Salatın Əhmədli
159
necə sevginamə oxuduğunu da eşitdi. Taleh Südabəni
görmürdü. Ona:
- Mənim göyərçinim, mənim quşcuğazım, yenə
üçmaq istəyirsən?
Bu şirin sözlərdən xoşlanan qız da tez cavab
verdi:
- Hə, hə.
- Haralara?
- O yerlərə ki, orada bizdən yuxarıda heç kim ol-
masın.
Südabə eşitdiyi bu söhbətin üstünü vurmadı.
Amma elə bil ki, içində nəsə qırıldı. Bir anda beli
büküldü. Südabə illərdən bəri qoruduğu qürurunu bül-
lur bir qab kimi daşların üstündə çiliklənmiş gördü.
Həmin zəngdən sonra Taleh iki həftə evə gəlmə-
di. Gələndə də ağızucu xaricdə olduğunu, iş üçün yeni
müqavilə bağlamağa getdiyini dedi. Südabə artıq onun
sözlərinə inanmırdı. İçindəki qəzəbi boğa bilməsə də,
birtəhər dodaqlarını dişi ilə gəmirə-gəmirə dayandı.
Taleh onun qəzəbini açıq-aşkar hiss elədi.
- Nə olub, niyə bozarmısan?
- Hələ bir soruşursan da?..
- Sənə aid olmayan işlərə qarışma!
Salatın Əhmədli
160
- Necə yəni mənə aid olmayan işlərə qarışmayım?
Həyatım gözün görə-görə cəhənnəm əzabına çevrilir.
Bu, məni narahat eləməsin?
- Nə cəhənnəm əzabı, hansı cəhənnəm əzabı? -
Taleh sözləri tərs şillə kimi Südabənin üzünə çırpdı.
Sonra da qəti qərarını bildirirmiş kimi:
- Bəlkə, nəyinsə çatmır, deyəsən billəm, - dedi.
- Nəyin çatmadığını yaxşı bilirsən.
Bəlkə də, bu söhbət uzanacaqdı, axırının da necə
qurtaracağını heç kim deyə bilməzdi. Amma bu vaxt
zəng gəldi. Taleh telefonu götürüb bir tərəfə çəkildi.
O, kiminləsə danışırdı. Ancaq onun dediklərini Süda-
bə eşitmirdi.
- Gələrəm, darıxma. – Bu, Talehin telefondakı
axırıncı danışığı idi. Dönüb mehribanlıqla Südabənin
üzünə baxdı. Bu baxışda Südabə gəncliyinin, həyatı-
nın gözəl çağlarını gördü. Əri ilə sərt danışığından
peşman oldu.
Taleh yaxına gəldi. – Yaxşı, bir çay gətir, həmi-
şəki çayından, ətirli olsun, - dedi və stul çəkib eyvanda
uzun masanın arxasında oturdu.
Südabə ərinə gətirdiyi çayı, konfeti, mürəbbəni
yan-yana düzdü. Kənara çəkilər-çəkilməz bir də qoy-
Salatın Əhmədli
161
duqlarına əl gəzdirdi. Elə bil ki, bir rəssam çəkdiyi
şəkil üzərində işləyirdi. Onu daha canlı, daha cazibə-
dar eləmək üçün. Yaxşı rəsm əsəri kənardan baxanda
məlum olur. İndi Südabənin bütün əsəb və gərginliyi
aradan qaldıran ərinin mehribanlığından artıq heç nə
yox idi. Taleh isə nağıllarda deyildiyi kimi, hiylə niqa-
bını üzünə çəkmişdi.
- Sən Südabə, mən Taleh, sən süd kimi ağappaq,
mən da taleyimizin sahibi.
- Yox, Taleh, elə demə. Taleyimizin sahibi Tanrı-
dır, O, hər şeyi biləndir.
Taleh bir qədər tutuldu. Sanki ona elə gəldi ki,
qadın onun qəlbini oxuyur. Amma yenə özünü o yerə
qoymadı. Südabə də daha söhbəti dərinləşdirmədi.
Bağın baş tərəfindən – eyvana yaxın tərəfdə iri
əncir ağacı vardı. Meyvələr gəl-gəl deyirdi. Göbəyin-
dən balı süzülən iri, saralmış Abşeron əncirinin
yeyilməli vaxtı idi. İstidən dənizə tərəf sıxlaşmış bür-
kü üfüqü görünməz eləmişdi.
– Gör əncirlərimiz necə yaxşı dəyib.
- Ürəyin istəyirsə, yığım gətirim.
- Yığ gətir, birlikdə dadına baxarıq.
Salatın Əhmədli
162
Aradakı gərginliyi Talehin bu sözləri tamam
götürdü. Südabə dərin bir nimçə götürüb bağa düşdü.
