25
Koqnitiv dilçilikdә insan faktoru çox vaxt çağdaş sosial elmlәrin
ümumi bir elmi araşdırma әsası sәviyyәsindә dә irәli çıxarılmaqdadır.
Belә bir araşdırma әsası isә insan intellektinә söykәnәn dil bağlılıqlarının
bundan sonra dünyanın dәrk edilmәsindә bir başlanğıc nöqtәsi yerindә
araşdırılacağının siqnallarını vermәkdәdir.
Son 20 il içәrisindә müәyyәnlәşәn koqnitiv dilçilik yöntәmlәri ilә
yeni dil gerçəkləri öyrәnilir. Bunları isә dil formalaşmaları ilә konkret
olaraq obyektlәşdirilәn vә insan tәfәkküründә özәl quruluşları ilә mövcud
olan çevrәlәri, çevrәlәnmәlәri, sәhnәlәri vә s. tәşkil edir. Bu baxımdan
dilin bilavasitə gerçəkliyi və ya varlığı deyil, insan hafizəsindəki konsep-
tual tablonu əks etdirdiyi də deyilə bilər (Гуреев 2005). Bu fikir koqnitiv
dilçiliyin tarixindә ilk dәfә olaraq 1984-cü ildә ifadә edilmiş vә dilin insan
hafizәsindә konseptual olaraq proyeksiyalar halına gәtirilmiş biliklәr siste-
mindәn ibarәt olduğu vә bu biliklәri әks etdirdiyi göstәrilmişdir
(Jackendolff 1984).
Sözügedәn mövzular mahiyyәtcә yeni olan koqnitiv elm, koq-
nitiv dilçilik vә kompüter-mühәndis dilçiliyi anlayışları müstәvisindә
araşdırıldığı üçün, mәtndә yeri gәldikdә “istiqamәt” sözünün yerinә “yö-
nüm”, “metod” sözünün yerinә isә “yöntәm” kәlmәlәri işlәdilmişdir. “İsti-
qamәt” sözü әrәb, “metod” sözü isә fars mәnşәlidir. Ancaq ikincilәr türk
mәnşәli olsa da, bütün bu kәlmәlәr hamısı birlikdә dilimizdә işlәnilәn
sinonim sözlәr kimi dә qiymәtlәndirilә bilәr.
Bәs koqnitiv dilçilik vә kompüter-mühәndis dilçiliyi elmi-
linqvistik anlayışları vә buna bağlı olaraq da yönüm vә yöntәmlәri nә de-
mәkdir? Bunların mahiyyәti nәdәn ibarәtdir? Sözügedәn qavramlar elm-
şünaslıqda nә zaman ortaya çıxmışdır? Bütün bunlar mәtndәki ümumi el-
mi tәhkiyә әsnasında izah olunacaqdır. Bununla bәrabәr, biz elmi-termi-
noloji vә metalinqvistik baxımdan mövzuya aşağıda qısaca olaraq özәl bir
“açıqlanma” da gәtirmәk istәdik.
2.1. Koqnitiv elm, koqnitiv dilçilik və metalinqvistik qavramları
Müasir dövrdә koqnitiv xarakterli elmi araşdırmalar vә onların
nәticәlәrinin praktik fәaliyyәtdә hәyata keçirilmәsi öyrәnmәyә vә dәrket-
mәyә açıq olan cәmiyyәtlәrdә getdikcә sürәtlәnmәkdәdir. Artıq 2000-ci
illәrdә sözügedәn araşdırmalar Türkiyә universitetlәrindә dә aparılmaq-
dadır. Hәmin araşdırmalara dair elmi istiqamәtlәr bakalavr vә magistra-
tura proqramlarında yer almaqda vә dissertasiya mövzuları kimi işlәnil-
26
mәkdәdir. Koqnitiv elmşünaslığın әsas araşdırma obyektlәri, hәr şeydәn
öncә, aşağıdakılardan ibarәtdir:
-Elm, bilik-mәlumat vә biliş (cognition) fenomenlәri;
-Hafizә psixologiyası;
-Biliyin vә ya müxtәlif mәlumatların tәsvir olunması, mәnimsәnil-
mәsi, işlәnilmәsi vә insan hafizәsindә yerlәşdirilmәsi;
- “İnsan vә kompüter münasibәti”ndә koqnitiv yönlәr, zehin ve
beyin әlaqәlәri, ağlın meyarları vә koqnitiv proseslәri vә s.
Bütün bunlar – bilik, ağıl, zәka, zehin, beyin, anlamaq, ağıl (baş)
işlәtmәk, ağıllı davranış vә ya davranmaq, bacarıq vә s. özәk (açar) sözlә-
rin diskurs vә mәtn linqvistikası sәciyyәli çәrçivәsindә açıqlana bilmәk-
dәdir. Koqnitiv elmşünaslığın әsaslarını fәlsәfә, antropologiya, psixologi-
ya, kompüter mühәndisliyi vә dilçilik elmlәri tәşkil edir.
Türk dillәrinin müxtәlif linqvistik sәviyyәlәri müasir dövrün bir
reallığı kimi işıqlandırılmalıdır. Çünki onlar da artıq struktur-semantik vә
funksional dilçilik arşdırmaları müstәvisindә dilçiliyin vә digәr ictimai
elmlәrin gәlib çatdığı informativ-diskursiv sәviyyәdә vә ya yönümdә sә-
ciyyәlәndirilmәlidir. Sözügedәn yönümün elmi meyarları 1980-ci illәrdәn
bәri dilçilikdә getdikcә daha çox aydınlaşmaqdadır. Bu yönüm dünyanın
dil xәritәsini tәşkil edәn әn ümumi qavramlara vә alt qavramlarına, onları
tәşkil edәn kateqoriyalara görә müәyyәnlәşdirilmәkdәdir. Burada mәhz
koqnitiv xarakterli dәrketmә әsnasında gerçәklәşәn linqvistik yöntәm
diqqәti çәkmәkdәdir.
