318
estetik tərəflər həmin hadisənin iki tərəfi kimi çıxış edir və bir-
biri ilə müəyyən nisbətdə olurlar. Məlumdur ki, insan həyatında
baş verən hadisələrə həm əxlaqi, həm də estetik qiymətlər
verilir. İnsan davranışı həm əxlaqi, həm də estetik baxımından
təhlil olunur və qəbul edilir. Bəzən incəsənətdə bu iki tərəfin
nisbəti olduqca mürəkkəb xarakter daşıyır. Məsələn, mənfi
halın üstün olması, müsbətin isə məğlubiyyətə uğraması əxlaqi
şüur tərəfindən ədalətin pozulması, estetik baxımından isə
faciəvi olan, ziddiyyətli həyatın qaçılmaz halı kimi
qiymətləndirilir. Bəzən bu iki tərəf bir-birinə zidd halları
birləşdirir. Məsələn, zahirən gözəl olanın daxilində mənəvi
boşluq müşahidə olunur, yaxud üzdə olan yalançı xeyirxahlıq
gülüş doğurur. Beləliklə, əxlaqi meyarın təhrif edilməsi estetik
baxımdan da tənqid olunur.
Əxlaqi dəyərlər insan fəaliyyətinin ümumi istiqamətini
bildirirsə, onun məqsədlərinin mahiyyətini ifadə edirsə, estetik
dəyərlər həmin məqsədlərin reallaşdırılması yolunu, müəyyən
bütövlükdə, sistemdə onların ifadə olunma üsulunu bildirir.
Əgər mənəvi tələblərin icrası daxili azadlıq şəraitində yerinə
yetirilirsə, borc və tələbatlar, əqidə və meyllər şəxsi ləyaqət və
təvazökarlıq, insana hörmət və eyni zamanda tələbkarlıq, əqidə
və dözümlülük arasındakı vahidlik tam ahəngini tapıb
harmoniya təşkil edirsə, onda burada həm də estetik dəyər
formalaşaraq insanın həqiqətən gözəl olanı haqqında təsəvvür
yaradır. Mənəvi və estetik arasında ziddiyyətlərin yaranması
səbəbləri onların məzmununda əmələ gələn təhriflərdir. Burada
tarixi şəraitin də müəyyən rolu var. Indi isə ayrı-ayrı əxlaqi
dəyərləri və keyfiyyətləri xarakterizə edək.
Qəhrəmanlıq, igidlik insan davranışının elə bir
formasıdır ki, əxlaqi mənada hünəri bildirir. Qəhrəman, igid, öz
üzərinə miqyasına və əziyyətinə görə olduqca çətin vəzifənin
həllini götürür, məsuliyyət və borcunun çox hissəsini öz
üzərinə alaraq böyük sədləri aşa bilir. Qəhrəmanlıq problemi
etik fikir tarixində dəfələrlə müzakirə olunurdu. Bəzi
319
tədqiqatçılar (C.Viko, F.Hegel) qəhrəmanlıq bacarığını əsasən
Qədim Yunanıstan dövrünün fəlsəfəsi və incəsənəti ilə
əlaqələndirirdilər, məlumdur ki, burada qəhrəmanlıq ideyası öz
ifadəsini həm də mifologiyada tapmışdır. Mifologiyada
qəhrəman
fövqəlinsani
gücə
malikdir, allahlar
ona
himayədarlıq edir; o, insan nəsli naminə hünər, şücaət göstərir.
Öz qismətinə inanan qəhrəman təsəvvür edir ki, gördüyü
əməllər onun taleyindədir.
Hesab olunurdu ki, müasir dünyada qəhrəmanlıq üçün
yer artıq qalmamışdır, çünki hər bir insan üçün davranış
qaydaları ciddi şəkildə müəyyənləşdirilmiş, onun hüquq və
vəzifələri göstərilmişdir. Amma İntibah dövründə qəhrəmanlıq
ideyasına bir də qayıtdılar.
Faydalılıq predmet və hadisələrin, eyni zamanda insan
hərəkətlərinin ictimai mənada əhəmiyyətli olmasını bildirən
anlayışdır. Həmin hadisələr və hərəkətlər hər hansı bir maraq
və mənafelərin, qarşıya qoyulan məqsədlərin təmin
olunmasında müsbət rol oynayırlar. İnsanların əxlaqi
fəaliyyərində faydalılıq anlayışı hərəkəti, onun real, əldə olunan
nəticələri baxımından xarakterizə edir.
