75
torpaq sahələri üzərində mülkiyyət, istifadə və icarə hüquqlarının
rəsmiləşdirilməsi prosedurlarının sadələşdirilməsi.
Beləliklə, hazırda kənd təsərrüfatının inkişaf etdirilməsi dövlətin iqtisadi
siyasətinin əsas istiqamətlərindən biri olmalıdır.
Beləliklə, investisiya qoyuluşlarının prioritet istiqamətlərini müəyyən
edərkən, ilk növbədə, iqtisadi resursların iqtisadiyyatın real sektoruna yönəldilməsi
və onun digər sahələrin inkişafı üçün əsas olmasını nəzərə almaq zəruridir.
Bununla belə, investisiya qoyulularının istiqamətlərinin müəyyən edilməsinə
əlaqədar sahələrin inkişaf səviyyəsi əhəmiyyətli şəkildə təsir göstərir. Ölkədə
iqtisadiyyatın səmərəli inkişafını təmin etmək üçün yüksək səviyyəli enerji
kompleksinin, nəqliyyat sisteminin, sənaye və kənd təsərrüfatının satışı sisteminin
və s. mövcud olması vacibdir.
Ölkənin maddi istehsal sahələrinin inkişafı infrastrukur sahələrin inkişafından
əhəmiyyətli dərəcədə asılıdır. Buna görə də, gələcəkdə istehsala xidmət sahələrinin
inkişaf səviyyəsi ölkədə həyata keçiriləcək investisiya qoyuluşlarına əhəmiyyətli
dərəcədə təsir göstərəcəkdir.
Bazar iqtisadiyyatı istehsal infrastrukturuna xüsusi tələblər irəli sürür,
çünki ölkənin müəssisə və təşkilatlarının iqtisadi fəaliyyəti, dolayı yolla isə
əhalinin həyat səviyyəsi bu sahənin inkişafından əhəmiyyətli dərəcədə asılıdır.
Istehsala xidmət sahələrinin inkişaf səviyyəsi ölkədə istehsal olunun məhsulun
maya dəyərinə, istehsalın səmərəliliyinə, iş vaxtı itkisinin azaldılması və əmək
məhsuldarlığının yüksəldilməsinə bilavasitə təsir göstərir.
Təhlil göstərir ki, hazırda ölkədə istehsala xidmət sahələrinin əsas fondlarının
əhəmiyyətli hissəsi köhnəlmişdir və yenidən qurulmaya ehtiyac vardır. Bu
sahələrin texniki-texnoloji bazası keyfiyyətli xidmət göstərilməsi imkanlarını
məhdudlaşdırdığından, bu amil iqtisadi inkişafa mənfi təsir göstərməklə investisiya
qoyuluşlarının səmərəliliyini aşağı salır. Ölkədə istehsala xidmət sahələrinin
texniki-iqtisadi vəziyyətinin yaxşılaşdırılması bu sahədə sahibkarlığın və rəqabət
mühitinin inkişafına yönəldilmiş kompleks tədbirlərin həyata keçirilməsi hesabına
mümkündür. Məhsul istehsalı sahələri ilə infrastruktur sahələrinin qarşılıqlı
76
əlaqədə inkişafını nəzərə alaraq bu sahələrin sinxron inkişafının təmin olunması
məqsədəuyğundur. Maddi istehsal və istehsala xidmət sahələri arasında sıx qar-
şılıqlı əlaqə onların inkişafının struktur proporsiyalarının müəyyən olunması və bu
proporsiy
aların təmin olunmasını mühüm məsələ kimi qarşıya qoyur. Ölkədə
struktur proporsiyalarının formalaşdırılması real sektorla ona xidmət edən istehsala
xidmət sahələri arasında nisbətin təmin edilməsinə istiqamətlənir. Bu sahələrin
inkişafının əlaqələndirilməsi çox mühüm məsələdir, çünki struktur pro-
porsiyalarının pozulması maddi itkilərə və iqtisadiyyatın səmərəliliyinin aşağı
düşməsinə səbəb olur. Dünya təcrübəsi göstərir ki, yalnız maddi istehsalın in-
kişafına yönəldilmiş birtərəfli tədbirlər arzu olunan nəticənin əldə olunmasına gə-
tirib çıxarmır. Inkişaf etmiş ölkələr sənayedə, kənd təsərrüfatında və tikintidə
inkişafa nail olaraq, hər şeydən əvvəl istehsala xidmətlər bazarınının genişlənmə-
sinə və burada rəqabətin inkişafına nail olmuşlar. Çünki çox vaxt maddi istehsal
sahəsində böhran vəziyyətinin yaranması səbəblərindən biri istehsala xidmət
sahələrinin inkişaf səviyyəsinin maddi istehsalın təlabatlarına cavab verməməsi ol-
muşdur. Məsələn, kənd təsərrüfatı məhsullarının rəqabət qabiliyyətlərinin aşağı
olmasının səbəblərindən biri istehsalçı ilə istehlakçını əlaqələndirən informasiya
sisteminin olmaması, soyuducu qurğuların istifadə olunması əsasında onların sax-
lanması sisteminin inkişaf etməməsi, alıcılar üçün servis xidmətlərinin məhdud
olması və s. ilə əlaqədardır. Digər misal, yolların pis vəziyyətdə olmasından
daşınan məhsullarda itkilər artır, nəqliyyat vasitələrinin xidmət müddəti azalır.
