83
Mədəniyyət.AZ / 9 • 2016
bədiiləşdirməsidir. Baş-
qa sözlə, onun fırça-
ya aldığı
ən müxtəlif
motivlərin bədii tutu-
munda əksər mənzərəçi
rəssamların yaradıcılığın-
da rast gəlinməyən bədii
xüsusiyyət – ilk baxışda
sezilməyən gözəllik qay-
naqlarını üzə çıxarmaq
və duyğulandırıcı bədii
şərhlə təqdimat bacarığı
nəzərə çarpmaqdadır. Bu
mənada demək olar ki,
əgər Azərbaycan təbiətinin
görkəmli tərənnümçüsü
Səttar Bəhlulzadə adi
motivləri obraza çevirmək sahəsində nə qədər əvəzsizdirsə, Əyyub
Hüseynov da belə adiliklərdə “gizlənən” rəng çalarları məcmusunu
üzə çıxarmağın ustasıdır. Əyyub Hüseynovun təhsilsonrası – Nax-
çıvan teatrında çalışdığı vaxtlarda işlədiyi “Gölməçə” (1946) tablo-
sunda vurğuladığımız məziyyətlərin ilk işartılarını görmək müm-
kündür. Adından
da məlum olduğu kimi, kompozisiyanı ön planda
gölməçənin bir hissəsi və onun sahilində qərarlaşan müxtəlif ağac-
lar təşkil edir. Əgər ağaclararası sahələrin günəşlə işıqlandırılan
cəlbediciliyini nəzərə almasaq, onda demək olar ki, şaquli kompozi-
siyanın – kətanın rəng qatında duyulası bir ahəngdarlıq mövcuddur.
Rəssam bu rəng uyarlığını, heç şübhəsiz, suyun və ağacların rəng
çalarları arasındakı yaxınlığın hesabına əldə edə bilmişdir. Yaşıllığın
arxa plandakı tünd siluetini qarşıdakı yarpaqları işıqlı ağac üçün
fon-yerlik seçən rəssam bu hissəni oynaq yaxı improvizələri ilə
həll edərək dinamikliyi suyun yumşaq tonda işlənmiş səthinə qarşı
qoyaraq ümumi nəticədə motivin cəlbedici tutum almasına nail ol-
muşdur.
Əyyub Hüseynovun bir il sonra çəkdiyi “Moskva ətrafı”nın (1947)
həm ölçü, həm də motiv baxımından “Gölməçə”yə oxşarlığı danıl-
mazdır. Hər iki əsərin rəng həllində ovqatyaradıcı uyarlıq duyulur.
Qabarıq görünən fərq “Moskva ətrafı”nda rus təbiətinə xas ağcaqa-
yın və şam ağacları mənzərəsinin məna-məzmun yüküdür. Günəşli
havaya gözəllik bəxş edən şam ağaclarının qarşıdakı ağcaqayın
üçün fon-yerlik rolu daşıyan ümumiləşdirilmiş siuletində və ön
plandakı gölməçənin üzərində ucalan sıralanmış iri ağacların isti-
liyi duyulan örtüyündə cəlbedici bədii
xüsusiyyətləri görmək elə də
çətin deyil. Əsərin rəng həllindəki “ikiləşmə” – su səthinin yumşaq,
ağacların isə ekspressiv yaxılarla ifadəsi sonucda kompozisiyanın
ümumi görüntüsünə oynaqlıq bəxş etməklə mənzərənin təsirliliyini
şərtləndirir
(2, səh. 16).
Rəssamın 1950-ci ildə çəkdiyi kiçikölçülü “Göl kənarında”
əsərində yuxarıdakı əsərlərlə səsləşən motiv yaxınlığı varsa da,
bütünlükdə onların fərqli bədii-estetik tutuma malik olduqlarını
qeyd etməliyik. Üfüqi kompozisiyada yaşayış evlərinin qonşuluğun-
da və gölün kənarında qərarlaşan yaşıllığı toranlıqda görüntüləyən
rəssam günəşin şəfəqləri altında isti çalarlar alan ağacların rəng
keçidlərinin yaratdığı ritmli təzadın estetik dəyər ehtivasına nail olub.
Toranlığın mövcudluğunu və təsirini həm havada, həm də ağacların
yaşıl örtüyündə və suyun səthində hiss etdirən müəllif bununla da
mənzərənin ovqat daşıyıcılığını əldə etmişdir. Elə kompozisiyanı üç
paralel hissəyə bölən hava-ağac və su səthi arasındakı isti rənglərin
yaxınlığı da buna xidmət göstərir...
