145
söyləmlər əks etdirdiyi gerçəklik elementinin yaddaşdakı intellekt
obrazları və ya kodları ilə birləşdikdə dilə çevrilir.
Yəni dil, bir tərəf-
dən öz struktur vahidləri olan forma və nitq söyləmləri ilə birlikdə
təfəkkür proseslərinin son məhsulu kimi meydana çıxır, ikinci bir
tərəfdənsə, bir güzgü kimi məhz dərk olunmuş gerçəklik element-
lərini əks etdirir. Yəni dil həm yaranması, həm də funksiyası baxı-
mından tam linqvopsixoloji mahiyyət daşıyır. Bu səbəbdən istər
təsviri, istər funksional, istərsə də struktur dilçilikdə aparılan tədqiqat-
larda obyekt olaraq seçilən dil struktur vahidlərinin, nitq söyləmləri-
nin və ya bütövlükdə mətnin analizi prosesində dilin linqvistik yönlə-
ri ilə yanaşı, psixoloji cəhətlərini də nəzərə almaq lazımdır. Əks hal-
da, əldə edilən nəticələrin ən azı tamlığı və dolğunluğu,
etimoloji və
funksional-semantik araşdırmalarla bağlı bəzi konkret hallarda isə,
hətta nəticələrin doğruluğu belə şübhə altına alına bilər.
Təqdim etdiyimiz psixoloji sxemdə gerçəklik elementinin
nəzərə alınmadığı ehtimal oluna bilər. Amma stimulun varlığı, artıq
gerçəklik (G) elementinin də mövcudluğunu təsdiq edir. Aydındır ki,
bu fəaliyyətin son məqsədi dərketmədir. Yəni həmin sxemin
G+S+O+F=D (gerçəklik elementi + stimul + intellekt obrazı +
fəaliyyət = dərketmə) şəklində olması, bizcə, mahiyyətcə heç nəyi
dəyişmir. Amma istənilən halda həmin sxem formal olaraq bu
şəkildə tamamlanmalıdır.
Gerçəklik elementinin və onun adının dərk olunması (F) belə
baş verir ki, gerçəklik elementinin(G
1
) hiss orqanlarına təsiri (S
1
)
nəticəsində beyin aparatı vasitəsilə həmin gerçəklik elementinə
ekvivalent olan
birinci intellekt obrazı (O
1
) yaranır (F
1
– birinci
fəaliyyət). Gerçəklik elementinin (məs.:masanın) vizual obrazının
gözlərimiz önündə canlanmasını, məhz dərketmə nəticəsində beyni-
mizdə yaranan birinci intellekt obrazı təmin edir. Dərk olunmuş ger-
çəklik elementi haqqında informasiya vermək ehtiyacı(S
2
) nəticə-
sində
sinktual dərketmə yolu ilə həmin
gerçəklik elementini əks
etdirən
dil struktur vahidi(G
2
) yaranır (məsələn, “masa” sözü). İkinci
sıra gerçəklik elementi mahiyyəti daşıyan dil struktur vahidinin dərk
146
olunması nəticəsində
ikinci intellekt obrazı(O
2
) yaranır(F
2
– ikinci
fəaliyyət). Gözlərimiz önündə dörd hərfdən ibarət olan “masa”
sözünün vizual obrazının canlanmasını, məhz dərketmə nəticəsində
beynimizdə yaranan ikinci intellekt obrazı təmin edir. Dörd ayaq üzə-
rinə müstəvi formasına malik düz səthin bərkidilməsi yolu ilə ya-
ranan əşya (G
1
- birici sıra və ya ilkin gerçəklik elementi) və onun
dörd hərfdən ibarət olan adı (G
2
- ikinci sıra gerçəklik elementi) və
hər iki gerçəklik elementinə ekvivalent olan intellekt obrazı (O
1
, O
2
–
birinci və ikinci intellekt obrazı) eyni bir
intellekt kodunda (K)
birləşərək (G
1
+G
2
+ O
1
+ O
2
=K) baş beynimizdə mühafizə olunur.
