KöRPƏ SƏSİ, ana nəFƏSİ
Yüklə 1,54 Mb. Pdf görüntüsü
|
- Bu səhifədəki naviqasiya:
- Salatın Əhmədli 29
- Salatın Əhmədli 31
- Salatın Əhmədli 32
- Salatın Əhmədli 33
- Salatın Əhmədli 34
Salatın Əhmədli 29 - Əlbəttə, - Məhbubə təsdiqlədi, sonra da əlavə elədi: - Nə dəyirmana, nə də bu xaraba evə heç kim yaxın durmur. - Bəs Haramxanın axırı necə oldu? - Necə olacaq? Haramlığının qurbanı oldu. Allah cəzasını verdi. Dəyirman daşını çevirib təmir etmək istə- yəndə daş düşüb o biri ayağını da xıncımlayıb. Elə dəyirmandakı yatağında zarıya-zarıya qanqrenadan ölüb. Deyirlər, elə oralarada dəyirmanın yaxınlığında basdırıblar. …Rəfiqəmin nəvəsinin toyundan sonra şəhərə qayıtdım. Amma Haramxanın xaraba qalmış dəyirmanı yadımdan çıxmırdı. Salatın Əhmədli 30 ÖMÜRLÜK GİROV Abşeronda, həm də elə Bakıda qışın qurtarmağı ilə yazın gəlişi eyni vaxta təsadüf edir. Şimaldan əsən soyuq küləklər cənub küləyi ilə əvəz olunan kimi hava dəyişir. Təbiətin ilıq nəfəsini hər kəs hiss edir. Hərdən təbiətin qəfil şıltaqlıqları da özünü göstərir. Elə bilirsən ki, yazdı, birdən görürsən ki, yox, çevrildi qışa. Ancaq deyəsən, bu il belə deyil. Pəncərəni açdım, səs-küylü küçə cana gəlmişdi. Adamların bəziləri qalın paltarlarını çıxarmış, Novruzun gəlişini elə bayram əhvalı, yaz ovqatı ilə qarşılamaq istəklərini, sanki, təbiətə göstərmək istəyirdilər. Hündür mərtəbəli binaların ətrafındakı yaşıllıqların kənarı ilə əkilmiş nərgiz topalarının arasından boy göstərən ağ çiçəklər elə bil yazın gəlişini adamlardan əvvəl duymuşdular. Hərdən xəfif külək əsəndə nərgiz çiçəkləri başlarını yelləyir, ətrafa bağışladıqları xoş ətirlərilə küçədən keçən adamlara bayram təbriklərini çatdırırdılar. Mən hər yayı dünyanın müxtəlif yerlərinə səyahətlərdə keçirsəm də, Salatın Əhmədli 31 yay istirahətimi Pirşağıdakı bağ evimizdən başlayıram. Olur ki, səyahətlərim təxirə salınır, ancaq əhvalım pozulmur. Xəzərin qızıl qumları gözlərimi oxşayır, mehriban qonşularımızla deyə-gülə keçirdiyim mövsüm həmişə yadımda qalır. İndi də nərgiz çiçəklərinin belə pərvərişlə yazın gəlişini xəbər verməyi məni bir balaca narahat elədi. …Bəzən bir adamın borcu olur, ya da deyəcəyi sözü olur, ancaq o borcu qaytarmaq, o deyəcəyini vaxtında demək yaddan çıxır. İndi isə nərgizin yazın gəlişini xəbər verməyi yay mövsümünü yadıma saldı. Axı bağ qonşularıma borcum vardı… Əhvalat ötən il olmuşdu. Yay mövsümü qurtarırdı. Mən səyahətlərimi başa vurub uzaqlarda onun üçün darıxdığım Bakıya qayıtmışdım. Bir-iki tanış-bilişlərimə, rəfiqələrimə zəng vurub hal-əhval tutdum. Kimin nədən qayğılandığını, şəhərin həyatında təzə nələrin olduğu- nu öyrəndim, ancaq şəhərdə qala bilmədim. Yır-yığış eləyib Pirşağıdakı bağ evimizə getdim. Axı oradakı qonşular da mənim üçün əziz idi. Pirşağı sahilləri dünyanın görməli, gəzməli olan yerlərindən heç də geri qalmır. Yəqin ki, yeri, yurdu, təbiəti də doğmalaş- Salatın Əhmədli 32 dıran elə insanlardır. Mənim də bağ qonşularım xoş əhvalları, yaxşı münasibətlərilə könlümü oxşayır, harada olsam məni