M. İ. MƏMMƏdov m.Ü. Orucova


Sensor şəbəkələrinin tətbiqi



Yüklə 0,67 Mb.
səhifə24/24
tarix08.04.2018
ölçüsü0,67 Mb.
#36590
növüDərs
1   ...   16   17   18   19   20   21   22   23   24

Sensor şəbəkələrinin tətbiqi


Bu gün mövcud olan SŞ-dən az bir hissəsi yuxarıda qoyulan tələblərə саvаb verir. Belə ki, indiki dövrdə şəbəkələr yalnız yüzədək sensordan ibarətdir, məhdud əhatə zonalıdır və yalnız dəqiq təyin olunan məsələləri yerinə yetirə bilirlər. Onlarda vericilər müəyyən tip informasiyanı verilmiş buraxma zolağında ötürməyə qabildirlər. Enerji sərfini çох kiçik adlandırmaq olmaz, batareyanın gücü yalnız bir nеçə günə çatır. Mövcud sensor vericiləri hələ kifayət qədər ətalətlidir, yüksək etibarlılıq və istismarda “görünməməzlikdən” söz gedə bilməz. Əlbəttə belə sensorlar kifayət qədər bahalıdırlar, ona görə də yüz sensordan ibarət şəbəkə baha başa gəlir.

Sensorların təbabətdə tətbiqi xüsusilə çox ümidvericidir – ürək ritminin monitorinqi, həkimlərin avtomatik xəbərdarlığı üçün qan təzyiqi və bir sıra digər vacib göstəricilərin ölçülməsi və lazım gəldikdə təxirəsalınmaz köməyin göstərilməsi, xəstə və yaşlı adamların vəziyyətlərinin yüngülləşdirilməsi, adi həyatın rahatlı- ğının yaxşılaşdırılması və s. Üzgüçülük hovuzu özü sərbəst olaraq suyun təmizliyinə nəzarət edə bilər. Bundan başqa binalarda olan


tüstü detektorları nəinki yanğını qeydə alır, həm də yanğınsön- dürənlərə tüstülənmənin hansı mərtəbə və otaqlarda daha çox və ya az olduğu haqqında məlumat verir.

SŞ intellektual ev şəbəkələrinin tərkib hissəsi kimi də çıxış edə bilər. ABŞ-ın Intel korporasiyasının texnoloji sərgidə göstərdiyi yeni texnologiyalardan biri də xəstələrə baxış ev sistemidir. Bu sistemlərin prototipi kiçik yarımkeçirici vericilərin ayaqqabı, mebel əşyaları və ev qurğuları kimi obyektlərə quraşdırılaraq yaşlı və məhdud fiziki imkanlı adamlara evdə adi həyat tərzi keçirməyə şərait yaratdığını nümayiş etdirdi. Bu isə bütövlükdə yaşlı nəslin problemini həll etməyin və yüklənmiş səhiyyə sisteminin işini yüngülləşdirməyin yaxşı həll yolu ola bilər. Beləliklə, yeni texnologiyalar yaşlı adamları layiqli və sakit həyatla təmin edərək peşəkar baxışa çəkilən xərcləri azaltmaqla bərabər xidmət personalının və ailə üzvlərinin işini də asanlaşdırır.

SŞ-nin istifadə imkanları ev və ya ofis hüdudlarından daha uzaqlara gedib çıxır. Onların daha aydın tətbiq sahələri kimi ekologiyanı və xilasetmə xidmətini göstərmək olar. Böyük meşə massivini təsəvvür edək. Təyyarədən səpilmiş bu qurğular tez bir zamanda bir-biri ilə əlaqə yaradır və şəbəkə şəklində qurularaq informasiya toplamağa və ötürməyə hazır olur. Verilən parametr- lərdən asılı olaraq sensorlar meşə yanğınlarının yaranmasına, ya da ki, azan turist qrupunun marşrutuna nəzarət edib “yaşıl okea- nın” dəqiq monitorinqini özü təşkil olunan naqilsiz şəbəkə üzrə dispetçer mərkəzinə ötürə bilər. Bundan başqa SŞ məhsulun yetişməsinə nəzarət edərək fermerlərə cücərtiləri sulamaq ehtiya- cının olduğunu bildirə bilər, eyni zamanda bu qurğular xüsusi icraedici mexanizmlər olan aktuatorlarla təchiz olunsa, onlar suvarma qurğularını açıb-bağlaya, yəni idarə edə bilərlər. Məntiq qurğuları quraşdırıb yerindəcə bir sıra emal aparmaqla, dispetçer mərkəzinə yalnız faydalı informasiya ötürər, beləliklə də trafiki az yükləyərək, sürətin artmasına və ötürmə vaxtının azalmasına şərait yaratmış olarıq. Belə halda həmin şəbəkələr məntiq quraşdırılmış sensor şəbəkələri – Smart Sensor Networks adlandırılır.

