~ 123 ~
CASE-
texnologiyaların
tədqiqinin
nəticələrini
ümumiləşdirərək göstərmək olar ki, mürəkkəb sistemlərdə material,
informasiya, finans, təşkilati və s. strukturlar haqqında tam
informasiya olmadıqda bu texnologiyaların müxtəlif nəticələrindən
İM üçün giriş informasiyası kimi istifadə oluna bilər.
4.5.
İmitasiya modelləşdirilməsinin nailiyyətləri və
inkişafının perspektivləri
İM-in inkişaf mərhələlərini ümumiləşdirərək aşağıdakı əsas
nəticələri göstərmək olar:
1.İM
mürəkkəb
sistemlərin
modelləşdirilməsi
və
eksperimentlərlə tədqiqi üçün səmərəli alət olmasına baxmayaraq,
onlar bir sıra əhəmiyyətli çatışmamazlıqlara da malikdirlər:
-eksperimentlərin kompüterdə gedişi mərhələləri tədqiqatçı
üçün gizli yerinə yetirilir və ancaq son nəticədə aşkarlanır. Bu
çatışmamazlıq tədqiqatçının eksperimentin gedişində ona müdaxilə
etməsini məhdudlaşdırır;
-sistemin
təsvirinin,
nəticələrin
interpretasiyası
ilə
adekvatlığının təmin olunmasının çətinliyi;
-modelləşdirmə prosesində obyektin stoxastik xarakterinin
nəzərə alınmasının çətinliyi;
-İM-in böyük əmək yüklü metod olması.
2. Əksər hallarda İM-dən əvvəl tədqiq olunun obyektin statik
analizinin aparılması tələb olunur. Bu proses, obyekt haqqında daha
ətraflı biliklərin əldə olunmasına və İM-də səhvlərin həcminin
azalmasına səbəb olur. Bu məsələnin səmərəli həlli üçün təcrübədə
CASE –texnologiyalar geniş istifadə olunur.
3. İlk İM universal dillər (Fortran, Paskal, Modula, Ada və s.)
vasitəsi ilə yaradılmışdır. İM-in sonrakı inkişaf mərhələlərində
xüsusiləşdirilmiş İM dilləri (GPSS-in müxtəlif versiyaları, SİMULA
və s.) və obyektyönümlü İM dillərindən (SİMULA 67, C
++
və s.)
istifadə olunmağa başlandı. Qeyd edək ki, modelləşdirmə dillərinin
bəzi üstün xüsusiyyətlərinin (proqramlaşdırmanın tez yerinə
yetrilməsi, konseptual anlaşma qabiliyyəti və s.) olmasına
~ 124 ~
baxmayaraq, imkanlarına görə universal dillərdən geri qalırlar.
4.İM-in yaradılmasında problemyönlü sistem və İM
alətlərindən istifadə edilməsi (Rethink, AweSim, Arena və s.). Bu tip
sistemlər istifadəçidən yüksək proqramlaşdırma bilikləri tələb etmir
və
bir
qism
çox
da
mürəkkəb
olmayan
sistemlərin
modelləşdirilməsində istifadə edilir. Obyektin İM-i problemyönlü
sistem tərəfindən istifadəçi ilə dialoq prosesində generasiya olunur.
Göründüyü kimi, müasir ÇİS-i layihələndirdikdə texnoloji,
təşkilati və idarəetmə xarakterli faktlar çoxluğunu nəzərə alan
sistemli yanaşmadan istifadə olunmalıdır.
~ 125 ~
V FƏSİL
MÜRƏKKƏB İSTEHSAL SİSTEMİNİN İMİTASİYA
MODELİNİN ARXİTEKTURASI
Birinci fəsildə istehsal sistemlərinin evolyusiya prosesində
qeyd olunduğu kimi ÇİS-dən başlayaraq istehsal prosesləri o
dərəcədə mürəkkəbləşir ki, artıq ənənəvi modelləşdirmə üsullarının
istifadəsi arzu olunan nəticələri əldə etməyə imkan vermir. Təbiidir
ki, istehsal sistemlərinin mürəkkəblik dərəcələri yüksəldikcə onun alt
sistemlərinin nail ola bilmədiyi yeni xassələrin yaranması nəticəsində
mürəkkəb sistemin səmərəliliyi yüksəlir (emercentlik effekti). Bu
nöqteyi-nəzərdən kompüterləşmiş inteqrallaşdırılmış istehsallar ÇİS-
lərlə müqayisədə daha mürəkkəb sistemlər kateqoriyasına aid
edilirlər. Belə ki, bu tip sistemlərin tərkibinə layihələndirmə
sistemləri, istehsalın avtomatlaşdırılmış hazırlığı sistemi, məhsulun
yaşama müddətinin dəstəklənməsi informasiya sistemi və b.
sistemlər də daxil olur. İstehsal sistemlərinin sonrakı inkişafı
postteylor, virtual, genişləndirilmiş, intellektual və s. tipli
müəssisələrin yaradılmasını nəzərdə tutur.