Əgər “Gölməçə”, “Moskva ətrafı” və “Göl kənarında”
mənzərələrində rəssamı su ilə onu əhatələyən yaşıllığın arasında-
kı rəng vəhdəti cəlb etmişdisə, “Etüd” (1950) lövhəsində onun üçün
diqqətçəkən bədii məqam azman ağacların gövdələrinin yaratdığı
gözoxşayan ritmdir. Doğrudan da, sıxlığı
duyulan meşənin zirvəsi
görünməyən ağaclarının rəngdən-rəngə düşən səthinin yaratdığı
oynaqlıqda duyğulandırıcı estetik dəyərlər qabarıqdır. Ön plandakı
ağac gövdələrinin işıqlı tutumu və uzaqlaşmaları ilə həm də dərinlik
təəssüratı yaradan arxadakı ağacların “kölgələnmiş” təsviri arasın-
dakı təzadın əmələ gətirdiyi bədii təqdimatda gözoxşayan məqamlar
kifayət qədərdir. Tünd qəhvəyi-yaşıl rəng çalarlarının bəyaz rəngin
gah güclənən, gah da azalan keçidlərində müəllifin nümayiş etdirdiyi
sənətkarlıq adi meşə motivinin yaddaqalanlığını şərtləndirmişdir...
Əyyub Hüseynovun çəkdiyi təbiət motivlərində fəsillərin müxtəlif-
liyi ilə yanaşı, onların hər birinin daşıdığı bədii-este tik məziy yət lə-
rin ov qat yaradıcı gücünü görmək mümkündür. Bu məna da rəssa-
mın bir çox lövhələrinin, o cümlədən “Mənzərə” (1953) əsərinin
adını çəkmək olar. Şaquli kompozisiyada da o,
yenidən bizi əvvəlki
mənzərələrində müşahidə etdiyimiz göl və ağaclar motivi ilə qarşı-
laşdırıb. Bu dəfə ilin payız fəslində baş verən təbiət dəyişikliklərini
görüntüyə gətirən Əyyub Hüseynov, qızılı libasa bürünmüş ağacların
və onların suya əksi düşən təsvirini bir araya gətirməklə dinamikliyi
kifayət qədər qabarıq duyulan mənzərəyə canlılıq qazandırıb. Əsər
ölçü etibarilə o qədər böyük olmasa (23x27 sm) da, rəssamın bu
kiçik çərçivə daxilində duyulası yaxı improvizələri ilə həsəddoğurucu
ustalıq nümayiş etdirdiyini vurğulamaq lazımdır. Yeri gəlmişkən
deyək ki, rəssamın həm yuxarıda haqqında söz açdığımız, həm də
bundan sonra söz açacağımız mənzərələrinin əksəriyyəti iriölçülü
84
Mədəniyyət.AZ / 9 • 2016
deyil. Etiraf edək ki, bunu iri formatlı mənzərələrdə gerçəkləşdirmək
bir o qədər çətinlik törətmirsə, əksinə, kiçikölçülü əsərlərdə yaxı
manerasının genişliyini, bununla yanaşı, kompozisiyanın təsirliliyinə
nail olmaq heç də asan yaradıcılıq vəzifəsi sayılmaz. Qənaətimizcə,
mənzərə əsərlərində onun kiçik kətan səthinə bu cür yanaşmasında
rəssamın həmyerlisi Bəhruz bəy Kəngərli yaradıcılığı ilə anım yara-
dacaq oxşar cəhətlər çoxdur.
Məlumdur ki, B.Kəngərli kiçik formatlı
əsərlərdə ifadə və yaxı genişliyi nümayişində bənzərsiz idi.
Rəssamın “Bağda yol” (1954) tablosunun ölçü baxımından (70x90
sm) əvvəlkilərdən fərqlənməsi, heç şübhəsiz, onun bədii şərhinə –
ifadə “dil”inə də təsir göstərib. Əsərin süjetini iri ağaclardan ibarət
bağ və onun içərisindən keçib uzanan ensiz yol təşkil edir. Şaquli
kompozisiyanın sağ hissəsini tutan azman ağacların zirvəsi bulud-
lara dəyən görkəmi ilk növbədə gövdələrinin və yarpaqlı budaqları-
nın nisbətən dəqiqliklə işlənməsi ilə diqqət çəkir. Səhər havasının
yaratdığı ilıq aura, uzaqda görünən dağlar, ağacların qonşuluğunda
qərarlaşan kimsəsiz skamya və bağda hökm sürən lal sakitlik zərif-
isti rənglərlə ifadə ilə əsərə lirik ovqat bağışlayır, rəssamın bu janrın
təsir imkanlarını artıra bilmək potensialını əks etdirir.
II Dünya savaşından sonra Azərbaycan mənzərə janrında ən
çox rast gəlinən motivin Göygölün təsviri olduğu danılmazdır.
