34
say 31 |
EcoVision
ƏSAS MÖVZU: Azərbaycanda idmanın inkişafi
“Milli komandalarımız üçün
futbolçu hazırlamaq bizim
başlıca prinsiplərimizdəndir”
"Sumqayıt Futbol Klubu"nun prezidenti Kamran Quliyev:
Kamran müəllim, "Sumqayıt Fut-
bol Klubu"nun yaranma tarixi və
klubun başlıca məqsədləri barədə
məlumat verməyiniz maraqlı olardı.
K.Q.
Son 10-15 ilə nəzər salsaq, ölkə-
mizdə idmana olan münasibət hər kəsə
məlumdur. O cümlədən futbol da diqqət-
siz qalmayıb. 2010-cu ildə "Azərikimya"
İstehsalat Birliyi tərəfindən təsis edilmiş
"Sumqayıt Futbol Klubu" 2011-ci ildən
etibarən Azərbaycan Premyer-Liqasında
çıxış etməyə başlayıb. Klubumuz yalnız
yerli futbolçulardan qurulmuş kollektiv-
dir. Həmin dövrdə əsas komandaya alma-
niyalı mütəxəssis Bernhard Raab rəhbər-
lik edib. Qeyd edim ki, "Sumqayıt Futbol
Klubu" 4 prinsip əsasında yaradılıb. Belə
ki, şəhərimizdə futbol ənənələrini bərpa
etmək, yerli gənc oyunçuları inkişaf etdir-
mək, ölkə xaricində çıxış edən Azərbay-
can əsilli futbolçuları tapıb üzə çıxarmaq
və ən əsası, milli komandalarımız üçün
futbolçu hazırlamaq bizim başlıca prin-
siplərimizdəndir.
Düzdür, Premyer-Liqada legionersiz
mübarizə aparmaq heç də asan məsələ
deyil. Amma biz, hər şeydən əvvəl, milli
komandalarımızın mənafeyini ön planda
tuturuq və yerli futbolçuların inkişafına
çalışırıq. Məhz bu strategiyanın bəhrəsi-
dir ki, biz yığmalarımız üçün kifayət qə-
dər futbolçu hazırlamışıq. Bizim klubda
çıxış edən bir neçə futbolçu ölkənin digər
klubları ilə UEFA Avropa Liqasının qrup
mərhələsində çıxış edib, digərləri isə milli
komandalarda inamlı oyunları ilə yadda
qalıb. Bu müddət ərzində A milli koman-
damıza 10-a yaxın futbolçu verdiyimizi
deyə bilərəm.
Klubunuz daim sosial layihələrlə
gündəmdə olub. Ümumiyyətlə, "Sumqa-
yıt Futbol Klubu" sosial layihələrin hə-
yata keçirilməsi zamanı hansı partnyor
şirkətlərlə əməkdaşlıq edir?
35
say 31 |
EcoVision
ƏSAS MÖVZU: Azərbaycanda idmanın inkişafi
K.Q.
Yuxarıda qeyd etdiyim kimi, "Azə-
rikimya" İstehsalat Birliyi "Sumqayıt Fut-
bol Klubu”nun təsisçisi və baş sponsoru-
dur. Bundan başqa, klubumuz eyni vaxtda
uğurlu marketinq siyasəti nəticəsində
yarandığı gündən ölkənin həyat sığorta
bazarının liderlərindən olan "PAŞA Həyat
Sığorta" Açıq Səmdar Cəmiyyəti, 2014-cü
ildən isə ölkənin aparıcı banklarından
olan “Kapital Bank” Açıq Səhmdar Cəmiy-
yəti ilə partnyorluq müqavilələri imzala-
yıb. Klubumuz adıçəkilən müəssisələrin
dəstəyi ilə Sumqayıt şəhərində müxtəlif
sosial və idman yönümlü layihələrdən
də kənarda qalmır. Belə ki, klub "Kapital
Bank" ASC və "PAŞA Həyat Sığorta" ASC-
nin sponsorluğu ilə 3 ildir "Yay Futbol
Düşərgəsi" və "Futbol və Sağlam Həyat"
adlı layihələr həyata keçirir. Yay ayların-
da baş tutan "Yay Futbol Düşərgəsi" la-
yihəsində ümumilikdə cari tədris ilində
fərqlənən 100-dən artıq məktəbli iştirak
edib. "Yay Futbol Düşərgəsi" layihəsi ilə
yanaşı, daha irimiqyaslı "Futbol və Sağ-
lam Həyat" adlı layihə də artıq üç ildir
Sumqayıt şəhərində və ətraf qəsəbələrdə-
ki bütün tam orta məktəblərdə təhsil alan
500-dən artıq şagirdin iştirakı ilə keçirilir.
