~ 18 ~
Şəkil 1.2. İstifadəçinin terminal müdaxiləsini təmin edən
İET-nin strukturu
~ 19 ~
Terminal müdaxiləsi İET-də digər üstünlük ondan ibarətdir ki,
sifarişçi ilə sistem arasında çap və ya qrafika qurğusu vasitəsi ilə
birbaşa əlaqə olduğundan proqramın sazlanmasında, eyni zamanda
məsələnin həllində operativ olaraq optimal variantların seçilməsini
təmin etmək olur. Bu imkanlardan, yəni tətbiqi paket
proqramlarından, güclü verilənlər bazalarından istifadə etməklə,
sifarişçi nisbətən mürəkkəb məsələləri hesablama komplekslərində
həll edə bilir. Artıq ondan əlavə biliklər mənimsəməsi o qədər də
tələb edilmir. Yəni kompüterin daxili və xarici intellektləşdirilməsi
nəticəsində sifarişçinin ondan istifadə etməsinin kütləviliyi nisbətən
yüksəlir.
Göstərilən halda məsələnin həlli üçün tələb olunan verilənlər
VB-də, ayrı-ayrı məsələlərin həlli üçün proqramlar xüsusi
kitabxanalarda toplandığından sifarişçi terminal müdaxiləsi vasitəsi
ilə blokların ardıcıllığını yaratmaqla öz məsələsini həll edən
proqramı formalaşdırır. Qeyd edək ki, terminal müdaxiləli İET-də
sifarişçi kompüterlə bilavasitə ünsiyyətdə olur.
İnformasiya texnologiyalarının növbəti inkişaf mərhələsində
sifarişçinin kompüterə birbaşa müdaxiləsinin təmin edilməsi
istiqamətində işlərin yerinə yetirilməsi nəzərdə tutulur. Bu məsələnin
həlli iki istiqamətdə aparılmışdır. Birinci istiqamətdə sifarişçi
kompüter elmlərini öyrənərək vasitəçilərin bütün funksiyalarını öz
üzərinə götürür. Qeyd edək ki, bu istiqamət məcburi ola bilməz, belə
ki, bu növ yanaşma sifarişçini yenidən kompüterdən təcrid olunmağa
gətirib çıxarardı. Bu problemə baxmayaraq bəzi sifarişçilər, xüsusən
də elmi-tədqiqat işləri ilə məşğul olan istifadəçilər bu yolu seçdilər
və kifayət dərəcədə nailiyyətlər də əldə etdilər. Bu işdə onların
fəaliyyətinə o dövrdə yeni yaradılan fərdi İBM tipli kompüterlər, orta
və mikro kompüterlər xüsusi köməklik göstərdi. Fərdi istifadəçilər
üçün vacib məsələlərdən biri servis vasitələrinin – mətn redaktorları,
işçi qrafika, elektron cədvəllər, relyasiyalı verilənlər bazaları,
telekommunikasiya və s., yaradılması və istifadəsi oldu.
İkinci yol istifadəçinin kompüterə birbaşa müdaxiləsi
problemlərinin həyata keçirilməsi ilə yerinə yetirilir.
~ 20 ~
1.4. Yeni informasiya emalı texnologiyası
İkinci istiqamətdə vasitəçilərin bütün funksiyalarını kompüter
öz üzərinə götürür. Belə ki, kompüterin daxilində aparat və proqram
vasitələri ilə yaradılan və süni intellekt sahəsində alınmış ideya və
metodlara əsaslanan intellektual interfeys, göstərilən funksiyaları
müvəffəqiyyətlə realizə edir.
Yeni İET-in əvvəlki İET-dən əsas fərqli üstünlüyü
aşağıdakından ibarətdir: əvvəlki İET-də istifadəçi və vasitəçilər
kompüterin səviyyəsində olan işləri yerinə yetirirdisə, artıq
kompüterin səviyyəsi intellektual interfeysin, sistem və tətbiqi
proqramçıların, analitiklərin hesabına o dərəcədə yüksəlir ki,
kompüter insana xas fəaliyyət sferasını öz üzərinə götürür.
Yeni İET-in strukturunu şəkil 1.3-də göstərildiyi kimi təsvir
etmək olar. Şəkildən göründüyü kimi süni intellektin məntiqi-
linqvistik modellərindən (Sİ MLM) yaradılan aparat-proqram
vasitələri ilə birlikdə kompüterin intellektual interfeysi proqramist
olmayan istifadəçilərin kompüterə birbaşa müdaxiləsini təmin
etməklə kompüterləşmənin kütləviliyini aktuallaşdırır.
