125
әsasında yazılmışdır. Hәmin kitab Türkiyәdә bu günә qәdәr dilçiliyә vә türk dilinin
qrammatikasına dair әsas elmi mәnbәlәrdәn biri olaraq işlәdilmәkdәdir.
1.1.11. Zeynәb Qorxmazın “Türkiyә türkcәsinin qrammatikası: morfologiya” (2003) adlı
әsәri isә Türkiyәdә türk dilinin morfologiyasına dair yazılmış 1224 sәhifәlik çox böyük bir
qrammatika kitabıdır. Hәmin kitab 2000-ci illәrdә Türkiyә türkcәsinin morfologiyasına dair
tәsviri vә tarixi-müqayisәli dilçilik metodu ilә yazılaraq yayımlanmış olan sanballı bir
monoqrafik әsәr olaraq da diqqәti cәlb edir.
1.2. Digәr qәdim vә yeni türk әdәbi dillәrinә dair keçәn әsrdә ümumi vә xüsusi qrammatik
mövzularda yazılmış olan fundamental xarakterli türkoloji dilçilik әsәrlәrindәn isә aşağıdakıların
adlarını çәkmәk olar:
1.2.1. N. K. Dmitrievin “Qumuq dilinin qrammatikası” (1940) vә “Başqırd dilinin
qrammatikası” (1948);
1.2.2.N. P. Dırenkovanın “Oyrot dilinin qrammatikası” (1940), “Şor dilinin
qrammatikası” (1941) vә “Xakas dilinin qrammatikası: fonetika vә morfologiya” (1948) adlı
kitabları 1940-cı illәrdә yazılmışdır. Bu kitablar 1920-1930-cu illәrdә әdәbi dil normaları,
variantları vә dil-danışıq alışqanlıqları yenidәn formalaşan vә yazıları öncә latın, sonra isә kril
әlifbalarında dәyişdirilәn türk dillәrinin ilk elmi-normativ qrammatikalarından sayılır.
1.2.3. A. Von Qabainin “Qәdim türk dilinin qrammatikası” (1941, 1950 vә 1974 nәşrlәri)
vә
1.2.4. C. Brockelmanın “Orta Asiya türk әdәbi dillәrinin qrammatikası” (1954) adlı
kitablarında qәdim vә orta әsrlәr türk әdәbi dillәrinin qrammatik quruluşu işıqlandırılmışdır.
Hәmin kitablarda türk әdәbi dillәrinin qrammatik quruluşu Hind-Avropa vә özәlliklә dә Alman
türkoloji dilçiliyi әnәnәlәri әsasında tәsviri vә tarixi-müqayisәli metodlarla öyrәnilmişdir.
1.2.5. Talat Tekinin “Orxon türkcәsinin qrammatikası” (1968-ci il ingiliscә vә 2003-cü il
türkcә nәşrlәri) vә
1.2.6. A. N. Kononovun “VII-VIII yüzillәr türk runik abidәlәrinin dilinin qrammatikası”
(1980) adlı kitabları da qәdim türk dilinin qrammatik özәlliklәrinә dair yazılmış әsәrlәr olaraq
tәsviri vә tarixi-müqayisәli dilçilik yöntәmlәri ilә yazılmışdır.
1.2.7. L.N. Xaritonovun “Yakut dilindә felin tәrz (aspekt) formaları” (1960) adlı kitabında
tәrz ifadә edәn düzәltmә, analitik, sәs tәqlidi vә deyimlәşmiş (frazeologizmlәşmiş) feillәrdәn
bәhs olunmuşdur. Hәmin feillәrlә ifadә olunan müxtәlif hәrәkәt vә vәziyyәtlәrin bitmişliyi,
126
sürәkli olaraq davam etdiyi vә bitmәmişliyi formalarının statik vә ya dinamilk sәciyyәli olması
ilә iş-hәrәkәtin yerinә yetirilmәsi prosesisi öyrәnilmişdir. Әsәrdә felә mәxsus vә ya ona bağlı
olan leksik, morfoloji vә sintaktik müstәvidәki sözdәyişdirici vә formadüzәldici әlamәtlәrlә
psixoloji-koqnitiv olaraq ifadә olunan aspektuallıq fenomeni konkret bir tәrz kateqoriyası
sәviyyәsindә araşdırılmışdır. Bununla da türk әdәbi dillәri vә dialektlәrindә xüsusi qrammatik
mövzuların monoqrafik olaraq öyrәnilmәsi tarixindә felin tәrz kateqoriyasına dair XX yüzildә
yazılmış әn әhatәli klassik türkoloji dilçilik araşdırmalarından biri meydana çıxmışdır. Sözügedәn
әsәr zәngin yakut dili materialları әsasında tәsviri vә tarixi-müqayisәli yöntәmlәrlә yazılmışdır
(Musaoğlu, Kirişçioğlu 2008: 44).
1.2.8. A. N. Kononov “Müasir özbәk әdәbi dilinin qrammatikası” (1960);
1.2.9. F. Q. İsxakov., A. A. Palmbax “Tuva dilinin qrammatikası: fonetika vә
morfologiya” (1961);
1.2.10. P. Azımov, X. Baylıyev “Türkmәn dilinin qrammatikası” (1961);
1.2.11. “Azәrbaycan dilinin morfologiyası” 1961;
1.2.12. “Qırğız dilinin qrammatikası” (1964);
1.2.13. L. A. Pokrovskaya “Qaqauz dilinin qrammatikası: fonetika vә morfologiya”
(1964);
1.2.14. “Özbәk dilinin qrammatikası” (1969);
1.2.15. M. Hüseynzadә “Müasir Azәrbaycan dili” (1973);
1.2.16. “Noqay dilinin qrammatikası” (1973);
1.2.17. “Xakas dilinin qrammatikası” (1975).