Qeyd edək ki, ümumilikdə 48 məktəb-
dən 500-dən artıq məktəblinin qatıldığı
layihə 2014-cü ildən "Kapital Bank" və
"PAŞA Həyat Sığorta"nın sponsorluğu ilə
keçirilir və bu müddət ərzində 2000-dən
çox məktəbli bu seminarın iştirakçısı olub.
"Kapital Bank" və "PAŞA Həyat Sığor-
ta"dan başqa, "Aquavita" brendi də klubun
partnyorları sırasındadır.
"Sumqayıt Futbol Klubu" Azərbay-
can futboluna bu müddət ərzində
hansı simaları bəxş etdi? Hansı fut-
bolçular bu klubdakı çıxışları ilə bö-
yük komandalara transfer olunub?
K.Q.
Yaşımızın az olmasına baxma-
yaraq, Azərbaycan millisinin əsas fut-
bolçularından sayılan Bədavi Hüseynov,
Məhəmməd Mirzəbəyov kimi futbol-
çular məhz klubumuzda çıxış etdikdən
sonra böyük klublara transfer edilib və
A milli komandamızın əsas simalarına
çevrilib. Bundan başqa, əsas millimi-
zin digər futbolçuları – Səlahət Ağayev,
Ruslan Qurbanov, Tərlan Quliyev və
başqaları məhz bu klubda püxtələşib
Premyer-Liqa təcrübəsi qazanaraq, bu
pillələrə gəlib çıxıblar. Bir misal çəkim
sizə. Bir müddət əvvəl ölkəmizdə təşkil
edilmiş mötəbər 4-cü İslam Həmrəyliyi
Oyunları başa çatdı. 23 yaşadək futbol-
çulardan ibarət Azərbaycan milli koman-
dası yarışın həlledici görüşündə Oman
yığmasına qalib gəlməklə qızıl medallara
sahib çıxdı. Heyətdə yer alan 8 futbolçu-
nun məhz "Sumqayıt Futbol Klubu"nda
Premyer-Liqa təcrübəsi qazandığını vur-
ğulayaq. Şahruddin Məhəmmədəliyev,
Tərlan Əhmədli, Emil Balayev, Yusif Nə-
biyev, Mirabdulla Abbasov, Azər Salahlı,
Elşən Abdullayev və Orxan Əliyev məhz
"Sumqayıt"dakı çıxışları ilə tanınıblar.
4-cü İslam Həmrəyliyi Oyunları zamanı
bütün oyunlarda meydanda olan Ağabala
Ramazanov isə bizim klubda oynayanda
A milliyə yüksəlib.
Bir-iki kəlmə də klubunuzun aka-
demiyası barədə məlumat verərdi-
niz...
K.Q.
2011-ci ildən başlayaraq "Sumqa-
yıt Futbol Klubu"nda əsas, əvəzedici ko-
manda ilə yanaşı klubun akademiyası da
yaradıldı. Hazırda klubun akademiya-
sında oğlanlardan ibarət 10 və qızlardan
ibarət 2 komanda fəaliyyət göstərir. Aka-
demiyanın tərkibində 300-ə yaxın uşaq
futbolun sirlərini öyrənir. Fəaliyyəti uzun
müddəti əhatə etməsə də, artıq müxtəlif
yaş qruplarından olan milli komandaları-
mızın heyətinə Sumqayıt akademiyasının
üzvlərindən cəlb olunan kifayət qədər
futbolçunu göstərmək olar. Qeyd edək
ki, yarandığı qısa müddətə baxmayaraq,
akademiyanın nəticə baxımından kiçik
uğurları da var. Belə ki, 2014/2015 möv-
sümündə "Sumqayıt Futbol Klubu"nun 17
yaşadək futbolçulardan ibarət komandası
AFFA-nın təşkil etdiyi U-17 liqasında 3-cü
yerə çıxıb. Bundan başqa, heyəti akade-
miyamızda yetişmiş futbolçulardan qu-
rulmuş klubun əvəzedici komandası isə
2015/2016 mövsümündə bürünc medal-
lara yiyələnib.