl Rusiya tərəfi «qərarların qəbulunda demokratiyanı və
nəticələrinə görə bərabər məsuliyyəti», «risklərin ədalətli bölgüsünü», BVF
kvotalarının «düzgün» bölgüsünü və «hamıya bəlli olan qaydaları əsasında
690
fəaliyyət göstərən beynəlxalq valyuta-maliyyə sisteminin əvvəlcədən
proqnozlaşdırılması imkanının olmasını» nəzərdə tutan tədbirlərin uzun
siyahısını təqdim etmişdi. Rusiya tərəfi hesab edirdi ki, «ölkələrin əksəriyyəti
öz ehtiyatlarını xarici valyutada saxladığına görə onların etibarlılığına əmin
olmalıdır» və buna «ehtiyat valyutaların emitenti olan ölkələr tərəfindən mütləq
qaydada riayət edilməli olan beynəlxalq makroiqtisadi və büdcə siyasəti
standartları» kömək edə bilər. Rusiya nümayəndələrinin «ehtiyat qismində
istifadə olunan valyutaların siyahısının genişləndirilməsi» tələbinə Çin də
qoşulmuşdu. Amma bu məsələ, ölkələrin əksəriyyətinin ABŞ-a qarşı tənqidi
münasibətinə baxmayaraq, dolların alternativini görməməsi səbəbindən geniş
müzakirə olunmadı.
Avropalılar (ilk növbədə, Fransa Prezidenti N.Sarkozi və Almaniya
Kansleri A.Merkel) Maliyyə Sabitliyi Komitəsinə ali menecerlərin müka-
fatlandırılmasmm beynəlxalq standartlarını müəyyənləşdirmək səlahiyyətinin
verilməsinə nail oldular’.
Yeri gəlmişkən, Rusiyanın iri korporasiyalarında ali menecerlərin
mükafatı avropalılarla müqayisədə çoxdur və amerikalıların həddən artıq
şişirdilmiş mükafatlandırma formalarına uyğundur. Təzad bundadır ki, Rusiya
korporasiyalarının, demək olar ki, hamısı və onların idarəçiliyi son dərəcə
səmərəsizdir, nə müasir şirkətlərin, nə də menecerlərin iş standartlarına uyğun
deyil. Amma bu menecerlərlə adi işçilərin əmək haqqındakı fərq Avropadakı və
Amerikadakı ilə müqayisə 40-50 dəfə çoxdur.
İndi bütün ölkələr öz bank sektorunun vəziyyəti barədə tam informasiya
venuəyə borcludur (2002-ci ilədək ABŞ bundan imtina edirdi).
London sammitinin ən mühüm qərarlarından biri də ofşorların sayının və
orada hərəkət sərbəstliyinin məhdudlaşdırılmasıdır. Bu zaman dörd əsrdən artıq
müddətdə öz müştərilərinin bank sirrini qoruyan İsveçrənin güclü müqaviməti
qarşıya çıxdı. Amma bu ölkə ABŞ, Fransa, Almaniya və Böyük Britaniyanın
birgə təzyiqinə davam gətinnədi. Mühasibat hesabatlığının vahid sisteminin
vacibliyi hamı tərəfindən qəbul olunmuşdur və onun ABŞ-ın GAAP deyil,
Avropanın IFRS əsasında yaradılacağı ehtimalı daha çoxdur. Nəhayət, reytinq
agentlikləri ciddi beynəlxalq nəzarət altında yenidən qeydiyyatdan keçməlidir.
^ 2007-ci ilin yekunlarına görə, avrozonanın 50 iri korporasiyasının rəhbər şirkətlərinin mənfəəti ABŞ
şirkətləri ilə müqayisədə cəmi 15% az olmasına baxmayaraq, 14,8 dəfə aşağı bonus və əmək haqqı almışdı.
691
Dostları ilə paylaş: |