Singarmonizm masalasi
Singarmonizm so‘zdagi unlilarning ma’lum nuqtayi nazardan
bir xillashishi bo‘lib, turkiy tillarning barchasiga tegishli qonuniyat
ekanligi mutaxassislar tomonidan aytib o‘tilgan [Миртожиев 2013,
294-299; Маҳмудов 2006, 67-68; Неъматов 1992, 45-59].
Singarmonizmga munosabat masalasida jadidlar o‘rtasi-
da ham turlicha qarashlar mavjud edi. Fitrat, Qayum Ramazonlar
qoida tuzishda, bir tomondan, turkiy tillar ta’siriga berilgan bo‘lsa,
ikkinchi tomondan, ular ko‘proq mumtoz asarlar tilini e’tiborga
oldilar. Buyuk mutafakkir Alisher Navoiy ijodini o‘zlariga dasturil-
amal qilgan holda o‘zbek tilida hozirda ham singarmonizm qonuni-
yati to‘la amal qiladi, unlilar yo‘g‘on-ingichkalik xususiyatiga ko‘ra
farqlanadi va unlilar soni 8-9 ta degan fikrni ilgari suradilar. Elbek,
Ashurali Zohiriy kabi tilshunoslar esa bu qonuniyatga boshqacharoq
munosabatda bo‘ladi.
Ashurali Zohiriy bu haqda shunday yozadi:
“Singarmo‘nizm
turk-totor tilining tabiiy tilidur. Lekin zomonning o‘tishi, jo‘g‘rofi(y)
ahvollarning o‘zgarishi, bir qavmning boshqalar bilan aralashishi
va ularning tillarining ta’siri orqasida bu xususiyat turk lahjalari-
ning bir xillarida yo‘qola borg‘on (ozorboyjon, anqara turklarida). Bu
xususiyatni saqlab qolg‘onlar: qozoq, qirg‘iz, nug‘oy, boshqirt, totor,
turkmon va o‘zbaklardur”
[Жамолхонов, Умаров 2017, 349].
Olim o‘zbek tilida singarmonizm hodisasi borligini shun-
day ta’kidlaydi:
“Bizda singarmunizm yuz foiz bo‘lg‘usidur. Tilimiz
-
ga aralashg‘on ajnabiy so‘zlarni ham o‘z qoidamiz (singarmunizm
-
ga) bo‘yin tovlaydurg‘onlari o‘rnig‘a o‘z tilimizdan so‘zlar topishga
harakat qilamiz”
[Жамолхонов, Умаров 2017, 349].
O‘zbek tilidagi o‘zlashgan so‘zlarni ham singarmonizm qoi-
dalariga bo‘ysundirish, ushbu qoidaga bo‘ysunmaydigan o‘zlashma
so‘zlar o‘rniga tilimizdan so‘zlar topish lozimligini aytadi. Lekin ba’zi
o‘rinlarda o‘z fikridan chekinish holatlari ham ko‘rinadi:
“G‘ijjak,
g‘altak, g‘ildirak, pildiroq, yo‘lak singari o‘zlashgan forsiy so‘zlari
(yoki forsiycha qo‘shimcha qo‘shilgan so‘zlar)ni o‘zgartmasdan sin
-
garmo‘nizm qoidasidan mustasno qilamiz. Bu so‘zlarning “yo‘lak”dan
9
Ashurali Zohiriy va Elbekning milliy fonetika xususidagi qarashlari
boshqasi o‘zbekcha bilan forsiycha o‘rtasida o‘rtoq so‘zlar bo‘lib,
“yo‘lak” va ularning ham oxirlardag‘i “ak”, “oq” qo‘shimchalari tom
forsiychadur. Bularni singarmo‘nizmg‘a tobe qilsaq, “g‘ijjaq, g‘al-
taq, pildirak, g‘ildiroq, yo‘loq” bo‘lib xalq anglamaydurg‘on nusxag‘a
kirib ketish ehtimoli bor. Shuning uchun bundoqlarni mustasno qila-
miz. Bundoq mustasno bo‘lg‘uchilar tilimizda ko‘pchilikni tashkil
etmaydurlar” [Жамолхонов, Умаров 2017, 349].
Elbek “Qizil O‘zbekiston” gazetasining 1929-yil 30-yanvar
sonida e’lon qilingan “Til, atama, imlo bahslari” rukni ostida “Til
imlosi ustida” maqolasida singarmonizm bo‘yicha o‘z qarashlarini
bayon etadi:
“
Singarmo‘nizm,
- deydi adib mazkur maqolasida, -
ko‘p
kishilarni cho‘chitkan. Ba’zi bir kimsalarning kulgi va so‘kish to‘rva-
Dostları ilə paylaş: |