1
B
Bank lisenziyası (bank licence) – müəyyən edilmiş qaydada verilən,
fiziki və hüquqi şəxslərdən depozitlər və ya digər qaytarılan vəsaitlər
cəlb etmək, öz adından və öz hesabına kreditlər verməklə bağlı
fəaliyyəti, habelə müştərilərin tapşırığı ilə köçürmə və hesablaşma-
kassa əməliyyatlarını məcmu halda həyata keçirməyə müstəsna hüquq
verən xüsusi razılıqdır.
Bank olmayan kredit təşkilatı (non bank credit organization) – öz
vəsaiti və/və ya cəlb edilmiş vəsait hesabına (depozitlər istisna olmaqla)
yalnız pul formasında kreditlər verməklə məşğul olan hüquqi şəxsdir.
Bankomat (ATM – automatic cash terminal) – bank kartlarından istifadə
edərək kart hesabından nağd pul vəsaitləri çıxarmağa, hesab barədə
məlumat almağa, kommunal və digər xidmətlərin haqqını ödəmək üçün
nağdsız hesablaşmalar aparmağa imkan verən aparatdır.
Bank sirri (bank secret) – sirr kimi saxlanmasına bankın təminat verdiyi
bank hesabının, hesab üzrə əməliyyatlar və qalıqların, habelə müştəri
haqqında məlumatların, o cümlədən müştərinin adı, ünvanı, rəhbərləri
haqqında məlumatların məcmusu. Müştərilərin bank saxlancında
əmlakının mövcudluğu, bu cür əmlakın sahibləri, xarakteri və dəyəri
haqqında məlumatların sirrinə də bank təminat verir.
Bank sistemi (bank system) – ölkənin mərkəzi (milli) bankından və
kredit təşkilatlarından ibarət sistemdir.
Bank ssudaları üzrə vaxtı keçmiş borc (expired debt on bank loans) –
ssuda alanların maliyyə çətinlikləri nəticəsində qarşılıqlı hesablaşmalar
üzrə vaxtında qaytara bilmədikləri ssuda və öhdəliklərdir.
Bank ssudalarının qalıqları (bank loans remainders) – dövrün
axırına olan vəziyyətə görə qısamüddətli və uzunmüddətli ssudaların
qalıqlarını səciyyələndirir.
Bank şöbəsi (bank section) – hüquqi şəxs olmayan, bankın olduğu
yerdən kənarda yerləşən, öhdəlikləri üçün bankın özünün məsuliyyət
daşıdığı, onun respublika ərazisində depozitlər cəlb edən və/və ya
köçürmə, hesablaşma-kassa əməliyyatları aparan ayrıca bölməsidir.
Baumol effekti (Baumol effect) – iqtisadi inkişaf dövründə xidmətlərin
qiymətlərinin tədricən bahalaşması, sənaye məhsullarının qiymətlərinin
isə bunun əksinə ucuzlaşmasını nəzərdə tutan iqtisadi effekt. Bu
effekti 1967-ci ildə Nyu-York Universitetinin professoru Vilyam
Baumol aşağıdakı kimi təsvir edirdi: məhsuldarlığın artması və yeni
1
B
texnologiyalara qoyulan investisiyalar kapitaltutumlu sahələrdə
qiymətləri azaldır. Daha çox əməktutumlu olan xidmət sektorunda isə əks
proses baş verir. Eyni zamanda, biz zəif inkişaf etməkdə olan ölkələrdə
sənaye məhsullarının xidmətlərə nisbətən baha olduğunu görürük.
Bütün bunlara baxmayaraq, Baumol effekti mütləqləşdirilməməlidir.
Belə ki, bəzi qeyri-sənaye sahələri, məsələn, telekommunikasiya
qiymətlərin azalmasından yararlanır. Xidmət sahəsində məhsuldarlığın
ölçülməsinin çətin olması da nəzərə alınmalıdır. Baumol effekti
müəyyən qədər dövlət xərclərinin artımının izahında da istifadə olunur.
Çünki hökumətlər də, öz növbəsində, əhalinin əmtəələrdən çox xidmət
təchizatçıları kimi çıxış edirlər.
Bazar qiyməti (market price) – bazar qiyməti malın (işin, xidmətin)
tələblə təklifin qarşılıqlı təsiri nəticəsində təşəkkül tapan qiyməti
deməkdir.
Bencmarkinq (benchmarking) – təşkilatın fəaliyyətinin əsas
göstəricilərini və təşkilati strukturunu digər təşkilatların göstəriciləri və
strukturları ilə müqayisəli təhlil etmək. Bu metod təşkilati strukturun və
fəaliyyət predmetlərinin üstün cəhətlərini müəyyənləşdirməyə imkan
verir.
