13
Kobb-Duqlas istehsal funksiyası riyazi olaraq, məhsul istehsalı (Y) ilə ona təsir
edən əsas fondlar ( K – kapital ) və işçi qüvvəsi ( L) arasındakı kəmiyyət
xarakteristikasını öyrənir və aşağıdakı şəkildədir.
1
,
L
aK
Y
(1.1)
burada, , parametrlərdir və Y-in uyğun olaraq K və L-ə görə elastiklik
əmsallarıdır; a- sabit ədəddir.
Kobb-Duqlas funksiyasında
mənfəətin və xərclərin xüsusi çəkisinin
dəyişmədiyi, yığımın olmadığı və istehsalın (əmək və kapital) elastikliyinin vahidə
bərabər olduğu fərz edilir. Istehsal amillərinin bir-birini əvəz etmələri sıfırla vahid
arasında tərəddüd edir və adətən, vahiddən kiçikdir. Burada qarşılıqlı əvəzetmələrin
hüdudu texniki inkişaf səviyyəsi ilə müəyyən edilir və əməyin kapital ilə əvəz
olunması imkanları nəzəri cəhətdən sonsuzdur. Istehsal amilləri keyfiyyətinin
dəyişməsi nəzərə alınmır, yəni, texniki tərəqqi sərfnəzər edilir. Buradan da belə bir
nəticə çıxarmaq olar ki, funksiya yalnız ekstensiv iqtisadi artım üçün münasibdir.
İqtisadi artım modellərinin müəyyən edilməsində əhəmiyyətli nəzəriyyələrdən
biri də neoklassik sintez nəzəriyyəsidir. Neoklassizm və keynsçilik sintezinin əsasını
neokeynsçi iqtisadçılar (Nobel mükafatı laureatları C.Hiks və P.Samuelson)
qoymuşdu. Onlar Keynsin nəzəriyyəsinə neoklassik təsvir vermiş, onu neoklassik
iqtisadçı adlandırmış və onun iqtisadi nəzəriyyəsinin neoklassik ənənələri və kökləri
haqqında danışmışlar. "Neoklassik sintez" anlayışı ilk dəfə 1937-ci ildə ingilis
iqtisadçısı C.Hiks tərəfindən işlənilmişdi. Neoklassik sintez keynsin nəzəriyyəsilə
neoklassik iqtisadi artım nəzəriyyəsinin sintezidir.
İqtisadi tsiklin sintetik nəzəriyyələrində müntəzəm olaraq makroiqtisadi
proseslərin bütün müəyyənedici amillərinin təsvirini vahid modeldə vermək cəhdləri
edilir. Bu istiqamət üzrə C.Hiks, P.Samuelson, M.Kaletski, Y.Tinberqen və başqaları
tərəfindən mühüm işlər görülmüşdür. P.Samuelson multiplikator və akselerator
mexanizmlərini daxil etməklə investisiya və istehlak proseslərinin qarşılıqlı təsirini
birgə əks etdirən modelin qurulmasına nail olmuşdur. Model əsasında istehlaka
meylin müxtəlif səviyyələrində iqtisadi artımın xarakteristikaları tsiklik dəyişmələrin
14
parametrləri və müəllifin vahid kimi qəbul etdiyi nisbət və ya akselerator hesablanır
[61
].
Lakin bu sahədə D.Hiksin tədqiqatları daha çox tanınmışdır və iqtisadi dinamika
onun tədqiqatında bir-biri ilə bağlı modellər şəklində təsvir edilir [56]. Hiks
modelinin maraqlı cəhətlərindən biri multiplikator-akselerator birgə mexanizminin
nəticələrinin araşdırılmasıdır. Belə ki, multiplikasiya - akselerator mexanizminin
törətdiyi enib-qalxmalar bir qayda olaraq üç kateqoriyaya: sönən, sıçrayışlı və
müntəzəm enib-qalxmalara bölünür. Sönən enib-qalxmada kənarlaşmanın həddi yox
olanadək azalır və gəlir əldə olunan səviyyəni saxlayırsa, sıçrayışlı enib-qalxmada
kənarlaşmanın həddi tədricən artır, müntəzəm enib-qalxmada isə kənarlaşmanın
həddi sabit olur. Enib-qalxmanın forması isə istehlaka maksimal meylliyin və
akseleratorun kəmiyyətindən asılı çıxış edir.
