Magistratura məRKƏZİ” Əlyazması hüququnda Nəsibli Fəxri Fəxrəddin oğlu

Cədvəl 2.5

Satışdan yaranan gəlirlərin məhsulun maya dəyərinə təsirinin təhlili

GÖSTƏRICILƏR	2015		2016-cı ilin gəlirlərinin məbləği nəzərə alınmaqla		Kənarlaşma (+; -)
	min manatla	%-lə	min manatla	%-lə	min manatla	%-lə
A	1	2	3	4	5	6
1. Məhsul sa­tı­şın­dan əldə olu-nan gəlirlər	7197659	-	7574165	-	+376506	-
2. Məhsulun ma­ya dəyəri, o cümlədən	6185397	85,94	6535574	86,29	+350177	+0,35
a) şərti-sabit xərclər	1480784	20,57	1480784	19,55	-	-1,02
b) şərti-dəyişən xərclər	4704613	65,37	5054790	66,74	+350177	+1,37

2.5 saylı cədvəl məlumatlarından göründüyü kimi, 2015-ci ildə məhsulun (iş və xidmətlərin) maya dəyərinin səviyyəsi 2016-cı ilin gəlirləri nəzərə alınmaqla 86,29%-ə (6535574:7574165x100) bərabər olmuşdur. Sözügedən göstəricinin sə­viy­yəsi müqayisə olunan dövr ərzində şərti-sabit və dəyişən məsrəflər üzrə mü­va­fiq olaraq 19,55% (1480784:7574165x100) və 66,74% (5054790:7574165x100) təş­kil etmişdir. Məhsul (iş və xidmətlər) satışından əldə olunan gəlirlərin məbləğinin 376506 min manat (7574165-7197659) artması maya dəyərinin səviyyəsinin 0,35% (86,29-85,94) yüksəlməsinə sə­bəb olmuşdur ki, bunun da mənfi 1,02%-i (19,55-20,57) şərti-sabit məsrəflərin, müs­bət 1,37%-i (66,74-65,37) isə dəyişən xərclərin payına düşür. Maya dəyərinin sə­­viyyəsinin yuxarıda qeyd edilən faiz nisbətlərində dəyişməsi, öz növbəsində, bu iq­tisadi parametrin məbləğində həmin proporsiyada qənaətə (artıq xərcə) aşa­ğı­da­kı kimi şərait yaratmışdır: a) şərti-sabit xərclər hesabına (-1,02x7574165:100 = -77256,48 min manat); b) dəyişən məsrəflər hesabına (+1,37x7574165:100= +103766,06 min manat); Təsərrüfatdaxili hesabat mə­lu­mat­larından göründüyü ki­mi, 2016-cı ildə 2015-ci ilə nisbətən fəaliyyətini öy­rən­di­yimiz müəssisə üzrə məh­sulun (iş və xidmətlərin) maya dəyərinin səviyyəsi 0,65% və ya 49232,07 min ma­nat (0,65x7574165:100) artmışdır. Maya dəyərinin səviyyəsinin bu qayda üzrə yüksəlməsi əsas etibarı ilə daxili faktorlar hesabına baş vermişdir. Məhsul (iş və xidmətlər) satışından əldə edilən gəlirlərin məbləğinin (əlavə dəyər vergisi və aksizlər daxil edilmədən) 2,85% artması maya dəyərinin səviyyəsinin 0,35%, müt­ləq ifadədə isə 26509,58 min manat (0,35x7574165:100) yüksəlməsinə səbəb ol­muş­dur. Material və pul vəsaitlərindən istifadəni xarakterizə edən digər fak­tor­la­rın təsiri nəticəsində məhsulun (iş və xidmətlərin) maya dəyəri 0,30% və ya 22722,49 min manat (0,30x7574165:100) artmışdır.

