158
qorxusu, qənaətçillik, hədsiz utancaqlıq kimi keyfiyyətlər
olmalıdır. Peyğəmbərimiz isə yaxşı insanda olan dörd keyfiyyət
göstərirdi: özünə güvənmək, əminliyi itirməmək, söz verəndə
ona əməl etmək, söhbətdə səmimi olmaq, yalan danışmamaq,
anadan olan gündən günah işlətməmək. Pis insanın
keyfiyyətləri: ona etibar göstərən
insanlara xəyanət edir,
verdiyi
sözə əməl etmir, söhbətdə qeyri səmimidir, yalan danışır, özü
ganaha batsa da başqaların günahlarından keçmir.
Seyyid Yəhya tərbiyənin gücünü yüksək dəyərləndirirdi.
O, hesab edirdi ki, tərbiyə vasitəsilə insanı islah etmək, pis
əməllərdən yayındırmaq olar.
Yusif Muskuri Şirvani (XIV əsr) orta əsr Azərbaycan
fəlsəfəsinin görkəmli nümayəndəsi, sufilik sahəsində məşhur
nəzəriyyəçisi olmuşdur. Onun əsərlərindən yalnız bəziləri, o
cümlədən “Bəyan əl əsrar” (sirlərin izahı) bu günə gəlib
çıxmışdır. Yusif Şirvaninin etik baxışları şəxsiyyətin mənəvi
ucalığına aparan yollarının təhlili üzərində qurulur. Burada
mənəvi və intellektual proseslər vəhdət təşkil edir. Dünyaya
gətirilən insan onu dərk edərək öz Tanrısını, yaradanı qəbul
edir və mərifətin imkanlarından istifadə edərək (mistik
dərketmə) öz əvvəlki vətəninə, sığınacağına, ilahi aləmə
qayıdır.
Muskurinin etik baxışlarında islamın humanist əxlaqı
prinsipləri ilə yanaşı xəlvətiyyə sufi təriqətinin ideyaları da
təbliğ olunur. Məsələn, o yazır ki, nadanlığın səbəbi insan
ruhunun qaranlıq atributları olan təkəbbürlük, nifrət, paxıllıq,
simiclik, şöhrətpərəstlik, acıdillik, yalan, böhtanatma, söz
gəzdirmə və s. kimi keyfiyyətlərdir. Bu keyfiyyətlər həmişə
təzahür edir, bununla belə onları savadlanma, birlik, mətinliklə
fəth etmək olar.
Muskuri
insanın əxlaqi keyfiyyətlərinin tərbiyə
olunmasında valideynlərin və müəllimlərin rolunu xüsusi qeyd
edir. O, xəlvətiyyə sufi təlimindən irəli gələrək o göstərir ki,
insan öz daxili aləminə qapanmalı, tənhalığı axtarmalıdır. İlk