1
O‘ZBEKISTON RESPUBLIKASI OLIY VA O‘RTA MAXSUS TA’LIM
VAZIRLIGI
TOSHKENT IRRIGATSIYA VA QISHLOQ XO‘JALIGINI
MEXANIZATSIYALASH
MUHANDISLARI INSTITUTI
Babajanov A.R., Haqberdiyev O.E., Sulaymanova M.X.
LANDSHAFTLI YER TUZISH
(o‘quv qo‘llanma)
Toshkent-2019
2
OO‘MTVning 04.10.2019 y. № 892 sonli buyrug‘iga asosan
chop etishga tavsiya etilgan.
O‘quv qo‘llanmada landshaftlar, ularni tarqalishi, murakkab landshaftlik
sharoitida tuproq eroziyasi, shuningdek tuproq eroziyasini
bartaraf etish yoki
kamaytirishga imkon beradigan yer tuzish loyihalarini ishlab chiqish hamda amalga
oshirish yo‘llari yoritilgan.
Kitob 5410700- Yer tuzish va yer kadastri ta’lim yo‘nalishining talabalariga
mo‘ljallangan.
Taqrizchilar:
Jo‘raev D.O.
- “TAQI “Geodeziya va kadastr” kafedrasi dotsenti,
texnika fanlari nomzodi
Musaev I.M.
- TIQXMMI “Geodeziya va geoinformatika” kafedrasi
mudiri, dotsent.
________________________________________________________________
Babajanov A.R., Haqberdiyev O.E., Sulaymanova M.X.
Landshaftli yer tuzish.
O‘quv qo‘llanma. T., TIQXMMI, 2019, 101 bet
________________________________________________________________
© TOSHKENT IRRIGATSIYA VA QISHLOQ XO‘JALIGINI
MEXANIZATSIYALASH MUHANDISLARI INSTITUTI – (TIQXMMI), 2019 y
3
Kirish
Yer – O‘zbekiston Respublikasining milliy boyligi, davlat mulkidir. Rasmiy
ma’lumotlarga
qaraganda, O‘zbekistonning umumiy yer maydoni 2018 yilning
1 yanvar holatiga 44892,4 ming gektarni tashkil etadi. Ushbu maydonlarning yarmiga
yaqinini, ya’ni 45,3 foizini asosiy yer toifalaridan biri hisoblangan qishloq xo‘jaligi yer
maydonlari tashkil etadi. Ma’lumki, qishloq xo‘jaligi insonlar uchun oziq-ovqat,
sanoat uchun esa xom-ashyo yetishtiradi. Shunday ekan, mamlakatning oziq-ovqat
xavfsizligini ta’minlash, qishloq xo‘jaligi yerlaridan foydalanish samaradorligini
oshirish, shuningdek yer mulkdorlari va ijarachilarining qishloq xo‘jaligi yerlaridan
intensiv foydalanishga
investitsiya kiritish, yerlar unumdorligini saqlash va oshirish,
umuman yerlarning resurs sifatidagi funksiyasini yanada kuchaytirish imkoniyatlarini
yaratish bugungi bozor munosabatlarining muhim bo‘g‘inini tashkil etadi.
So‘ngi yillarda qishloq xo‘jaligining yer maydonlaridan maqsadli va samarali
foydalanmaslik, ularni tarmoq ichida va tarmoqlararo taqsimlash va qayta
taqsimlashning samarasizligi, yerlarni noqishloq xo‘jaligi
uchun iqtisodiy va
texnologik asoslanmasdan o‘tkazilishi va eng achinarlisi, yerlar unumdorligining
pasayib ketayotganligi tez-tez kuzatilmoqda. Bunday pasayish qishloq xo‘jaligi
yerlaridan nooqilona foydalanish natijasida ularning meliorativ holatini yomonlashuvi,
tuproqlar tarkibining buzulishi bilan bog‘liq bo‘lsa, ikkinchi tomonda, yerlarni shamol
va suv ta’sirida yemirilishi yoki shamol va suv eroziyasiga uchrashi natijasida ro‘y
bermoqda.