Göründüyü kimi, bu linqvopsixoloji proses və fəaliyyətlərin məcmu-
su tam şəkildə D= G
1
+ S
1
+ O
1
+ F
1
+ S
2
+ G
2
+ O
2
+ F
2
sxemi əsasın-
da reallaşır.
İlk baxışdan elə görünə bilər ki, ilkin gerçəklik elementinin və
dil struktur vahidinin yaranması və dərk olunması prosesinin
burada
verilən şərhi bəzi cəhətləri ilə İ.M. Seçenov tərəfindən irəli sürülən
dərketmə prosesindən müəyyən qədər fərqlənir və ilkin sxemə
sığmır. Burada (G
1
+G
2
)=G; (S
1
+S
2
)=S; (O
1
+O
2
)=O; (F
1
+F
2
)=F
olduğunu nəzərə alsaq, o halda ilkin sxemin bizim tərəfimizdən ta-
mamlanmış variantının dərketməni bütünlüklə əks etdirdiyinin şahidi
oluruq, yəni G+S+O+F=D (gerçəklik + stimul + obraz + fəaliyyət =
dərketmə). Onu da nəzərə alsaq ki, G
1
+G
2
+O
1
+O
2
= K, o halda
görərik ki, ilkin sxem belə, istənilən dərketmə prosesinin şərhi
baxımından özünü doğruldur və buradakı yeganə fərq dərketmənin
intellekt obrazları ilə deyil, intellekt kodları ilə reallaşmasıdır:
S+K+F=D (stimul + kod + fəaliyyət = dərketmə).
Yuxarıda
qeyd etdiyimiz kimi, istənilən dərketmə prosesinin
ikinci yarımaktı qəbul edilmiş intellekt obrazının və ya kodunun
yenidən aktiv yaddaşa gətirilməsi və ondan istifadədir.
Gerçəklik elmentlərinə hansı adın verilməsindən asılı olmaya-
raq, istənilən halda nəzərə almaq lazımdır ki, gerçəklik elementinə
verilən ad, dildə həmin gerçəklik elementinə ekvivalent olan dil
struktur vahididir və ya başqa sözlə desək, gerçəklik elementinin dil
147
güzgüsündəki əksidir. Verilən adın məhz nə olmasına baxmayaraq,
yetər ki, həmin ad eyni dil daşıyıcıları tərəfindən eyni tərzdə dərk
olunsun və ya mənimsənilsin. Çünki L.Şerbanın qeyd etdiyi kimi, dil
sisteminin vahidliyi, eyni məzmunla bağlı bənzər reaksiyaların
yaranmasını şərtləndirir
1
.
Haqqında danışılan qaba ad verildikdən sonra həmin qabın
funksiyalarını da əlavə etməklə bu qabı potensial alıcılara tanıtmaq,
yəni onu reklam etmək mümkündür.
L.Şerba danışıq və anlama proseslərinin məcmusunu “nitq
fəaliyyəti” adlandırır və onu dil təzahürlərinin
birinci aspekti hesab
edir... Bəlli bir dövr ərzində bu və ya digər ictimai qrupun danışma və
anlama aktlarının məcmusu əsasında dillərin lüğətlərinin və
qrammatikalarının yaradıldığını qeyd edən L.Şerba bunu dil sistemi
adlandırır və dil təzahürlərinin ikinci aspekti hesab edir. O göstərir ki,
düzgün tərtib olunmuş lüğət və qrammatika aid olduğu dildəki
bilgiləri tam şəkildə və bütün dolğunluğu ilə əks etdirməlidir
2
.