Xüsusi vurğulamaq yerinə düşər ki, «məsrəf-satışın həcmi-mənfəət» gös­tə­ri­ci­ləri arasındakı funksional əlaqə və asılılıq yuxarıda şərh olunan metodika üzrə qiy­mətləndirildikdən sonra istehsalın zərərsizlik səviyyəsinin hesablanması nəzəri və praktiki cəhətdən elə də çətinlik törətmir. Belə fərz edək ki, fəaliyyətini təhlil etdiyimiz təsərrüfat subyekti bir ədədinin qiyməti 500 pul vahidinə bərabər olan ye­ni məhsul istehsal etməyi proqnozlaşdırır. Bu zaman məhsul vahidinə düşən də­yişən məsrəflərin səviyyəsinin 55,45%, müəssisənin şərti-sabit xərclərinin illik məb­ləğinin isə 29436 min pul vahidi olması nəzərdə tutulur. Sadalanan rə­qəm­lər­dən istifadə etməklə dəyişən məsrəflərin ümumi məb­lə­ği­ni və yeni məhsul (iş və xidmətlər) satışından yaranan gəlirlərin minimal həcmini riyazi yolla hesablamaq və qiy­mətləndirmək olar. Bu zaman fəaliyyətini öyrəndiyimiz təsərrüfat subyekti üz­rə sadalanan göstəricilər mütləq ifadədə müvafiq olaraq 277,25 (55,45x500) və 66074,07 min pul vahidi (29436:(1-(277,25:500))) təşkil edəcəkdir. Beləliklə, «məs­rəf-satışın həcmi- mənfəət» göstəriciləri arasındakı funksional əlaqənin təh­li­linin sonunda yuxarıda sadalanan rəqəmlərdən istifadə etməklə istehsalın və sa­tı­şın kritik həcmini hesablamaq heç də çətin olmur. Bizim misalımızda, istehsalın və satışın kritik həcmi 132148 vahid (66074070:500) təşkil edir. Bu isə o deməkdir ki, fəaliyyətini təhlil etdiyimiz müəssisə il ərzində 132148 vahid məhsul real­laş­dı­ra­raq (bir ədədinin qiyməti 500 pul vahidi olmaqla) yalnız öz xərclərini ödəmək qa­biliyyətində olur. Zənnimizcə, mülkiyyət formasından asılı olmayaraq bütün kom­mersiya müəssisələrində «məsrəf-satışın həcmi-mənfəət» göstəriciləri ara­sın­da­kı funksional asılılıq və əlaqənin təhlili metodikasının yeni aspektdə tətbiqi di­rekt-kostinq sistemində maliyyə nəticələrinin qiymətləndirilməsində müstəsna əhə­miyyət kəsb edə bilər.

NƏTİCƏ
Aparılmış tədqiqatın yekunlarını ümumiləşdirərək aşağıdakı nəticələri çıxarmaq və müəyyən edilmiş nöqsanları aradan qaldırmaq məqsədilə müvafiq təkliflər paketini vermək olar.

1. Aparılan tədqiqat işinin nəticəsi göstərir ki, istehsal xərclərinin minimuma endirilməsi və sintetik göstərici sayılan mənfəətin mütləq məbləğinin artırılması imkanları xeyli böyükdür. Tədqiqat prosesində bunun səbəbini araşdırdıqda onun çoxlu sayda obyektiv və subyektiv amillərdən bilavasitə asılı olduğu meydana çıxır. Məhz bu baxımdan magistr dissertasiya işində müəssisənin maliyyə nəticələrinin formalaşması, bölüşdürülməsi və istifadəsi probleminə iki meyardan, yəni mühasib və iqtisadçı mövqeyindən yanaşılır. Araşdırmanın gedişində bu problemə tənqidi yanaşılır və «satışın həcmi-maya dəyəri-mənfəət» göstəriciləri arasındakı funksional əlaqənin xarakteri araşdırılır. Aparılan tədqiqat işləri göstərir ki, müəyyən bir hədd və ya interval daxilində rentabellik göstəricisinin səviyyəsinin yüksəlməsinə baxmayaraq, sonrakı mərhələdə artım baş vermir. Belə bir şəraitdə istehsal məsrəfləri qeyri-məhsuldar xərclərə çevrilir. Magistr dissertasiya işində mənfəət göstəricisi müəssisənin öz xərcini ödəməsi və əlavə gəlir əldə etməsi prosesi, təsərrüfat subyektlərinin istehsal, investisiya, kommersiya və maliyyə fəaliyyətinin yekün parametri kimi şərh olunur. Ona görə də, müəssisənin istehsal və kommersiya fəaliyyətinin kompleks təhlilinin mənfəət və rentabellikdən başlanılması nəzəri və praktiki cəhətdən məqsədəuyğun sayılır. Bazar münasibətləri şəraitində mənfəətin idarə olunması onun formalaşması, bölüşdürülməsi və istifadə edilməsi prosesinin sistemli təhlili metodikasının işlənib hazırlanmasını obyektiv zərurətə çevirir. Çünki, belə bir metodika həm daxili istifadəçilər və həm də vergi orqanları, kreditorlar və investorlar üçün vacib olmaqla, mənfəətin mütləq məbləğinin, təsisçilərin və səhmdarların gəlirlərinin artırılması üzrə müəssisənin potensial imkanını müəyyən etməyə və təsərrüfat subyektlərinin maliyyə «sağlamlığını» dəqiq proqnozlaşdırmağa imkan verir.