Beveric əyrisi (Beveridge curve) – işsizliyin səviyyəsi ilə iş
vakansiyalarının səviyyəsini göstərən qrafik təsvirdir. Qrafikin
ordinatında vakansiyaların səviyyəsi absisində isə işsizliyin səviyyəsi
verilmişdir. İşsizliyin yüksək səviyyəsinə vakansiyaların aşağı səviyyəsi
uyğun gəlir. Əgər müşahidə etsək, uzun müddət boyunca əyrinin kənara
hərəkətində vakant yerlərin verilmiş səviyyəsi işsizliyin yüksək səviyyəsi
ilə əlaqələnəcək və bu da əmək bazarının səmərəsiz idarə edilməsi,
işsizlər və mümkün iş yerləri arasında uyğunsuzluğa səbəb olar.
Beynəlxalq bank bazarı (interbank market) – bankların təsbit edilmiş
müddət ərzində qısamüddətli likvidlik problemlərini uyğunlaşdırmaq
üçün öz aralarında borc alıb verdiyi pul bazarıdır. Faiz dərəcəsini
müəyyənləşdirən birinci dərəcəli bankların faiz dərəcəsi inter-bank
offered rate adlanır.
Beynəlxalq daşıma (international transportation) – yüklərin və
sərnişinlərin Azərbaycan Respublikası ilə (Azərbaycan Respublikasının
sərhədlərindən) digər dövlətlərdəki məntəqə arasında daşınma sayılır.
Beynəlxalq Valyuta Fondunun (BVF) dövlət maliyyəsi sənədləri
(IMF’s public finance documents) – bu sənədlər aşağıdakılardır:
1
B
– BVF Dövlət Xərclərinin İdarə Olunması Normativləri (IMF Guidelines
for Public Expenditure Management);
– BVF-in Fiskal Şəffaflıq Təlimatı (IMF Manual on Fiscal Transparency);
– BVF-in Hökumət Maliyyəsi Statistikası Toplusu (IMF Government
Finance Statistics Manual (GFSM 2001));
Bəxşiş (baksheesh) – ərəb sözü olub dilənçiyə və ya müəyyən xidmət
işçilərinə verilən puldur, rüşvətlə sinonimdir.
Bilik iqtisadiyyatı (knowledge economy) – yaradıcılıq, informasiyanın
emalı və interpretasiyasının daxil olduğu bilik fəaliyyətlərinin üstünlük
təşkil etdiyi müasir iqtisadiyyatdır. Bilik iqtisadiyyatı məşğulluq və
məhsul buraxılışının proporsiyasını böyüdür. Təhsil, peşəkar xidmət,
media, kommunikasiya, tədqiqat bu iqtisadiyyatın əsas ünsürləridir.
Birbaşa investisiya (foreign direct investment) – gəlir əldə etmək və
müəssisənin idarə edilməsində iştirak etmək məqsədilə kompaniyanın
nizamnamə kapitalına və əsas vəsaitlərə qoyulan investisiyadır.
Birbaşa şəxsi vergilər (direct private/personal taxes) – gəlir
mənbəyindən və ya bəyannamə üzrə hüquqi və fiziki şəxslərin
gəlirlərinə və əmlakına görə vergiləri əks etdirir. Buna görə də, real
birbaşa vergilərdən fərqli olaraq, vergi yığımı obyektləri orta hesabla
deyil, konkret olaraq hər bir vergi ödəyicisi üzrə nəzərə alınır.
Birbaşa şəxsi gəlirlərə əhalidən yığılan gəlir vergisi, hüquqi şəxslərin
gəlirlərindən vergi, kapital dövriyyəsindən əldə olunan gəlirlərdən vergi,
əlavə mənfəətdən vergi və əmlak vergisi aid edilir.
Birbaşa vergilər (direct tax) – vergi ödəyicilərinin gəlirlərindən və
əmlakdan bilavasitə yığılan vergidir. Bu gəlirlər vergi ödəyicilərinin
əldə etdiyi gəlirləri xərcləməmişdən əvvəl tutulur. Birbaşa vergilər vergi
ödəyicilərinin gəlirlərini nominal ixtisara salır. Belə ki, burada gəlirlər
(əməkhaqqı, faiz, renta və s.) və ya daşınar və daşınmaz əmlakın (vergi
ödəyicisinin torpağı, evi, maşını, qiymətli kağızları və s.) dəyəri vergi
yığımının obyekti hesab olunur. Birbaşa vergitutma vergi ödəyicisinin
gəliri və ailə vəziyyətini nəzərə alır.
Birgə əmanət hesabı (joint deposit account) – iki və ya daha çox fiziki
şəxsin sahibliyində olan və onlardan birinin və ya bir neçəsinin imzası
ilə sərəncam verilə bilən bank hesabıdır.
Birləşdirilmiş (konsolidə edilmiş) maliyyə hesabatları (consolidated
financial reports) – əsas cəmiyyətin (ortaqlığın) və onun törəmə
cəmiyyətlərinin vahid mühasibat uçotu subyekti kimi təqdim etdiyi
maliyyə hesabatlarıdır.
Dostları ilə paylaş: |