47
2.5 , kənd təsərrüfatında isə 11-ə yaxındır. Belə bir əlaqənin müəyyən olunması
ölkəmiz üçün də çox önəmlidir. Belə ki, Azərbaycan bir tərəfdən neft
ixracatçısıdır (neftin dünya bazar qiymətinin qalxması əlavə gəlir gətirir və ya
əksinə), digər tərəfdən isə, artan neft qiymətləri dünyada ərzaq qiymətlərinin, o
cümlədən idxal olunan ərzağın qiymətinin yüksəlməsinə səbəb olur. Dünya
Bankının hesablamalarını və ölkədə ərzağın istehlak səbətində payını nəzərə
alsaq, deyə bilərik ki, neftin dünya bazar qiymətinin hər 10 qalxması ölkədə 1.5-2
inflyasiyaya səbəb ola bilər [1].
İqtisadiyyatda liberallaşmanın davam etdirilməsi, biznes mühitinin yaxşılaş-
dırılması, xüsusi mülkiyyətin qorunması, qanunların aliliyi, vergi yükünün azaldıl-
ması və iqtisadiyyatın inzibati metodlarla tənzim edilməsindən imtina edilməsi,
beynəlxalq standartlara uyğun demokratik vətəndaş cəmiyyətinin qurulması
Azərbaycan hökuməti və Azərbaycan cəmiyyəti qarşısında duran prioritet vəzifə-
lərdəndir. Artıq bütün dünyada iqtisadi azadlıq, kapital və malların hərəkətinə
maneələrin aradan qaldırılması, sərbəst ticarət, vətəndaşların iqtisadi və mülkiyyət
hüquqlarının qorunması prosesləri çox sürətlə gedir. Azərbaycanda da bu
proseslərin həyata keçirilməsi üçün siyasi və iqtisadi islahatlar aparılır. Qeyd edək
ki, bu problemlərin həlli sahəsində əsaslı tədbirlərin və islahatların həyata
keçirilməsinə baxmayaraq, hələ də həllini gözləyən xeyli problemlər qalmaqdadır.
Azərbaycanın dünya iqtisadiyyatına inteqrasiyasında önəmli vəzifələrdən biri
də beynəlxalq təşkilatlarla əməkdaşlığın genişləndirilməsidir. Azərbaycanın
Dünya Bankı, BVF, AYİB və BMT-nin təşkilatları ilə ikitərəfli əlaqələri keçən
əsrin 90-cı illərində yaradılıb. Lakin dünyanın aparıcı reytinq təşkilatları ilə
əməkdaşlıq hələ yüksək səviyyədə qurulmayıb. Son illər liberallaşma, özəl
mülkiyyətin inkişafı, biznes mühitinin yaxşılaşdırılması və xarici investisiyalara
əsaslı güzəştlərin edilməsi sahəsində islahatların aparılmasına baxmayaraq,
beynəlxalq təşkilatların reytinqində ölkəmizin tutduğu mövqe hələ də yüksək deyil.
Reytinqin
aşağı
olması
isə
Azərbaycanın
xarici
iqtisadi
əlaqələrinin
genişlənməsinə mənfi təsir göstərir. Xarici iqtisadi sferanın və bütünlükdə biznes
48
mühitinin yaxşılaşdırılması məqsədilə ölkədə baş verən iqtisadi proseslər haqqında
dolğun məlumatların beynəlxalq səviyyədə təbliğ edilməsinə ehtiyac vardır.
2.2. Azərbaycanda investisiya fəaliyyətinin mövcud vəziyyətinin təhlili
Ölkənin sosial-iqtisadi inkişafı investisiya fəaliyyətinin miqyas və istiqamət-
lərindən əhəmiyyətli dərəcədə asılıdır. Həyata keçirilən investisiya qoyuluşları
istehsalın texniki-iqtisadi səviyyəsini, iqtisadiyyatın struktur baxımından yenidən
qurulmasını, bütövlükdə, sosial-iqtisadi problemlərin həllini müəyyən edir.
