13
nal bölgüsü cəmiyyətin pul gəlirlərinin əmək haqqı, renta, faiz və mənfəət kimi gəlir
növləri ilə bağlıdır.
Funksional bölgü əhalinin ilkin gəlirlərini formalaşdırır. Kiçik mülkiyyət-
çilərin, o cümlədən həkimlərin, vəkillərin, fermerlərin, kiçik və korporativ olmayan
müəssisələrin sahiblərinin gəlirləri əmək haqqı, gəlir, renta və faizdir. İnkişaf etmiş
ölkələrin təcrübəsi göstərir ki, qarışıq iqtisadiyyatda ümumi gəlirlərin əsas hissəsi
əmək haqqı hesabına formalaşır.
Məlum olduğu kimi, istehsal olunmuş milli gəlir əvvəlcə onun istehsalçıları
arasında bölüşdürülür. Burada əmək, torpaq, kapital və sahibkarlıq fəaliyyəti isteh-
salın başlıca amilləri kimi çıxış edirlər. Buna görə də həmin gəlirlərin bölgüsündə
onun mülkiyyətçiləri iştirak edərək, əmək haqqı, faiz, renta mənfəət formasında gəlir
əldə edirlər. İstehsal olunan milli gəlirin ilkin bölgüsündən sonra, onun yenidən
bölgüsü baş verir və beləliklə, əhali gəlirlərinin tənzimlənməsi həyata keçirilir. Bu
bölgüdə Ş.Xəlilovun fikirləri ilə ifadə etsək, ―...milli gəlirin bilavasitə istehsalı ilə
məşğul olmayan cəmiyyətin digər üzvləri iştirak edirlər. Beləliklə, milli gəlirin ilkin
və yenidən bölgüsü nəticəsində cəmiyyətdə bütün üzvlərinin və sosial qruplarının
gəlirləri formalaşır. Başqa sözlə, gəlirlərin tənzimlənməsi baş verir.
İqtisadi nəzəriyyədən məlum olduğu kimi, milli gəlir cəmiyyətin istehsal və
istehlak tələbatını ödəyən həyat səviyyəsini formalaşdıran ümumiləşdirilmiş gəlir
göstəricidir. Milli gəlirin artırılması istehsalın və sosial təyinatlı tədbirlərin həyata
keçirilməsinə şərait yaradır. Milli gəlirin bir hissəsi əhalinin istehlak tələbatını
ödəmək üçün əməyin kəmiyyət və keyfiyyətindən asılı olaraq bölünür, şəxsi istehlak
fondu və əhalinin alıcılıq qabiliyyəti formalaşır.
Milli gəlirin bölgüsündə əhalinin payını müəyyən edən gəlir səviyyəsi nominal
gəlir adlanır. Nominal gəlirlər sahibkarın və əhalinin xərclərini ödəmək üçün ilkin
bölgü yolu ilə əldə olunan gəlirlərdir. Lakin maliyyə-kredit, vergi, qiymət sistemi
vasitəsilə nominal gəlirlərin də yenidən bölgüsü baş verir. Belə ki, dövlət nominal
gəlirlərdən vergi vasitəsilə vəsait toplayır və ümumi cəmiyyətin tələbatını ödəmək
üçün yenidən özünə qaytarır.
Real gəlirlər isə kəmiyyət və struktur baxımından nominal gəlirlərdən
14
fərqlənir. Belə ki, real gəlir – sərəncamda qalan gəlirlərlə əldə edilməsi mümkün olan
məhsulların kəmiyyəti kimi başa düşülür. Real gəlirlər nominal gəlirlərin qiymət və
tariflərin dəyişməsinə əsaslanaraq hesablanır. Ə.Q.Əlirzayevin fikrincə, real gəlirlərin
dəyişməsinə təsir edən amillər nominal gəlirlərin dəyişməsinə başqa müstəvidə təsir
göstərir. Gəlirlərin real bölgüsü o vaxt mümkün olur ki, həm muzdlu işçinin, həm də
kapital mülkiyyətçisinin sosial statusu birmənalı şəkildə eyniləşsin. Göründüyü kimi
istehsal amillərinin mülkiyyətçiləri müxtəlif istehsal amillərinə sahib olduğundan
gəlirlərin funksional bölgüsü onların gəlirlərini əks etdirmir.
