Madaniyatshunoslik



Yüklə 254,06 Kb.
səhifə8/49
tarix22.05.2023
ölçüsü254,06 Kb.
#112006
1   ...   4   5   6   7   8   9   10   11   ...   49
Z.Xaydarov Musiqa tarixi Majmua

Nazorat savollari:

  1. Geog Fridrix Gendel ijodi va uning davrlanishi haqida nimalarni bilasiz?

  2. Gеndel ijodida janrlar ahamiyati qanday?

  3. Glyuk оpеra islоhоtining asоslari nimada?



3-Mavzu: Iogan Sebastyan Bax ijodi
Reja:
1. I.S.Baх san’atining g`оyaviy yo`nalishi, falsafiy mazmuni.
2. I.S.Baх ijоdiga uning diniy e’tiqоdining ta’siri.
3. I.S.Baх lirikasi, оbrazlari, g`оyalari, uslubi, оhanglari.
4. I.S.Baх pоlifоniyasi, garmоniyasi.
Tayanch so`z va iboralar:
I.S.Baх san’atining g`оyaviy yo`nalishi, falsafiy mazmuni, I.S.Baх ijоdiga uning diniy e’tiqоdining ta’siri, I.S.Baх lirikasi, оbrazlari, g`оyalari, uslubi, оhanglari, I.S.Baх pоlifоniyasi, garmоniyasi.

Mashхur nеmis kоmpozitоri o`z davrida katta o`zgarishlar kiritgan uning asarlari yangicha burilish va yo`nalish bo`lib kеyingi avlоd kоmpozitоrlari uchun хizmat qildi.


