Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
35
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
bütün məlumatların ictimailəşdirilməsi qurumların vəzifə borcu olaraq müəyyən edilir.
Bəzi hallarda isə milli təhlükəsizlik adı altında hökumətlərin öz maraqlarını da müdafiə
edəcək istisnalar müəyyən etməklə ictimai hesabatlılığı əngəlləyir. Məsələn İndoneziya,
Sinqapur və Malaziya qanunvericiliyində bu kimi istisnalara daha çox rast gəlinməkdə.
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
36
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
Nəticə və tövsiyyələr
Nəticə
Korrupsiyasız idarəetmə günümüzdə demokratik cəmiyyətlərin ümdə problemlərindən olmaqla
bu istiqamətdə mübarizə ən müxtəlif formalarda davam etdirilir. Həmçinin araşdırmalar göstərir
ki, korrupsiya və rüşvətxorluq halları əslində ən qədim cəmiyyətlərdə belə özünə yer tapıb və bu
günədək tarixin inkişaf formasiyalarından asılı olmayaraq daim təkmilləşib. Başqa sözlə ictimai
əmlakın mənimsənilməsi, vəzifə səlahiyyətlərindən sui istifadə və qanunların işləksiz vəziyyətə
salınması halları insan cəmiyyətinin özü qədər dərin tarixi köklərə malik olmaqla haqlı olaraq
dövrümümzün prioritet probleminə çevrilir. Təbii ki, gənc dövlət olan Azərbaycanda da
korrupsiya, rüşvətxorluq halları və buna qarşı müxtəlif səviyyələrdə mübarizə mövcuddur.
Tədqiqatın əsas məqsədlərindən biri məhz bu mübarizədə vətəndaşlarla əməkdaşlığın təmin
edilməsi, ictimai iştirakçılığın təşviqi və mövcud problemlərin aradan qaldırılması istiqamətində
hökumət-vətəndaş dialoqunun inkişaf etdirilməsidir. Digər tərəfdən beynəlxalq təcrübənin
öyrənilməsi informasiya azadlığı haqqında qanunun da korrupsiyaya qarşı mübarizədə aparıcı
alətlərdən biri olduğunu deməyə əsas verir. Çünki, ictimai nəzarət hökumətin ictimai
hesabatlılığı olmadan mümkün deyil.
Tədqiqatın nəticələrini aşağıdakı şəkildə qruplaşdırmaq mümkündür:
-
Tarixin ilk çağlarında belə cəmiyyət korrupsiya və rüşvətxorluqdan əziyyət çəkib;
-
Həmçinin, korrupsiya ilə mübarizə tarixin erkən dövrlərdən başlayıb;
-
Dünyanın hər bir ölkəsində korrupsiya və rüşvətxorluq hallarına rast gəlmək
mümkündür;
-
Korrupsiya ilə mübarizənin nəticəliliyi bu kimi halların miqyası (yayılması) ilə ölçülür;
-
Vətəndaş cəmiyyəti ilə əməkdaşlıq olmadan korrupsiya ilə mübarizədə uğur əldə etmək
çətindir;
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
37
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
-
Korrupsiya ilə mübarizədə vətəndaş cəmiyyətinin iştirakçılığını təmin edən ölkələr daha
səmərəli mübarizəyə nail olur
-
Dövlət-vətəndaş əməkdaşlığının təmin edilməsində və ictimai müzakirələrin
aparılmasında hər iki tərəf (hökumət və vətəndaş cəmiyyəti) maraqlı olduqda prosesi
sürətləndirmək mümkündür;
-
Korrupsiya ilə mübarizədə ictimai nəzarət informasiya azadlığı mühüm şərtlərdəndir;
-
Təəssüf ki, bəzi hallarda cəmiyyəti korrupsiya kimi əməllərə sürükləyən ictimai fikirlər
geniş yayılır;
-
İctimai qınaq korrupsiya ilə mübarizədə effektiv mübarizə alətlərindən biridir;
-
Korrupsiya ilə mübarizədə maarifləndirmə və təhsil vacib faktorlardan olmaqla “adil
vətəndaş” kimliyinin formalaşdırılımasında mühüm rol oynayır;
Yuxarıda sadaladıqlarımızla yanaşı tədqiqat zamanı digər bir mühüm məqam ortaya çıxır ki,
hazırda inkişaf etmiş cəmiyyətlər üçün ən ciddi problem korrupsiyadır. Belə ki, demokratiyanın
beşiyi sayılan Avropada vətəndaşların 74%-i onları daha çox narahat edən problemin korrupsiya
olduğunu fikirləşir.
Korrupsiyanın kifayət qədər uzun təkamül dövrü yaşadığını və bu kimi əməllərin insan
fərdiyyətçiliyi- hərislik, güc əldə etmə həvəsi kimi bəşəri hislərlə qıdalandığını nəzərə aldıqda
onunla mübarizənin daimiliyi qaçılmazdır. Lakin, texniki tərəqqi, demokratik cəmiyyətlərdə
güclü ictimai nəzarətin formalaşması, hökumətlərin hesabatlılığının artırılması, kütləvi
informasiya vasitələrinin inkişafı, informasiya azadlığı haqqında qanunlar, vətəndaşlıq
məsuliyyəti və ictimai qınaq məmur məsuliyyətini artırır ki, nəticədə korrupsiya halları miqyası
kiçilir və cəmiyyətin maraqları daha güclü qorunur. Buna baxmayaraq korrupsiya ilə mübarizədə
davamlılıq öz əhəmiyyətini gələcəkdə belə itirməyəcək.
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
38
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
Tövsiyyələr
Son illər Azərbaycanın maliyyə imkanlarının sürətlə artması təbii olaraq korrupsiya və rüşvət
hallarının sayı və miqyasına təsirsiz ötüşməyib. Məhz bu səbəb korrupsiya ilə mübarizənin
hökumət qarşısında prioritet məsələlərdən birinə çevirib. Lakin, dünya təcrübəsi göstərir ki,
korrupsiya ilə mübarizə ictimai dəstək və hökumət-vətəndaş əməkdaşlığı olmadan effektiv deyil.
Yəni, korrupsiya aktında vətəndaş hər iki tərəfi aktın icraçısı və zərərçəkən rolunda iştirakçıdır.
Əlbəttə ki, korubsioner məmur özü belə vətəndaş və cəmiyyətin üzvüdür. Onun zərər verdiyi
tərəfdə cəmiyyətdir. Beləliklə, vətəndaşların korrupsiya ilə mübarizə prosesinə cəlb edilməsi və
korrupsiyanın ictimai fəsadlarının azaldılması üçün aşağıda qeyd edilən istiqamətlərdə işlərin
aparılması və yaxud intensivləşdirilməsi tövsiyə olunur.
-
İnzibati idarəetmədə vətəndaş iştirakçılığının təmin edilməsi-mövcud “İctima iştirakçılıq”
haqqında qanunun işləkliyini təmin etməklə inzibati idarəetmədə vətəndaş cəmiyyətinin
nəzarət imkanlarını artırmaq;
-
Hökumətin hesabatlılığının təmini-dövlət qurumları öz fəaliyyətlərini ictimailəşdirməklə
məlumat əlçatanlığının artırmaqla yanaşı kənar nəzarətə imkan yaradır. Dövlət
qurumlarının hesabatlarının ictimailəşdirilməsi qanunla məcburi xarakter daşımalı,
hesabatların ictimailəşdirilməməsi halı cinayət xarakterli əməllər sırasına aid edilməlidir.
-
İctimai inamın təmini-vətəndaş hökumətin korrupsiya ilə mübarizədə səmimiliyinə
inanmalı. Bunun üçün
a) Bu qəbildən olan cinayət işləri, istintaq prosesi və nəticələr daim ictimailəşdirilməli
b) Korrupsiya ilə əlaqədar ərizə və şikayətlərə operativ reaksiya verilməli və
gərəkdiyində informasiya mənbəyinin gizliliyi təmin edilməlidir. Xatırladaq ki, hazırkı
qanunvericiliyə görə anonim məktublar istintaqın başlamasına əsas sayıla bilməz. Belə
olduqda korrupsiya faktı haqqında informasiyaya malik vətəndaş müxtəlif səbəblərdən
adının prosesdə hallanmasını istəmirsə demək ki, bu fakt haqqında informator rolunda
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
39
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
çıxış etməyəcək. Lakin, mənbənin gizliliyi qorunduğu halda cəmiyyətdə möhkəmlənmiş
bu kimi stereotiplər aradan qaldırıla bilər. Həmçinin korrupsiyaya qarşı fəaliyyət göstərən
rəsmi qurumlar vətəndaşlarla daha səmərəli əməkdaşlıq yarada bilər.
c) Korrupsiya faktları iştirakçıların kimliyindən asılı olmayaraq əhatəli şəkildə
araşdırılmalı və ən sərt şəkildə cəzalandırılmalıdır. Əks halda bu qəbildən olan cinayət
prosesləri cəmiyyətdə depressiyaya səbəb olur və vətəndaşlarda mübarizənin
səmimiliyinə inam itir.