Qayd qilish zarurki, qishloq xo‘jaligi yerlaridan foydalanishni oqilona tashkil
etish tizimida eroziyaga qarshi kurashish tadbirlari muhim o‘rin tutadi.
“Davergeodezkadastr” qo‘mitasining ma’lumotlariga qaraganda mamlakat qishloq
xo‘jaligi yerlarining 90,0 foizga yaqini turli darajalardagi
shamol va suv eroziyasiga
xavfli hisoblanadi. Respublikamizning faqat 21,3 mln gektar yer maydoni shamol
eroziyasiga (deflyatsiya) xavflilik, 1,6 mln gektari suv eroziyasiga xavflilik mavjud.
Ushbu yerlardi tarqalgan tuproqlarni eroziyalanishidan muhofaza qilish bo‘yicha turli
tadbirlarni amalga oshirish, xususan, shunday tadbirlarni o‘zida mujassamlashtirgan
yer tuzish sxemalari va loyihalarini ishlab chiqish, asoslash
hamda amaliyotga joriy
4
etish bugungi kunning asosiy vazifalaridan biri bo‘lib qolmoqda. Xususan,
“O‘zbekiston Respublikasi Prezidentining yer resurslari, geodeziya, kartografiya va
davlat kadastri davlat qo‘mitasi foaliyatini yanada takomillashtirish chora-tadbirlari
to‘g‘risida”gi qarorida ham ushbu muammoni ijobiy hal qilishga qaratilgan vazifalar
tegishli davlat idoralariga yuklatilgan.
Shulardan kelib chiqqan holda, mamlakat
iqtisodiyotini innovatsion isloh qilish va modernizatsiyalash sharoitida qishloq
xo‘jaligini barqaror rivojlantirish, uning yer maydonlaridan foydalanish
samaradorligini barqaror tarzda oshirib borish va bunda maydonlarni eroziyaga qarshi
tadbirlar asosida tashkil etish eng muhim ustivor masalalardan biri bo‘ladi.
Qishloq xo‘jaligi yerlarini landshaftlik xususiyatlarini o‘rgangan holda u
hududlarda tarqalgan tuproqlarda ro‘y berayotgan deflyatsiya va suv eroziyasiga qarshi
kurash tadbirlarini o‘zida mujassamlashtirgan holda ichki yer tuzish loyihalarini ishlab
chiqish va amalga oshirish bo‘yicha bilimlar “Landshaftli yer tuzish”
fanida
to‘plangan. Ushbu fan 5410700 – “Yer tuzish va yer kadastri” bakalavriat ta’lim
yo‘nalishining 4 kursida o‘tiladi. Qishloq xo‘jaligi hududlarining landshaftlik
xususiyatlari va bu bilan bog‘liq bo‘lgan eroziya jarayonlari, ularga qarshi turli-tuman
tadbirlar asosida qishloq xo‘jalik yerlarini ichki tashkil etish loyihalarini ishlab
chiqish, shuningdek bunday loyihalarni amalga oshirish masalalari aynan ushbu fanda
o‘rganiladi. Shu nuqtai nazardan, fanni yuqori sifatli o‘quv adabiyoti bilan ta’minlash
maqsadida ushbu o‘quv qo‘llanmasi tayyorlandi.
O‘quv qo‘llanmasi mualliflar jamoasi tomonidan tayyorlandi. Unda dotsent, i.f.n.
Babajanov A.R (kirish, 2-3 boblar), dotsent, b.f.n. Haqberdiev O (1 bob), katta
o‘qituvchi Suleymanova M.X. (4 bob) lar qatnashdilar. O‘quv qo‘llanmasi uchun
materiallar to‘plash, ularni qayta ishlash va uni texnik rasmiylashtirishda magistrlar
Abdurahimova M. va Patiddinov F. lar ishtiroq etishdi. O‘quv qo‘llanmasi
to‘g‘risidagi fikr va mulohazalarinigizni quyidagi manzilga yuborasiz: 100000,
Toshkent shahri, Qori Niyoziy ko‘chasi, 39-uy, Toshkent
irrigatsiya va qishloq
xo‘jaligini mexanizatsiyalash muhandislari instituti, “Yerdan foydalanish” kafedrasi