140
ki, özünü daima təkmilləşdirsin, varlığın ali, əsl mahiyyətini
dərk etsin, öləndən sonra isə həmin mahiyyətə qovuşaraq, öz
səylərini, düşüncələrini büsbütün ona həsr etsin. “İnsan
kamilləşməsi yalnız maddi olandan mümkün qədər təcrid
olunduqda mümkündür. Bu zaman o, yüksək kamillik zirvəsinə
çataraq ali bilikləri qazanır və bu zaman keçirdiyi halı,
xoşbəxtliyi sözlə təsvir etmək mümkün deyil”.
Bununla belə Şührəverdi “kamil insan” anlayışını
dəqiqləşdirmir, burada ən layiqli mənəvi dəyərləri qeyd etmir,
bu normaların sosial əsaslarını təhlil etmir. Ümumi şəkildə
göstərilir ki, insan həyatının başlıca məqsədinə nail olmaq üçün
əxlaqi cəhətdən kamil olmaq lazımdır. Əsas məqsəd isə Ali
işığın dərk edilməsidir, bu isə ali başlanğıcların əldə edilməsi
deməkdir. “Ali biliklərə” qovuşmaq ən ali işığın mahiyyətini
əldə etmək deməkdir: “zəruri varlıqdan kamil olanı yoxdur.
Onun dərki ən əhəmiyyətli şey olduğu üçün daha çox sevinc və
həzz bəxş edir. Bunlar müqayisə olunmaz dərəcədə
digərlərindən fərqlidir, üstündür. Ruh bu sevinci yaşamaq, onu
qavramaq ehtirası ilə yaşayır...”.
Əfzələddin İbrahim İbn Əli Şirvani Xaqani (1120-1199)
öz yaradıcılığında əxlaqi məsələlərə böyül diqqət vermişdir.
Məsələn, poeziyanın əsas vəzifələrindən birini o, insanlarda
yüksək əxlaqi keyfiyyətlərinin formalaşdırılmasında görürdü:
“hər bir tərbiyəçi şair olmaya da bilər, amma hər bir şair
tərbiyəçi olmalıdır”. O əmin idi ki, nəsihət verməklə, məsləhət
etməklə ziyankar vərdişlərlə, pis əməllərlə mübarizə aparmaqla
insan xislətini yaxşılaşdırmaq mümkündür.
Xaqaninin yaradıcılığında bir çox nəsihət xarakterli
ifadələrə rast gəlmək olur. Burada başlıca ideya ondan ibarətdir
ki, insan şəxsiyyətini şərtləndirən əsas amil onun cəmiyyətə,
insanlara xeyir gətirmək qabiliyyətidir. İnsan həyatında əsas
olanı var-dövlət, qızıl deyil: “qızıl ikiüzlü fırıldaqçıdır... Kim
qızılını kisəyə yığarsa, onun boynunu, kisənin boynunu tək, ip
kəsəcək”.
141
Həyatın mənası var-dövlətin artırılmasında yox, həmin
var-dövlətin imkansızlara paylamaqla, əl tutmaqdadır.
Şeirlərin birində Xaqani yazır ki, “Manuçöhr padşah bir
qocadan soruşdu ki, dünyada ən dəyərli olan şey nədir? Qoca
dedi ki, bu fani dünyada ən dəyərli olan şey müdriklərin
kəlamları və əliaçıq olmaqdır”. Xaqani cəmiyyətə heç bir fayda
verə bilməyəcək tufeyli həyat sürənlərə qarşı çıxış edirdi.
“Həyatın məqsədini müəyyənləşdir, mənasız həyat sürmə və
s.”.
Cəmiyyətin, digər insanların mənafe və maraqlarını
özünkündən üstün tut. İnsan, günəş kimi öz istisini və işığını
ətrafdakı evlərə saçmalıdır. Eyni zamanda Xaqani şaha qulluq
etməyini heç də xalqa qulluq etməkdən üstün tutmuşdu. Hər
kəs öz ləyaqətini uca tutmalı, maddi nemətlər naminə özünü
alçatmamalıdır: “Baxımsız qalıb məhv olsan da, maddi
nemətlər naminə ləyaqətsiz adamlar qarşısında əyilmə.
Hakimiyyət başında olanların qarşısında diz çökmək insan
ləyaqətini alçatmaq, mənliyini itirmək deməkdir.
