inkişaf etməkdə olan ölkələrin kənd təsərrüfatında əmək məhsuldarlığı
primitiv səviyyədə qalaraq, inkişaf etmiş ölkələrin müvafiq göstəricisindən 20-
25 dəfə aşağıdır. Bu cəhət əkinçiliyin istehsal mədəniyyətində - aşağı
məhsuldarlıqda, yeni torpaq sahələrinin fasiləsiz surətdə dövriyyəyə cəlb
olunaraq, vəhşiliklə istismar olunmasına əsaslanan ekstensiv inkişaf tipində öz
izini qoyur. «Yaşıl inqilab» çərçivəsində həyata keçirilən aqrar proqramlara hətta
kiçik kapital qoyuluşları belə, Meksika, Hindistan, Filippin və «orta inkişaf»
səviyyəli bir sıra ölkələrə ərzaq təminatını xeyli yaxşılaşdırmağa, bəzi hallarda
isə qida məhsullarının idxalını dayandınnağa imkan vennişdir. İnkişaf etmiş
ölkələrdə tərəvəz və taxıl anbarlarının, kənd təsərrüfatı məhsullarının ilkin emalı
müəssisələrinin və s. inşa olunması ərzaq təminatını xeyli yaxşılaşdıra bilər.
Onların yoxluğu yaxud vəziyyətinin pisliyi səbəbindən yığılan məhsulun yarıya
qədəri məhv olur. Bu məsələnin həlli inkişaf edən ölkələrdə beynəlxalq ərzaq
yardımlarının ümumi həcmindən də çox məhsulu qorumağa, habelə qida
məhsullarının idxalını dayandınnağa şərait yaradardı.
Ərzaq probleminin kökündən həlli sülh uğrunda mübarizə, tərk-silah
olunma və silahların ixtisarı, beynəlxalq iqtisadi təhlükəsizliyin bərqərar edilməsi
ilə sıx əlaqədardır. Dünyanın bütün bölgələrində silahlanma yarışının səngiməsi
qeyri-məhsuldar məqsədlərə israf olunan vəsaitlərin bir hissəsini aclığın aradan
qaldırılmasına və bəşəriyyətin həyati əhəmiyyət kəsb edən başqa problemlərinin
həllinə yönəltməyə imkan verərdi. Mütəxəssislərin rəyinə görə, inkişaf etməkdə
olan ölkələrin özünü ərzaqla təmin etməsinə nail olmaq üçün dünya üzrə müdafiə
məqsədlərinə yönəldilən vəsaitlərin cari həcminin cəmi 3%-i kifayətdir.
Amma təcrübə inkişaf etməkdə olan ölkələrin xalqlarının ərzaq
təhlükəsizliyi qlobal probleminin qəti surətdə həlli üçün təkcə obyektiv ilkin
şərtlərin mövcudluğunun kifayət olmadığım göstərdi. Bunun üçün bir sıra varlı
ölkələrin mərhəməti əsasında deyil, planetin bütün xalqlarının ümumi
maraqlarım nəzərə almaqla qurulan qlobal siyasət də lazımdır.
Geridə qalmış aqrotexniki metodlarının tətbiqi, əmək məhsuldarlığının
aşağı səviyyədə olması nəticəsində yaranan vəziyyətdə inkişaf etməkdə olan
ölkənin kənd təsərrüfatında məşğul olan bir nəfər özünü və ailəsini çətinliklə
dolandırdığı halda, bir fermer ABŞ-da 75, Qərbi Avropada 50, Yaponiyada isə 35
nəfərin tələbatını ödəyir.
Alimlərin proqnozlarına əsasən, 2025-ci ildə planetimizin əhalisi 8,5
763
milyard nəfərə çatacaq, onun 83%-i isə inkişaf etməkdə olan ölkələrdə
yaşayacaq. Bu məqam ərzaqla təminat problemini getdikcə mürəkkəbləşdirəcək.
BMT-nin Ətraf Mühit və İnkişaf Konfransının hesabatının «Kənd təsərrüfatının
dayanıqlı fəaliyyətinə və kənd bölgələrinin inkişafına yardım» bölməsində də bu
sayda əhalinin mövcud resurslar hesabına ərzaqla və başqa kənd təsərrüfatı
məhsulları ilə təmin edilməsinin mümkünlüyü məsələsinin açıq qalması dəfələrlə
qeyd olunur.
Ərzaq təhlükəsizliyini, sadəcə olaraq, qida məhsullarının istehsalını
çoxaltmaqla təmin etmək mümkün deyil. Kənd təsərrüfatına yönəldilən
investisiyalar əhalinin ən zəif qrupları arasında aclığı aradan qaldırmağa imkan
yaradan sosial müdafiə tədbirləri ilə dolğunlaşdırılmahdır. Məsələn, inkişaf
etməkdə olan ölkələrin çoxunda qadınlar ərzaq istehsalında, qidalanmada və
ailələrin gəlirlərində mühüm rol oynayır. Məhz buna görə də ərzaq təhlükəsizliyi
sahəsində proqramların işlənib hazırlanmsı və həyata keçirilməsində qadınların
sağlamlığı, təhsili və məşğulluğu ilə bağlı olan məsələlər başhea amillərdən
birinə çevrilir.