Çağdaş dilçilikdә koqnitiv-konseptual tәdqiqata, hәr şeydәn öncә,
dünyanın dil xәritәsini tәşkil edәn böyük vә kiçik dillәrin tipoloji özәllik-
lәri vә ya dil universaliyaları vә fәrqliliklәrinin söykәndiyi müxtәlif dil
sәviyyәlәri cәlb olunmaqdadır. Bu dil sәviyyәlәrini fonetik-fonoloji, mor-
foloji vә sintaktik qrammatika vә leksik-leksikoqrafik vә frazeoloji feno-
menlәr vә onların ayrı-ayrı detalları tәşkil etmәkdәdir. İnkişaf etmiş dillәr-
dә әsas dil çәrçivәlәrinin (frame) tәrkiblәri sistematik-koqnitiv dәrketmә
әsasında linqvistik bir yöntәmlә qavramlaşdırılmaqda vә alt sәviyyәlәri ilә
kateqoriyalaşdırılmaqdadır. Bütün bunlar isә yuxarıda göstәrilәn dil sәviy-
yәlәrinә bağlı olaraq yerinә yetirilmәkdәdir (Новое в зарубежной линг-
вистике 1988; Демьянков 1994; Kибрик 1994; Кубрякова 1994; 2004;
Bozşahin Cem ve Zeyrek Deniz 2000; Кравченко 2001; Курт 2002;
Селиверстова 2002). Mücәrrәd tәfәkkürün qavramlaşdırma vә buna bağlı
olaraq kateqoriyalaşdırma proseslәri dilçilikdә koqnitiv xarakterli
dәrketmә әsasına görә müәyyәnlәşdirilmәkdәdir. Bu da ictimai elmlәrin
27
yeni paradiqmatik vә sintaqmatik aurasında ortaya çıxan “dil eqoizmi vә
ya subyektivliyi” problemlәrinin hәll olunması yollarının axtarılması ilә
paralel olaraq yerinә yetirilmәkdәdir (Гуреев 2004; 2005).
Koqnitiv xarakterli dәrketmә әsasında dilçilik vә semiotika,
koqnitivlik mexanizmi vә qrammatik açıqlanma vә şәrhetmә
әlaqәlәri antropoloji baxımdan insana mәxsus dәrketmә-şüur-tәfәkkür
müstәvisindә müәyyәnlәşdirilmәkdәdir. Dilçilikdә 2000-ci illәrdәn
başlayaraq yaşanılan dünyanın әn әsas konseptual obrazları vә linqvistik
qavram anlayışı tәdqiqata cәlb olunmaqdadır. Bunlara bağlı olaraq da
öncәliklә iltifat, xoşbəxtlik, arzu-istək, sevgi-mərhəmət, sevgi-acımaq kimi
duyğu-hissiyyat qavramları koqnitiv xarakterli dәrketmә yönlәri ilә
dәrindәn öyrәnilmәkdәdir (Doğan 2000; Воркачёв 2001; Ханина 2004).
Çağdaş dilçilikdә dil hәr yönü ilә koqnitiv-konseptual bir müs-
tәvidә öyrәnilәrәk metalinqvistik bir terminologiya vә üslubla müәyyәn-
lәşdirilmәkdәdir. Bu, hәr şeyden öncә, belә bir fәlsәfî әsasa söykәn-
mәkdәdir: “Konkret dil şәkli vә ya şәkillәri koqnitiv quruluşun vә ya qu-
ruluşlarının, başqa bir ifadә ilә insan şüurunun, tәfәkkürünün vә qavra-
yışının dildәki әks olunmalarından ibarәtdir” (Kибрик 1994: 126). Türk
әdәbi dillәri vә dialektlәrindә vә buna uyğun olaraq da türkoloji dilçilikdә
şüurun, tәfәkkürün vә qavrayışın türk dillәrindәki әks olunmalarına әsasәn
әmәlә gәlәn konkret qrammatik sәviyylәri koqnitiv yöntәmlә tәsvir
olunmalıdır. Bu baxımdan felin şәkil, növ vә tәrz kateqoriyalarının
sözügedәn yöntәmlә dәqiq olaraq müәyyәnlәşdirilә bilәcәyini fikirlәşirik
(Musaoğlu, Kirişçioğlu 2008).
Meta yunanca bir söz olub leksikoqrafik olaraq “vasitәsilә” vә ya
“sonra” mәnalarını ifadә etmәkdәdir. Metalinqvistik qavramı isә dilçilik-
dә tәbii, canlı dilә dair yazılmış tәdqiqatlara görә müәyyәnlşdirilәn ikinci
bir dil-ifadә sistemi kimi xarakterizә olunmaqdadır. Buraya, hәr şeydәn
öncә, özәl linqvistik terminologiya sistemi ve mәtn linqavistikası sәciyyәli
quruluş vә quruluşlar vә buna uyğun olaraq elmi sәciyyәli leksika vә ayrı-
ayrı leksik qrupları daxildir (LES 1990: 297). Dil sәviyyәlәrinin
özünәmәxsus bir şәkildә tipoloji qavramladırılması vә kateqoriyalaş-
dırılması müasir dilçiliyin universal miqyasdakı әsas meyarları vә ya
metadili olaraq bilinmәkdәdir. Türkoloji dilçiliyin orijinal bir metalinq-
vistiyinin vә ya metadilinin olduğunu söylәmәk hәlәlik sözün tam mәna-
sında, tәәssüf ki, mümkün deyildir (Musaoğlu 2008: 229).
Dostları ilə paylaş: |