2. İqtisadi ədəbiyyatların müqayisəli təhlili mənfəət göstəricisinin müəyyən çərçivədə öyrənildiyini, lakin mühasibat və iqtisadi mənfəətin formalaşması mexanizminin demək olar ki, araşdırılmadığını göstərir. Bundan başqa, iqtisadi ədəbiyyatlarda mənfəətin müasir konsepsiyalarına, onun formalaşması modellərinə səthi yanaşılır və maliyyə nəticələrinin təhlili metodikasının bu aspektdə işlənib hazırlanmasına toxunulmur. Qeyd etmək lazımdır ki, elmi-texniki tərəqqi və istehsalın kompleks intensivləşdirilməsi şəraitində bu problemin aktuallığı daha da artır və ona görə də maliyyə nəticələrinin təhlilinin əsas informasiya bazası sayılan maliyyə hesabatlarının təkmilləşdirilməsi probleminə bu prizmadan yanaşılması məqsədəuyğun sayılır. Çünki, elmi-texniki tərəqqi şəraitində istehsalın son nəticələrinə təsir göstərən amillərin sayı durmadan artır. Aydındır ki, elmi-texniki tərəqqinin nailiyyətlərinin istehsala tətbiqi ilə əlaqədar olan amillər mənfəətin mütləq məbləğinə bu və ya digər dərəcədə təsir göstərir. Magistr dissertasiya işində müxtəlif əlamətlər üzrə qruplaşdırılan amillər, öz ifadəsini mənfəətin mütləq məbləğində biruzə verməklə rentabellik göstəricisinin iqtisadi mahiyyətini dərindən açmağa əlverişli şərait yaradır. Bu zaman mənfəət və rentabellik göstəriciləri onların mahiyyətinin tam açılması üçün «satışın həcmi-maya dəyəri-mənfəət» sxemasına daxil olan elementlərin vəhdəti şəklində öyrənilir. Bu əlaqə təkcə kəmiyyət etibarı ilə, həm də keyfiyyət baxımından nəzərdən keçirilir.

3. Mütərəqqi təsərrüfatçılıq formalarının inkişafı ilə əlaqədar olaraq idarəetmənin mühüm funksiyalarından biri sayılan iqtisadi təhlilin vəzifələr kompleksi genişlənir, tədqiq edilən hadisə və proseslərin qarşılıqlı əlaqəsi daha da mürəkkəbləşir, amilli təhlilin dəqiqliyinə və operativliyinə tələbat artır. Bu isə, öz növbəsində, maliyyə nəticələrinin iqtisadi təhlilinin mövcud metodikasının mühasibat uçotu və hesabatların beynəlxalq standartlarının tələblərinə uyğun şəkildə təkmilləşdirilməsini və ona yeni aspektlərin əlavə olunmasını tələb edir. Qeyd etmək lazımdır ki, belə bir vəziyyət müəssisənin maddi, əmək və maliyyə resurslarından istifadə səviyyəsini qiymətləndirməyə imkan verən mənfəət və rentabellik göstəricilərinə aiddir. Çünki, bazar iqtisadiyyatı şəraitində mənfəət müəssisənin istehsal və kommersiya fəaliyyətinin son maliyyə nəticələrinin qiymətləndirilməsində əsas keyfiyyət göstəricisi hesab olunur. Müasir dövrdə mənfəət müəssisənin elmi-texniki, iqtisadi və sosial inkişafı üçün əsas vəsait mənbəyi rolunu oynayır. Bazar şəraitində mənfəət təkcə müəssisənin kommersiya fəaliyyətinin nəticələrindən deyil, eləcə də satılan məhsulun (iş və xidmətlərin) maya dəyərindən, satış qiymətindən, satışın həcmi və strukturundan, istehsal olunmuş məhsulun keyfiyyətindən, material resurslarının və enerji daşıyıcılarının bazar qiymətlərindən bilavasitə asılı olur. Ona görə də, magistr dissertasiya işində mənfəəti yaradan amillərin düzgün müəyyən edilməsi və onların dəqiq təsnifatı iqtisadi təhlilin yeni metodikasının hazırlanması üçün nəzəri və praktiki əhəmiyyətə malik prosedura sayılır.

