45
da bır-birinin tərsi olan (Ton və Not) itlərdə eyni
bir komandaya ta-
mamilə bir-birinə əks olan reaksiyalar müşahidə olunmuşdur.
“Fas” komandasında Ton düşmən maketinə “hücuma kecir”
Not “farağat” dayanır, “Fu” komandasında isə Not düşmən maketinə
“hücuma kecir” Ton “farağat” dayanırdı.
“Mesto” komandasında Ton sahibinin sol ayağının yanında
oturur, Not sahibinin ətrafında fırlanır, “Qulyay” komandasında isə,
əksinə, Not sahibinin sol ayağının yanında oturur, Ton onların
ətrafında fırlanırdı.
Artıq qeyd olunduğu kimi, praktik təcrübə xarakteri daşıyan
bu eksperimentin qoyulmasında əsas məqsəd heyvanların, o cümlə-
dən də itlərin verilən komandalar əsasında fəaliyyətinin anlama ilə
deyil, şərti reflekslə bağlı olduğunu nümayiş etdirmək idi. Detallarına
varıb diskussiya açmadan və konturarqumentlərə müraciət etmədən
yalnız bunu qeyd etmək istərdik ki,ayrı-ayrı heyvanlarla aparılan
eksperiment və təcrübələr əsasında onlarda da şüurun, dərketmənin
primitiv formalarının mövcud olduğunu sübut etməyə çalışan və bu
istiqamətdə inandırıcı, ən azı heyrətləndirici nəticələr
1
əldə edən
çoxsaylı tədqiqat əsərləri və mütəxəssis mülahizələri vardır.
§1.10.2. Situativ xarakterli psixoloji vəziyyət prinsipi dedikdə,
standart nominal-funksional semantikaya
malik olan və aktiv
kommunikant tərəfindən ötürülən eyni dil struktur vahidlərinin passiv
kommunikantların təfəkküründə oyatdığı birinci intellekt obrazlarının
ümumi mahiyyət baxımından identik olması halında belə, eyni kod
qrupları tərkibində oyanan əlavə obrazların mütləq şəkildə fərqlən-
məsi nəzərdə tutulur. Bu ilk növbədə epizodik xarakterli ehtiyacla
bağlı olur.
Məsələn, uzun müddət çöldə olan və biri susuzluqdan yanan,
digəri isə üşüyən iki adam radiodan “yağış yağacaq” xəbərini eşidir-
1
Məsələn, təlimçinin verdiyi tək balığı ağzında çıxarıb sahilə atan, vedrəni göstərdikdə başı ilə
“hə” işarəsi verən, ağzına boşalan vedrə dolusu balığı yedikdən sonra təlimçini “öpən” ala
balina balasının bu kimi davranışları ilə azyaşlı uşağın davranışları arasındakı bənzərlikləri
görməmək, bu davranışları “şüursuz” adlandırmaq ən azı insafsızlıqdır.
46
sə, yağışın yağmasının nə demək olduğunu normal şəkildə anlayan
bu adamlar üçün həmin xəbər ikinci bir məna çaları da ifadə
edəcəkdir. “Yağış yağacaq” xəbəri susuzluqdan
yanan adam üçün ilk
növbədə yanğını kəsən maye mənbəyi, ikincisi üçün isə paltarlarını
isladıb üşüməsini daha da artıran əlavə soyuqluq mənbəyi kimi
təsəvvür olunacaqdır.
§ 1.11. L.S.Vıqotskinin psixoloji görüşləri
V.Humboldtun psixologiya ilə bağlı fikirlərini davam və
inkişaf etdirən tədqiqatçılardan birinin də L.Vıqotski olduğunu qeyd
etmişdik.