Azərbaycan iqtisadiyyatının bazar münasibətlərinə keçidinin ilk dövürlərində
iqtisadi fəallığın aşağı düşməsi ilə yanaşı ölkədə investisiya qoyuluşlarının həcmi
də kəskin şəkildə azalmışdır. Belə ki, 1993-cü ildə həyata keçirilmiş kapital
qoyuluşlarının həcmi 1990-cı il səviyəsinin 28,8 faizini təşkil etmişdir. Keçid
dövrünün ilk dövrlərində belə azalma əsasən iki qrup amillərin təsiri ilə baş
vermişdir. Birinci qrup amillər, ölkədə istehsalın texniki-iqtisadi səviyyəsinin aşağı
olması və onun dünya iqtisadiyyatına inteqrasiya imkanlarının məhdudluğu ilə,
ikinci qrup amillər isə ölkədə həyata keçirilən islahatların gedişi ilə əlaqədar
olmuşdur. Bu dövürdə ölkədə baş verən siyasi və iqtisadi qeyri-sabitlik və iqtisadi
islahatların
ardıcıl
həyata
keçirilməməsi
yüksək
investisiya
riskinin
formalaşmasına gətirib çıxarmışdır. Belə ki, 1990-1996-cı illər ərzində ölkədə
qiymətlərin səviyyəsi təqribən 26 min dəfə artmışdır ki, bu da iqtisadi fəallığın
aşağı düşməsinə səbəb olmuşdur. Qeyd edilən dövürdə ümumi daxili məhsulun
həcminin təqribən 2,4 dəfə azalması istehsal güclərinin yüklənmə səviyyəsinin
aşağı düşməsinə gətirib çıxarmışdır. Ölkədə məcmu təklifin azalması əsasən
qiymətlərin liberallaşması nəticəsində daxili tələbin azalması, xarici rəqabətin
güclənməsi hesabına ölkənin ixrac imkanlarının məhdudlaşması, istehsalçıların
yeni
qiymət
proporsiyalarına
və
bazar
münasibətlərinin
tələblərinə
uyğunlaşmasında yaranan problemlərlə əlaqədar olmuşdur. Satışın həcminin
azalması ilə yanaşı təsərrüfat subyektlərinin maliyyə vəziyyətlərinin pisləşməsi
investisiya qoyuluşlarının maliyyələşdirilməsinin daxili mənbələrini kəskin şəkildə
məhdudlaşmışdır. Belə ki, sərəncamda qalan gəlirlərdə qənaətin payı 1990-cı ildə
49
29,8 faizdən 1996-cı ildə 2,4 faizə qədər azalmışdır (Cədvəl 2.1). Qeyd edilən
dövürdə gəlirlərin təqribən 2,5 dəfə azaldığını nəzərə alsaq, onda ölkədə 1996-cı
ildə investisiya qoyuluşlarının daxili mənbəyinin həcminin 1990-cı ilə nisbətən
təqribən 30 dəfə azaldığı qənaətinə gəlirik. 1990-1996-cı illərdə daxili mənbələr
hesabına investisiya qoyuluşları 2,6 dəfə azalmışdır ki, bu da ölkədə ümumi daxili
məhsulun kəskin şəkildə azalması nəticəsində qənaətə meyilliliyin azalması
hesabına baş vermişdir.
Cədvəl 2.1
Sərəncamda qalan gəlirlərin bölgüsü (milyard manat)
Göstəricilər
Illər
1995 2000 2005 2006 2007 2008 2009 2010 2011 2012 2013 2014
Ümumi daxili məhsul
2,1
8,5 12,5 18,7 28,4 40,1 35,6 42,5 52,1 54,7 58,2 59,0
Sərəncamda qalan
gəlirlər
2,2
5,1 12,1 17,5 25,4 37,3 34,0 40,8 49,4 52,0 55,6 12,1
o cümldən:
Son istehlak xərcləri
2,1
3,8
6,6
8,6 12,2 16,8 19,2 21,3 24,7 27,4 30,4 6,6
Qənaət
0,2
1,4
5,5
9,0 13,2 20,5 14,8 19,5 24,8 24,7 25,3 25,5
Əsas kapitala investisiya qoyuluşlarının maliyyələşdirilməsinin əsas
mənbələrindən biri bank kreditləridir. Xarici ölkələrin təcrübəsi göstərir ki,
iqtisadiyyatın maliyyələşdirilməsində banklar mühüm rol oynayır. 1995-2014-ci
illərdə əsas kapitala investisiya qoyuluşarının maliyyələşdirilməsinə yönəldilmiş
kreditin həcmi təqribən 63,9 dəfə artsa da, investisiya qoyuluşlarının ümumi
həcmində payı 8,4 faizdən 6,8 faizə qədər azalmışdır. Buna da ölkədə neft
kontraktlarının və Bakı-Ceyhan boru xəttinin çəkilməsi ilə əlaqədar xarici
investisiya qoyuluşlarının həcminin və büdcə və büdcədən kənar fondlar
tərəfindən maliyyələşmənin artması səbəb olmuşdur.
Cədvəl 2.2 -nin məlumatlardan göründüyü kimi, ölkə iqtisadiyyatına kredit
qoyuluşlarının həcmi artmaqdadır. Hazırda, uzunmüddətli kreditlərin payı ümumi
kredit qoyuluşlarının həcmində payı artmaqdadır. Bununla belə, uzunmüddətli
kredit qoyuluşlarının heç də hamısı əsas kapitala investisiya qoyuluşlarına
yönəldilmir. Bu əsasən ölkədə uzunmüddətli istifadədə olan istehlak məhsullarının
kreditləşdirilməsi ilə əlaqədar olmuşdur.
Dostları ilə paylaş: |