M İ L L İ K İ T A B X A N A
____________________________________
7
İradə Hüseynovanın bu qiymətli monoqrafiyasında Heydər Əliyevin siyasi və dövlətçilik
fəaliyyətinin bütün aspektləri və mərhələləri, xüsusən də müstəqillik dövründəki fəaliyyəti
zəngin tarixi və arxiv materialları əsasında, özü də sistem halında tədqiq və təhlil
olunmuşdur. Müəllif Heydər Əliyevə həsr olunmuş «Dövlətçilik naminə» (Bakı, 2002),
«Müstəqilliyimizin təminatçısı» (Bakı, 2003) adlı kitablar nəşr etdirsə də, bu əsər onun bu
istiqamətdə apardığı uzunmüddətli səmərəli axtarışların nəticəsi, yüksək yaradıcılıq uğuru
sayıla bilər.
İradə Hüseynova «Müstəqil Azərbaycan dövlətinin yaranması
və
möhkəmləndirilməsində Heydər Əliyevin rolu» mövzusunda doktorluq dissertasiyasını
müdafiə etmiş ilk tarixçi alimdir. Onun Azərbaycanın elmi ictimaiyyətinə təqdim etdiyi bu
yeni monoqrafiya - dəyərli, sanballı elmi-tədqiqat əsəri Rusiya Federasiyası və
Azərbaycanın müxtəlif arxivlərindən toplanmış zəngin, ilkin mənbələr, çoxu elmi
dövriyyəyə ilk dəfə daxil edilən məxəzlər əsasında, respublikada və xaricdə çap olunmuş
bütün elmi ədəbiyyatın təhlili və ümumiləşdirilməsi nəticəsində yaranmışdır. Xüsusi olaraq
qeyd etmək lazımdır ki, müəllif tərəfindən ilk dəfə olaraq böyük tarixi şəxsiyyət Heydər
Əliyevin şəxsi arxivindən istifadə edilib.
Monoqrafiya «Giriş», 9 fəsil, «Nəticə», «Əlavələr», «İstifadə olunmuş mənbə və
ədəbiyyatın siyahısı»ndan ibarətdir.
Monoqrafiyanın I və II fəsillərində müəllif tərəfindən haqlı olaraq, Heydər Əliyevin
ötən əsrin 70-80-ci illərində Azərbaycanı gələcək müstəqilliyə aparan yolda
gerçəkləşdirdiyi cahanşümul işlər müasir dövlətçilik prinsipləri və yeni siyasi təfəkkür
prizmasında tədqiq və təhlil edilir. Azərbaycanın intibah dövrü, milli tərəqqi dövrü kimi
xarakterizə olunan 1970-82-ci illərdə Azərbaycanda, 1982-87-ci illərdə keçmiş SSRİ
rəhbərliyində çalışan Heydər Əliyevin siyasi və dövlətçilik fəaliyyətini araşdıran müəllif bu
illərdə yaradılan iqtisadi və mədəni potensialı gələcək müstəqil Azərbaycan dövlətinin
yaranması üçün təməl kimi qiymətləndirir. Bu, tarixi reallıqlara söykənən ən doğru, həqiqi
nəticədir.
Monoqrafiyanın «Heydər Əliyevin Azərbaycana qayıdışı: dövlətçilik və siyasi
fəaliyyətinin Naxçıvan dövrü» adlanan III fəslində ümummilli liderin Naxçıvandakı siyasi
fəaliyyətinin aspektləri nəzərdən keçirilmiş, bu tarixi mərhələnin xronikası yaradılmış,
Heydər Əliyevin Azərbaycanda siyasi hakimiyyətə qayıdışını şərtləndirən tarixi amillər
öyrənilmiş və ümumiləşdirilmişdir.
İradə Hüseynovanın «Müstəqil Azərbaycan dövlətinin qurucusu» monoqrafiyasının
böyük hissəsi 1993-cü il 15 iyundan başlanan Milli Qurtuluş mərhələsinin, xüsusən, Heydər
Əliyevin Azərbaycan Respublikasının Prezidenti kimi fəaliyyətinin bütün istiqamətlərinin
işıqlandırılmasına həsr olunmuşdur. Heydər Əliyevin daxili və xarici siyasəti, titanik
fəaliyyəti, bənzərsiz və yenilməz diplomatiyası sayəsində ölkədə siyasi sabitliyin tam
bərpası, dövlət quruculügu iqtisadi, social-siyasi və mədəni sahələrdə əsaslı islahatların
aparılması, Azərbaycanı dünya siyasətinin mərkəzi bölgələrindən birinə çevirən «Əsrin
müqaviləsi»nin imzalanması - neft strategiyasının işlənib hazırlanması və həyata
keçirilməsi, xarici siyasət sahəsində əsaslı dönüşə nail olunması, Azərbaycanın ərazi
bütövlüyünün təmin olunması uğrunda mübarizə - Qarabağ məsələsinin həlli istiqamətində
aparılan ardıcıl siyasət, nəhayət, ölkədə mədəni quruculuq sahəsində Heydər Əliyevin
böyük maarifçilik missiyası oxucuya təqdim olunur.