d) Korrupsiyaya qarşı mübarizənin rəsmi təmsilçilərinin həyat tərzi, yaşayış şərtləri,
gəlirləri haqqında mütəmadi olaraq hesabatlarının ictimailəşdirilməsi bu qurumların
vətəndaşlarla əməkdaşlığına həm mənəvi və həmdə praktiki baxımdan dəstək vermiş olar
-Korrupsiyalaşmış
hökumət yox, korrupsiya ilə məşğul olan məmur anlayışının
formalaşdırılması- Korrupsiya əməli qurumlardan və miqyasından asılı olmayaraq
ictimailəşdirilərsə, bu istiqamətdə sərt cəza mexanizmləri tətbiq edilərsə faktlar dövləti deyil
şəxsi günahlar kateqoriyasına daxil edilər ki, bu da hökumətin məsuliyyətini azaldır. Lakin,
faktlar gizlədildiyi və yaxud fərdi yanaşma hiss edildiyi halda hökumət korrupsiya cinayətinin
iştirakçısına çevrilməklə qınaq mənbəyinə çevrilir
- Maarifləndirmə və ictimai fikrin, vətəndaşlıq etikasının formalaşmasında iştirak;
a) Beynəlxalq təcrübədən yararlanmaqla orta və ali təhsil müəssisələrində korrupsiya,
onun fəsadları, cinayət xarakteri və cəzalandırılması qaydaları haqqında tədris proqramları tətbiq
etmək
b) Vətəndaşlar arasında ictimai qınağın formalaşdırılması istiqamətində təbliğatın
gücləndirilməsi
c) Vətəndaş hüquqlarının əks olunduğu bülletenlərin dərc edilib ölkə boyu paylanmasının
təşkili
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
40
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
d) Korrupsiya və rüşvətlə əlaqədar məhkəmə proseslərinin ictimailəşdirilməsi,
vətəndaşların prosesdə birbaşa iştirakına şəraitin yaradılması
- Müxtəlif steykholderlərin iştirakının təmin edildiyi monitorinq qurumlarının yaradılması-
beynəlxalq praktikada tez-tez rastlanan “ Hökumət-Vətəndaş Cəmiyyəti-Media-Elmi Tədqiqat
İnstitutları-Özəl sektor” formulu ilə yaradılan monitorinq qruplarının yaratmaqla
qanunvericiliyin təkmilləşdirilməsi, dövlət alqı-satqılarının icrasına kənar nəzarətin təmini,
cinayət faktlarını stimullaşdıran faktorların öyrənilməsi və s. istiqamətlərdə səmərəli əməkdaşlıq
formalaşdırmaq mümkündür.
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
41
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
Ədəbiyyat Siyahısı
http://www.oecd.org/site/adboecdanti-corruptioninitiative/policyanalysis/35144038.pdf
file:///C:/Users/user/Downloads/Anti-Corruption%20Policy%20of%20Korea.pdf
http://www.tid.web.tr/ortak_icerik/tid.web/157.SAYI/23-
%20Kamuran%20Mustafa%20BALLI.pdf
http://www.transparency.az/transpfiles/66az.pdf
http://www.tepav.org.tr/upload/files/1295426395-
1.Yolsuzlukla_Mucadele_ve_Sivil_Toplum_Iliskisi_Bir_Perspektif_Denemesi.pdf
http://transparency.az/transpfiles/zig65.pdf
http://www.oecd.org/site/adboecdanti-corruptioninitiative/regionalseminars/35137484.pdf
http://www.abdullahcavus.com.tr/habergoster.asp?haber_id=107
http://www.tepav.org.tr/tur/admin/dosyabul/upload/yolsuzluk3.pdf
http://www.business-anti-corruption.com/country-profiles/sub-saharan-africa/burkina-
faso/initiatives/public-anti-corruption-initiatives.aspx
file:///C:/Users/user/Downloads/http---www_csd_bg-news-CAR-car_english_f_pdf.pdf
http://www.csd.bg/files/5en.pdf
http://www.12iacc.org/archivos/WS_8.1_SHAASKA_BEYERLE.PDF
http://thailand.prd.go.th/view_news.php?id=7405&a=2
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
42
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
Document Outline - Korrupsiya və rüşvət: ictimai problemlərin əsası kimi
- Nəzəri baxış
- Antik izləri
- Korrupsiya və rüşvətin təzahür formaları
- Korrupsiyanın və rüşvətin fəsadları
- Korrupsiya və rüşvətxorluğa qarşı mübarizədə hökümət vətəndaş əməkdaşlığı
- Əməkdaşlığın vacibliyi
- Korrupsiya və rüşvət- ictimai qavrama
- Beynəlxalq təcrübə
- Hökumət və vətəndaş cəmiyyəti arasında əməkdaşlıq
- Korrupsiya halları: İctimai məlumatlılığın artırılması və maarifləndirici addımlar
- İctimai nəzarət və məlumatların əlçatanlığı
- Nəticə və tövsiyyələr
- Ədəbiyyat Siyahısı
Dostları ilə paylaş: |