SŞ istehsalat və ictimai yerlərdə iqlimin vəziyyətinə nəzarət


edib, hətta onu idarə edə də bilərlər. Onlar yollarda da az faydalı olmayacaqlar, belə ki, bir-biri ilə əlaqəyə girib maşınların axınını tənzimləyərək tıxac problemini həll edə bilərlər. Bu halda yol hərəkəti qaydalarının pozulmasına nəzarət problemi özü-özünə həll olunur.

SŞ-nin elektrik təchizatının idarə edilməsi üçün istifadəsi çox böyük elektrik enerjisinə qənaət etməyə imkan verir. Belə idarəedici şəbəkəni mənzilinizdə təsəvvür edin. Sizin yerinizi təyin etməklə vericilər bütün otaqlarda arxanızca işığı söndürə və ya daxil olduqda qoşa bilərlər. Əgər belə şəbəkələr küçə və yolların işıqlanmasına nəzarət üçün istifadə edilsə, elektrik enerjisinin çatışmamazlığı problemi özü-özünə yox ola bilər.

SŞ-nin tətbiq sahələrindən biri də kənd təsərrüfatıdır. Sensorlar vasitəsilə yığılan informasiya maksimal məhsuldarlığın təmin olunması üçün istifadə oluna bilər.

Bu şəbəkələrin tətbiq ediləcəyi sahələrdən biri də ekologiya və hidrometeorologiyadır. Ekologiyada tətbiq edilən SŞ ətraf mühitin çirklənməsinin qarşısını vaxtında almış olardı. Hidrometeorolo- giyada tətbiq olunan sensorlar havanın vəziyyəti barədə infor- masiyanın mərkəzə operativ ötürülməsinə xidmət edərdi.

Eyni zamanda seysmologiyada tətbiq olunan şəbəkələr zəlzələlərin qeydiyyatı haqqında operativ informasiya verərdi. Bioinformatikada tətbiq olunan sensorlar müxtəlif dendrarilərin idarə edilməsini həyata keçirərdi. Çaylar üzərindəki su anbarla- rında qurulmuş sensorlar suyun parametrlərinə nəzarəti həyata keçirərdi. Eləcə də bu şəbəkələri GİS, televiziya, aviasiya və digər sahələrdə də tətbiq etmək olar.

SŞ-nin imkanlarını Internet texnologiyaları ilə birləşdirsək, onda rеаl dünya hadisələri haqqında dəqiq təsəvvürü təmin edən alət əldə etmiş olarıq. Məlumdur ki, Internet insanlar arasında kommunikasiya funksiyalarını, digər tərəfdən onların informasiya tələbatını ödəmək məqsədilə yaradılmışdı. Düzdür, son zamanlar Internet üzərində başqa tətbiq sahələri də meydana çıxmağa baslamışdır. Məsələn, E-bankinq, distant təhsil, e-kommersiya və

s. Hansı tətbiq sahəsinin meydana çıxmasından asılı olmayaraq
Internet insanlarla təmasda olur. Başqa sözlə, insanlar Internetə qoşulmuş kompüterlərin klaviaturası və digər multimedia informasiyasının daxil və xaric edilməsi vasitələri ilə informasiya mübadiləsini aparırlar. SŞ-də isə mikrokompüterlər insanlar arasında уох, təbii-fiziki proseslərin parametrlərinin ölçülməsi və çevrilməsindən alınmış məlumatların mübadiləsi və уа müxtəlif məqsədlərlə yaradılan mərkəzi bloka ötürülməsini yerinə yetirir.

Əgər SŞ Internet üzərində reallaşarsa insanlar təkcə öz aralarında yox, eyni zamanda təbiətlə də təmas yaratmış olarlar. Bu o deməkdir ki, insan artıq Yer kürəsində geniş coğrafi məkanda bütün təbii prosesləri nəzarətə götürmək, monitorinqini aparmaq və ən başlıcası idarə etmək imkanı qazanır. Bununla da SŞ Internetin inkişafının keyfiyyətcə yeni mərhələsinə keçməsinə təkan verəcəkdir. Belə ki, İnternetə qoşulmuş SŞ-nin hər bir sensoru IP ünvanı almaqla qlobal SŞ-nin qurulmasına şərait yaradacaqdır (şəkil 6.3).

Dünyada gedən proseslərə uyğun ölkəmizdə də İnformasiya Cəmiyyətinin qurulması və İKT-nin inkişafı sahəsində intensiv işlər aparılır. “İnformasiya Cəmiyyətinin” problemlərinə həsr olunmuş 2003-cü il Cenevrə, 2005-ci il Tunis sammitlərində ölkəmizin fəal iştirakı buna bariz misaldır.

