55
3.2. NEFTLƏ ÇİRKLƏNMİŞ ÇİRKAB SULARIN
TƏMİZLƏNMƏSİ VƏ YENİDƏN SİSTEMƏ QAYTARILMASI
ŞƏRTLƏRİ
Çirkab sularını neft məhsullarından təmizləmək üçün neft tutucularından
(durultma), flotasiya və süzmə üsullarından istifadə edilir. Durultma üsulu ilə
çirkab suların təmizlənməsi geniş yayılmış və ən effektli üsul hesab olunur.
Neft məhsullarının xırda hissəcikləri səthi gərilmə qüvvəsinin təsirindən
kürəvi şəkildə olur və bu hissəciklərin ölçüsü 200-300 mkm olur. Neft
məhsullarının sıxlığı suyun sıxlığından kiçik olduğu üçün neft hissəcikləri
həmişə suyun səthinə doğru hərəkət edir. durultma zamanı hissəciklərin
hərəkət etdirici qüvvəsi sıxlıqlar fərqli olur. Neft tutucuların faydalı işinə
suyun temperaturunun böyük təsiri olur. Suyun temperaturu artdıqca onun
özlülüyü azalır, bu isə öz növbəsində yağ hissəciklərinin ayrılmasını xeyli
sürətləndirir. Təcrübələrə əsasən demək olar ki, suyun temperaturu 30
0
C-dən
aşağı olduqda neft məhsulları tutucuda çökür, 30-40
0
C-də yağ hissəcikləri
asılı halda olur və yalnız 40
0
C-dən böyük temperaturlarda onlar suda üzürlər.
Qeyd etmək lazımdır ki, durultma üsulu ən geniş yayılmış səmərəli üsul
olmasına baxmayaraq bu üsulla neftli çirkab suların neftdən təmizlənməsi 30-
40% təşkil edir.
Hazırda neftli suyun nazik təbəqələrə ayrılması ilə təmizlənmə
prosesinin aparılması üçün xüsusi neft tutucu qurğular işlədilir. Bu təmizləmə
prosesinin düzgün getməsi üçün neftlə çirklənmiş suyun bütün kanallar boyu
bərabər paylanmasını təmin etmək, suyun temperaturunun sabit saxlanılması
şərti təmin olunmalıdır. Bu şərtlər daxilində tərkibində yalnız 200-800 mq/kq
neft məhsullarını təmizləmək mümkün olur və halda suyun təmizlənməsi 93-
95% təşkil edir.
56
Qeyd etmək lazımdır ki, “durultma” yolu ilə neft məhsullarının sudan
ayrılması çox yavaş gedir. Neft məhsullarının çirkab sulardan ayrılmasını
sürətləndirmək üçün flotasiya üsulundan geniş istifadə edilir. Flotasiya üsulu
ilə təmizləmə, yağ maddələrinin suda süni yolla əmələ gələn hava
qabarcıqlarının üzərinə toplanaraq suyun səthinə qalxması prinsipinə
əsaslanır.
Flotasiya qurğularında qabarcıqların yaranması müxtəlif üsullarla alınır
və bu prosesdə başlıca məsələlərdən biri su ilə havanın böyük ayrılma
səthinin yaradılmasıdır. Bu isə suda olan hava qabarcıqlarının artırılması və
dispersliyinin çoxaldılması ilə mümkün olur. Kiçik qabarcıqların çox
olmasını əldə etmək üçün mexaniki, elektroliz və hava ilə doydurulmuş neft
məhsulları ilə çirklənmiş suyun aşağı təzyiq mühitinə verilməsi üsullarından
istifadə edilir. Təcrübələrə əsasən demək olar ki, ən yaxşı təmizləmə aparmaq
üçün qabarcıqların ölçüləri 15-30 mkm olmalıdır. Belə ölçülü qabarcıqların
neft ilə üzmə sürəti orta hesabla 0,0009 m/san olur, yəni ölçüləri 1,5 mkm
olan neft hissəciklərinin üzmə sürətindən 900 dəfə böyük olur.
Onu da qeyd etmək lazımdır ki, flotasiya prosesi az səmərəli təmizləmə
prosesi hesab olunur, çünki, suyun səthinə yığılan köpükləri xaric etmək üçün
flotator qurğusunda “qaşıyıcı” mexanizmlərdən istifadə edilir.
Neft məhsulları ilə çirklənmiş suların son mərhələdə tam təmizlənməsi
üçün xüsusi süzucu materiallarla yüklənmiş süzgəclərdən istifadə
olunmasıdır. Süzgəclərdə neft məhsullarının tutulması süzücü materiallardan
süzülən zaman neft məhsullarının onların səthinə yapışıb qalması prinsipinə
əsaslanır.
Neftli suların süzülmə ilə təmizlənməsi mexanizmi belədir. Neft
məhsulları əvvəlcə süzücü materialın səthinə toplanır və sonra kiçik
məsamələrə dolaraq süzücü materialı tam örtür. Bu zaman süzülmə
prosesinin ilk mərhələsi üçün süzücü dənələrin xarici səthinin quruluşunun
57
böyük əhəmiyyəti vardır. Süüzücü materialın səthi hidrofob şəklində olan yağ
hissəciklərinin yapışması yaxşı gedir, hidrofil şəklində olanda isə pis gedir,
burada dənələrin səthində hidrat örtüyü olduğundan yağ məhsulları dənələrin
səthinə yapışa bilmir. Onu da qeyd etmək lazımdır ki, hidrofil səthlərə malik
olan süzücü materiallarda da neft məhsulların yapışması gedə bilir. Bunun
üçün hidrat təbəqəsi sıxışdırılmalıdır. Ona görə də hidrofil səthlərdə əvvəlcə
neft hissəciklərinin yapışması zəif gedir və müəyyən vaxtdan sonra
intensivləşir, başqa sözlə hidrofil səthlər hidrofob səthlər kimi işləmiş olur.
Süzgəclərdə tutulan yağ hissəcikləri əvvəlcə yuxarı təbəqədəki süzücü
materialın məsamələrinə dolur. Müəyyən vaxtdan sonra həmin təbəqə yağ
maddələri ilə dolur. Nəticədə süzücü material iş qabiliyyətini itirmiş olur.
Doyma prosesi davam edərsə onda süzücü material tutduğu yağ hissəciklərini
saxlaya bilmir və onlar suyun axma istiqamətində təbəqə şəklində kanalın
divarı ilə axır. Müəyyən vaxtdan sonra su selindən ayrıaln yağın miqdarı ilə
nazik təbəqə şəklində axan yağ miqdarının arasında tarazlıq yaranır və
nəticədə təbəqənin doyması mümkün olduqca maksimal qiymətə qədər
davam edir.
Neftlə çirklənmiş suların təmizlənməsində kvars qumu və antrasit
dənələri doldurulmuş süzgəclərdən daha geniş istifadə edilir. bəzən isə
sulfokömürdən də istifadə edilir.
Süzgəclərin regenerasiyası təzyiqi 0,03 – 0,04 MPa olan su buxarı ilə
aparılır. Bu zaman yağ hissəcikləri əvvəlcə qızır, sonra təzyiq altında
sıxışdırılıb çıxarılır, buxar isə kondensata çevrilir. Bu halda buxarın sərfi
(kondensat hesabı ilə) süzücü materialın 1-2 həcminə qarşı 1 həcm götürülür.
Regenerasiya müddəti neft məhsullarının növündən və neftin tutulma
dərəcəsindən asılı olaraq 3 saata qədər davam edə bilər.
Dostları ilə paylaş: |