İxtisasca psixoloq olmasına baxmayaraq, L.Vıqotski psixolin-
qvistikanın banilərindən, dilçilik və dil nəzəriyyəsinin isə sayılıb-
seçilən nümayəndələrindən biri hesab oluna bilər. Dilin linqvistik,
psixoloji, fizioloji, sosioloji və s. cəhətlərindən söz açan əksər tədqi-
qatçılar öz araşdırmalarında L.Vıqotskinin
bu və ya digər əsərinə
mütləq şəkildə istinad edirlər. L.Vıqotskinin rəy və mülahizələrinin
mütləq gerçək olmasına inam o qədər böyükdür ki, onun fikirlərinə
əsaslanan tədqiqatçılar L.Vıqotskiyə istinadla söylədikləri fərziyyənin
əlavə sübutuna ehtiyac belə duymurlar. Bu, bir tərəfdən, dilin
psixoloji mahiyyəti ilə bağlı L.Vıqotskinin inandırıcı, dəyərli fikirlər
söyləmiş olduğunu, ikinci bir tərəfdən isə, bu fikirlərin əksər tədqi-
qatçılar tərəfindən qəbul edildiyini göstərir.
§1.11.1. L.Vıqotski belə hesab edir ki, təfəkkür və nitq məsə-
ləsi elə psixoloji
problemlər qrupuna aiddir ki, orada şüurun müxtəlif
fəaliyyət növləri ön plana çıxır. Ən başlıca məsələ isə fikrin sözə olan
münasibətidir. “Bununla müqayisədə bütün digər məsələlər ikinci
dərəcəli əhəmiyyət daşıyır və mahiyyətcə bu əsas məsələnin həllin-
dən birbaşa asılıdır. Bu məsələni həll etmədən, ikinci dərəcəli məsə-
lələrin həllini nəzərdə tutan problemlərin düzgün qoyuluşu belə
mümkün deyil”
1
.
1
Выготский Л.С.Психология,изд.Апрель Пресс, “Эксмо-пресс”, Москва, 2000, с 264.
47
O, şüurun funksiyalararası əlaqələrinin sabitliyini və dəyiş-
məzliyini qəbul edənləri tənqid atəşinə tutaraq göstərir ki, “mənimsə-
mə (восприятие)
həmişə eyni dərəcədə diqqətdən, fikir (мысль) isə
yaddaşdan asılı deyil”
1
.
§1.11.2. Özünəqədərki psixoloji tədqiqatların əksəriyyətində
iki əks qütbə meyilin olduğunu göstərən L.Vıqotski belə hesab edir
ki, fikir və sözü Çin səddi ilə bir-birindən ayıranlar da, onları eyni şey
hesab edənlər də eyni dərəcədə haqlıdırlar və eyni dərəcədə yanılırlar.
Onun fikrincə, həqiqəti harada isə bu iki fikrin arasında axtarmaq, bu-
nunla belə metafizika dualizminə yuvarlanmaqdan özünü qorumaq
lazımdır. Əksqütblülər nitqi fikrin ifadə vasitəsi, xarici görünüşü,
onların arasındakı əlaqəni isə kənar əlaqə hesab edirlər. İkincilərin
çatışmayan cəhəti isə odur ki, onlar fikri və nitqi bir vahidin hissələri
kimi qəbul edir və bu şəkildə də araşdırırlar. Təbii ki, bu halda fikir
və nitqin daxili əlaqəsini müəyyənləşdirmək mümkün olmur.
L.Vıqotskiyə görə, təfəkkür və nitqin öyrənilməsinin dönüş
nöqtəsi odur ki,... tam olanı tərkib
hissələrinə deyil, tamın bütün
xüsusiyyətlərini özündə əks etdirən vahidlərə ayırıb öyrənmək
lazımdır... Psixologiya daxili elementlərə parçalayaraq öyrənmə
metodundan əl çəkməli və tamı vahidlər əsasında öyrənməlidir
2
.