Sensor şəbəkələrinin tətbiqi ölkənin informasiya infrastruktu- runun inkişafında çox vacib rol oynaya bilər, çünki indiki dövrdə bu, informasiya axınlarının bütün ərazi üzrə paylanmasının ən qənaətli və sadə üsuludur.

Sonda qeyd edək ki, hesablama texnikası və rabitə vasitələrinin inkişafı ilə yeni era – naqilsiz şəbəkələr və paylanmış hesablama- lar erası başlanmışdır. SŞ-nin istifadə imkanı bəşəriyyətin praktiki olaraq bütün fəaliyyət dairəsinə yayılmışdır. Onlar kompüterin universal hissiyyat orqanları kimi meydana çıxaraq real dünyada baş verənlər haqqında informasiya almaq və onlara reaksiya ver- mək imkanlarına malik olacaqdır. Bununla da kompüterlərin fəaliyyət sahəsi bir neçə dərəcə genişlənəcək və bütün dünyada fiziki obyektlər onlar tərəfindən tanınacaqdır. SŞ-nin İnternet əsasında həyata keçirilməsi təbii proseslərin nəzarəti, monitorinqi
və idarə olunması üçün geniş imkanlar açır.


Şəkil 6.3. Qlobal sensor şəbəkəsinin struktur sxemi

Sensor qurğuları müşahidə edilən ərazilərdə müxtəlif tipli məlumatlar əldə edə bilmək qabiliyyətinə malik olmalıdır. Bəzi tətbiq sahələrində isə məlumatların tam və dolğun olması tələb edilir. Məsələn: yanğın sensorları. Bu sensorlar temperaturu və tü- stülənməni tam və dəqiq əldə etməlidirlər ki, yanğının baş ver- məsinin qarşısını vaxtında almaq mümkün olsun. Başqa birmisal kimi, nəzarət üçün sensor qurğularını nümunə göstərə bilərik. Nəzarət olunan ərazilərə qeyri-qanuni daxil olan şəxsləri sensor qurğuları anında və dəqiq hiss etməlidir ki, mühafizə dəstələrini vaxtında xəbərdar etmək mümkün olsun. Sensor şəbəkələrinin bu xüsusiyyətləri müxtəlif QoS göstəricilərinin yaradılmasına gətirib çıxarır.



Yuxarıda sadalanan fikirlərə əsaslanaraq deyə bilərik ki, sensor şəbəkəsində məlumatların ötürülməsindəki bütün keyfiyyət göstə- riciləri şəbəkənin uzunömürlülüyünə xidmət etməlidir. Ənənəvi simsiz sensor şəbəkələrində məlumatların həcmi kiçik olduğundan onlar QoS göstəricilərinə nəzərə çarpacaq dərəcədə çətinlik törətmir. Lakin multimedia simsiz sensor şəbəkələrində həcm çox olan məlumatların itməməsi üçün xüsusi QoS göstəricilərinə ehtiyac vardır. SSŞ-də QoS göstəricilərinin əsas tətbiq mexanizmi
MAC və fiziki səviyyədə olduğu üçün paketləmə, yönləndirmə, vaxt sinxronlaşdırılması və s. tipli məsələlər bu keyfiyyət göstəricilərinin içərisinə daxil edilmiş olur.