Iogann Sebastyan Bax (1685-1750) 1685-yil Germaniyaning Eyzenax shaharchasida tug’ilgan. Оtasidan erta еtim qоlgan Baх juda qiyin va mashaqqatli hayot kеchirdi. Baх avlоdida barchalar musiqa Bilan shug`ullangan. Baх-musiqachi, musiqachi-Baх dеgan tushunchalar yuritilgan. I.S.Baх o`nbеsh yoshida Lyuniburg shahriga ko`chib o`tdi. 1703 yilda gimnaziyani tugallab univеrsitеtga kira оlmadi va turli shaharlar bo`ylab tirikchilik qila bоshladi. Italiya, Fransiya kоmpozitоrlar asarlarini puхta o`rgandi. Mashхur kоmpozitоrlar bilan uchrashuvlarni juda хush ko`rardi. Uning istе’dоdi va nоmi el оrasida mashhur bo`la bоshladi.
1708-yilda Vaymеr shahriga ko`chadi va ijоd qiladi, o`zining mashhur asarlarini shu shaharda yozgan. 1717-yilda Kеtеn ijоd davri bоshlanadi. Bu yerda klavir, оrgan va хоr uchun ko`p asarlar yozadi. Mashhur asarlaridan ikki va uch оvоzli invеntsiya, Fransuz va Ingliz syuitalar, 24 prilyudiya va fuga, rеminоr fantaziya va fuga. 1723-yilda Lеptsig shahriga kеlib umrining охirigacha qоladi.
Iogann Sebastyan Bax avlodi azaldan o’zining musiqiy iqtidori bilan shuhrat qozonishgan edi. Ma’lumki, kompozitorning katta bobosi novvoylik hunari bilan bir qatorda, sitra cholg’usini chalargan. Bax ajdodlaridan naychilar, trubachilar, organchilar, skripkachilar yetishib chiqishgan. Pirovardida Germaniyadagi har bir musiqachini Bax deb, har bir Baxni esa musiqachi, deb atay boshlashgandi. Skripkada ilk ijro ko’nikmalarini u skripkachi va shahar musiqachisi sifatida tanilgan otasidan o’rgandi. Bola ajoyib ovoz sohibi bo’lib, shahar maktabi xorida kuylardi. Uning kelajakdagi kasbiga hech qanday shubha qolmagan edi. To’qqiz yoshida u yetim qoladi. O rduf shahri cherkovining organchisi bo’lib ishlaydigan katta akasi uni o’z tarbiyasiga oladi. Akasi bolani gimnaziyaga joylashtiradi va musiqadan ta’lim berishni davom ettiradi. O’n yoshli tirishqoq bola uchun bu bir xildagi zerikarli mashg’ulotlar hisoblanardi. Shu sababli ham u o ‘zi mustaqil bilim olishga intilar edi. Akasining javonida mashhur kompozitorlarning asarlari yozilgan dafitar borligidan xabar topgach, bola ulami tunlari xufiya ravishda olib, oyning shu’lasida notalami ko’chirib yozar edi. Odamni toliqtiruvchi bu mashg’ulot olti oy davom etdi, u bo’Iajak kompozitorning ko’rish qobiliyatiga beqiyos zarar ko’rsatdi. Akasi bir kuni uni bu ish ustida tutib, ko’chirilgan hamma notalami olib qo’yganda, u juda qattiq xafa bo’lgan edi. Iogann Sebastyan o ‘n besh yoshida mustaqil hayot boshlashga qaror qiladi va Lyuneburg shahriga ko’chib ketadi. 1703-yilda u gimnaziyani tugatib, universitetga kirish huquqiga ega bo’ladi. Lekin Bax bu huquqdan foydalana olmadi, chunki u tirikchilik uchun mablag’ topishi zarur edi. Bax hayoti davomida ish joyini o‘zgartirgan holda, bir necha marta shahardan shaharga ko’chib yurdi. Buning sababi, deyarli har safar bir xil - qoniqarsiz mehnat sharoiti, kamsitishlar, komzitoming tobelikka bardoshi yo’q edi. Biroq vaziyat qanchalik yomon bo’lmasin, uning yangi bilimlar, kamolot sari intilishi so’nmadi. U g’ayrat bilan nafaqat nemis, shuningdek, italyan va fransuz kompozitorlarining asarlarini muntazam ravishda o ‘rganib bordi. Bax atoqli san’atkorlar bilan shaxsan tanishib, ulaming ijrochilik uslublarini o’rganish imkoniyatidan ham unumli foydalanar edi. Bir kuni yo’l kiraga mablag’i bo’lmagan yosh Bax mashhur organchi Bukstexude ijrosini tinglash uchun boshqa shaharga piyoda boradi. Kompozitor o’zining ijodga bo’ lgan munosabatini, musiqa san’atiga nisbatan qarashlarini ham shunday qat’iylik bilan himoya qilardi. Saroy ayonlari xorij musiqasiga mukkasidan ketgan bir vaqtda, Bax alohida muhabbat bilan nemis xalq qo’shiq va kuylarini o ‘rganib, ulardan o’z asarlarida keng foydalanar edi. Boshqa mamlakatlar kompozitorlari musiqasini to’la egallagan Bax ularga ko’r-ko’rona taqlid qilmadi. Egallagan keng va chuq’ur bilimi uning kompozitorlik mahoratini takomillashtirish va sayqallashtirishga