Əxlaqi təlimlər tarixində faydalılıq anlayışı əxlaqi
kateqoriya kimi xarakterizə olunurdu: bunun üçün əxlaqi
fəaliyyətin məqsəd və vasitələri, bu fəaliyyətin məqsədyönlü
olması göstərilirdi. Məsələn, qədim Hindistanda materialistlər
və qədim Yunanstanda sofistlər hesab edirdilər ki, əxlaqi
hərəkətlərin meyarı və son məqsədi onların insana gətirə
biləcək faydadır. Sonradan faydalılıq kateqoriyası əxlaqın,
mənəviyyatının əsası olduğu haqqında fikri Spinoza, Hobbs,
Lokk, fransa materialistləri irəli sürdülər. Ümumiyyətlə, demək
olar ki, bütün dövrlərdə mənəviyyat insanların real tələbatları
ilə uzlaşdırılırdı. Faydalılıq ideyası daha qabarıq şəkildə öz
ifadəsini Iyeremiya Bentamın utilitarizm nəzəriyyəsində
tapmışdır. Cəmiyyətin həyatında əxlaqın əhəmiyyəti onun
fayda verə biləcək bacarığı ilə əlaqələndirilirdi.
320
Ləyaqət insanın əxlaqi şəxsiyyət olaraq dəyərlilik
ölçüsünü bildirən əxlaqi şüur anlayışıdır. Ləyaqət həm də
insanın özü-özünə və cəmiyyət tərəfindən ona olan xüsusi
əxlaqi münasibətini bildirən əxlaqi kateqoriyadır. Ləyaqət həm
də insan tərəfindən dərk edildiyinə görə o, özünüdərk və
özünənəzarət forması kimi də qiymətləndirilməlidir. Öz
ləyaqətini təsdiqləmək üçün insan gərək müvafiq əxlaqi
hərəkətləri həyata keçirsin (və ona zidd olanları rədd etsin). Bu
mənada insan tərəfindən, vicdan və şərəflə yanaşı öz
ləyaqətinin düşünülməsi həm də şəxsiyyət kimi məsuliyyətin
özündə aşılanması yollarından biridir.
Digər tərəfdən, şəxsiyyətin ləyaqəti digər insanların
həmin şəxsiyyətə hörmət saxlamaq, onun hüquq və imkanlarını
qəbul etmək, ona qarşı tələbkar olmaq kimi keyfiyyətləri
bildirir. Bəzən ləyaqəti insanın fövqəl mahiyyətinə yanaşması
mənasında axtarırlar (bəzi dini, etik məktəblər, dini
ekzistensializm və s.).
Yəqin ki, ləyaqət insanın tarixi inkişafının müvafiq
mərhələsini, onun həyat şəraitinə və fəaliyyətinə uyğunluğunu
da göstərir. Məsələn, feodal cəmiyyətdə insan təbəqələşmə
mövqeyindən qiymətləndirilir, burada ləyaqətin daha çox
ictimai kökləri özünü ifadə edirdi. Burjua etikasında şəxsi
ləyaqəti insanın müəyyən bacarıq və qabiliyyətləri nümayiş
etdirməklə özünütəsdiqini bildirir.
Nikbinlik (latınca optimus – “ən yaxşı” deməkdir)
dünyanın, cəmiyyətin inkişafının ümumi gedişatına bir
baxışdır. Burada hesab olunur ki, xeyirxahlıq şər qüvvələrinə,
ədalət isə ədalətsizlik üzərinə qalib gələcək; insan daima,
sonsuz dərəcədə sosial inkişafa, əxlaqi kamilliyə doğru
irəliləməyə qadirdir. Nikbinliyin əksi bədbinlikdir. Nikbinlik
ictimai əhval ruhiyyə, fəlsəfi-etik baxışlar sistemi olaraq
mənəvi və sosial-tarixi tərəqqi ideyası ilə sıx bağlıdır. Nikbinlik
insanın həyatda istiqamətlənmə üsulu olaraq gələcəkdə ona
arzuların faş olunması ümidini verir. Məhz buna görə nikbinlik
Dostları ilə paylaş: |