2.
GATT - ÜTT-nin əsas danışıq «meydançaları» kimi ticarət
raundlarının rolu nədən ibarətdir? Ən mühüm beynəlxalq ticarət və tarif
qaydaları hansı raundlarda qəbul edilmişdir? Neçə raund keçirilmişdir?
3.
ÜTT-nin məqsədləri və vəzifələri nədən ibarətdir? ÜTT-nin təşkilati
quruluşu necədir?
4.
2001-ci ildə Dohada (Qətər) başlamış ticarət danışıqlarının sonuncu
raundu niyə yarımçıq qalmışdır?
5.
ÜTT çərçivəsində hansı mühüm Sazişlər fəaliyyət göstərir və onlar
hansı münasibətləri tənzimləyir?
Referatların mövzuları
1.
ÜTT-nin (GATT-ın) əsas vəzifələri və məqsədləri, fəaliyyətinin
nəticələri
2.
Dohada (Qətər, 2001-ci il) başlayan ticarət raundunun
uğursuzluğunun
səbəbləri
3.
Rusiyanın ÜTT üzvü olmaq səylərinin səbəbləri:
mümkün nəticələr
732
Müasir qlobal problemlərin təsnifatı
Terminlər məsələsi və qloballaşma probleminin genezisi tədqiqat
predmeti kimi. Qlobal problemlər 1960-cı illərdə, yəni «qloballaşma» termininin
meydana çıxmasından 20 il öncə dünya ictimaiyyətinin, müxtəlif ölkələrin siyasi
və elmi dairələrinin geniş müzakirə obyektinə çevrilmişdir. Dərsliyin əvvəlki
fəsillərində aydınlaşdırdığımız kimi, qloballaşma təsərrüfatçılıqda, maliyyədə,
siyasətdə, sosial sferada, mədəniyyətdə və fəaliyyətin başqa sahələrində
infonnasiya-kommunikasiya texnologiyaları əsasında beynəlmiləlləşmənin yeni
mərhələsidir. Qlobal problemlər
isə həm insanın planetar miqyasda fəaliyyəti,
həm də təbiətdə baş verən, insanla mütləq bağlılığı olmayan dəyişikliklər
nəticəsində fonnalaşan ən böyük ziddiyyətlərdir. Pedaqoji praktika göstərir ki,
tələbələr bu iki anlayışın özündə ehtiva etdiyi, prinsip baxımından tamamilə
müxtəlif olan məzmunu çox vaxt qarışdırır və buna görə də onların
fərqləndirilməsi zəruridir.
Qlobal problemləri, ilk növbədə, onların universal, ümumi xarakteri
birləşdirir. Bir qayda kimi, onlar müasir sivilizasiyanın tipindən, onun
fəaliyyətinin istehsal-təsərrüfat formasından və buna müvafiq olaraq, təbiət və
cəmiyyətlə qarşılıqlı əlaqəsi sahəsində məhsuldar qüvvələrin (istehsal
amillərinin) tipindən irəli gəlir. 1960-cı illərdə 3 qlobal problem daha aydın
surətdə təsnifləşdirilmişdi.
Bunlardan birincisi - nüvə silahı daşıyan raketlərin Kubada yerləşdiril-
məsinə görə ABŞ və SSRİ arasında atom müharibəsinin başlanmasının real
təhlükəsi idi (1961-ci il). Həmin vaxt nüvə fəlakətinin baş vennə təhlükəsinin
qarşısını böyük çətinliklə almaq mümkün oldu; bu zaman bəşəriyyət nüvə- raket
müharibəsinin baş vermə təhlükəsinin aradan qaldırılması kimi qlobal problemin
həllinin yalnız aparıcı dövlətlərin deyil, bütün dünya ictimaiyyətinin vəzifəsi
olduğunu dərk etdi.