özlərinə tərəf çəkirlər. Əsmərgil köhnə bakılıdırlar. Əri Ağəli neftçi olub. Əsmərin özü isə şəhər xəstəxanasında tibb bacısı işləyib. Bura onların dədə-baba mülkü olub. Amma Ağəlinin də, Əsmərin də atalarının dədə-baba sənəti balıqçılıq imiş. Bir gün iki xalaoğlu-Ağalinin atası Ağaverdi, Əsmərin atası Gülverdi qayıqla dənizə çıxır və geri qayıtmır. Bundan sonra dolanışıq çətinləşir. Ağəlinin babası Ağarza Kömürçü meydanının yaxınlığında ev alır, ailəni də yığıb buraya köçür. Sonra arvadının bacısı uşaqlarına-yəni Əsmərin anası Güldanəyə də şəhərə köçməyi təklif edir. Dədə-baba yurdundan çıxmaq çətin olsa da Güldanə bir iş tapmaq ümidilə bu təkliflə razılaşır. Beləcə onlar sonrakı həyatlarını şəhərdə yaşamalı olurlar. Əsmərgil də, Ağəligil də həmişə yay mövsümündə bağa köçə bilirdilər. Sonralar Kömürçü meydanı söküldü, evləri sökülən adamlara şəhərin müxtəlif yerlərində mənzillər verildi. Cavanlar şəhərin müxtəlif tərəflərin- də yerləşdilər. İndi Əsmər də, Ağəli də təqaüdə çıxandan sonra dədə-baba yurdlarına qayıtmışdılar. İş Salatın Əhmədli 33 elə gətirmişdi ki, bizə bağ evimizdə onlarla qonşu olmaq qisməti düşmüşdü. …Yay mövsümünün qurtarmağına az qalmış bağa gələndə gördüm ki, Əsmərin nəvələri bizim bağın ətrafında oynayır. Onlar məni görüb qaça-qaça nənələrinə xəbərə getdilər: - Nənə, Həmayə xanım gəlir.-Uşaqlar elə nənəsinin, babasının dilindən eşitdiyi kimi, adımı çağırırdılar. Mənə həmişə «Həmayə xanım» deyir- dilər. Nə qədər onlara desəm də ki, mən də nənəyəm, qətiyyən razılaşmırdılar. Axır ki, mən onların «Həmayə xanım» çağırışına alışdım. İndi Ağəli kişi də, Əsmər də az keçməmiş qapını açacaq, mənimlə görüşə gələcəklər. Onlar gəlməsələr də, özüm ge- dərəm. Bilirəm ki, hər dəfə bağa gəlişimi necə səbirsizliklə gözləyirlər. İndi də belə oldu. Hal- əhvaldan sonra dünyanın haralarında olduğumu, gördüklərimi bircə-bircə soruşur, söhbətlərimə diqqət- lə qulaq asırdılar. - Siz gələndə biz vaxtın necə keçdiyini bilmirik,- deyə qonşu sözə başlamaq istəyirdi ki, birdən hasarın çölündən uşaqların həyəcanlı səsləri eşidildi. Salatın Əhmədli 34 - A kişi, bir dur həyət-bacaya çıx, gör nə baş verib? - Daha sən də burada oturub qalmayacaqsan ki, dur birlikdə gedək də… - Mənə bağlanmamısan ki?.. - Necə yəni bağlanmamışam? Sən məni özünə ömürlük girov eləmisən. Heç ağzımı açıb bir kərə yanında hündürdən danışıram ki?.. Doğrusu, əvvəlcə elə bildim ki, bu köhnə neftçi Ağəli kişi «ömürlük girov» məsələsini elə-belə, sözgəlişi deyir. Ancaq Əsmərin zarafatyana üzünü bo- zartmağı məndə şübhə yaratdı. Bu sözün altında han- sısa bir əhvalatın yatdığını düşündüm. Bu vaxt uşaqlar həyət qapısını açıb nənə-babalarının yanına yüyürdülər: - Mənim dondurma pulumu alıb, hamısını alıb,- balaca qız nənəsinə sığındı. Qardaşı isə bir qədər ar- alıda dayanmışdı. - Hə, yaxşı, dalaşmayın, - Həmayə xanım uzaq yerlərdən danışır. Biz də onun söhbətinə qonağıq.- Ağəli kişi uşaqları sakitləşdirərkən mən də fürsətdən istifadə edib Əsməri yanladım: Yüklə 1,54 Mb. Dostları ilə paylaş:
|