Əsərləri bütün dünyada məşhur olan, hətta Sovet İttifaqında da dəfələrlə çap
olunan P.Samuelson da iqtisadi artım və inkişaf problemlərinə xüsusi diqqət
vermişdir. O, iqtisadi artımın çoxaspektli olmasına diqqəti çəkərək, iqtisadi artımın
müxtəlif ölkələrdə aşağıdakı təzahürlərini qeyd edirdi:
əhalinin artımı;
istehsalın ümumi miqyas və məşğulluğun dinamikası;
milli məhsulun artımı;
həyat səviyyəsi standartları ilə müqayisədə tipik ailənin həyat səviyyəsinin
yüksəlməsi;
günlük vaxt balansında asudə vaxtın payının dəyişməsi;
daim ağır və yorucu əməklə məşğul olanların vəziyyətinin yüngülləşməsi.
P.Samuelson iqtisadi artımın bütün sadalanan aspektlərini insanların ömür
müddətinin bioloji fakt kimi uzanması, xəstələnmə hallarının azalması ilə, həmçinin
təhsilin, elmin və texnologiyanın inkişafı ilə bağlayır. Samuelsonun əsərləri məhz bu
aspektdə, monetaristlərin birtərəfli əsərlərindən fərqlənir. P.Samuelsonun əsərlərində
iqtisadiyyatın makrotənzimləmə problemlərinə böyük diqqət yetirilir. Lakin dövlətin,
az qala hər şeyi, antiböhran tənzimlənməsi, iqtisadi artıma mane olan bütün neqativ
təsirləri neytrallaşdırması və s. imkanları və rolu bir qədər şişirdilir.
15
P.Samuelsonun əsərlərində dövlətin iqtisadi siyasətinin reallaşması üçün
aşağıdakı tədbirlərin görülməsi tövsiyə edilir:
1. Dövlət borcunun da satın alınması daxil olmaqla, dövlət ssudasının verilməsi
və yeni özəl müəssisələrə kreditləşmənin genişləndirilməsi;
2. İnflyasiyanın dayandırılması və ya iqtisadiyyatın müxtəlif sektorlarında
dinamik inkişafı stimullaşdıran və «gizli işsizliyi» azaldan səviyyədə buraxılması;
3. Kütləvi istehsalın inkişafı, yoxsulluğun azaldılması üçün kapital yaranmasının
həvəsləndirilməsi;
4. İnvestisiyaların strukturuna yenidən baxılması, onun keyfiyyət strukturunun
formalaşması. Burada, məhdud əmanətlərin, xüsusən defisit xarici valyutanın əksər
hissələrinin ölkəyə leqal və qeyri-leqal yolla gətirilən qızıl və qiymətli daş-qaşlara
çevrilməsi qeyri-məqbul hesab edilir (məsələn, Hindistanda). Yaxud xroniki
inflyasiyadan əziyyət çəkən Braziliya və Çili kimi ölkələrin vəsaitlərinin daşınmaz
əmlaka verilməsi və ya mal-material ehtiyatlarının yaradılması yolverilməz hesab
edilir. Belə hallarda, əmanətlərin millət tərəfindən yığım və iqtisadi inkişaf naminə
istifadə olunması qeyri-mümkündür [56].
5. İnvestisiyaların aktiv stimullaşdırılması, öncül xarici texnikadan geniş istifadə
edilməsi, belə texnikanın idxalının həvəsləndirilməsi, gömrük maneələrinin
götürülməsi.
Göründüyü kimi, P.Samuelsonun artım nəzəriyyəsində şərh olunan müddəalarda
bütün qarşılıqlı əlaqələr müəyyən qanunauyğunluğa tabe edilməmişdir və sərt
determinasiya olunmamışdır. İqtisadi artım amilləri arasında qarşılıqlı əlaqələrin bir
qismi nəzərə alınsa da, milli məhsulun artım tempi və sənaye istehsalının artım tempi
arasındakı qarşılıqlı əlaqələr, həmçinin dövlət alışları ilə investisiyalar arasındakı
qarşılıqlı əlaqələr qiymətləndirilməmişdir.
İqtisadi artımla bağlı nəzəriyyələrdən biri də sovet iqtisadçısı Q.A. Feldman
tərəfindən irəli sürülüb. Feldman iqtisadi artımın riyazi modelinin yaradıcısıdır. Bu
model marksizmin geniş təkrar istehsal sxeminə əsaslanıb. Bu modeldə əsasən milli
gəlirin artım templəri, fondverimində və əmək məhsuldarlığında dəyişiklik, milli
gəlirin istifadə edilməsi ilə strukturu arasındakı qarşılıqlı əlaqə araşdırılır. Feldmanın
Dostları ilə paylaş: |