yordam berdi.Yosh Ioganning qobiliyati shu soha bilan chegaralanib qolmadi. U zamondoshlari ichida eng yaxshi organ va klavesin ijrochisi edi. Bax hayotlik davrida kompozitor sifatida e’tirof etilmagan bolsa ham, organ cholg’uchisi sifatida uning oldiga tushadigan yo’q edi. Buni, hatto uning raqiblari ham tan olishga majbur bo’lishgan. Bax o ‘sha davming mashhur fransuz organchisi va klavesinchisi Lui Marshan bilan musobaqalashish uchun Drezden shahriga taklif qilinadi. Oldinroq musiqachilaming o’zaro tanishuvi bo’lib, ulaming har ikkisi ham klavessinda ijro mahoratlarini namoyish etishdi. Marshan o’sha kechaning o ‘zida Baxning so’zsiz ustunligini tan olgan holda shoshilinch ravishda shahardan j o ‘nab ketadi. Boshqa safar, Kassel shahrida Bax organ pedalida solo chalib, o’zining tinglovchilarini lol qoldiradi. Bunday yutuqlardan uning boshi aylanib qolmadi, aksincha doimo juda kamtarin va mehnatsevar inson bo’lib qoldi. I.S.Bax 1703-yildan boshlab Veymar shahrida yashay boshlaydi. U knyaz kapellasiga skripkachi sifatida ishga kirdi. O’zining qaram holatidan qoniqmasdan, Bax Amshtadt shahridagi yangi cherkov organchisi lavozimiga taklif olib, 1704-yili o’sha yerga ko’chib o’tadi. Bu shaharda Bax o’zining kompozitorlik faoliyatini xor, yakkaxon va orkestr uchun “Sen mening qalbimni do’zaxda qoldirmassan” pasxal kantatasidan boshladi. Shu yeming o’zida birinchilardan bo’lib, “Sevimli og’aning jo ‘nab ketishiga” kaprichchio klavir asari yaratildi. Bu asar klavir syuitasining bir turi bo’lib, tugallangan miniatyuralardan tuzilgan. Butun asami umumiy nomlanish birlashtirib, uning ma’nosini har bir pyesaning alohida mazmunini yoritib beruvchi dasturli kichik sarlavhalar aniqlab beradi. Bax M yulxauzen shahrida “Tanlangan kantata”sini yozdi. Ushbu kantata Bax hayotligi davrida nashr etilgan yagona asar bo’lib hisoblanadi. 1708-yilda Bax Veymar gersogi huzurida gof organchi va saroy musiqachisi xizmatini o’tay boshlaydi. Bu yerda kompozitor organ uchun bir qancha asarlar yozar, klavesin va skripka uchun bir qator pyesalar bastalar edi.
Veymar davrida kompozitor o‘zining organ cholg’usi uchun eng yaxshi asarlarini yaratdi. Jumladan, re minor tokkata va fugasi, lya minor prelyudiya va fugasi, do minor prelyudiya va fugasi, ommalashib ketgan do minor passakaliyasi va boshqa asarlari ko’pgina asarlarini kompozitorning Veymar davriga kiritish mumkin. Bu asarlar mazmuni jihatidan ahamiyatli va chuqur, ko’lami jihatidan beqiyos sanaladi. Veymarda fransuz klavesinchilari, xususan, Fransua Kuperen musiqasini o ‘rganish jarayoni kechardi. Uning ijodi misolida Bax klavir yozuvining uslublarini o’rganadi. Shu davrda Bax “Meni faqat quvnoq ov ovutar” deb nomlangan dunyoviy kantatasini yozadi, bu asar ilk bor 1716-yilda ijro etilgan. 1717-yilda Bax oilasi bilan Kyoten shahriga ko’chib o ‘tishadi. Kyoten shahzodasi saroyida Bax “kamer musiqasi direktori” lavozimiga tayinlanadi. Bu yerda Bax, asosan, klavir va orkestr musiqasini yozadi. Kompozitorning zimmasiga uncha katta bo’lmagan orkestrga rahbarlik qilish, shahzoda kuylaganda unga jo ‘r bo’lish va uni klavesinda chalish orqali ko’nglini olish vazifalari yuklatilgandi. O’z vazifalarini osonlikcha bajarib, o ‘zining bo’sh vaqtini butunlay ijod qilish uchun sarflardi. Bu vaqtda klavir uchun yaratilgan asarlari uning ijodida organ asarlaridan so’ng ikkinchi cho’qqini
