213
da mübarizə gedirdi: həmin mənafelər müxtəlif idi: fərd və
kollektiv (tayfa, xalq, silklər və s.) artıq real şəkildə öz mənəvi
dəyərlərini (ilk növbədə fəzilətləri) fərqləndirirdi.
Bəs əxlaqi təfəkkürün formalaşmasının əsas istiqamətləri
hansılar olmuşdur? Burada insan xüsusiyyətlərinə, onun daxili
aləminə müraciət etmək lazım gəlir. Özünüdərketmə vasitəsilə
insan dünya ilə özü arasında əlaqələri formalaşdırır. Bunun
üçün şəxsiyyət kimi yaşamaq, fəaliyyət göstərmək lazımdır.
Beləliklə “insan-şəxsiyyət-özünüdərketmə-əxlaqi (və digər,
mənəvi sahəyə aid olan) dəyərlər – praktika” silsiləsində əxlaqi
dəyərlərin yaranması və istifadə olunması prosesini izləmək
olar. Bunu bir insanın taleyini izləməklə əyani şəkildə izləmək
olar: hər hansı bir qəhrəmanın şəhidlik zirvəsinə ucalması və
yaxud, əksinə, hansısa bir şəxsin cəmiyyətə, onun tərəfindən
qəbul olunmuş qanun-qaydalara qarşı çıxması, hətta cinayətin
törədilməsi və s. belə misalları çox gətirmək olar.
Qədim dövrdən başlayan əxlaqi inkişaf bu günə kimi
davam edir. Hər bir yeni nəsil həyat sevincini və həyat faciəsini
yenidən yaşayır. Deyirlər ki, uzun müddət yaşayıb inkişaf edən
hər bir cəmiyyətdə (regionlar, ərazilər üzrə) hətta əbədi
dəyərlər, yəni bütün insanlara, hər bir nəsilə xas olan, qəbul
edilən və yaşadılan dəyərlər vardır. Buna ən ümumi şəkildə
humanizm deyirlər. Başqa sözlər də var ki, insan yaxşılıqların
ən ümumi olanlarını ifadə edir: altruzim, vətənpərəslik və s.
Ümumilik dərəcəsindən asılı olmayaraq bütün əxlaqi
anlayışlar tarixi, yəni dəyişkən xarakter daşıyır. Bunları
öyrənmək üçün tarixə müraciət etmək lazımdır. Tarix dedikdə,
burada ilk növbədə nəyi nəzərdə tutmaq lazımdır?
-
maddi mədəniyyəti (təsərrüfat fəaliyyətində istifadə
olunan alətlər, cihazlar, qurğular, təsərrüfatçılıq formaları,
məişət
və istehlak mədəniyyəti,
həyat tərzi, həyat üslubu);
-
mənəvi mədəniyyəti (düşüncə tərzi, təfəkkür tipləri,
özünüdərk formaları, ictimai şüurun səviyyələri və formaları,
incəsənət
sahələri üzrə formalar, dil, din, təhsil və elm);