Bu və ya digər gerçəklik elementinə verilən ad gerçəklik
elementinin dərketmə güzgüsündəki obrazının dil güzgüsündəki əksi
olmaqla yanaşı, dilin maddi hissəsini təşkil edən struktur
vahidlərindən biri, başqa sözlə desək, hərf və ya səslərdən ibarət ma-
teriya forması (məsələn,
“süzgəc” sözü 6
hərf və ya səsdən ibarət
olduğu kimi), yəni gerçəklik elementidir. Bu səbəbdən gerçəklik
elementi olan söz (söz forması və ya qəlibi) yenidən vizual-vokal
dərketmə yolu ilə ikinci intellekt obrazına çevrilir. Beləliklə, obyektiv
aləmdə mövcud olan eyni bir gerçəklik elementinin beynimizdə iki
intellekt obrazı yaranmış olur. Bunlardan birincisi, gerçəklik elemen-
tinin özünə ekvivalent olan birinci intellekt obrazıdır. İkincisi isə, hə-
min birinci intellekt obrazı haqqında məlumat vermək məqsədi ilə
yaradılmış dil struktur vahidi şəklində mövcud olan gerçəklik
elementinin dərk olunması nəticəsində yaranan və dil struktur vahidi-
nə ekvivalent olan ikinci intellekt obrazıdır.
1
Щерба Л.В. Языковая система и речевая деятельность. Ленинград. Наука, 1974, с 28.
2
Yenə orada, s. 25.
148
Hər iki intellekt obrazı həmişə eyni
bir intellekt kodunda olur
və onlardan birinin xatırlanması avtomatik olaraq digər intellekt obra-
zını da aktiv yaddaşa gətirir.
Bəzən ayrı-ayrılıqda bu obrazlardan birinin aktiv yaddaşda
tam şəkildə xatırlanmasına baxmayaraq, digər obrazın xatırlanmasın-
da gecikmələr olur.
Keçirdiyimiz eksperiment və sınaq təcrübələri belə deməyə
əsas verir ki, adətən gerçəklik elementinə ekvivalent olan intellekt
obrazının tam şəkildə xatırlanmasına baxmayaraq, onun dil struktur
vahidinə ekvivalent olan intellekt obrazının xatırlanması prosesindəki
gecikmələr ana dilindəki yeni sözlər və ya terminlərlə bağlı olur. Belə
hallarda biz “Dilimin ucundadır, bu dəqiqə deyəcəyəm ... bircə də-
qiqə” deyərək həmin dil struktur vahidinin şifahi və ya yazılı obrazını
xatırlamağa çalışırıq.
Dil struktur vahidinə ekvivalent olan intellekt obrazının tam
şəkildə xatırlanmasına baxmayaraq, onun gerçəklik elementinə ekvi-
valent olan intellekt obrazının xatırlanması prosesindəki gecikmələr,
əsasən, xarici dillərin öyrənilməsi ilə bağlı müşahidə olunur. Belə
hallarda biz dəqiqliklə xatırladığımız
həmin əcnəbi sözü dəfələrlə
təkrarlayır və onunla bağlı olan gerçəklik elementini, onun birinci in-
tellekt obrazını və ya bu obrazın ana dilimizdəki söz qarşılığını,
yaxud da bu sözə ekvivalent olan ikinci intellekt obrazını xatırlamağa
çalışırıq.
§ 3.2. Leksik formalar
Dil struktur vahidi olaraq formaların üç əsas növü mövcuddur:
1) leksik , 2) leksik-qrammatik, 3) qrammatik formalar.
Dil struktur vahidlərinin birinci növünə aid olan leksik
formaların özünün də üç tipi mövcuddur: 1) ilkin variantda müəyyən
leksik məna ifadə edən (kök) formalar; 2) yeni leksik məna yaratmaq
məqsədilə konkret leksik şəkilçilərlə işlənən söz qəlibləri (kök/əsas +
konkret leksik şəkilçi); 3) müxtəlif leksik, qrammatik,
leksik-
qrammatik formaların birləşməsindən yaranan mürəkkəb formalar.