8
jurnalist” adı bərpa olundu və bir qrup jurnalist bu fəxri ada
layiq görüldü və bundan sonra jurnalistlərin təltif
olunması ənənəyə çevrildi.
Azərbaycan mətbuatının və jurnalistikasının inkişafının
davamlı xarakter alması məqsədilə dövlət başçısının tapşırığı ilə
müstəqil mətbuatın inkişafının əsas istiqamətlərini göstərən
Dövlət Konsepsiyası işlənib hazırlandı və Prezidentin 31 iyul
2008-ci il tarixli sərəncamı ilə təsdiq edildi.
3 May – Beynəlxalq Söz və Mətbuat Azadlığı Gününü
unutmamaq və gənc nəslə, eləcə də şagirdlərə tanıtmaq
məqsədilə kitabxanada bir sıra tədbirlər: kitab müzakirəsi,
oxucu konfransı, rəsm müsabiqəsi, oxucularla söhbət,
səhnəciklər, icmal, kompozisiya və s. keçirilə bilər.
Həmçinin bu
mövzuyla bağlı fotostend, dünya mətbuatından və eləcə də
Azərbaycanın ilk qəzet nümunələri, məqalə və kitabları sərgidə
öz yerini alır. Müxtəlif ədiblərin, görkəmli şəxsiyyətlərə məxsus
kəlam və materiallar da sərgidə nümayiş oluna bilər. Bütün
bunlarla yanaşı sitatlar və şeir parçaları sərginin daha da
dolğunlaşmasına səbəb olar. Sərgiyə müxtəlif başlıqlar verilə
bilər: “Azad söz, azad fikir, demokratik düşüncə”, “Mətbuat –
Həyatın güzgüsü, həqiqətin carçısı”, “Mətbuat – Xalqın şanlı
tarixi salnaməsi”, “Mətbuat – Cəhalət və zülmət dünyasını
nurlandıran məşəl”, “Xalqa xidmətin ən yüksək zirvəsi”, “Daha
susa bilməzdim”, “Tariximizdən səhifələr”, “Hamımızın
azadlığı, söz azadlığı”, “İnformasiya inqilabı”, “Dünya
mediası”, “Dünyanın söz və mətbuat azadlığı”, “Müxtəlif əsrlər,
eyni mövqe”, “Maarifçiliyimizin sütunları”, “Mətbuat xalqın
ucadandanışanıdır”, “Zülmətdə işıq”, “Mətbuat demokratiyaya
aparan ən kəsə yoldur” və s.
10
Görkəmli şəxslərin Beynəlxalq Söz və Mətbuat Azadlığı Günü
haqqında söylədikləri fikirlər:
Biz demokratiya yolu ilə gedərək, söz azadlığını təmin
edərək, mətbuat azadlığını təmin edərək bu yolda nöqsanları
ardıcıl surətdə aradan qaldırmalıyıq və qaldıracağıq, mətbuata,
söz azadlığına bütün imkanları yaradacağıq.
Heydər Əliyev,
Azərbaycan xalqının ümummilli lideri
Mətbuat demokratiyanı dərinləşdirən, siyasi inkişafa təkan
verən qüdrətli vasitədir. Bu gen əsas vəzifə onun geniş
imkanlarından milli dövlət quruculuğunda, demokratik
dəyərlərin bərqərar edilməsində, sivil vətəndaş cəmiyyətinin
formalaşmasında, islahatların həyata keçirilməsində, insanların
mənəvi saflaşmasında səmərəli istifadə etməkdən ibarətdir.
Mətbuat həyatın güzgüsü, həqiqətin carçısı olmalıdır, insanları
yüksək ideyalar uğrunda mübarizəyə səsləməli və səfərbər
etməlidir.
***
Mən öz işimdə mətbuata həmişə dəstək verməyə çalışıram.
Bu gün də bu siyasəti aparıram. Hesab edirəm ki, qəbul edilmiş
qərarlar bunun əyani sübutudur. Gələcək fəaliyyətimdə də
çalışacağam ki, Azərbaycanda fəaliyyət göstərən mətbuat
orqanlarına öz köməyimi, dəstəyimi verim. Mən əminəm ki,
normal, hüquqi, demokratik dövlətin qurulması işinə KİV-in çox
böyük əhəmiyyəti var və bu əhəmiyyət getdikcə artır.
İlham Əliyev,
Azərbaycan Respublikasının Prezidenti
Heç olmaz ki, doğru söz yerdə qalsın.
H.B.Zərdabi,
Maarifçi
11
Xalqımızın
mənəviyyat, mədəniyyət pasportu olan
kitablarımızın tarixi ilə hər birimiz fəxr edə bilərik.
Sabir Rüstəmxanlı,
Xalq şairi
II Bölmə: Keçiriləcək tədbirlər
Konfrans – Kitabxanada keçiriləcək ənənəvi tədbir forması
kimi “Xalqa və dövlətə xidmət yolunda” adlı konfrans da
məqsədyönlüdür. Bu məqsədlə kitabxanaçı bir neçə ali
məktəblərlə əməkdaşlıq edir. O, ali məktəb tələbələrini və
oxucuları kitabxanaya cəlb etməklə Azərbaycan və dünya
mətbuatının yaranması, keçdiyi mərhələlər və hal-hazırkı
vəziyyətlə tanış edir. Daha sonra kitabxanaçı sözü gedən tədbir
üçün müəyyən olunmuş tarixdə oxucuları kitabxanaya dəvət
edir. Konfransa müxtəli ixtisas və peşə sahibləri – tarixçilər,
araşdırmacılar, yazarlar, jurnalist və KİV-in əməkdaşları və s.
iştirak edə bilər. İştirakçılar növbə ilə bu tarixi hadisə haqqında
oxucuları məlumatlandırır.
I iştirakçı: Kütləvi informasiya vasitələri (KİV) hər bir ölkədə
ictimai fikri formalaşdıran bir institutdur. Bu baxımdan bəzən
“media” adlandırılan KİV cəmiyyətdə böyük təsir gücünə
malikdir. Təsadüfi deyil ki, medianı bir çox hallarda “dördüncü
hakimiyyət” adlandırırlar. Lakin KİV o zaman dördüncü
hakimiyyət funksiyasını yerinə yetirə bilir ki, o, azad və müstəqil
olsun, siyasi və iqtisadi qurumların vassalına çevrilməsin.
Söz və mətbuat azadlığı bir çox hallarda cəmiyyətdə
demokratiyanın meyarı, ölçüsü rolunu oynayır. Söz azadlığının
olmadığı, mətbuatın senzuraya məruz qaldığı cəmiyyətdə insan
hüquqları da tez-tez pozulur. Məhz bu səbəbdən bir çox mötəbər
beynəlxalq qurumlar və demokratiyanın inkişafına xidmət edən