İnsanın dəyəri onun mənəvi aləminin zənginliyindədir:
“Neyləyirsən balıq kimi için boş, üstün isə zərlə bəzədilmiş
olsun? Gərək mirvari kimi zahirən boş, içi isə cəh-cəlalla dolu
olasan”. Bütövlükdə Xaqaninin etik-siyasi baxışları yüksək
humanizm ilə səciyyələnir.
Şəms Təbrizi (1184-1246) öz yaradıcılığında bir başa
sosial, etik məsələlərin təhlilinə az yer ayırsa da, qeyd edirdi ki,
insan mahiyyətcə allahın ilahi varlığının təcəssümü olduğu
üçün, həmin varlığı dərk edir, nəticədə müdrik və xoşbəxt olur.
Varlığın vahid, əsl əsasını öyrənən insan gərək Allahın xarici
təzahüründən uzaqlaşsın, əsl Həqiqəti, yəni bütün varlığının
ilahi mahiyyətini dərk etmiş olsun. Əsl biliklər elm tərəfindən
zərrə-zərrə toplanılan biliklər yox, ilahiyyat sahəsində
formalaşan və inkişaf edən biliklərdir. Allahı yalnız vəhy yolu
ilə dərk etmək mümkündür. İnsan qəlbi sevgi ilə
zənginləşməlidir.
142
Allahın dərk edilməsi insanı xoşbəxt edir, ona əsl sevgi
bəxş edir. Bu zaman insan əsil varlıqla həmahəng olaraq
yaşayır, özünün Allaha yaxın olduğunu dərk edir. Dərketmə
yolu əzab-əziyyətlidir. Burada mətin, səbrli olmaq lazımdır.
Hərəkətin son nöqtəsinə gəlib çıxmaq üçün insan gərək özünü
mistik vəhy dərəcəsinə çatdırsın. Vəhy zamanı insan ilahi
mahiyyətin bütün gözəlliyini qavrayır, onun məziyyətlərini
dərk edir. İlahi mahiyyəti dərk edən insan burada “aşiq olan”
kimi təsvir edilir.
Beləliklə, Ş.Təbrizinin yaradıcılığında sevgi bütün
varlıqların öz mahiyyətinə meyl salmaq, ilahi mahiyyətə öz
aidiyyatını duymaq deməkdir. Bu yolla varlıqlar ali ilahi
Həqiqətə qovuşa bilərlər. İnsan Allaha tərki-dünyalıq yolu ilə
də qovuşa bilər. Bu zaman maddi nemətlərə tam biganəlik
nümayiş etdirilməlidir. Tövbə etmək də Allahın dərk
olunmasının vacib yollarından biridir. Tövbə (günahın boynuna
alınması mənasında) görülən bəd əməllərə, qaydaların
pozulmasına görə edilir ki, Allahın mistik dərkolunması
mümkün olsun. Tövbə ona görə lazımdır ki, bunun yolu ilə
insan bütün əxlaqi normalara uyğun gəlməyən əməllərə görə
peşmançılıq çəkərək yeni həyat qurmaq bacarığını nümayiş
etdirsin. Sufilər, həm də əlavə olaraq bu dünyanın
məziyyətlərinə olan əvvəlki bağlılığa görə tövbə edirdilər.
Bunun üçün daima allahın adı çəkilməli, zikr edilməlidir.
O, Allahın dərk edilməsi yolunu da üç yerə bölürdü: şəriət,
təriqət, həqiqət. Birinci mərhələdə insan bu dünyanın bütün
naz-nemətlərindən əl çəkməli, onu əhatə edən insanların
hörmətini qazanmaq üçün yox, ilahi həqiqəti dərk etmək arzusu
ilə yaşamalıdır. İkinci mərhələdə gərək insan özünü xüsusi bir
durum halına salsın: ətrafdakı vəziyyətə tam etinasız olmaq,
yalnız ali məqsədi düşünmək. Burada qəlbin xüsusi bir vəzifəsi
var, o, intellektual yük daşıyır: insan qəlbən pak olur, bu
dünyaya aid olanı rədd edir, saflaşır. Yalnız bundan sonra insan
ilahi mahiyyəti emanasiya yolu ilə qavraya bilir.
Dostları ilə paylaş: |