Gəlirlərin şəxsi bölgüsünə gəldikdə isə bu, onun ev təsərrüfatları və şəxslər
arasında paylanması ilə ölçülür. Bu zaman dövlət istehsal amilləri üzrə əldə edilən
gəlirlərin bir hissəsini vergi formasında onlardan alır və yenidən bölgü əsasında
aztəminatlı ailələrə, dövlət xərclərinin ödənilməsinə xərcləyir. Deməli, gəlirlərin şəx-
si bölgüsü cəmiyyətin məcmu gəlirlərinin ayrı-ayrı ev təsərrüfatları arasında bölgüsü
ilə bağlıdır. Şəxsi bölgü qeyri-bərabərliyi ilə fərqlənir və bu Pareto-Lorens-Cini
metodologiyası əsasında müəyyən edilir. Hələ XX əsrin əvvəllərində Pareto gəlir-
lərin bölgüsünün faktiki göstəricilərinə əsaslanaraq, ―Pareto‖ qanununu formalaş-
dırmışdır. «Pareto qanunu»na görə gəlir səviyyəsi və onları əldə edənlərin sayı
arasında əks bağlılıq vardır. Başqa cür desək, gəlirlərin fərdi bölgüsü davamlı qeyri-
bərabərdir. Pareto qanuna görə demək olar ki, gəlirlərin bölgüsündə qeyri-bərabərlik
səviyyəsi («Pareto əmsalı») müxtəlif ölkələrdə, eynidir. Çünki Pareto konsep-siya-
sında gəlirlərin bölgüsünə sosial və siyasi amillərdən asılı olmayan və dəyişmə-yən
amil kimi baxılır. Paretoya görə tarazlıq yalnız o halda mövcud olur ki, təkcə tələb-
təklif arasında deyil, eyni zamanda bazar münasibətləri iştirakçılarının rifah halında
bərabərlik olsun. Eləcə də onun bütün iştirakçılarının rifahı yaxşılaşsın. Onun rifah
halı meyarında deyilir: «heç kimə zərər vurmayan və bəzilərinin isə vəziyyətini
yaxşılaşdıran hər hansı dəyişikliyə ümumi yaxşılaşma kimi baxmaq lazımdır».
Qeyd edək ki, iqtisadi nəzəriyyədə gəlirlərin bölgüsündəki bərabərsizlik qiy-
mətləndirilərkən müxtəlif yanaşmalardan istifadə olunur. Onlardan birincisi gəlirlərin
bir neçə komponentinə əsaslanır. Bu zaman əsas gəlir mənbələrinə görə ümumi
qiymətləndirmə aparılır. Burada gəlirlərin bərabərsizliyi əmək haqqından, özünü
15
məşğulluqdan və transfert ödəmələrindən əldə edilən gəlirlərin ümumi gəlirlərdə
xüsusi çəkisi ilə müqayisə edilir. Ancaq bu digər gəlir mənbələrinin bərabərsizliyə
təsirinin müəyyən edilməsinə imkan vermir.
İkinci yanaşma gəlirin başqa komponentlərinin əlavəsi zamanı tədqiq olunur.
Bu yanaşma, digər gəlir komponentlərinin ümumi gəlirlərdə bərabərsizliyə təsirinin
qiymətləndirilməsinə imkan verir. Bununla yanaşı müəyyən olunmuş komponentin
məbləği, ölçüsü bura əlavə olunan komponentlərin ardıcıllığından asılıdır.
Gəlirlərin qeyri-bərabər bölgüsünün spesifik səbəbi mövcud bazar mühitinin
(əməyin dəyərinin ucuz olması, normativ hüquqi bazanın tənzimlənməməsi, gizli
gəlirlərin böyük olması imkanları və s.) xüsusiyyətlərinə əsaslanır. Gəlirlər üzrə
bərabərsizliyin ölçülməsi üçün əhalinin bərabər paylara (desil 1/10 və kvintil 1/5)
bölgüsünün statistik üsullardan geniş istifadə olunur. Ölçüyə aşağı, orta və yuxarı
gəlir qrupları qoşulur. Desil və kvintil üzrə gəlirlərin bölüşdürülməsi gəlirlərin
diferensiasiya dərəcəsinə və əhalinin alıcılıq qabiliyyətinin səviyyəsinə əsaslanır.
Məlum olduğu kimi gəlirlərin bərabərsizliyinin qiymətləndirilməsində daha
geniş tətbiq olunan metod Lorens əyrisidir. Bu əyri əhalilini gəlirin artmasına görə
qruplaşdırır və onlar arasında fərqi müqayisə edir.
Bunun daha aydın olması üçün Lorens əyrisinin izahına diqqət yetirək.
б
а
Мцтляг
бярабярсизлик
20 40 60 80 100 F
20 40 60 80 100
Ящалинин пайы %
Ящали
нин
м
яж
м
у
эя
лир
ляр
дя
пай1ы
%
Мцтляг бярабярлик
Лоренс
яйриси
ж
д
Е
О
Şəkil 1.1. Lorens əyrisi