4. Məlumdur ki, tədqiqat prosesi öyrənilən hər bir göstəricinin və ya amilin hesablanılma metodikasının işlənib hazırlanılmasından başlanılır. İqtisadi ədəbiyyatlarda mənfəət göstəricisinin hesablanılmasının müxtəlif aspektlərdə metodikası təklif edilir Bu metodikalar içərisində «məhsul (iş və xidmətlər) satışından yaranan pul gəlirləri ilə satılmış məhsulun tam maya dəyəri arasındakı fərq» kimi aparılan hesablama qaydası xüsusi yer tutur. Lakin, hesablamanın bu qayda üzrə aparılması müasir dövrün tələblərinə tam cavab vermir və mühasibat, idarəetmə və iqtisadi mənfəətin formalaşması prinsipinin tələbləri ilə uzlaşmır. Ona görə də, bazar münasibətləri şəraitində mənfəətin formalaşması konsepsiyalarının və modellərinin bu prizmadan tədqiqi həm maliyyə hesabatının və həm də onun müxtəlif blok istifadəçilərinin maraqları baxımından daha məqsədəuyğun sayıla bilər. Magistr dissertasiya işində mənfəət və rentabellik göstəricilərinin təhlili metodikasının səmərəliliyinin onların səviyyəsinin dəyişməsinə təsir göstərən amillərin müəyyən əlamətlər üzrə təsnifləşdirilməsindən xeyli asılı olduğu xüsusi vurğulanır. Məhz buna müvafiq olaraq təhlili prosesində mənfəət və rentabellik göstəricilərinin səviyyəsinə təsir göstərən amilləri «obyektiv və subyektiv», «intensiv və ekstensiv», «müəssisənin fəaliyyətindən asılı olan və asılı olmayn», «daxili və xarici» və sair kimi faktorlar blokuna bölünməsi istifadə edilməmiş daxili ehtiyat mənbələrinin aşkara çıxarılması üçün mühüm əhəmiyyət kəsb edir. Sadalanan amillər içərisində intensiv faktorlar önəmli yer tutur. Ona görə də, müəllifin fikrincə, tədqiqat prosesində mənfəət göstəricisi ilə intensiv faktorlar arasındakı funksional əlaqənin xarakterinin öyrənilməsi iqtisadi təhlilin metodikasının təkmilləşdirilməsi nöqteyi-nəzərindən xüsusi rol oynaya bilər. Magistr dissertasiya işində maliyyə nəticələrinin səviyyəsinə müxtəlif xarakterə malik çoxlu sayda amillərin təsir göstərdiyi xüsusi vurğulanır. Lakin, tədqiqatçının fikrincə amillərin sayı çox olduğundan iqtisadi təhlil prosesində onların təsirini hesablamaq praktiki cəhətdən mümkün olmur. Ona görə də, təhlil zamanı maliyyə nəticələrinin səviyyəsinə təsir göstərən faktorların «daxili və xarici» amillər blokuna bölünməsi təklif edilir. Müəllifin fikrincə, amillərin bu qayda üzrə təsnifatı müəssisənin fəaliyyətindən asılı olan və asılı olmayan faktorların təsirini dəqiq müəyyən etməyə imkan verir.

