Ketingi babka markazlarga о‘rnatilib yо‘nilayotgan zagotovkani tutib turish, shuningdek, teshiklar parmalash va ularga ishlov berish uchun mо‘ljallangan asboblarni (parma, zenker, razvyortkalarni) hamda rezba qirqish uchun mо‘ljal-langan asboblarni(metchik,plashkalarni) mahkamlash uchun xizmat qiladi. Ketingi babka stanina yо‘naltiruvchilari bо‘ylab surila oladi. Yо‘naltiruvchi plitaga nisbatan babkaning korpusi kо‘ndalang yо‘nalishda vint vositasida surila oladi. Babka stanokka uni bashmak vositasida (ekssentrik orqali) siquv-chi dasta yordamida mahkamlanishi mumkin. Babka stanokka qо‘shimcha ravishda yanada puxtaroq qilib vint bilan mahkamlanadi. Pinol markaz bilan birga о‘qiy yо‘nalishda chambarak hamda vintaviy juft vositasida suriladi. Pinolni buralib ketishdan shponka tutib turadi. Pinol dasta yordamida mahkamlanadi, dastaning vint suxarlarni silindrik kesikka keltiradi. Ketingi babka korpusida, masalan, parmalashda ketingi babkaga о‘rnatilgan parmaga me-xanikaviy surish harakati uzatish uchun support bilan ulash qulfi bо‘lishi mumkin.
Dostları ilə paylaş: |