1950–60-cı illərdə Azərbaycan təbiətinin əsrarəngiz guşələrindən
sayılan Göygölə bədii münasibət göstərənlər sırasında S.Şərifzadə,
V.Səmədova, T.Tağıyev, S.Bəhlulzadə, B.Mirzəzadə, S.Haqverdiyev,
H.Əliyev və digər neçə-neçə rəssamın adını çəkmək mümkün-
dür. Belə çoxsaylı müraciətlərin çatışmayan cəhəti, heç şübhəsiz,
müəllifl ərin gözəllik qaynaqları sayagəlməz olan məkanın
təsviri
üçün ənənəviləşən motiv tapmaları idi. Başqa sözlə desək, əsərlərin
müəllifl əri müxtəlif olsalar da, onlarda məkana baxış oxşar idi. San-
ki hamısı gölə eyni rakursdan göz qoymuşdu. Bu münasibətlərin
içərisində ən seçiləni S.Bəhlulzadənin “Kəpəzin göz yaşları” və
“Gəncə gölü” əsərləridir. Amma bu mənzərələr bir qədər sonra ya-
radılacaqdı. Əllinci illərdə isə Əyyub Hüseynovun çəkdiyi “Göygöl”
əsəri obyektə bir qədər fərqli baxışı özündə əks etdirirdi. O, gölün
təsvirində bir çoxları kimi Kəpəzi və hökumət nümayəndələri üçün
nəzərdə tutulan tikilini bir araya gətirməkdən vaz keçərək zirvənin
ətəyindəki nisbətən kiçik dağları və onların suda əksini kompozisiya
üçün əsas motiv seçmişdi. Üfüqi kompozisiyada səhərçağının dağla-
rın səthində və suların sinəsində yaratdığı ürəkaçan mənzərədə hifz
olunan gözəllik qaynaqlarına bədii tutum verən rəssam bütünlükdə
məşhur coğrafi məkanın adına layiq təsvirini yaratmağa nail olub.
Əsərin mavi-zümrüdü rəng çalarlarından yaranan duyğulandırıcı
koloritində müəllif təxəyyülündən qaynaqlanan məqamlar olduğun-
dan bütünlükdə mənzərə qürurverici mənəvi qaynaq kimi qarşılanır
(3, səh. 12).
“Çox vaxt yaddaqalan sənət əsərinin yaranmasını rəssamın
gördüklərindən heyrətlənməsi şərtləndirir” deyənlər yanılmır-
lar. Əyyub Hüseynovun mənzərə yaradıcılığında
heyrətdən yara-
nan əsərlər kifayət qədərdir. Onun 1961-ci ildə çəkdiyi “Qədim tut
ağacı” lövhəsi belə sənət nümunələrindəndir. Bilavasitə müəllif
müşahidələrinin nəticəsi olan şaquli kompozisiyada kənd evinin
yanında ucalan iri tut ağacı təsvirlənib. Müəllif günəş şüaları altın-
da müxtəlif çalara bələnən yarpaqların dinamik yaxılarla işlənmiş
tutumunda “gizlənən” estetik işartıları üzə çıxarmaqla adilikdə də
gözəllik qaynaqlarının mövcudluğunu əyaniləşdirib. Qədim tut ağa-
cının ətraf mühitlə əlaqəsinə yaxı improvizələri və rəng keçidləri ilə
nail olan rəssam bununla həm də kətan səthinin oynaqlığını əldə
edib.
“Payız” (1966) lövhəsi bütün mənalarda rəssamın həm “Qədim tut
ağacı”ndan, həm də əvvəlki illərdə yaratdığı mənzərələrindən bütün
mənalarda fərqlənir. Tablo ilk növbədə təsvir obyektinə fərqli – yeni
baxışı ilə başqalarından seçilir. Daha dəqiq desək, burada rəssam
onu cəlb edən mənzərəyə fraqment – yarımçıq baxış sərgiləyib. Sıx
ağacların baş-başa verdiyi meşədə müəllifi onun keçilməzliyindən
daha çox, kiçik bir hissəsində yaşanan qəribə təbiət hadisəsi cəlb
edir. Məkana daha uzaqdan baxış zamanı
bəlkə də bu qədər cəlbedici
və cəzbedici görünməyəcək meşə örtüynün
güclü günəş şüaları altında “qaynar qazan”a
çevrilməsinə arifanə göz qoyan rəssam
orada cəmləşən isti-soyuq rəng çalarları
məcmusunu təsirli estetik qaynağa çevirə
bilmişdir. Əsərin digər yaddaqalan bədii-
texniki məziyyəti isə Əyyub Hüseynovun
kətan səthindəki rəng qatını iri-geniş və oy-
naq yaxılarla gerçəkləşdirməsidir. Əslində,
bunu o vaxtadək kifayət qədər professio-
nallaşan və bədii-texniki təcrübə toplayan
müəllifin dəstxətinin yeni ifadə məziyyətləri
ilə zənginləşməsinin başlanğıcı saymaq
mümkündür. Şaquli kompozisiyanın sol
tərəfini uzunluğu yarımçıq göstərilmiş
iri ağacın gövdəsinin və budağının tünd
rənglərlə
çəkilmiş ifadəli silueti, onun arxa-
sındakı geniş hissəni isə bir qədər uzaqda
qərarlaşan ağacların payız libasına bələnmiş