5. Bazar münasibətləri şəraitində iqtisadiyyatda müəssisənin yeri tamamilə yeni parametrlər, funksiyalar baxımından təyin edilir. Onun fəaliyyətinin effektivliyi müəssisənin real iqtisadi müstəqilliyini, rəqabət qabiliyyətini, daxili və xarici bazarlarda təsərrüfat subyektlərinin vəziyyətini təmin edən səmərəli idarəetmə fəaliyyətindən bilavasitə asılıdır. Hal-hazırda müəssisələrdə aparılan mühasibat (maliyyə) uçotu idarəetmənin bütün mərhələlərində idarəetmə funksiyalarını icra edən vəzifəli şəxsləri və menecerləri informasiya ilə tam təmin edə bilmir və bu zaman idarəetmə uçotunun yeni aspektdə təşkilinə ehtiyac yaranır. Doğrudan da, mühasibat uçotuna dair mövcud qanunvericilikdə və digər normativ sənədərlərdə göstərilir ki, müəssisə istehsal etdiyi məhsula, yerinə yetirdiyi iş və xidmətlərə tələbatı və sosial inkişafın təmin edilməsi zərurətini nəzərə alaraq öz fəaliyyətini planlaşdırır və inkişaf perspektivlərini müəyyən edir. Bütün bunlar idarəetmə qərarlarını hazırlamaq və icra etməklə tənzimlənir. Sahibkarlıq fəaliyyətində idarəetmə qərarları plan, normativ, texnoloji, uçot və analitik informasiyalardan istifadə olunmaqla və aparılan təhlilin nəticələrinə istinad etməklə hazırlandıqda daha təsirli, icra mexanizmi isə asan olur. İdarəetmə qərarlarının yerinə yetirilməsinə nəzarət və onların tənzimlənməsi operativ uçot məlumatlarını müvafiq biznes-plan məlumatları ilə müqayisə etməklə təmin olunur. Müəssisənin gələcək inkişafının planlaşdırılması və koordinasiya edilməsi də uçot informasiyası əsasında xüsusi təhlil üsullarının köməyi ilə aparılan analitik hesablamalara əsaslanır. Deməli, bazar şəraitində idarəetmənin təkmilləşdirilməsi, onun həm sahibkarların və həm də dövlətin mənafeyi baxımından tamamilə yenidən qurulması idarəetmə uçotunun yeni aspektdə təşkilini və aparılmasını tələb edir.

6. Əvvəlki punktda deyildiyi kimi, aparılan təhlil işlərinin kefiyyəti onun informasya təminatından bilavasitə asılıdır. Lakin, müasir dövrdə mühasibat uçotu və hesabatları bazar iqtisadiyyatının tələblərinə cavab vermir. Belə bir şəraitdə maliyyə nəticələrinin uçotunun təkmilləşdirilməsi bir problem kimi meydana çıxır. Mövcud praktikanın təhlili ilk növbədə maliyyə nəticələrinin ilkin uçotunun təkmilləşdirilməsini tələb edir. Çünki, mühasibat uçotu və hesabatların beynəlxalq standartlarına keçilməsi ilə əlaqədar olaraq bir sıra daxili hesabat formalarının ləğv edilməsi maliyyə nəticələrinin idarə edilməsi üçün zəruri olan informasiyanın itməsinə səbəb olur. Belə bir şəraitdə ilkin uçot əsas informasiya daşıyıcısına çevrilir. İlkin uçotun təkmlləşdirilməsi üçün, zənnimizcə, müasir informasya texnologiyalarından istifadə, sənəd dövriyyəsinin sistemləşdirilməsi, sabit rekvizitlərin ləğv edilməsi, mənfəət və zərərlərin uçotunu özündə əks etdirən standartlaşdırılmış hesabat formalarının tətbiqi mühüm rol oynaya bilər.

İSTİFADƏ OLUNMUŞ ƏDƏBİYYAT SİYAHISI
Azərbaycan dilində
1. Azərbaycan Respublikasının Mülki Məcəlləsi. – Bakı: «Hüquq ədəbiyyatı», 2007.-776 s.

2. Azərbaycan Respublikasının Vergi Məcəlləsi.-Bakı: «Hüquq ədəbiyyatı», 2011.-414 s.

3. «Mühasibat uçotu haqqında» Azərbaycan Respublikasının Qanunu.-Bakı, 29 iyun 2004-cü il.