tashkil qildi. Bax Kyotenda ikki ovozli va uch ovozli invensiyalar yaratadi (uch ovozli invensiyalarni Bax “sinfoniyalar” deb atardi). Bu pyesalami kompozitor o ‘zining katta o ‘g’li Vilgelm Frideman bilan mashg’ulot o’tkazishga mo’Ijallagan edi. Bax fransuzcha va inglizcha syuitalami yaratishda ham o‘z oldiga pedagogik maqsadlami qo’ygan. Kyotenda 1722-yilda Bax “Yaxshi temperatsiyalangan klavir” deb nomlangan katta ishning birinchi jildini tashkil qiluvchi 24 prelyudiya va fugalarni yozib tugatdi. Shu davrda mashhur re minor “Xromatik fantaziya va fuga” ham yozildi. Bizning davrga kelib, Baxning invensiya va syutalari musiqa maktablarining, “Yaxshi temperatsiyalangan klavir”ning prelyudiya va fugalari esa kollej hamda konservatoriyada majburiy dasturga aylandi. Baxning nisbatan oddiy invensiyalaridan to o‘ta murakkab “Xromatik fantaziya va fuga”gacha bo’lgan klavir pyesalarini jahonning mohir pianinochilari konsertlarida tinglash mumkin. 1720-yilda Baxning rafiqasi Mariya Barbara vafot qildi. Universiteti bo’lgan katta shaharda farzandlariga yaxshi ma’lumot berishni istagan Bax Gamburg shahridagi AvliyoYakov cherkovi organchisining bo’shab qolgan joyiga ishga kirmoqchi boMadi. Baxning so’rovnomasi e’tiborsiz qoladi va bu joy boshqa organchiga berib yuboriladi. 1721-yilda Bax Veysenfels shahrida yashovchi trubachining qizi Anna Magdalena Vilkenga uylanadi. Bu ayol buyuk ijodkorga vafoli do’st va yordamchi bo’lib qoladi. Kyotendan j o ‘nab ketish xayoli Baxni tinch qo’ymasdi. Iogan Kunau vafotidan so’ng, Leypsikdagi Avliyo Foma cherkovi kantorining o’rni bo’shab qoladi, shu munosabat bilan 1723-yilda Bax Leypsik shahriga ko’chib o‘tadi, va shu yerda umrining oxirigacha qoladi. Bu yerda u Avliyo Foma cherkovi
qoshidagi qo’shiqchilar maktabi kantorligi (xor rahbari) lavozimini egallaydi. Bax maktab kuchi bilan shahardagi asosiy cherkovlarga xizmat qilishi hamda cherkov musiqasi va uning sifatiga javob berishi kerak edi. U o ‘zi uchun noqulay bo’lgan shartlarga ko’nishga majbur bo’ldi. O’qituvchi, tarbiyachi va kompozitorlik majburiyatlari bilan bir qatorda, shunday ko’rsatma ham bor ediki, bunda “Janob burgomistr ruxsatisiz shahardan chiqib ketishi mumkin emas” edi. Ilgarigidek, uning ijodiy imkoniyatlari chegaralangan bo’lib, Bax cherkov uchun “uncha davomli bo’lmagan, shuningdek, operaga o’xshamaydigan, biroq tinglovchilarda itoatgo’ylik hissini uyg’otuvchi” musiqa yozishi kerak edi. Lekin Bax har doimdagidek ko’p narsalami qurbon qilib, hech qachon o ‘zi uchun muhim bo’lgan badiiy aqidalaridan voz kechmasdi. Butun hayoti davomida u o ‘zining chuqur mazmuni va ichki boy tuyg’ulari bilan kishini lol qoldiruvchi asarlar yaratadi. Bu yerda ham xuddi shunday bo’ldi. Leypsikda Bax o’zining eng yaxshi vokal-cholg’u asarlaridan bo’lgan-ko’pgina kantatalarini (Bax tomonidan jam i 250 ga yaqin kantatalar yozilgan), “Ioann bo’yicha ehtiroslar”, “Matfey bo’yicha ehtiroslar” (1729), “Motam odasi” (1727), minor messasi (1738)ni yaratadi. Ioann va “Matfey bo’yicha ehtiroslar” yoki “Passionlar” - bu Iso payg’ambaming chekkan azoblari va o iim i to’g ‘risidagi Injil kitobi
bo’yicha Ioann va Matfey yozgan qissadir. Messa mazmuni bo’yicha “Ehtiroslar”ga yaqin turadi. Avvallari messa ham, “Ehtiroslar” ham katolik cherkovida xor tomonidan ijro etilar (ishtirokidagi qo’shiq kuylash) edi. Baxning ushbu asarlari cherkov mavzulari doirasidan chetga chiqib ketgan edi. Baxning messa va “Ehtiroslar” -konsert xarakteridagi mahobatli asarlar bo’lib, ulami ijro etishda yakkaxonlar, xor, orkestr, organ cholg’usi ishtirok etadi. O’zining badiiy mohiyati bo’yicha “Ehtiroslar” va messa kompozitor ijodining uchinchi, eng yuqori cho’qqisini tashkil qiladi. Cherkov rahbariyatining Bax musiqasidan qoniqmayotganligi
yaqqol sezilib turardi. Awalgidek uning musiqasini o’ta yorqin, bezaklarga boy, “dunyoviy” deb baholashardi. Darhaqiqat, Baxning musiqasi cherkovning qat’iy qonunlariga javob bermasdi, aksincha, unga qarama-qarshi edi. Yirik vokal-cholg’u asarlar bilan bir qatorda, Bax klavir uchun musiqa yozishni davom ettirdi. Si minor messasi bilan deyarli bir vaqtda mashhur “Italyancha konsert” yozildi. Keyinroq Bax “Yaxshi temperatsiyalangan klavir”ning ikkinchi jildini tugatdi, unga 24 ta yangi prelyudiya va fugalar kiritilgan. Ulkan ijodiy ish va cherkov maktabidagi xizmatidan tashqari Bax shahaming “Musiqa kollegiyasi” ishlarida faol ishtirok etardi. Bu shahar aholisi uchun cherkov musiqasi emas, balki “dunyoviy” musiqa konsertlarini tashkil qiluvchi musiqa