Ən yoxsul ölkələrdə aclıq çox hallarda ərzaq qıtlığı ilə deyil, onu əldə
etməyin qeyri-mümkünlüyü ilə əlaqədardır. Bu cür vəziyyət mürəkkəb amillərin
qarşılıqlı təsirinin nəticəsidir. Aztəminatlı şəxslərin qida məhsullarını almaq
imkanından məhrum olması ilə yanaşı, kənd təsərrüfatı və ərzaq mallarının bir
çox növləri gömrük tariflərinin yüksək olması yaxud infrastruktur və nəqliyyat
sistemlərinin yoxluğu ucbatından ölkələr arasında mübadilə edilə bilmir. Əmlak
hüquqlarının dəqiq müəyyən olunmaması onları torpaqdan kreditlərin təminatı
kimi istifadə etmək imkanından (xırda fenner təsərrüfatının bu kreditlərə ehtiyacı
var) məhrum etdiyinə görə, çətinliklə dolanan kəndlilər natural təsərrüfat
hüdudlarından kənara çıxa bilmir. Ərzaq təhlükəsizliyi sistemi lazımi səviyyədə
təşkil edilmədiyinə görə ölkələrin bir çoxu mallarının artıq qalan hissəsini sata
bilmir. Meşələrin qırılması, göl və çaylann çirklənməsi, əkin sahələrinin
amansızcasına istismarı əhalinin sürətli artımı şəraitində torpağın məhsuldarlığını
azaldır, onun üzərinə düşən «yükü» ağırlaşdırır.
Xülasə
• XXI əsrin ikinci onilliyinin əvvəlində dünya əhalisinin böyük hissəsinin
yoxsulluğu, əsrlər öncə olduğu kimi, indi də bəşəriyyətin qlobal
764
problemlərindən biridir. Müstəmləkəçilik dövrünün başa çatmasından sonra
(1960-cı illər) ciddi siyasi amillər, məsələn, beynəlxalq gərginliyin zəifləməsi, iki
qlobal sistem (kapitalizm və sosializm) arasında dinc yanaşı yaşama prinsipinin
tanınması və s. meydana çıxdıqdan sonra dünyanın ictimai rəyi yoxsul ölkələrin
iqtisadi və sosial problemlərinin tezliklə həll olunacağı barədə romantik xəyallara
köklənmişdi. Həmin illərdə BMT çərçivəsində qəbul olunan qərarda inkişaf etmiş
ölkələrin öz illik ÜDM-nin 1%-ni yoxsul ölkələrin inkişafına yardım
məqsədlərinə ayırması nəzərdə tutulurdu. BMT-nin yardım göstərilməsi üzrə
təşkilatları, o cümlədən UNDP fəaliyyətə başladı.
•
Yarım əsr keçdikdən sonra dünyada yoxsulluğun vəziyyəti dəyişsə də,
onun tam sovuşduğunu demək olmaz. İnkişaf etmiş ölkələr qrupunda (33 dövlət)
yoxsulların sayı əhalinin 12-13%-i, 10 ölkədə isə 3%-dən aşağıdırsa, inkişaf
etməkdə olan təqribən 80 ölkədə əhalinin yarısından çoxu, 40-da isə əhalinin
60%-dən çoxu yoxsullardan ibarətdir. Yoxsulluq keçmiş SSRİ-nin əhalisinin
böyük qismi hesabına da artır (300 milyon əhalinin 40%-i bu kateqoriyaya
daxildir). Yoxsulluğun regional-qitə bölgüsü də bərabər deyil: 49 ən yoxsul ölkə
əsasən Afrika (Böyük Səhranın Cənubu), Asiya, Latın Amerikası, habelə
Mərkəzi Asiyada (keçmiş SSRİ-yə aid olan hissə) yerləşir.
•
Elmin, texnikanın, təhsilin tərəqqisinə baxmayaraq, yoxsulluq və
qeyri-bərabərlik bəşəriyyətin qlobal problemi kimi qalmaqdadır. Yoxsul əhalinin
əksər hissəsi Asiyanın, Afrikanın və Latın Amerikasının inkişaf etməkdə olan
ölkələrində yaşayır. Bu problemin həllində əhəmiyyətli irəliləyiş əsasən Çində və
Hindistanda baş verir və əhalisinin sayı (6,6 milyard dünya əhalisinin 2,5 milyard
nəfəri) nəzərə alınarsa, həmin ölkələrin böyük nailiyyəti hesab edilməlidir.
•
Yer əhalisinin əsas kütləsi inkişaf etməkdə olan ölkələrdə cəmləşmişdir
və yaxın perspektivdə müxtəlif səbəblərdən, o cümlədən yeni iş yerlərinin
açılması gözlənilmədiyinə görə onların məşğulluq səviyyəsinin yüksələcəyinə
ümid azdır. Bu mühitdə ən radikal baxışlar, mövcud iqtisadi və siyasi quruluşun
dəyişdirilməsi, qlobal ictimai məhsulun yenidən bölgüsü tələbləri baş qaldırır.
•
Artımın mövcud modelləri, «mərkəz» və «əyalət» arasında münasibətlər
sistemi indiki vəziyyətdə saxlandığı halda, inkişaf etməkdə olan ölkələrin
əksəriyyəti geriliyi, yoxsulluğu, səfaləti və aclığı aradan qaldırmağa imkan verən
iqtisadi inkişafa nail ola bilməyəcək.
765
Dostları ilə paylaş: |