Müxtəlif təyinatlı rabitə vasitələrindən istifadə etməklə lokal və
qlobal hesablama şəbəkələrinin yaranması nəticəsində intellektual
interfeysli kompüterlər insanlar arasında kommunikasiya əlaqələrinin
yaranmasına – planlaşdırma, layihələndirmə, elmi-tədqiqat və
operativ idarəetmə məsələlərinin kollektiv həllində, məqsədyönlü
fəaliyyətlərinə şərait yaratdı.
Süni intellektin nailiyyətləri əsasında proqramçı olmayan
kompüter istifadəçiləri artıq öz məsələlərini adi danışıq dilinin alt
çoxluğu olan peşə dillərində həll etmək imkanına malik oldular.
Göründüyü kimi süni intellekt yeni İET-in əsası olmaqla onun
sonrakı mərhələlərdə inkişafının əsaslarını yaratdı. Əgər əvvəlki İET-
də verilənlərin emalı industriyasından söhbət gedirdisə, artıq süni
intellektin ideya və metodlarına əsaslanan intellektual sistemlərin
industriyası aktuallaşdı. Odur ki, növbəti alt fəsildə süni intellektin
əsas tədqiqat istiqamətlərinə baxılır.
~ 21 ~
Şəkil 1.3. Yeni informasiya emalı texnologiyasının stukturu
1.5. Süni intellekt üzrə tədqiqatların əsas istiqamətləri
Süni intellekt kompleks elmi-texniki bir problemdir və bu
problemin həlli üçün dörd istiqamətdə tədqiqatların aparılması keçən
əsrin 90-cı illərindən prioritet kimi formalaşdırılmış və hal-hazırda
da aktuallıq kəsb edir.
Süni intellektin əsas tədqiqat istiqamətlərinin klassik strukturu
~ 22 ~
şəkil 1.4-də göstərilmişdir [1].
A istiqaməti insanın fəaliyyətindəki yaradıcı proseslərin
müxtəlif funksiyalarının, xüsusən də oyun məsələlərinin (şahmat,
dama, domino və s.), teoremlərin avtomatik şəkildə isbatı, proqram
modullarının avtomatik sintezi, musiqi əsərlərinin analizi və sintezi
kimi problemlərin həllində görülən işləri nəzərdə tutur. Qeyd edək ki,
A istiqaməti digərlərindən əvvəl öyrənilməyə və inkişaf etməyə
başlamışdır və məhz bu istiqamətə əsasən süni intellekt termini
yaranmışdır. Ancaq sonrakı tədqiqatlar göstərmişdir ki, kompüter
texnologiyalarını, süni intellektin problemlərini həll etməkdə bu
yanaşma yeganə istiqamət ola bilməz. Yəni paralel olaraq süni
intellektin digər tədqiqat istiqamətlərini də inkişaf etdirmək lazımdır.
Qeyd edək ki, A istiqaməti ictimai həyatda, xüsusən də orduda çox
mühüm əhəmiyyətli qurğuların (gecəgörmə aparatları, təsvirlərin
oxunması və emalı və s.) yaradılmasında xüsusi rol oynamışdır. Hal-
hazırda da bu istiqamətdə tədqiqatlar davam etdirilir.
B istiqaməti kompüterin xarici intellektləşdirilməsinin fundamental
və tətbiqi tədqiqatları vasitəsi ilə kompleks dialoq interfeysinin
yaradılması və istifadəsini nəzərdə tutur. Ona görə xarici
intellektləşdirmə adlanır ki, istifadəçinin öz proqramlarını yaratmaq
üçün istifadə etdiyi intellektual sistemlər kompüterin daxili və ya
xarici yaddaş qurğularında təsvir olunurlar. B istiqaməti süni
intellektin ilkin mərhələdə də və hal-hazırda da sürətlə inkişaf edən
istiqamətlərdən
biridir.
Belə
ki,
intellektual
interfeys
planlaşdırmanın, idarəetmənin, layihələndirmənin və elmi-tədqiqat
işlərinin avtomatlaşdırılmış sistemlərinin (uyğun olaraq: PAS, AİS,
ALS və s.) və operativ idarəetmə sistemlərinin yaradılmasının
səmərəliliyini əhəmiyyətli dərəcədə yüksəldir. Bu halda istifadəçi
predmet sahəsinin peşə dilindən (adi danışıq dilinin alt sistemi)
istifadə etməklə aşağıdakı imkanlara malik olurlar:
1. İstifadəçi öz işçi yerindən verilənlər və biliklər bazalarından,
eyni zamanda qlobal şəbəkələrə çıxmaqla paylanmış verilənlər
bazaları və kitabxana şəbəkələrindən lazım olan informasiyaları əldə
edir;
Dostları ilə paylaş: |