İkinci qlobal problem - inkişaf etməkdə olan ölkələrdə, xüsusilə də
Afrikada və Asiyanın əhalinin sıx məskunlaşdığı regionlarında, habelə Latın
Amerikası ölkələrinin böyük qrupunda sürətlə yayılan və getdikcə kəskinləşən
aclıq təhlükəsidir. Əhalisi nəhəng, illik artım tempi isə 3,1% olan Hindistan da
daim aclıq təhlükəsi altındadır. BMT-nin məlumatlarına görə, artıq bu gün Asiya,
Afrika və Latın Amerikasında əhalinin 'A hissəsindən çoxu yoxsulluq və səfalət
həddində yaşayır, ərzaq mallarının qıtlığı isə ölkələrin bu qrupunda
735
xroniki xarakter almışdır.
Üçüncü qlobal problem - insan və ətraf mühit arasındakı münasibətlərdə
böhrandır. 1972-ci ildə amerikalı tədqiqatçılar, ər-arvad D.E. və C.Medouzun
«İnkişafın hüdudları. Roma klubuna Hesabat» əsəri nəşr olunmuşdur. Bu əsər
bütün dünyada böyük əks-səda doğurdu; müəlliflər ilk dəfə olaraq insanla
təbiətin təmasda olmasının dağıdıcı təsirini göstərmişdilər. Nəticə belə idi:
bəşəriyyət ətraf mühiti son 200 ildə olduğu kimi intensivliklə dağıdacaqsa, özü
məhv etdiyi təbiətin dağıntıları altında həlak olacaq. Bu dövrdən başlayaraq,
qlobal ekoloji problem aktuallığa çevrildi.
Qlobal problemlərin müasir təfsiri. Son onilliklərdə qlobal problemlərin
sayı durmadan artaraq ümumbəşəri xarakter daşıyan, çətin həll olunan
məsələlərin və ziddiyyətlərin yaranmasının dinamikasını əks etdirir. Qlobal
problemləri müəyyən qruplar üzrə bölmək olar.
Problemlərin birinci qrupu
dünyanın sosial-iqtisadi, mədəni və siyasi
inkişafı sahəsindədir; ikincisi
- ekoloji xarakterli problemlərdir; üçüncüsü -
dünyada nüvə müharibəsinin baş vemıəsi, müharibələr, silahlı münaqişələrin
yayılması ilə bağlı problemlərdir. Buna uyğun olaraq, XXI əsrin aşağıdakı qlobal
problemlərini sadalamaq olar:
•
əhalinin böyük hissəsinin onillikdən-onilliyə «süzülərək», qlobal qeyri-
sabitliyin getdikcə şiddətlənən təhlükəli meyillərini fonualaşdıran yoxsulluq və
səfillik;
•
planetimizin bir çox bölgələrində və dünyanın onlarca ölkəsində ərzaq
böhranı - gah dünya ictimaiyyətinin nəzərindən yayınan, gah da real faktların
qarşısıalınmaz təsiri nəticəsində yenidən diqqət mərkəzinə çevrilən problem;
•
cəmiyyət və təbiət arasındakı münasibətlərdə planetar miqyaslı
problemin - qlobal ekoloji böhranın genişlənməsi;
•
bərpa olunmayan təbii ehtiyatların tükənməsi ehtimalı nəticəsində
gələcəkdə xammal böhranının baş
verməsinin mümkünlüyü;
•
enerji böhranı - bizim dövrün reallığı. Bu problem enerji mənbələrinin
(ilk növbədə, neft və qaz) azsaylı ölkələrin ərazisində cəmləşməsi nəticəsində
yaranmışdır;
•
əhalinin beynəlxalq miqrasiyası (əmək, siyasi, məcburi və s.);
•
insanın təhlükəsizliyinin, demokratik dövlətdə onun hüquq və
azadlıqlarının təmin olunması;
•
sülhün qorunması, nüvə müharibəsinin, regional silahlı münaqişələrin
736