| Qanunvericilərin fəaliyyətinin başlıca məqsədi öz xalqının normal, sakit və imkan daxilində ədalətli həyat şəraitini təmin etməkdir. Əgər qanunverici hakimiyyət dövlətin ümumi irdəsinin ifadəsidirsə, icraedici hakimiyyət - bu iradəni həyata keçirən mexanizmdir.
Azad dövlətdə qanunverici orqan verdiyi qanunlara necə əməl olunmasını izləyir. İcraedici orqan isə öz fəaliyyətinə görə onun qarşısında hesabat verməlidir.
Məhkəmə hakimiyyəti heç bir partiya ilə əlaqələndirilməməlidir, o xalq üçün görünməz olmalıdır. Siserona görə, hakim - danışan qanun, qanun isə - lal hakimdir.
Hakimiyyətin bu üç qanadı arasında ideal bir harmoniya olmalıdır: tarixi təcrübə göstərir ki, hakimiyyətin bu qanadları arasında bölgü prinsipini düzgün həyata keçirmək çox çətindir. Bəzən bu və ya digər tərəf üstünlük əldə etməyə çalışır və nəticədə ziddiyyət yaranır. Bu isə ən çox keçid dövrlərində müşahidə olunan haldır. Hakimiyyətin bu üç qanadının harmonik əməkdaşlığı – dövlətin möhkəmliyinin təminatıdır.
Hakimiyyət, o cümlədən siyasi hakimiyyət bir sıra xüsusiyyətlərə malikdir: 1) o hakimiyyətin subyekti və obyektinin varlığını nəzərdə tutur; 2) hakimiyyət o mənada ümumiliyə malikdir ki, ayrı-ayrı adamların, qrupların və ictimai institutların fəaliyətlərinin bütün növlərində iştirak edir.
Dostları ilə paylaş: |