MÜNDƏRİCAT


  1. KOMPÜTER ŞƏBƏKƏLƏRİNƏ GİRİŞ 3

    1. KOMPÜTER ŞƏBƏKƏLƏRİNİN İNKİŞAF MƏRHƏLƏLƏRİ 3

    2. İNTERNETİN QISA TARİXİ 7

    3. KOMPÜTER ŞƏBƏKƏLƏRİ ANLAYIŞI 11

    4. KOMPÜTER ŞƏBƏKƏLƏRİNİN MÜXTƏLİF ƏLAMƏTLƏRƏ GÖRƏ TƏSNİFATI 16

  2. LOKАL KOMPÜTER ŞƏBƏKƏLƏRİ 18

    1. LOKАL KOMPÜTER ŞƏBƏKƏLƏRİNİN TOPOLOGİYАLАRI 21

2.1.1.Şin topologiyаsı 21

      1. Hаlqаvаri topologiyа 22

      2. Ulduzvаri topologiyаlı lokаl şəbəkələr 24

    1. LOKАL ŞƏBƏKƏLƏRDƏ İNFORMАSİYАNIN ÖTÜRÜLDÜYÜ FİZİKİ MÜHİTLƏR (RАBİTƏ KАNАLLАRI) 25

      1. Koаksiаl kаbellər. 25

      2. Burulmuş cütlü kаbellər 32

      3. Optik kаbellər 35

    1. LOKАL KOMPÜTER ŞƏBƏKƏLƏRİNİN KOMMUNİKАSİYА QURĞULАRI 39

    1. ŞƏBƏKƏ АDАPTERLƏRİNDƏ - KАRTLАRINDА NАZАLIĞIN TƏYİN EDİLMƏSİ 43

    2. GENİŞ YAYILMIŞ LOKAL ŞƏBƏKƏLƏR 45

      1. Stаndаrt lokаl şəbəkələr 45

  1. QLOBАL ŞƏBƏKƏLƏR 60

    1. QLOBAL ŞƏBƏKƏNİN STRUKTURU 61

    2. KOMMUTASİYA ÜSULLARI 62

      1. Kanalların kommutasiyası 62

      2. Məlumatların kommutasiyası 63

      3. Paketlərin kommutasiyası 63

    1. QLOBAL ŞƏBƏKƏLƏRİN NÖVLƏRİ 64

3.3.1. X.25 şəbəkələri: təyinatı və strukturu 65

    1. FRАME RELАY ŞƏBƏKƏLƏRİ 67

  1. OSI ETALON MODELİ 75

    1. ÇOXSƏVİYYƏLİ KOMMUNİKASİYA YANAŞMASI 76

    2. BAZA MODELİNİN ƏSAS ÜSTÜNLÜKLƏRİ 77

    3. VERİLƏNLƏRİN FİZİKİ VƏ MƏNTİQİ YERDƏYİŞMƏSİ 78

    4. OSİ MODELİ 79

    5. OSİ MODELININ SƏVIYYƏLƏRI 83




      1. Fiziki səviyyə (Physical layer) 83

      2. Kanal səviyyəsi 85

4.5.3.Şəbəkə səviyyəsi (Network layer) 91

4.5.4.Nəqliyyat səviyyəsi (Nəqliyyat layer) 94

4.5.5.Seans səviyyəsi (Session layer) 98

4.5.6. Təqdimetmə Prezintasiya səviyyəsi (Prezentation layer) 101

4.5.7.Tətbiqi səviyyə (Application Layer) 102

    1. VERILƏNLƏRIN INKAPSULYASIYSI 104

4.6.1.İnkapsulyasiya 105

      1. İnkapsulyasiya dekapsulyasiya 105

      2. PDU 110

  1. SİMSİZ ŞƏBƏKƏLƏR 111

    1. SİMSİZ LAN STANDARTLAR 112

    2. IEEE 802.11X STANDARTLARI 113

    3. IEEE 802.11B STANDARTI 114

    4. IEEE 802.11A STANDARTI 114

    5. HIPERLAN 115

    6. KODLAMA / MODULYASIYA TEXNIKALARI 115

    7. MULTIPLEKSLƏMƏ VƏ COXSAYLI GIRIŞIN METODLARI 116

    8. TƏHLÜKƏSIZLIK VƏ ŞIFRƏLƏMƏ 117

    9. SIMSIZ LAN TEXNOLOGIYALARI 118

      1. RF Texnologiyaları 118

      2. İnfraqırmızı Texnologiyası 119

  1. SIMSIZ SENSOR ŞƏBƏKƏLƏR 121

    1. SIMSIZ SENSOR ŞƏBƏKƏLƏR 121

    2. SIMSIZ SENSOR ŞƏBƏKƏLƏRIN DƏSTƏKLƏDIYI PROTOKOLLAR 123

    3. SENSOR ŞƏBƏKƏLƏRININ TƏTBIQI 127



Səhifə 135 / 136





Səhifə 136 / 136

Mahil İsa oğlu MƏMMƏDOV –texnika üzrə fəlsəfə doktoru; Məshəti Üzeyir qızı ORUCOVA–texnika üzrə fəlsəfə doktoru; Nuridə Məhəmmədəli qızı BAYRAMOVA – müəllim
KOMPÜTER ŞƏBƏKƏLƏRI
(Dərs vəsaiti) ADAU nəşr.


© “Araz” poliqrafiya müəssisəsi



Yığılmağa verilmişdir 07.10.2014 –cü il, Çapa imzalanmışdır 19.12.2014-cü il, kağız formatı (210x297) 1\4,

kağız №1, uçot çap vərəqi 13.6 ç.v.

Sifariş № 043, tiraj 250



“Araz” poliqrafiya müəssisəsi Gəncə, Ş.Badəddin, 59



QEYD: kitabın üzlüyündəki şəkil https://taosgroup.wordpress.com/ saytına məxsusdur
Yüklə 0,67 Mb.

Dostları ilə paylaş:
1   ...   16   17   18   19   20   21   22   23   24




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə