48
Mədəniyyət.AZ / 9 • 2016
T
ürk dünyasının əvəzolunmaz sənət dühası
Üzeyir bəy
Hacıbəyli kiçik qardaşı, iyirmi doqquz il həsrət qaldığı,
1919-cu ildən ömrünün sonuna kimi heç vaxt görüşə
bilmədiyi Ceyhun bəyə yazdığı bütün məktubları belə baş-
layardı. Ceyhun bəy Hacıbəylinin anadan olmasının 125 illik yubileyi
münasibətilə Üzeyir bəyin qardaşı ilə bağlı epistolyar irsinə nəzər
salmağı özümüzə borc bildik. Ümumiyyətlə, böyük şəxsiyyətlərin
yazışmaları oxucuların hər zaman maraq dairəsində olmuşdur.
Çünki məktublar vasitəsilə görkəmli sənətkarların həyat və yaradı-
cılığına dair geniş bilgilər əldə etmək mümkün olur,
çox mətləblərə
aydınlıq gətirilir. Bu baxımdan Üzeyir bəyin Ceyhun bəyə yazdığı
namələr səciyyəvi və bizim üçün olduqca dəyərlidir. Hələlik əlimizdə
olan məktublardan bəhs edəcəyik. Bunlardan üçü dahi
bəstəkarın böyük baldızı Hüsnücamal Terequlovanın se-
vimli oğlu, uzun illər Üzeyir bəyin şəxsi katibi olmuş, dahi
bəstəkarımızın ev-muzeyinin təşkilatçısı və direktoru,
hələ sağlığında canlı ensiklopediya adlandırılan profes-
sor Ramazan Xəlilovun özünün şəxsi arxivindən 1988-ci
ildə ictimaiyyətə təqdim etdiyi məktublar, otuz beşi isə
tədqiqatçı Aslan Kənanın hazırladığı “Üzeyir Hacıbəyli.
Bayrağımız sarsılmaz” kitabında yer almış namələrdir.
Məktubları oxuduqca bir daha qardaşların
nə
qədər mehriban, canıyanan olduqlarını,
bir-birinə dərin bağlılıqlarını, səmimiyyəti,
sevgini, analarına, vətənə, xalqa bəslədikləri
ehtiram və məhəbbəti görürük. Böyük ürək
sahibi Üzeyir bəy Hacıbəyli ailə üzvlərinin
hamısını sevirdi. Lakin kiçik qardaşı Ceyhun
bəyə xüsusi məhəbbəti vardı. Görünür,
əqidə birliyi də onları yaxınlaşdırmışdı.
Hər zaman ona qayğı ilə yanaşır, fi kirlərini
bölüşürdü. Hələ 1912-ci ildə Moskvada
hazırlıq kursları keçdiyi zaman Üzeyir bəy
qardaşına
məktublar göndərir, vətəni, ailəsi
üçün darıxmasından, güzəranlarından,
həyat tərzindən, təhsilindən, ehtiyac içində
yaşamalarından, maraqlı hadisələrdən
müfəssəl məlumat verirdi.
Üzeyir bəyin 1912-ci ildə C.Hacıbəyliyə Mosk-
vadan yazdığı “Nuri-didə Ceyhun!” (“Göz nuru Ceyhun!”) başlıqlı
iki məktubu çox təsirlidir. Bunları kədərlənmədən, kövrəlmədən
oxumaq mümkün deyil. Azman sənətkarımızın həyatının
nə qədər
keşməkeşli olduğunu, iztirablar çəkdiyini bu namələrdə bütün
gerçəkliyi ilə görürük. O dövrdə artıq “Leyli və Məcnun”, “Şeyx
Sənan”, “Şah Abbas və Xurşidbanu”, “Əsli və Kərəm” operaları, “Ər
və arvad”, “O olmasın, bu olsun” operettaları teatrların səhnələrində
mütəmadi oynanılırdı və müəllifini məşhurlaşdırmışdı. Qardaşına
yazdığı məktubunda böyük sənətkar qeyd edirdi ki, həyat yoldaşı
Məleykə xanımı Moskvada qarşılamaq üçün dəmiryol vağzalına
gedərkən bir bakılı erməni “studentə” (tələbəyə – S.Q.) rast gəlir.
Tanış olurlar. Hacıbəyov soyadını eşidən erməni ondan soruşur ki,
o
o
ol
o
ol
l
l
ol
ol
ol
l
l
ol
ol
l
o
ol
l
l
l
l
l
l
o
l
ol
ol
l
ol
ol
l
l
o
l
a
a
a
a
a
a
a
a
a
a
a
a
a
a
a
a
a
a
a
a
a
a
a
bə
bə
b
b
b
b
b
bə
b
b
b
b
b
b
s
vi
vi
v
m
m
bə
bə
hə
hə
hə
h
so
so
o
o
il
il
l
d
d
d
tə
tə
t
Ba
B
Ba
Ba
a
Ba
Ba
B
NURI-DIDə CEY
HUN!