Əncirin altında elə bil təndir qalanmışdı. Bərk isti idi.
Boyu çatan qədər budaqlardakı əncirləri bir-bir nimçə-
yə yığdı. Bir qədər əli çətin çatdığı budaqda daha iri
əncirlər vardı. Nimçəni daşın üstünə qoyub əncirə
baxdı. Bir əli ilə budağı əyib şirəyə dolmuş əncirləri
qoparmağa başladı. Gözü budağın haçasına sataşdı.
Elə haçanın üçtündə yerini rahatlayıb qıvrılmış gür-
zəni gördü. Budağı tez əlindən buraxdı. Budağın silkə-
lənməsilə gürzə hərəkətə gəldi. Ağzını açıb çox da
kənarda olmayan Südabənin düz sinəsinə tərəf atıldı.
İlanın dişləri Südabənin buxağından bir az aşağı,
döşlərindən isə bir az yuxarı – açıq yerə sancılmışdı.
Südabə qışqırıb geri atıldı. Elə bil ki, ilanın ağzı ilə
onun üstünə gəlmiş ölümdən qaçdı. Ancaq qaça
bildimi?
Taleh səsə pillələri sürətlə düşdü.
Əncirin altında Südabə geri sıçrayarkən bayaqkı
iri daşa ilişib yıxılmışdı. Nimçədəki əncirlər də ətrafa
dağılmışdı. Südabənin sinəsindəki ilan dişlərinin
yerində
qanqarışıq
göyümtül-sarı
maye
vardı.
Gürzənin zəhəri sürətlə işləmişdi. Südabənin dodaqları
Salatın Əhmədli
163
quruyub qaralmaqda idi. Bədəni xallanırdı. O, ağzını
açıb nəsə danışmaq istəyirdi, nəsə demək istəyirdi.
Ancaq deyə bilmirdi. Taleh onun başını qolları arasına
alsaydı, nəsə soruşsaydı o, bəlkə, bir söz deyə bilərdi.
Amma ilanın zəhərindən çox, Talehin soyuq baxışları
Südabəni soyutmuş, dilini bağlamışdı. Talehin
nəzərləri ilanın sancdığı yerə ilişib qalmışdı. Heç arva-
dının gözlərinə da baxmaq istəmirdi. Südabə bayaq
ilanın ağzından çıxıb üstünə gələn ölümü indi Talehin
gözlərindən oxudu. Ölüm artıq ərinin gözlərindən
onun üstünə yeriyirdi.
Hələ Südabənin düşüncəsi tamam dayanmamışdı.
Nənəsinin sözlərini yada saldı: «Ərin üzü dönüncə,
atın yəhəri dönsün». Südabə hər şeyi anladı. Dönük
üz, nifrətlə baxan gözlər hər şeyi aydın deyirdi.
Taleh həmin anlarda tamam başqa şey düşünürdü.
Nə onu, nə də sevgilisini – İlanəni bundan sonra qı-
nayan olmayacaqdı. Bir dul kişinin evlənməyinə kim
pis baxar ki?!...
Talehin ömür kitabı təzədən açılırdı. İlanə ilə im-
kan düşən kimi məşhur kurort yerlərinə istirahətə ge-
dir, gününü xoş keçirməyə çalışırdı. …Amma get-
gedə o da hiss edirdi ki, İlanə daha əvvəlki kimi ona
Salatın Əhmədli
164
bağlı deyil. Zaman Talehin saçlarını ağartmış, üzünə
də qırışlar gətirmişdi. Hələ hündür boyu da bir qədər
balacalaşmış kimi idi.
- Adın necə gözəldir.
- Hə, bu adı mənə nənəm qoyub. Mən anadan
olanda həyətdə bir ilan görüblər.
- Elə özün də ilana bənzəyirsən.
- Bəs sənin adını kim qoyub? Adının mənasını
bilirsən?
- Kimin qoyduğunu bilmirəm, amma deyirlər ki,
mənim adımın pis mənası var.
- Necə yəni pis mənası var?
- Hə də, «Saleh» adının mənası pak, təmiz
deməkdir. Taleh isə onun əksidir.
- Nə yaxşı adını dəyişməmisən?
- Sonralar bunu biləndə dəyişmək istədim. Bir
qədər çətin olduğundan arxasınca getmədim. Bir də ki,
adı dəyişməklə nə dəyişir ki?!
İlanə heç nə deməsə də düşündü: «düz deyirsən,
adı dəyişməklə heç nə dəyişmir. Daha sənin vaxtın
keçib».
İlanənin heç nə demədiyini görən Taleh onun
gözlərinə baxdı. Qız gözlərini qaçırdı. Bu hal Talehi
Dostları ilə paylaş: |