36
Çatışmayan cəhət isə tüstü qazlarının içərisində katalizator tozlarının
getməsidir. Ətraf mühitə atılan tullantı qazların tərkibində katalizator tozlarının
olması onun təmizlənməsini daha da çətinləşdirir, əlavə ekoloji problemlər yaranır.
Katalitik krekinq prosesinin texnoloji sxemi şəkil 5-də verilmişdir.
Şəkil 5. Katalitik krekinqin texnoloji sxemi;
1- istilikdəyişdiricilər; 2- borulu soba; 3- reaktor; 4- regenerator; 5-
tsiklon aparatları; 6- rektifikasiya kolonu; 7- seperator; 8- kotel-utilizator; 9-
nəmləndirici; 10-elektrosüzgəc; 11- hava soyuducusu; 12- soyuducu; 13-
nasos;
I- xammal; II- su buxarı; III-krekinq qazları; IV- krekinq benzini; V-yüngül
qazoyl fraksiyası; VI- ağır qazoyl fraksiyası; VII-su; VIII-tüstü qazları; IX- hava
Yüngül və ağır qazoyl istilik dəyişdiricilərdə (1) 200ºC-yə qızdırılaraq borulu
sobaya göndərilir. Burada xammal 480ºC-yə qədər qızdırılır, su buxarı ilə
qarışdırılır və reaktora (3) verilir. Reaktorda "qaynar layda" alümosilikat
katalizatorları iştirakında krekinq prosesi baş verir. Qaynar lay şərti adlandırma
olub, əslində heç bir layın qaynaması baş vermir. Reaktorda temperatur 480−500ºC
olur.
Reaksiya məhsulları tsiklonda (5) katalizator tozlarından təmizlənir,
soyuducudan (12) keçərək rektifikasiya kolonuna (6) daxil olur. Rektifikasiya
37
kolonunda qazlar yüngül və ağır qazoyldan ayrılır. Qazlar seperatorda (7) katalitik
krekinq benzinindən azad edilir. Benzinin bir hissəsi rektifikasiya kolonunu
suvarmaq üçün geri qaytarılır. Yüngül və ağır qazoyl istilikdəyişdiricilərdə (1)
soyudulur və lazımı məqsədlər üçün yığılır.
Zaman keçdikcə katalizatorun səthində koksun yığılması hesabına onun
aktivliyi itir. Katalizator regenerasiya edilmək üçün pnevmotransport vasitəsilə
aşağı endirilir və 550ºC-də hava ilə qarışdırılaraq regeneratora (4) qaldırılır.
Burada 550−600ºC-də koks yandırılmaqla katalizatorun pnevmotransport vasitəsilə
aşağı endirilərək xammala qarışdırılır və reaktora (3) verilir. Beləliklə tozvari
katalizator fasiləsiz olaraq reaktorala regenerator arasında hərəkət edir. Tüstü
qazları tsiklon aparatından (5) çıxaraq kotel-utilizatora daxil olur. Tüstü qazlarının
istiliyi hesabına su buxarlanır və alınan su buxarı xammala qarışdırılaraq reaktora
(3) verilir. Sonra tüstü qazları nəmləndiriciyə (9) daxil olur, burada su ilə suvarılır
və elektrosüzgəcə (10) göndərilir. Elektrosüzgəcdə tüstü qazları son olaraq
katalizator tozlarından təmizlənir və atmosferə buraxılır. Qeyd etmək lazımdır ki,
ən güclü atmosfer çirkləndiricisi olan katalizator tozlarının tutulması
elektrosüzgəclərin tutma qabiliyyətindən və gücündən asılıdır. Katalizator tozları
isə hava ilə qarışdırılaraq reaktora (3) verilir. Katalitik krekinq zamanı 10-15 %
tərkibində C
1
–C
5
doymuş və doymamış karbohidrogenləri saxlayan qaz qarışığı
80-90% C
3
–C
4
-dən ibarət olur.
Yüngül qazoyl dizel yanacağı, ağır qazoyl isə duda almaq üçün istifadə
olunur. Ağır qazoyl həm də termiki krekinqdə xammal kimi də tətbiq edilir. Tüstü
qazlarının tərkibi ekoloji problemlər yarada bilən 8-9 % CO, CO
2
, H
2
və su
buxarından ibarət olur.
Katalitik riforminq: Hazırda katalitik riforminq prosesi neftayırma
sənayesinin əsas proseslərindən biri sayılır. Bu prosesi aparmaqda məqsəd alçaq
keyfiyyətli benzin fraksiyalarından yüksək oktanlı komponentlər istehsal etməkdir.
Məlumdur ki, istər keçmiş ittifaqda, istərsədə xarici ölkələrdə ilk distillə
qurğularında alınan benzinlərin oktan ədədi az olmşdur. Məs, Ust-balıq neftindən
alınan q.b. −150ºC-də qovulan fraksiyanın oktan ədədi 50-51olur. Bu fraksiyanı
38
riforminq prosesindən keçirdikdə ondan oktan ədədi (motor üsulu ilə) 80-90 olan
80-85 % benzin alınır.
İlk distillə benzinlərindən başqa, katalitik riforminq prosesində xammal kimi
kokslaşma, termiki krekinq və hidrokrekinq proseslərində alınan benzin
fraksiyalarından da istifadə etmək olar.
Bütün bu fraksiyaların neftə görə çıxar faizi bir o qədər də yüksək deyil (bir
qayda olaraq, neftə görə 15-20 %), ona görə riforminq qurğularının məhsuldarlığı
katalitik krekinq qurğularına nisbətən az olur. Buna baxmayaraq katalitik riforminq
prosesinin daha da genişləndirilməsinə böyük diqqət yetirilir.
Katalitik riforminq prosesinin üstün istiqamətlərindən biri də hidrogenləşmə
prosesi üçün lazım olan ucuz hidrogen tərkibli qazların alınmasıdır.
Katalitik riforminq qurğusu ilk dəfə 1940-cı ildə istifadəyə verilib. Bu
qurğularda katalizator kimi alüminium oksidi üzərində hopdurulmuş xrom və ya
molibden oksidindən istifadə edilirdi. Katalitik riforminq prosesində alçaq
keyfiyyətli liqroin fraksiyasından oktan ədədi ≈80 olan benzin fraksiyası alındı. Bu
prosesin sənayedə daha da geniş yayılmasına ikinci dünya müharibəsində kimya
sənayesində toluol əsasında trinitrotoluolun (partlayıcı maddə) alınması səbəb
oldu.