49
Mədəniyyət.AZ / 9 • 2016
siz “Leyli və Məcnun” operasını, “O olmasın, bu olsun” operettasını
yazan Hacıbəyovun qohumu deyilsiniz ki? Üzeyir bəy cavab verir ki,
qohumuyam. Nəyisiniz? – deyə xəbər aldıqda bəstəkar – özüyəm
– söyləyir. Erməni çox şad olur və “Söylə bir görək ərəbi” oxuyur.
Yəni artıq əsərləri ilə tanınan sənətkar ehtiyac içində yaşayır, həyat
çətinlikləri onu addım-addım izləyirdi.
Məktubun bir yerində özünə
təskinlik üçün məşhur alman bəstəkarı Rixard Vaqnerin həyatını
xatırladığını, onun kasıbçılıq içində yaşadığını göz önünə gətirdiyini
yazırdı: “ ...Burada mənim yadıma Vaqnerin avtobioqrafiyası düşdü.
Özümə təsəlli verdim ki, onun kimi böyük bir zatın pulsuzluq ucun-
dan çəkdiyi əzablar və yaman günlər mənimkindən daha çətin idi.
Mən, heç olmasa, bir yerdən pul gözləyirəm, amma o binəva Parisdə
olarkən heç yerdən pul gözləməyib, arvadı ilə belə ac qalırdılar”.
Lakin Üzeyir bəy Hacıbəylinin əsərlərinin tamaşalarından yığı-
lan qonorarlar vaxtlı-vaxtında
ona göndərilsəydi, “Nicat” cəmiyyəti
tərəfindən mənimsənilməsəydi, yəqin ki, dahi bəstəkar maddi
çətinlik çəkməzdi. Rahat həyat tərzi keçirər, öz yaradıcılığı ilə məşğul
olar, təhsilini başa vurardı. Ancaq bir tərəfdən vətən,
ailə həsrəti,
digər tərəfdən pulsuzluq onu iztirablara qərq edirdi. 1912-ci il im-
zalı məktubunda Üzeyir bəy yazırdı: “Vətən yadıma düşdü. Qafqazı
könlüm istədi. Mənim könlüm tək Bakını və ya Qarabağı deyil, bəlkə
bütün Qafqazı bərk istəyir. Odur ki Qafqaza dair bir şey görən kimi,
məsələn, Qafqaz maqazini və sair dayanıb tamaşa edirəm. Qafqaz
geyimli bir adam görəntək dayanıb dalınca baxıram”.
Sonra Moskvanı təsvir edən bəstəkar bunları qeyd edirdi: “Zatən
Moskva bir o qədər calibi-diqqət deyildir. Küçələr adam ilə dolu,
tramvay, avtomobil, fayton, araba əlindən iki addım atmaq müm-
kün deyildir. Bir bu qədər səs-küy üstə bir də kilsələrin ki, burada
sayı-hesabı yoxdur, zəngi çalmalarını
əlavə etsən, adamın qula-
ğı batdığını təsəvvür etmək çətin deyildir. Bir də “Moskvada hamı
dilənçidir” desəm, yaman olmaz. Əvvəla, xor dilənçilər, saniyən
faytonçular, küçədə şey satanlar, məsələn, qəzet, alma və sairə,
dükançıların özü, hətta mağazaçılar, bunların hamısı adamın dalına
düşüb “paren – paren” deyib yalvarırdılar ki, bir şey al. Dilənçilər də
ki, cürbəcürdür. Biri sağ-salamat, biri yerdə sürünür, birinin qıçı yox,
digəri bir sürü uşaq yanında. Məni
təəccübə gətirən o oldu ki, bir dəfə
dilənçinin birindən bizim Qafqaz türk dilini eşitdim. Ondan başqa bir
kərə nömrədə tək oturmuşdum. Eşitdim ki, həyətə bir arvad gəlib.
Rus arvadlarına deyir ki, “qadayu, qadayu”, yəni fala baxıram. Amma
rus arvadları ona məhəl qoymadılar. O halda arvad yenə “qadayu”
deyib sonra bu sözü də artırdı: “ – Qadayu, a ciyərin yansın, qadayu”.
Mən dərhal yerimdən sıçrayıb başımı pəncərədən çıxartdım, gördüm
ki, bu, qaraçıdır. Sonra bildim ki, Moskvada bir çox Qafqaz qaraçıla-
rı dəxi vardır. Moskvada mənim xoşuma gələn bir şey varsa, o da
Sağdan: Üzeyir, Ceyhun və Zülfüqar Hacıbəyovlar. 1907