Məlum olduğu kimi mürəkkəb istehsal sistemlərinin və onlarda
baş verən proseslərin abstrakt yazılışlarını müxtəlif riyazi aparatlarla
təsvir etmək olar. Ancaq şəkil 3.1-də göstərilmiş xaos sərhəddinə
yaxınlaşdıqda alt sistemlərin qarşılıqlı əlaqələri o dərəcədə
mürəkkəbləşir ki, analiz və idarəetmə məsələlərinin həlli nöqteyi-
nəzərindən
qaneedici
nəticələrin
alınması
imitasiya
modelləşdirilməsini tətbiq etmədən mümkün olmur.
Evolyusiya yolu ilə yaranan mürəkkəb sistemin idarə olunması
bir mərkəzdən yerinə yetirilə bilməz. Bu halda biliklər və məntiqi
qərar qəbul etməyə əsaslanaraq alt sistemlərindən təşkil olunmuş
paylanmış idarəetmə sistemlərinin yaradılması tələb olunur. Bütün
bunlar öz növbəsində çoxagentli sistemlərin və intellektual
təşkilatların yaranması və inkişafını təmin edir.
Göründüyü kimi, bu tip sistemlərin layihələndirilməsində
imitasiya və animasiya modelləşdirilməsi, eyni zamanda mürəkkəb
~ 126 ~
sistemlərin xarici və daxili parametrlərinin təsvir üsullarının
seçilməsi xüsusi əhəmiyyət kəsb edir.
5.1. Mürəkkəb sistemin struktur sxemi
Qeyd olunduğu kimi modelləşdirmə və imitasiya mürəkkəb
sistemlərin analizi üçün əsas vasitələrdən biridir. Belə ki,
modelləşdirmə
tədqiqatçıya
sistemin
təsviri
üsulları,
eksperimentlərin planlaşdırılması və yerinə yetirilməsi, modelin
adekvatlığının yoxlanılması və nəticələrin analizi barədə yanaşmaları
təqdim edir.
Modelləşdirmənin əsas anlayışlarından biri sistemin vəziyyəti
anlayışıdır. Dinamiki sistemlərin fəaliyyətinin təsviri üçün
«vəziyyət» anlayışı ilk dəfə 1936-cı ildə A.Tyurinq tərəfindən təklif
edilmişdir.
Sistemə baxıldıqda onu təsvir edən bütün dəyişənlərin üç qrupa
bölünməsi məqsədəuyğun hesab edilir: giriş dəyişənləri və təsirlər
(tədqiq olunan sistemə görə xarici informasiyalar); çıxış dəyişənləri
(sistemin fəaliyyətinin bəzi məsələlərini xarakterizə edən və girişə
reaksiya verən informasiya); sistemin dinamiki fəaliyyətini
xarakterizə edən vəziyyətlər dəyişənləri.
Şəkil 5.1-də göstərilmiş mürəkkəb sistemin struktur-sxemindən
göründüyü kimi sistemi daxili və xarici təsvirlərlə fərqləndirirlər [7].
Sistemin xarici təsviri dedikdə, onun giriş-çıxış münasibətləri
nəzərdə tutulur. Bu halda sistemə «qara qutu» kimi baxılır ki, onun
da girişləri və onlara uyğun çıxışları məlum olur. Girişlərin çıxışlara
çevrilməsi mexanizmi, eyni zamanda idarəetmə alt sistemlərinin
alqoritmləri məlum deyildir. İdarəetmə alt sistemlərinin alqoritmləri,
yəni mürəkkəb sistemin xarici təsvir yanaşmaları, adətən, kifayət
qədər abstrakt şəkildə olurlar və sistemin vəziyyətlər dəyişənləri
tədqiqatçıdan gizli şəkildə cərəyan edirlər.
Xarici təsvirdən fərqli olaraq, sistemin daxili təsvirində onun
elementlərinin tam yazılışı, xassə və əlaqələri və s. öz əksini tapır.
Sistemin daxili təsviri böyük həcmli olur və sistemdə baş verən
Dostları ilə paylaş: |