1
A
ödənilən vergilər nəzərdə tutulur. Bələdiyyələr tərəfindən tətbiq
edilən digər məcburi ödənişlər müvafiq qanunla müəyyən edilir. Yerli
vergilərin (bələdiyyə vergilərinin) dərəcələri vergi qanunvericiliyində
təsbit edilmiş hədlər daxilində müəyyən edilir. Vergi qanunvericiliyinə
uyğun olaraq bələdiyyələr öz ərazilərində vergi ödəyicilərinin ayrı-ayrı
kateqoriyalarını yerli vergilərdən tam və ya qismən azad etmək, vergi
dərəcəsini azaltmaq barədə qərar qəbul edə bilərlər.
1
B
B
Balans mənfəəti (zərəri) (balanced profit/damage) – məhsulun (iş və
xidmətlərin), material ehtiyatlarının satışından əldə edilən mənfəət də
daxil edilməklə, müəssisələrin fəaliyyətinin ümumi maliyyə nəticələrini,
habelə qeyri-kommersiya əməliyyatlarından alınan gəlir və məsrəfləri
əhatə edir. Qeyri-kommersiya əməliyyatlarından alınmış və ödənmiş
cərimələrin, peniyaların, dəbbə pullarının və digər iqtisadi sanksiyaların
(qanunvericiliyə uyğun olaraq büdcəyə ödənən sanksiyalar istisna
olmaqla); müəssisələrin hesablarında olan vəsaitin məbləğindən
alınan faizlərin; xarici valyuta ilə əməliyyatlar və valyuta hesabları
üzrə məzənnə fərqlərinin; hesabat ilində aşkara çıxarılmış ötən illərin
mənfəət və zərərlərinin; təbii fəlakətlər nəticəsində dəymiş zərərlərin;
borcların və debitor borclarının siyahıdan silinməsi nəticəsində itkilərin;
ödənilməsi mümkün olmayan, ümidsiz kimi siyahıdan silinmiş borcların
daxil olmasının; mövcud qanunvericiliyə uyğun olaraq mənfəət və
zərərlərə aid edilən sair gəlir, itki və məsrəflərin ümumi yekunu balans
mənfəətinə (zərərinə) daxildir.
Balanslaşdırılmış büdcə (balanced budget) – hökumətin planlaşdırdığı
xərclərlə onun gözlənilən gəlirlərinin bərabər olduğu büdcə. Dövlət
maliyyəsində bu elə bir fiskal situasiya hesab olunur ki, burada vergi
və digər daxilolmalar mal və xidmətlər, transferlər və faiz ödənişlərini
tam əhatə edə bilsin. Ayrı-ayrı dövlətlərin büdcələrinin təhlili göstərir
ki, büdcələr balanslı vəziyyətdən daha çox kəsirli olurlar və bu kəsir
borclanma və əlavə emissiya yolu ilə örtülür. Büdcə balansının və onun
maliyyələşdirilməsinin iqtisadiyyatda xüsusi önəmi ondan ibarətdir ki,
o, tələbə və qiymətlərə təsir edə bilər.
Bank (bank) – fiziki və hüquqi şəxslərdən depozitlərin və ya digər
qaytarılan vəsaitlərin cəlb edilməsi, öz adından və öz hesabına
kreditlərin verilməsini, habelə müştərilərin tapşırığı ilə köçürmə və
hesablaşma-kassa əməliyyatlarını məcmu halda həyata keçirən hüquqi
şəxsdir.
Banka aidiyyəti olan şəxslər (bank insider persons) – bankın
inzibatçıları, struktur bölmələrinin rəhbərləri, qərarların qəbul
edilməsində iştirak edən digər əməkdaşları və onlarla yaxın qohumluq
münasibətlərində olan şəxslər (əri/arvadı, valideyni, o cümlədən ərinin/
arvadının valideyni, babası, nənəsi, övladı, o cümlədən övladlığa
götürülən, qardaşı və bacısı); bankda mühüm iştirak payı olan hər hansı
şəxs və ya bankın mühüm iştirak payı olan hüquqi şəxs və həmin hüquqi
1
B
şəxsdə mühüm iştirak payı olan hər hansı şəxs, habelə bu cür mühüm
iştirak payına malik olan hüquqi şəxslərin icra orqanlarının rəhbərləri.
Banka aidiyyəti olan şəxs adından hərəkət edən şəxslər (persons
acting on behalf of bank insider person) – aralarında bağladıqları
müqavilə əsasında banka aidiyyəti olan şəxs adından hərəkət etməyə
hüququ olan şəxs; banka aidiyyəti olan şəxsin mühüm təsir göstərə
bildiyi hüquqi şəxs; banka aidiyyəti olan şəxsin nümayəndəsi.
Bank filialı (bank branch) – hüquqi şəxs olmayan, bankın olduğu
yerdən kənarda yerləşən, öhdəlikləri üçün bankın özünün məsuliyyət
daşıdığı, banka icazə verilmiş bank fəaliyyətinin hamısını və ya bir
hissəsini həyata keçirə bilən bankın ayrıca bölməsidir. Kommersiya
banklarının və onların filiallarının sayı,
ilin axırına olan vəziyyətə görə,
qeydə alınmış kommersiya banklarının və onların filiallarının sayıdır.
Bank holdinq şirkəti (bank holding company) – bank lisenziyasına
malik bir və ya bir neçə törəmə bankı olan, fəaliyyəti baş ofisinin
yerləşdiyi ölkənin bank tənzimləməsi orqanları tərəfindən tənzimlənən
və nəzarət olunan şirkətdir.
Bankın nümayəndəliyi (bank representation office) – hüquqi şəxs
olmayan, bankın olduğu yerdən kənarda yerləşən, bank fəaliyyəti ilə
məşğul olmağa hüququ olmayan, yalnız onun mənafelərini təmsil və
müdafiə edən bankın ayrıca bölməsidir.
Bankın məcmu kapitalı (bank capital) – prudensial hesabatlıq
məqsədləri üçün istifadə olunan kapital olmaqla, mərkəzi bankın
normativ xarakterli aktları ilə müəyyən etdiyi birinci dərəcəli (əsas) və
ikinci dərəcəli (əlavə) kapitala daxil olan komponentlərin (elementlərin)
cəmi və onlardan tutulmaların fərqidir.
Bank krediti (bank loan) – bağlanmış müqaviləyə uyğun olaraq
qaytarılmaq, müəyyən müddətə (müddətin uzadılması hüququ ilə) və
faizlər (komisyon haqlar) ödənilmək şərti ilə, təminatla və ya təminatsız
müəyyən məbləğdə borc verilən pul vəsaitidir. Həmin şərtlərlə pul
vəsaitinin verilməsi haqqında götürülmüş hər hansı öhdəlik, qarantiya,
zəmanət, borc qiymətli kağızlarının diskontla və ya faizlər alınmaqla
satın alınması və müqaviləyə əsasən hər hansı formada verilmiş
vəsaitin qaytarılmasını tələb etməklə bağlı digər hüquq da kredit
anlayışına aiddir.
Bank kreditləri üzrə müəssisələrin borcları (company debts for
bank loan) – bankdan alınmış kreditlər üzrə borcların məbləğini əks
etdirir.
Dostları ilə paylaş: |