4. Cəfərli H.A. İqtisadi təhlil. – Bakı: «Elm və təhsil», 2009. – 560 s.

5. Mahmudov İ.M., Zeynalov T.Ş., İsmayılov N.M. İqtisadi təhlil. – Bakı: «İqtisad Universiteti», 2011. – 794 s.

6. Müslümov S.Y., Kazımov R.N. Maliyyə təhlili. – Bakı: «Azərnəşr», 2011. – 312 s.

7. Səbzəliyev S.M., Quliyev V.M. İdarəetmə uçotu. – Bakı: «Elm və təhsil», 2014. – 524 s.

8. Səbzəliyev S.M. Maliyyə hesabatı: formalaşması və təkmilləşdirilməsi problemləri. – Bakı: «Elm», 2003. – 240 s.

Rus dilində
9. Артеменко В.Г., Беллендир М.В. Финансовый анализ. – 2-е изд., перераб. и доп.-М.: Изд-во «Дело и сервис», 1999. – 160 с.

10. Балабанов И.Т. Финансовый анализ и планирование хозяйствующего субъекта. – 2-е изд., доп. – М.: Финансы и статистика, 2000. – 208 с.

11. Бернстайн Л.А. Анализ финансовой отчетности: Теория, практика и интерпретация/ пер. с англ.; науч. Ред. И.И.Елисеева. – М.: Финансы и статистика, 1996. – 624 с.

12. Грузинов В.П., Грибов В.Д. Экономика предприятия. – М.: Финансы и статистика, 1998. – 208 с.

13. Грузинов В.Т. Экономика предприятия и предпринимательство. – М.: Софит, 1994. – 179 с.

14. Друкер П.Ф. Управление, нацеленные на результаты / пер. с англ. – М.: «Технологическая школа бизнеса», 1994. – 200 с.

15. Ендовицкий Д.А. Комплексный анализ и контроль инвестиционной деятельности: методология и практика / под ред. проф. Л.Т.Гиляровской. – М.: Финансы и статистика, 2001. – 400 с.

16. Ефимова О.В. Финансовый анализ. – 4-е изд., перераб. – и доп. – М.: «Бухгалтерский учет», 2002. – 528 с.

17. Ковалев В.В. Финансовый менеджмент: теория и практика. – 2-е изд., перераб. и доп. – М.: ТК Велби, Проспект, 2007, - 1024 с.

18. Ковалев В.В. Финансовый анализ: Управление капиталом. Выбор инвестиций. Анализ отчетности. – М.: Финансы и статистика, 1996. – 432 с.

19. Ковалев В.В. Финансовый анализ: методы и процедуры. – М.: Финансы и статистика, 2003. – 560 с.

20. Ковалев В.В. Курс финансового менеджмента. – 2-е изд., перераб. и доп. – М.: ТК Велби, Проспект, 2008. – 448 с.

21. Маркин Ю.П. Экономический анализ. – 3-е изд. – М.: «Омега-Л», 2011. 450 с.

22. Ришар Ж.Аудит хозяйственной деятельности предприятий: пер. с франц./под ред. Л.П.Белых. – М.: Аудит, ЮНИТИ, 1997. – 375 с.

23. Ришар Ж. Бухгалтерский учет: теория и практика//пер. с франц., под ред. Я.В.Соколова. – М.: Финансы и статистика, 2000. – 160 с.

24. Савицкая Г.В. Анализ хозяйственной деятельности предприятия:-2-е изд., перераб. и доп. – Ми.: ООО «Новое знание», 1997. – 498 с.

25. Самуэльсон П., Нордхаус В. Экономика/пер. с англ. – М.: «БИНОМ», 1997. – 800 с.

26. Финансы предприятий / Е.И.Бородина, Ю.С.Голикова, Н.В.Колчина, З.М.Смирнова, под ред. Е.И.Бородиной. – М.:ЮНИТИ, 1995. – 208 с.

27. Финансовый менеджмент: теория и практика/под ред Е.С.Стояновой. – М.: «Перспектива», 2003, 652 с.

28. Финансовый учет/под. Ред. проф. В.Г.Гетьмана. – 5-е изд., перераб. и доп. – М.: ИНФРА – М, 2012. – 784 с.

29. Хендриксен Э.С., Ван Бреда М.Ф. Теория бухгалтерского учета. – М.: Финансы и статистика, 1997. – 576 с.

30. Шеремет А.Д. Комплексный анализ хозяйственной деятельности. – М.: ИНФРА – М., 2008. – 416 с.