§1.11.3. İlk baxışdan buraya qədər deyilənləri düzgün ümum-
psixoloji müddəalar hesab etmək olar. Bu səbəbdən L.Vıqotskiyə hər
hansı bir irad tutub polemika açmaq və ya disput yaratmaq, demək
olar ki, mümkün deyil. Amma “tam” və “onun vahidləri” dedikdə,
L.Vıqotskinin nəyi nəzərdə tutduğunu bir daha diqqətlə gözdən
keçirək: “...Təfəkkür gerçəkliyi yaddaşda əks etdirir. Yəqin ki,...
vahidin keyfiyyətcə fərqi əsas etibarı ilə gerçəkliyi ümumiləşdirilmiş
şəkildə əks etdirməsidir. Bunun əsasında belə bir qənaətə gələ bilərik
ki, sözün mənası, onun ümumiləşdirmə imkanı sözün əsl mənasında
təfəkkür aktını özündə ehtiva edir… Söz nitq səltənətinə aid olduğu
qədər, fikir səltənətinə də aiddir. Bu səbəbdən öz təbiətinə uyğun
1
Выготский Л.С.Психология, изд. Апрель Пресс, “Эксмо-пресс”, Москва, 2000, с. 165.
2
Yenə orada, s. 268.
48
olaraq
məna eyni dərəcədə həm nitqə, həm də təfəkkürə aid edilə
bilər... Söz eyni zamanda həm nitq, həm də təfəkkürdür, çünki o, nitq
vasitəsilə düşünmənin vahididir.”
1
Belə məlum olur ki, L.Vıqotski “tam” dedikdə nitq və təfək-
kürün, düşünmə prosesinin vəhdətini, eyniliyini, onun “vahidi” de-
dikdə isə, sözü nəzərdə tutur.
Bundan əlavə, L.Vıqotski sözün mənasının təfəkkür aktındakı
funksional rolundan danışarkən göstərir ki, “təfəkkür fəaliyyətinin
fikirdən sözə doğru hərəkətinin özü, inkişafdır”
2
. Amma bizcə, bu,
mövcud fikrin transformasiyasından,
başqa sözlə desək, birinci
intellekt obrazının ikinci intellekt obrazı ilə əvəzlənməsindən başqa
bir şey deyildir
3
. İkinci bir tərəfdən, bu fikir L.Vıqotskinin özünün
başqa bir fikrinə tamamilə ziddir: “Yaddaşda hər hansı sözlü mətnin
bərpası
təfəkkür prosesi deyildir”
4
.
L.Vıqotski belə hesab edir ki,“fikir sözlə ifadə olunmur, o,
sözdə tamamlanır”
5
. Məqsəd nitq yaratmaq olduqda bu, həqiqətən
də, belədir. Amma daxilən qərara gəlməyin lazım gəldiyi bir nümu-
nəni nəzərdən keçirək.
“Həsən qapını döymədən içəri girdi, əlindəki kağızları müdirin
masasının üstünə atdı və heç bir söz demədən qapını çırpıb getdi.
Müdir şəhadət barmağını gicgahına qoyub, digər barmaqlarını
yumruq şəklində bükdüyü əlini sağa-sola fırlada-fırlada
bir az əvvəl
Həsənin çırpdığı qapıya baxdı”.
Bu hadisə ilə bağlı fikir-söz əlaqəsi haqqında danışmalı olsaq,
belə deməliyik ki, Həsən və müdir heç nə demədiyinə görə heç bir
şey də fikirləşmədi. Amma həqiqətdə, təbii ki, bu mümkün deyil.
Vizual şəkildə, yəni bir kino lenti kimi gözlərimiz önündə baş
verən bu mənzərənin sonunda qərara gəlirik:
1. Həsən nəzakət qaydalarına əhəmiyyət vermir, yəni mədə-
1
Выготский Л.С.Психология, изд. Апрель Пресс, “Эксмо-пресс”, Москва, 2000, с.269.
2
Yenə orada, s. 335.
3
Əsgərov M.B. Gerçəklik elementinin intellekt obrazları.“Tədqiqlər”. Bakı,2003,N 4, s. 39-43
4
Vıqotski L.S. Həmin əsəri s. 335.
5
Yenə orada, s. 469.