115
yaxınları, əzizləri ilə birgə xoşbəxt olmaq istəyər. Belə bir
istiqamətlənmə son nəticədə mənəvi borca çevrilir:
başqalqarının da xoşbəxt olmasına mane olma!
Alman filosofu Fixte İohann Qotlib də (1762-1814)
etikaya öz münasibətini bildirmişdir. Aləm insan fəaliyyəti
sahəsi olduğu üçün burada fəaliyyətin özü belə əxlaqi qanunun
reallaşması deməkdir. Bu cür yanaşma azadlıq (almalı olan) və
zərurət (mövcud olan) arasındakı ziddiyyəti aradan qaldırmalı
idi. Fixteyə görə fəaliyyət mütləq şəkildə özbaşına ola bilməz;
onun azadlıq dərəcəsi məqsədlə uzlaşır, xarixi təsirin nəticəsi
kimi o, reallaşmır. Olmalı olanın və mövcud olanın arasındakı
ziddiyyəti Fixte hər ikisini yarada biləcək və fərdlərin özündə
formalaşdıran transsendental, fövqəl “Mən”-də görür. O,
göstəriridi ki, azadlıq əxlaqi qanun əsasında həyata keçirilən
fəaliyyət zəminində mümkündür.
Bu cür düşünməklə Fixte abstrakt fərdiyyətçilik
haqqında təsəvvürləri rədd etmək, azadlığı isə ictimai inkişafın
nəticəsi kimi təsvir etmək istəyirdi. Yəni fəaliyyət fərdin özünə
aid ola bilər. Cəmiyyət qanunlarına tabe olmaq azadlığı istinsa
etmir. Cəmiyyət, məqsdəyönlü birlik olaraq insanların azadlıq
vasitəsilə qarşılıqlı
fəaliyyət
formasıdır. Hüquq da
mənəviyyatın zəruri şərtidir (hər ikisi bir yerdə etika məkanını
təşkil edir). Eyni zamanda dövlətdən kənarda cəmiyyət
üzvlərinin normal həyatı mümkün deyildir.
Kamil
cəmiyyəti yaratmaq üçün dövlət gərək
cəmiyyətin bütün üzvlərinin iradəsini ifadə edə bilsin. Fixte
əxlaqi ideal haqqında da yazırdı ki, bu “xalis ruhun böyük
bütövlüyü”dür, buna yalnız əxlaqi özünükamilləşdirmə yolu ilə
nail olmaq mümkündür. İlk növbədə insan öz mənəvi-kamil
olan transsendental “Mən”-i müxtəlif, empirik “Mən”-lərə
(fərdlərə, hansılarda ki, o, təcəssüm olunub) xas olan nöqsanlar
və qüsurlardan təmizlənməlidir. Transsendental “Mən”-in
məzmunu özünü vicdana olan tələblərdə ifadə edir. Məhz
vicdan mənəvi borcun yeganə əsası sayıla bilər: “Daxilimdəki
116
əxlaqi qanun daima mənim xalis “Mən”-in formasını
səciyyələndirir...”.
Yalnız vicdan insanı həmişə və şərtsiz-şəriksiz idarə edir.
İnsan xarici təsirləri nəzərə almadan vicdana uyğun hərəkət
etməlidir. İctimai münasibətlərin təkmilləşməsi yolunu Fixte
insanların əxlaqi özü-özünü kamilləşdirməsində görürdü.
“Xaricimdə olanı dəyişdirə bilmədiyimə görə daxilimdəkinin
dəyişdirməsinə qət etmişəm”. Eyni zamanda Fixte mənəvi
fəaliyyətin bir istiqamətini də ictimai münasibətlərin
dəyişilməsində görürdü.
4.4.XIX əsrin ikinci yarısında etik baxışlar
Furye Şarl (1782-1897) Fransa sosialisti və utopisti
olmuşdur. Furyenin bir çox ideyaları XVIII əsrin fransız
materialistlərinin təlimləri üzərində qururdu. O, ilk növbədə
insana anadangəlmə xas olan təbii “ehtiraslara” nəzər yetirirdi
(sağlam olmaq meyli, sevgi, yaradıcılıq və s., cəmi 12 ehtiras).
