Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
8
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
qeyri-maddi əvəzdir. Ərəbcə rüşvət sözünün kökü “rəvş”dir və Azərbaycan dilində qarşılığı
yalan deyən, tərəf tutan, üz görən kimi anlaşılır. Göründüyü kimi, həm korrupsiya və həm də
rüşvət cəmiyyətdə müəyyən qruplarının və yaxud fərdlərin maraqlarının digərlərinin haqlarının
pozulması hesabına təmin edilməsidir.
Korrupsiya fərdi maraqların ictimai maraqları üstələdiyi anda təzahür edir.
Antik izləri
Korrupsiya və rüşvət kimi davranışlar heç də müasir cəmiyyətlərə xas olmayıb, əslində
bəşəriyyətin mövcudluğu qədər dərin tarixi köklərə malikdir. Problemin əsas qaynağı insanın
özünü qoruma, fərdi maraqlarını düşünmə, öz ədalətini yaratma instikti hesab edilməlidir. Bir
çox hallarda şöhrətpərəstlik, maddi üstünlüklərə olan həvəs, özünüisbat kimi yalnış düşüncələr
də bu növ fəaliyyətləri alovlandırır. Beləliklə, müasir dövlətçiliyin digər neqativ ünsürlərindən
fərqli olaraq korrupsiya daha dərin tarixi köklərə malik olmaqla uzunmüddətli təkmilləşmə yolu
keçib.
Aşağıda qeyd etdiyimiz faktlar da sübut edir ki, tarixin ilk çağlarından etibarən insanlarda
fərdi mənafelərini təmin etmək məqsədi ilə korrupsiya və ya rüşvət kimi təsvir edilən
davranışlara meyil edib və elə o dövrlərdən etibarən də bu kimi hallarla mübarizə yolları
axtarılıb. Məsələn:
- 6000 min il əvvəl «Şümer məktəb günləri» adlı cədvəl rüşvətə aid ilk mənbələrdən hesab
edilməkdə;
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
9
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
- 2300 il əvvəl Brahman baş naziri qədim Çində rüşvət və korrupsiyanın 40 yolunu sayıb.
Çində rüşvəti əngəlləmək məqsədi ilə məmur maaşlarına əlavə olaraq "yang-lien" adlı əlavə
ödəmə edilirdi;
- 2700-2800 il bundan əvvəl qədim İranda məmurların xüsusilə də hakimlərin rüşvətxorluq
hallarının qarşısını almaq məqsədi ilə ciddi cəza tədbirlərini nəzərdə tutan qərarlar qəbul edilib;
- Osmanlı dövründə xüsusilə, 16-cı əsrin sonlarına qədər məmur rüşvətxorluğuna qarşı sərt
siyasət həyata keçirilib. Təsadüfi deyil ki, bir çox mütəxəssislər Osmanlı imperiyasının
zəifləməsini XVII əsrdən başlayaraq rüşvətxorluğun geniş vüsət alması ilə əlaqələndirir.
Sonuncu faktdan da məlum olduğu kimi, korrupsiya və rüşvət sadəcə cəmiyyətin müxtəlif
fərdlərinin haqlarının pozulması və yaxud da ictimai vəsaitlərdən səmərəsiz istifadə halları ilə
deyil, daha ciddi nəticələrə, məsələn: dövlətçiliyin çökməsinə, ölkənin dağılmasına və hətta
müasir rastlaşmaları ilə vətəndaş müharibəsinə, inqilablara da yol aça bilir. Qırğızıstan, Misir,
Ukrayna kimi ölkələrdə baş verən son inqilabların əsas səbəbləri kimi korrupsiyalaşmış
hökumətlər hesab edilir.
Korrupsiya və rüşvətin təzahür formaları
Korrupsiya və rüşvət həyatın müxtəlif sferalarında
müxtəlif formalarda təzahür edir. Bu zaman zərər çəkən
tərəf isə birmənalı olaraq dövlətçilik və bütövlükdə
cəmiyyətdir. Vəziyyəti daha aydın təsəvvür etmək məqsədi
ilə aşağıda qeyd edilən istiqamətlərə diqqət etmək faydalı
olar.
1) Büdcə xərcləmələri süni şəkildə şişirdilərkən gəlirləri azaldılır və əngəllənir.
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
10
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
Büdcə prosesində rast gəlinən korrupsiya halları daha genişmiqyaslı olması ilə
xarakterizə olunur. Bu zaman büdcənin gəlirlərinə və xərcləmələrinə cavabdeh məmurlar
tərəfindən saxta sənədləşdirmə, satınalmalar zamanı xərclərin süni şəkildə şişirdilməsi, hətta bəzi
hallarda alınmamış xidmət və ya məhsul üzrə xərclərin həyata keçirilməsi və s kimi üsullar tətbiq
edilərək ictimai vəsaitlər korrupsiya predmetinə çevrilir. Digər tərəfdən isə, büdcə gəlirləri
müxtəlif üsullarla azaldılır. Məsələn, gömrük orqanları idxal olunan məhsulların rəsmi
qeydiyyatı zamanı dəyəri və miqdarı azaltmaqla faktiki olaraq büdcəyə çatacaq rüsumları azaldır
və sonradan azaldılan məbləğin bir hissəsini rüşvət olaraq sahibkardan geri istəyir. Təəssüf ki, bu
üsul çox geniş şəkildə tətbiq edilir. Və yaxud vergi orqanları dövlət və qeyri-dövlət sektoru üzrə
vergi ödəyicilərinin qanuni fəaliyyətində maraqlı olmur. Belə ki, qanuni şəkildə fəaliyyət
göstərən ödəyicidən qeyri-qanuni ödəniş tələb edilməsi mümkün olmur.
2) Dövlət tenderlərində himayədarlıq və hiyləgərlik özünü büruzə verir.
Dövlət satınalmalarının həyata keçirilməsi zamanı tenderlərdə iştirak edənlərə bərabər
şərait yaradılmır. Əksər hallarda təcrübəsi və imkanları olan, daha uyğun qiymətlərlə mal və
xidmətlər təklif edən iştirakçılar prosesdən məğlub çıxır. Lakin yeni təsis edilmiş, təcrübəsi və
etibarlılığı haqqında heç bir məlumat olmayan şirkətlər bu satınalmaların qalibi olur. Buna səbəb
həmin müəssisənin gizli danışıqlara gedərək ayrılan vəsaitin müəyyən hissəsinin yenidən geri
qaytarması kimi hallar və yaxud yaradılan şirkətin satınalmanı elan edən qurum rəhbərliyinə
yaxın olması kimi qanunsuz hallardır.
3) İctimai vəsaitlərin səmərəsiz layihələrə yönəldilməsi halları artır.
Korrupsiya hallarının geniş yayıldığı ölkələrdə dövlətə-ictimaiyyətə aid vəsaitlər daha
asan mənimsənilməsi mümkün olan sahələrə, məsələn, tikinti sektoruna yönəldilir. Xüsusilə
dəbdəbəli layihələr icra edilir və nəticədə sərf edilən artıq vəsaitin dəyərliliyi bu dəbdəbə altında
gizlədilir. Digər tərəfdən, bu kimi layihələrin icrası zamanı smeta dəyərini dəqiqləşdirmək
imkanları məhdud olduğu üçün layihəyə sərf edilən vəsaitlərin dəqiq həcmini müəyyənləşdirmək