Buna görə də, infrastruktur sahələrin inkişafı investisiya qoyuluşlarının prioritet
istiqamətlərindən olmaldır.
Bütövlükdə, istehsala xidmət sahələrinin təkmilləşdirilməsinin bir neçə yolu
vardır. Birinci variant dövlətin aktiv rounu nəzərdə tutur. Dövlət infrastruktur
sahələrin inkişafına böyük həcmdə investisiya vəsaitləri qoymalı, bu sahələrin
inkişafını stimullaşdırmalıdır. Ikinci variant, xüsusi sektorun istehsala xidmət
sahələrinin inkişafına cəlb olunmasının stimullaşdırılması ilə əlaqədardır.
Praktikada istehsala xidmət sahələrinin inkişafı həm dövlətin, həm də xüsusi
sektorun iştirakı ilə təmin olunur.
77
Azərbaycan Respublikasıda bazar münasibətlərinə keçidin ilk illərində ya-
ranmış böhran ölkənin hərtərəfli sosial-iqtisadi inkişafını məhdudlaşdırmışdır.
Uğurlu neft strategiyasının həyata keçirilməsi nəticəsində yaranmış imkanlar uzun
illər ərzində yığılıb qalmış problemlərin həllini tələb edir. Sosial-iqtisadi inkişaf
qarşısında duran problemlərin çoxluğu həyata keçirilən investisiy
a qoyuluşları
arasında tam əlaqəliliyin və kompleksliliyin təmin olunmasını çətinləşdirir.
Ölkənin maliyyə imkanlarının artması və son illərdə həyata keçirilmiş tədbirlər
gələcəkdə investisiya qoyuluşlarının prioritet istiqamətlərinin seçilməsini də
asanlaşdıracaqdır. Eyni zamanda, sosial-iqtisadi problemlərin nisbətən azalması
həyata
keçirilən
investisiya
layihələrinin
bir-birləri
ilə
tam
şəkildə
əlaqələndirilməsinə imkan verəcəkdir.
Hazırda hökumətin iqtisadi siyasətinin prioritet istiqamətlərindən bir də
məhsuldar qüvvələrin ərazi üzrə rasional yerləşdirilməsinə nail olmaqdır. Təcrübə
göstərir ki, bazar qüvvələri məhsuldar qüvvələrin ərazi üzrə optimal bölgüsünə
gətirib çıxarır. Buna görə də, iqtisadiyyatın ərazi strukturunun təkmilləşdirilməsi
məqsədilə dövlət tərəfindən tədbirlərin həyata keçirilməsi vacibdir. Hazırda ölkə-
nin regionlarında biznesin inkişaf səviyyəsi mövcud olan potensialdan əhəmiyyətli
şəkildə geri qalır. Bununla əlaqədar olaraq, bu sahədə 11 fevral 2004-cü il
tarixində qəbul edilmiş «Azərbaycan Respublikası regionlarının sosial-iqtisadi in-
kişafı Dövlət Proqramı (2004-2008-ci illər)» həyata keçirilməkdədir.
Qeyd etmək lazımdır ki, kiçik dövlətlərdə realaşdırma problemini milli
iqtisadiyyat çərçivəsində həll etmək mümkün deyildir və ictimai əmək bölgüsü
beynəlxalq əmək bölgüsü ilə sıx əlaqədar olur. Hələ 1987-ci ildə ölkədə istehlakın
44,0 faizi idxal hesabına ödənirdi, istehsalın isə 49,0 faizi ixrac olunurdu. 2014-ci
ildə idxalın ümumi daxili məhsula nisbəti 35,5 faizə, ixracın nisbəti isə 36,6 faizə
bərabər olmuşdur. Təcrübə göstərir ki, kiçik ölkələrdə iqtisadi inkişafa xarici
iqtisadi əlaqələr əhəmiyyətli şəkildə təsir göstərir. Belə şəraitdə ölkədə
ixracyönümlü istehsalların inkişaf etdirilməsi və istehsal edilən məhsulun rəqabət
qabiliyyətinin yüksəldilməsi iqtisadi siyasətin əsas istiqamətlərindəndir. Bu isə
bilavasitə istehsalının texniki-iqtisadi səviyyəsinin yüksəldilməsindən asıldır. Buna
Dostları ilə paylaş: |