1.2.18. “Başqırd dilinin qrammatikası” (1981);
1.2.19. “Müasir yakut dilinin qrammatikası” (1982);
1.2.20. Ә. Z. Abdullayev, Y. M. Seyidov, A. Q. Hәsәnov “Müasir Azәrbaycan dili”
(1985);
1.2.21. M. P. Amzorov “Şor dilinin qrammatikası” (1992);
1.2.22. “Türkmәn dilinin qrammatikası” (1999). Sözügedәn kitablar 1960-cı illәrdәn
etibarәn türk dillәrinin elmi qrammatikasına dair rus dilindә vә müxtәlif türk dillәrindә Sovet
dövrü dil quruculuğu siyasәti vә direktivlәri istiqamәtindә yazılmış olan fundamental
әsәrlәrdәndir. Hәmin kitablar çağdaş türk әdәbi dillәrinin sinxronik tәsvirinә hәsr olunmuşdur.
Buna görә dә onlar әsas etibarilә elmi-tәsviri dilçilik metodu ilә yazılmışdır. Müәlliflәri konkret
127
olaraq göstәrilmәyәn qrammatika kitabları isә yaradıcı dilçi-türkoloq müәllif heyyәtlәri
tәrәfindәn dönәmin Elmi-Tәtqiqat İnstitutlarında vә Universitetlәrindә hazırlanmışdır.
1.2.23. Ә. Z. Abdullayevin “Müasir Azәrbaycan dilindә tabeli mürәkkәb cümlәlәr”
(1974);
1.2.24. Q. A. Qaydarjinin “Qaqauz sintaksisi. Budaq cümlәlәrin nisbi vә bağlayıcısız
tabeliliyi” 1978), “Qaqauz sintaksisi. Budaq cümlәlәrin bağlayıcılı tabeliliyi” (1981);
1.2.25. N. Nartıevin “Müasir türkmәn dilindә mürәkkәb cümlәnin quruluşu” (1988) vә
1.2.26. K. M. Abdullayevin “Azәrbaycan dili sintaksisinin nәzәri problemlәri” (1999) adlı
kitabları isә türk dillәrindә mürәkkәb cümlә vә ümumiyyәtlә sintaksis kursu xüsusunda özәl bir
qrammatik-sintaktik mövzuya hәsr olunmuş monoqrafik sәciyyәli önәmli fundamental
araşdırmalardandır. Sonuncu әsәr hәm dә ali mәktәblәr üçün yazılmış bir dәrs vәsaiti olaraq
Azәrbaycan dilindә mürәkkәb sintaktik bütövlәrin tәdris sistemindә öyrәdilmәsinin başlanılması
baxımından da böyük әhәmiyyәt kәsb edir.
Türkoloji dilçilikdә istәr felin tәrz kateqoriyasına, istәrsә dә mürәkkәb cümlә quruluşuna
dair ayrıca monoqrafik araşdırmaların yazılması heç dә tәsadüfi deyildir. Çünki, yuxarıda da
göstәrildiyi kimi, ümumtürk dili qrammatikasının XX yüzildә iki başlıca problemi daha qabarıq
olaraq ortaya çıxmışdır vә bunlar bu günә qәdәr davam edәn çox uzun elmi mübahisәlәrә sәbәb
olmuşdur. Bunlar isә aşağıdakılardan ibarәtdir:
1. Türk dillәrindә felin tәrz kateqoriyasının olub-olmaması vә hәmin kateqoriyanın ayrıca
olaraq leksik, qrammatik vә sintaktik vasitәlәrinin işlәnib-işlәnilmәmәsi mәsәlәsi;
2. Mürәkkәb cümlә vә feli tәrkib problemi. Yәni feli tәrkiblәrin mürәkkәb cümlәlәrin
budaq cümlәlәri vә feli sifәtlәrin, feli bağlamaların vә mәsdәrlәrin isә budaq cümlәlәrin xәbәrlәri
yerindә işlәnib-işlәnilmәmәsi.
Hәr iki qrammatik problemin hәlli türkoloji dilçilikdә uzun müddәt mübahisә obyekti
olmuşdur. Hәtta 24-27 sentyabr 1956-cı ildә Almatıda türk dillәrindә felin tәrz kateqoriyasının vә
mürәkkәb cümlәlәrin sәrhәdlәrinin müәyyәnlәşdirilmәsinә dair SSRİ miqyasında böyük bir
millәtlәrarası konfrans keçirilmişdir. Moskvadan, Leninqraddan, Bakıdan vә SSRİ-nin digәr
İttifaq Respublikalarından vә bölgәlәrindәn gәlәn dilçilәr vә türkoloqlar yuxarıda göstәrilәn
qrammatik problemlәrin üzәrindә hәrtәrәfli olaraq mübahisә etmişdir. Konfransda sözügedәn
mövzulara dair aşağıdakı elmi-linqvistik nәticәlәr әldә edilmişdir:
Dostları ilə paylaş: |