M İ L L İ K İ T A B X A N A
____________________________________
8
Monoqrafiyada müəllif Azərbaycanın son 35 illik müasir tarixinin tam mənzərəsini
yaratmağa cəhd etmiş və bununla da Azərbaycan tarixşünaslıq elminə dəyərli töhfə
vermişdir.
İradə Hüseynovanın «Müstəqil Azərbaycan dövlətinin qurucusu» monoqrafiyası
Əliyevşünaslığa mühüm töhfədir.
Bu gün aramızda olmayan, haqq dünyasın qovuşmuş ümummilli liderimizin
Azərbaycan dövlətçiliyi yolunda tarixi xidmətlərinin xalqımıza çatdırılmasında mühüm rol
oynayacağına inandığımız bu elmi-tədqiqat əsəri düşünürəm ki, hər bir oxucunun diqqətini
çəkəcək.
ƏLİ HƏSƏNOV
tarix elmləri doktoru
M İ L L İ K İ T A B X A N A
____________________________________
9
GİRİŞ
XX əsr Azərbaycanın ictimai-iqtisadi, siyasi və mədəni inkişafı tarixində
ən yüksək mərhələdir. Bu əsrdə Azərbaycan üç ictimai-siyasi quruluşdan
keçmişdir. Çar mütləqiyyət quruluşu (1901-1917), müstəqil Azərbaycan
Xalq Cümhuriyyəti (1918-1920), Sovet kommunist rejimi (1920-1991) və
nəhayət, XX əsrin sonunda (1991, oktyabr) yenidən müstəqil demokratik
quruluş bərpa edilmişdir. Birinci dövrdə Azərbaycan çar hökuməti
tərəfindən idarə edilirdi. Rusiyada çarizmin devrilməsindən az sonra
Azərbaycan Xalq Cümhuriyyəti hökuməti yarandı və 23 ay (28 may 1918 -
27 aprel 1920) fəaliyyət göstərdi. Azərbaycan Xalq Cümhuriyyətinin
devrilməsindən sonra 28 aprel 1920-ci ildən 1991-ci ilin 18 oktyabrına
qədər Azərbaycan SSR mövcud olmuşdur. 1991-ci ü oktyabrın 18-də
Azərbaycan Respublikasının dövlət müstəqilliyi yenidən bərpa edilmişdir.
XX əsrin son otuz ilində Azərbaycanda rəhbərlik özündən əvvəl ki
dövrlərdən tamamilə fərqlənmişdir. Bu dövr Azərbaycan tarixində xüsusi
yer tutur. Bu dövrü fərqləndirən mühüm cəhətlərdən biri ondan ibarətdir ki,
Azərbaycanda Heydər Əliyev kimi dünya şöhrətli dövlət başçısı və siyasi
xadim yetişmişdir. Heydər Əliyevin şəxsiyyəti və fəaliyyəti XX əsrin ikinci
yarısında keçmiş SSRİ-nin və Azərbaycanın ictimai-siyasi mühitində
formalaşmış, dünyada professional siyasətçi, siyasi və dövlət xadimi kimi
tanınmışdır. Onun həyat yolu olduqca zəngin, mənalı və bacarıqlı siyasi
lider, qüdrətli tarixi şəxsiyyət kimi yüksək insani-əxlaqi keyfiyyətləri
özündə təcəssüm etdirən nümunə məktəbidir.
Heydər Əliyevi rəhbər kimi başqalarından fərqləndirən mühüm bir
keyfiyyət ondan ibarətdir ki, o, iki siyasi sistemdə Azərbaycana rəhbərlik
etmiş və hər bir dövrün ictimai-siyasi tələblərinə uyğun olaraq özünün bütün
fəaliyyətini Azərbaycan Respublikasının yüksəlişinə, xalqın mənəvi-mədəni
inkişafına həsr etmişdir.
Heydər Əliyevin bütün siyasi və dövlətçilik fəaliyyəti çağdaş
Azərbaycanın, Azərbaycan xalqının, milli dövlətçiliyin inkişafı və
möhkəmlənməsi tarixidir. Onun həyat və fəaliyyətinin xronologiyası böyük
bir