O, göstərirdi ki, bütün bunlar faydalı və zəruridir. İnsan üçün
elə bir şərait yaradılmalıdır ki, o, bütün müsbət məziyyətlərini
ifadə edə bilsin. İnsan anadangəlmə zərərli vərdişlər və arzulara
malik deyil. Yalnız sivilizasiyanın süqutu şəraitində bütün
sosial münasibətlər dəhşətli dərəcədə təhrif olunur. İnsana
altruizm hissinin xas olmasına baxmayaraq, o işləməyə,
başqalarına köməklik göstərməyə çalışır, cəmiyyətdəki rəqabət,
müxtəlif sosial qrupların maraqları arasında formalaşan
ziddiyyətlər isə fərd və cəmiyyət arasında antaqonizmin
yaranmasına gətirib çıxarır.
“Furyenin idealı” vahid təsərrüfat və sosial aləmin
yaradılması idi. Burada bütün “insani maraqların” harmoniyası,
insanların həmrəyliyi təmin olunmalıdır. Belə cəmiyyətdə
yaşayan insanlarda yeni keyfiyyət – “unitarizm”, yəni hamının
yaxşı yaşamasına meyllilik əmələ gələcəkdir. Burada şəxsi
rifah arzusu hamının rifahının yüksək olması arzusu ilə uzlaşır.
117
Furye ailə əxlaqı, qadının cəmiyyətdəki vəziyyəti, uşaqların
düzgün tərbiyəsi problemlərinə də öz münasibətini bildirmişdir.
Oqüst Kont (1798-1857) fransa filosofu, pozitivizm
cərəyanının və sosiologiya elminin banisi olaraq, əxlaqi
baxışlar sistemini yaratmışdır. Elmin üç inkişaf mərhələsinə
(teoloji, metafizika, pozitiv) uyğun olaraq, Kont həm də eyni
adlı sosial inkişaf mərhələlərini fərqləndirir. Bu mərhələlərin
reallaşması siyasətin müsbət, yəni “pozitiv” elmə çevrilməsinə
imkan yaradır. Bu elm inqilabi-tənqidi ruhdan azaddır.
Kontun fikrincə, etikanın qanunlarında insan nəslinin
həmrəy həyatının daimi şəraiti əks olunur. Əxlaqın tətbiqi və
formalaşması uzunmüddətli ictimai faydanı nəzərdə tutan fayda
yox, ictimai həyata meyl, sosial instinktdir, bu da, öz
növbəsində hisslərə əsaslanır və şəxsi maraqdan asılıdır.
D.Yum və A.Smit ardınca o, göstərir ki, qəbilə üzvü olan ayrıca
fərdin davranış qaydaları şəxsi maraqlarla yox, hadisələrin
ümumi gedişatı ilə müəyyən olunur. Təcrid edilmiş fərd
yalnızca bir abstraksiyadır; real həyat ailədə, ilk sosial
orqanizm olaraq başlanır. Fərdi həyatda şəxsi instinktlər, ailədə
isə simpatiya üstünlük təşkil edir. Nəticədə ailədə yaşayan şəxs
eqoist meyllərdən uzaqlaşır, o, başqaları üçün yaşamağa
başlayır. İctimaj həyatda isə fərdin intellektual bacarıqları və
qabiliyyətləri inkişaf edir.
Yalnız sosial instinktlər sərbəst inkişaf edir; bunun
nəticəsində insan daxilən məmnun olur; həmin razılıq hissi nə
tərifdən, nə də ki, mükafatdan asılıdır. Sosial orqanizmin üzvü
olması ideyası insanda cəmiyyət üçün görə biləcək əməllər
haqqında əminlik yaradır. Nəticədə insanda ən nəcib
xüsusiyyətlər əmələ gəlir, təbii bacarıqlar inkişaf edir, pis
vərdişlər isə ya məhv olur, ya da ki, dəyişərkən ümumi rifaha
və inkişafa xidmət etməyə başlayır.
Ən ali əxlaqi ideya bəşəriyyət ideyasıdır ki, bunun
inkişafı fərdi və sosial qüvvələrin birgə səyləri nəticəsində
mümkün olacaqdır. Kont yeni “bəşər dinini” yaratmağa
Dostları ilə paylaş: |