Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
20
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
imkanlarının genişləndirilməsi – müasir mübarizə üsulları təbii olaraq
vətəndaş iştirakçılığı olmadan təsəvvür edilə bilməz. Çünki korrupsiya və
rüşvət kimi əməllərdə zərərçəkən tərəf bir qayda olaraq vətəndaş və
cəmiyyətdir. Məhz bu səbəbdən vətəndaş cəmiyyətinin bu fəaliyyətə qarşı
mübarizədə yer alması həm məntiqi və həm də hüquqi cəhətdən
əhəmiyyətlidir. Digər tərəfdən isə bu ictimai aktivliyi artırır və hökumətin
fəaliyyətinə ictimai nəzarəti stimullaşdırır. Bir çox ölkələrdə dövlət
qurumları vətəndaş cəmiyyəti institutları ilə əlaqəli şəkildə fəaliyyət
göstərir. Onların yanında ictimai şuralar təsis edilir və bu şuralar qurumun
fəaliyyətinə tam nəzarət hüququna sahib olmaqla ictimai maraqları müdafiə
edir, həmçinin mövcud problemləri ictimai müzakirəyə təqdim etməklə
vətəndaşın hökumətin fəaliyyətini qiymətləndirməsində bələdçi rolunu
oynayır.
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
21
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
Korrupsiya və rüşvətxorluğa qarşı mübarizədə hökümət vətəndaş
əməkdaşlığı
Əməkdaşlığın vacibliyi
Korrupsiya və rüşvət fəaliyyətinin tərəfləri cəmiyyət və hökumət olduğu üçün bu
problemlə mübarizə prosesi maraqlı tərəflər olaraq onların hərtərəfli əməkdaşlığını şərtləndirir.
Beləliklə, cəmiyyət korrupsiya və rüşvətdən sadəcə zərərçəkən tərəf olaraq deyil, həmçinin bu
tip fəaliyyətlərin mənbəyi və eyni zamanda problemlə mübarizə aparan tərəfə çevrilir. Bu proses
bir çox hallarda özünün tənqid və yaxud özünü tərbiyə kimi xarakterizə olunmaqdadır. Beləliklə,
biz daha çox cəmiyyətin maraqlarına zidd davranış sayılan korrupsiya ilə mübarizədə hökumət
vətəndaş əməkdaşlığını gözdən keçirəcəyik. Çünki yuxarıda da qeyd etdiyimiz kimi, korrupsiya
və rüşvətxorluq kimi əməllər təkcə hökumətin uğursuz idarəetməsi və yaxud cəzasızlıq kimi
səbəblərdən deyil, eyni zamanda cəmiyyətin daxili problemlərindən-dünyagörüşün azlığı, aşağı
savadlılıq, mənəviyyatsızlıq, fərdi maraqların ictimai maraqları tapdaması kimi amillərdən
qaynaqlanır. Vətəndaş əslində həm birinci və həm də ikinci halda məsuliyyət daşıyan tərəfdir.
Belə ki, əgər hökumət qanunauyğun fəaliyyət göstərmirsə, korrupsiyaya rəvac verəcək hallara
göz yumursa və yaxud prosesin birbaşa idarəedicisidirsə, bu zaman xalq bu insanlardan
idarəetmə səlahiyyətlərini geri tələb etməlidir. Əks halda isə, xalqın özü vəziyyətin
mövcudluğunda əsas günahkarlardan birinə çevrilir.
Korrupsioner məmur və yaxud rüşvətxor vətəndaş yetişdirən mühiti cəmiyyətin
formalaşdırdığını nəzərə aldıqda ikinci halda da ictimai günahkarlıq faktoru qabarıq şəkildə
özünü büruzə verir. Məhz bu səbəbdəndir ki, tədqiqatın əsas mövzusu olaraq korrupsiya ilə
mübarizədə cəmiyyətin iştirakçılığı müəyyən edilib. Əks halda, problemlə aparılan mübarizədə
ciddi nəticələr gözləmək sadəlövlük olardı. Çünki beynəlxalq təcrübə korrupsiyaya qarşı inzibati
Korrupsiyaya qarşı mübarizədə
Rəşad Həsənov
hökumət-vətəndaş əməkdaşlığı
22
İSİM
İqtisadi və Sosial İnkişaf Mərkəzi
Yaxşı Tədqiqat, Yaxşı İslahat, Yaxşı Siyasət
mübarizənin ictimai nəzarət və yaxud ictimai tələb olmadıqda effektivsiz olduğunu və əksinə, bu
kimi qurumların özlərinin belə korrupsiyalaşmasını stimullaşdırdığını deməyə əsas verir.
Korrupsiya və rüşvət- ictimai qavrama
Hər hansı bir problemi daha dərindən dərk etmək və düzgün həll yollarını
müəyyənləşdirmək üçün təbii ki, problemin sosial bazasını, mənəvi dəstəyini, ictimai yanaşmanı
və kök atma dərəcəsini gözdən keçirmək mütləqdir. Məsələyə bu prizmadan yanaşdıqda ortaya
çıxan suallardan biri “cəmiyyət korrupsiyanı və rüşvəti toplu şəkildə deyil, fərdi maraqlar
baxımından necə qiymətləndirir?” sualıdır. Bu suala cavab isə ictimai fikrin öyrənilməsi yolu ilə
müəyyənləşdirilir. Təbii ki, cəmiyyətdə korrupsiya və rüşvətxorluq ziddiyyətli şəkildə
qiymətləndirilir. Bununla bağlı mütəfəkkir fikirlərində, xalq arasında yayılmış atalar sözlərində,
şifahi və yazılı xalq ədəbiyyatında, dini inanclarda və s. əslində cəmiyyətin yanaşmasını və
qavramasını sərgiləyən nüanslar mövcuddur. İlk növbədə korrupsiya və rüşvəti tənqid edən, bu
kimi fəaliyyətini ictimai zərərlərini nümayiş etdirən, başqa sözlə, ictimai qınağı formalaşdıran
baxışları gözdən keçirməkdə fayda var.
İctimai qınaq – rüşvətə qarşı vətəndaş
- Salam verdim rüşvət deyil deyə almadılar
Məhəmməd Füzuli
- Babamız rüşvətə kəm baxdı ki, rüşvət adı verdi.
Mindirib hörmətə zalım ona hörmət adı verdi.
Heydər Oğuz
- Nə yaman eyləmisən rüşvətə adət, ay ata,
Yıxacaq evmizi bir gün bu cinayət, ay ata.