havaskorlari jamiyatiga bo’lgan qiziqish balandroq edi. “Musiqa kollegiyasi”ning konsertlarida Bax yakka ijrochi va dirijyor sifatida muvaffaqiyatli chiqishlar qilgan. U jamiyatning konsertlari uchun “dunyoviy” xarakterdagi orkestr, klavir va vokal asarlarini ko’plab yozdi. Lekin Baxning asosiy ishi-qo’shiqchilik maktabining rahbarligi bolib, unga faqat ko’ngilsizliklar keltirar edi, Cherkov tomonidan maktab uchun ajratiladigan mablag’ arzimas darajada bo’lardi. Qo’shiq ijro etuvchi bolalar och qolar, kiyimlari ham ayanchli holda edi. Ulaming musiqiy qobiliyat darajasi ham yuqori emasdi. Qo’shiqchi bolalami Bax bilan maslahat qilmasdan maktabga qabul qilishar, maktab orkestrining tarkibi ham juda ozchilikni tashkil qilib, bunda to ‘rtta truba va to’rtta skripka ishtirok etardi, xolos. Maktabga yordam ko’rsatish to’g’risida Bax tomonidan shahar xo’jayiniariga qilingan barcha murojaatlari e’tiborsiz qoladi. Mas’uliyat esa baribir kantor zimmasidk bo’lib, u hamma narsa uchun javob berishi lozim edi. Yagona quvonchi - ijod va oilasi edi. Voyaga yetib qolgan o‘g‘illari - Vilgelm Frideman, Filipp Emmanuil, Iogann Xristian qobiliyatli musiqachi bo’lib yetishishdi. Otalari hayotlik vaqtidayoq, ular kompozitor sifatida nom chiqarishdi. Kompozitorning ikkinchi rafiqasi Anna Magdalena o ‘zining zo’r musiqiy qobiliyati bilan ajralib turardi. U ajoyib eshitish qobiliyatiga va chiroyli, kuchli soprano ovozga ega edi. Baxning katta qizi ham yaxshigina qo’shiq aytardi. Bax o ‘z oilasi uchun vokal va cholg’u ansambllar ijod qilardi. Kompozitor pedagogik adabiyot yaratishga ko’p vaqt va e ‘tibor ajratgan. Boshlovchilar uchun prelyudiyalar, invensiyalar va boshqa k o ‘plab asarlarning paydo bo ‘lishi Baxning pedagogik
faoliyati bilan bog’liqdir. Boshlovchilar uchun kichik prelyudiyalar, ikki va uch ovozli invensiyalardan tortib to “Yaxshi temperatsiyalangan klavir” prelyudiya va fugalar to‘plam!ari-bu murakkablikning barcha bosqichlarini qamrab olgan klavirda ijro etishga m o’ljallangan, hozirgi davrdagi darslik sifatida xizmat qilib kelmoqda. Baxning applikatura sohasida kiritgan yangiliklarini e’tirof etish kerak. XVII - XVIII asrlarda klavesinda uch-to’rt barmoq bilan ijro etishardi. Barmoqlar, asosan, cho’ziq holda ushlanardi, kerak bo ‘lganda ular almashtirilar, biri o ‘m iga ikkinchisi qo’yilar yoki biri ikkinchisi ustidan o’tkazilardi. Katta barmoq juda kam hollarda ishlatilar, ijro etish texnikasining murakkablashib borishi, tovushni legato usulda ijro etishga intilish takomillashgan applikaturani talab etardi. Bu sohada yangiliklar kiritishda Bax birinchilardan bo ‘ldi. Kompozitor hayotining so’nggi yillarida ko’zi jiddiy kasallanib qoldi. Muvaffaqiyatsiz operatsiyadan keyin Baxning ko’zlari ojizlashdi. Biroq shu ahvolda ham u ijod qilishni davom ettirdi, o ‘z asarlarini yozib olish uchun kuylab, aytib turardi. Polifonik pyesalaming ikki turkumi - “Musiqiy hadya” va “Fuga san’ati” Baxning oxirgi asarlari bo’ldi, ularda polifonik mahorat muammosiga yuqori darajadagi yechimlar topilgan. Bu asarlarda Bax
kontrapunkt, polifonik shakl va fugadagi mavjud texnik imkoniyatlami mahorat bilan ko’rsatib bera olgan edi. 1750-yil 28-iyulda logan Sebastyan Bax vafot etdi. Uning o ‘limi musiqiy jamoatchilik tomonidan deyarli e ‘tiborsiz qoldi. U ko’p o’tmay unutilib ketdi. Baxning rafiqasi va kichik qizining hayoti ayanchli kechdi. Anna Magdalena o’n yildan so’ng qashshoqlar uyida vafot etdi. Kichik qizi Regina muhtojlikda hayot kechirdi. Uning og’ir hayotining oxirgi yillarida Betxoven yordam berib turdi. Avliyo Foma cherkovida qabr toshi bo’lib, u yerga buyuk kompozitorning xoki dafn etilgan. Hozir bu joy Baxning qudratli salohiyati muxlislarining doimiy ziyoratgohiga aylangan.



Yüklə 254,06 Kb.

Dostları ilə paylaş:
1   ...   4   5   6   7   8   9   10   11   ...   49




Verilənlər bazası müəlliflik hüququ ilə müdafiə olunur ©genderi.org 2024
rəhbərliyinə müraciət

    Ana səhifə