Mavzu: Maqtanchoq g'oz

Ta’limiy maqsad:O’quvchilarga baliq,baqa va qurbaqa,o’txo’r va go’shtxo’r hayvonlar,oziq zanjiri haqida ma’lumotlar berish.

Tarbiyaviy maqsad: Tabiatda tirik organizmning oziq zanjiri orqali o’zaro bog’liqligini tushuntirishda o’quvchilarda tabiatga to’g’ri munosabatda bo’lish hissini tarbiyalash.

Rivojlantiruvchi maqsad: Oquvchilarning hayvonlar haqidagi bilimlarini rivojlantirish.

Dars turi: Yangi bilim beruvchi.

Dars uslubi:Tushuntirish,suhbat,”Aqliy hujum” metodi.

Dars jihozi: Darslik,turli yovvoyi hayvonlar,suvda yashovchi hayvonlar,baqa va qurbaqa rasmlari,AKT.

Darsning borishi:

I.Tashkiliy qism.a) salomlashish.

b) o’quvchilar davomatini aniqlash.

O’quvchilarning darsga tayyorliklari so’raladi.Navbatchi tomonidan axborot tinglanadi.Bolalar jo’r bo’lib darsga tayyorliklarini she’riy tarzda ifoda etishadi.

Bizlar - yaxshi bolamiz,

Ochilgan gul –lolamiz.

Ota-ona izmidan,

Ustozlarning so’zidan,

Bizlar aslo chiqmaymiz.

Sinfdagi barchamiz,

Darsga shay gul-g’unchamiz.

O’qituvchi: Bolajonlar ,darsimiz tabiat darsi. Hozir oltin qoidalarni bir yodga olamiz.

1. 
   Intizom.
   

2.Faollik.

3.O’ng qo’l qoidasi.

4.Qisqa va aniq javob.

5 .O’zaro hurmat.

Sinf o’quvchilari kichik guruhlarga ajratiladi.Guruhlar nomlanadi.Guruhlarga sardor tayinlanadi

O’qituvchi: O’quvcilar,bu yil prezidentimiz tomonidan qanday yil deb nomlandi?

O’quvchi: Prezidentimiz tomonidan 2017 –yil “Xalq bilan muloqat va inson manfaatlari yili” deb e’lon qilindi.

O’qituvchi: Ayting-chi,siz xalq bilan muloqat va inson manfaatlari deganda nimani tushunasiz?

O’quvchi: Xalqning yashash tarzi qandayligi ,ularda qanday muammolar borligini bilish maqsadida xonadonlarda uchrashuv va suhbatlar bo’lib o’tmoqda .Xalqning yashash tarzini o’rganishmoqda.

O’qituvchi: O’quvchilar biz tabiatshunoslik darslarimizda atrofimizni o’rab turgan olam haqida ko’plab bilimlarga ega bo’lamiz.Ona tabiatimizni muhofaza qilish to’g’risida konstitutsiyamizda moddalar bor. Hozir shu moddalarni esga olsak.

O’quvchi: O’zbekiston Respublikasi Konstitutsiyasining 50-moddasida ”Fuqarolar atrof tabiiy muhitga ehtiyotkorona munosabatda bo’lishga majburdirlar” deyiladi.

O’quvchi: O’zbekiston Respublikasi Konstitutsiyasi 55-moddasida “Yer,yer osti boyliklari,suv,o’simlik va hayvonot dunyosi hamda boshqa tabiiy zahiralar umummilliy boylikdir,ulardan oqilona foydalanish zarur va ular davlat muhofazasidadir” deyiladi.

O’qituvchi: O’zbekiston Respublikasi Konstitutsiyasida belgilangandek biz ona tabiatimizni asrab,himoya qilishimiz kerak.Qani,o’quvchilar ona tabiat haqida kim she’r biladi.

O’quvchi: -Asraylik tabiatni

Jilg’a soyu daryoni,

Zilol suvlar oqadi

Suvning toza sofligi,

Hammamizga yoqadi.

O’quvchi: -Har taraf gulzor chaman,

Ko’rkam bo’lsa bog’-rog’lar.

Olisdan ko’z-ko’z etib,

Tursa ko’rkini tog’lar.

O’quvchi: Shuning uchun do’stlarim,

Oyoqlarda turib tik.

Bizga mehribon ona,

Tabiatni asraylik.

Uyga berilgan topshiriq so’raladi.O’tilgan mavzular yuzasidan o’quvchilarning bilimlarini tekshirish uchun guruhlarga topshiriqlar beriladi.Avvalgi darsda o’tilgan “Uy hayvonlari “ mavzusi bo’yicha o’quvchilar bilan suhbat o’tkaziladi.

1. 
   Qoramollar,qo’ylar,otlar qayerlarda boqiladi?
   
2. 
   Ular qishda qanday boqiladi?
   
3. 
   Qaysi uy hayvonlarini ko’proq yaxshi ko’rasiz?
   

O’tilgan mavzu yuzasidan o’quvchilar bilan musobaqa o’tkaziladi.

Uy hayvonlar: Hasharotlar: Yovvoyi hayvonlar:

______________ ______________ _________________

______________ _________________ ________________

Har bir guruh a’zolari shu hayvonlar rasmlarini tanlab olib guruhlaydilar.O’qituvchi har bir guruhdan chiqqan o’quvchidan o’zi tanlagan hayvonning ruscha va inglizcha nomini so’rab boradi.

Sher-lion rus tilida – лев It- dog rus tilida-собака

O’rgimchak-spider rus tilida-паук

O’qituvchi: O’quvchilar uy hayvonlari deb nimaga aytamiz?

O’quvchi: Uy hayvonlari insonlar qo’llariga o’rgatilib, insonlar tomonidan boqiladi.

O’qituvchi : Yovvoyi hayvonlar –chi?

O’quvchi: Yovvoyi hayvonlar o’zlari mustaqil holda tabiat bag’rida yashaydilar.

O ’qituvchi: Bu hayvonlar insonlar tomonidan qo’riqxonalarda muhofaza qilinadi. Respublikamizda 8 ta qo’riqxona bor.U yerda yo’qolib borayotgan hayvon va o’simliklar o’rmonchilar tomonidan muhofaza qilinadi.Demak,bugun siz o’rmonchilik haqida ham ma’lumotga ega bo’ldingiz.Bu kasb egalari juda hushyor va ziyrak bo’ladilar.